Enron Corporation foi unha empresa enerxéticaestadounidense con sede en Houston, Texas. Empregaba aproximadamente a 21.000 persoas e era unha das empresas líderes mundiais en distribución de enerxía (electricidade e gas natural) e comunicacións. Os seus ingresos alcanzaron os 101.000 millóns de dólares no ano 2000, pouco antes do escándalo financeiro que a levou á quebra.[1]
Obxectivo de numerosas acusacións de fraude contable e fiscal e agobiado por unha débeda de 13.000 millóns de dólares, o grupo declarouse en quebra en decembro de 2001, arrastrando consigo a Arthur Andersen, o seu auditor. Naquel momento, as investigacións revelaron que Enron manipulara os seus balances financeiros, coa axuda de empresas e bancos, e ocultara 25.000 millóns de dólares en débeda durante dous anos consecutivos, inflando artificialmente os seus beneficios.[1]
O goberno dos Estados Unidos abriu ducias de investigacións penais contra executivos de Enron e Arthur Andersen. Enron tamén foi demandada polas partes prexudicadas. Segundo os investigadores, executivos e contables, así como institucións financeiras e bufetes de avogados que traballaban para a empresa nese momento, foron, dalgún xeito e en diversos graos, responsables do colapso da empresa.[1] Debido a unha serie de escándalos financeiros corporativos, como o de Enron, a Lei Sarbanes-Oxley foi redactada en 2002.[1]
.svg?lang=gl)
