Ho addobbato l’albero con questa mia filastrocca, con la quale auguro di cuore BUON NATALE a tutti !

Dicèmbar

Dicèmbar l’é rivà
fra pocu l’é Natal
a fatal rigurdà
l’é ul centru cummercial,
e quando al dì di morti
i fiur té vé a cumprà
té trovi là gli abeti
già pronti e illuminà.
Un tempu l’éa dicèmbar
ul mes par nö special
sa féa i preparativi
par festegià ul Natal.
L’attésa la spuntéa
cul prufum di mandariti
che Sant’Ambrös al purtéa
quan nö séum pisciniti.
A pénséum al présèpi
ala grota cul Bambin
che tüti nö a spicéum
par véghi un regalin.
Un tempu gh’éa la fédi e la serenità
ades a gom pagüra andà föra anca da cà
sepö té pasi ul témpu
cun la television
té pensi che a sto mundu
a ghé pü nien da bon.
I sir ian lunghi e scur
i strà ian pien da né
la curti la durmia
al frégiu sot’al gér.
Ma in cà tacà al camin
gh’éa tüta la famiglia
a sugnéum ul Bambin
un quei biscotu, una quei biglia.
La Barbi e i costruzion
ades sa usan pü
i giughi in eletronici,
nö ia capisum pü.
Ul telefunin, ul tablet
dul mondu digital
ia porta pü ul Bambin
mö ghé ul Babbu Natal.
In dul cumprà s’a illudum
ca ghé felicità
on fai slugià ul Bambin
e ul sensu da la Natività.
E quan pasà ul Natal
e anca l’Epifania
présèpi e albérèl
sa torna a méti via.
Al centro commercial
“tutto è rinnovato”
te trovi già la culomba
e l’ö da ciculatu.
Gesù Bambin t’aspecium,
arriva in ogni cà,
ai fiö porta l’affetu
ai grandi la pas e ul laurà.

Lina Schenal