Moe Nay

အမည်မဲ့ . . .

ကျွန်တော်ကလေ ကျွန်တော့်ကိုယ် ကျွန်တော် ထင်နေတာ… ပထမကစားသမားလို့လေ… အမှန်တကယ်ကတော့ ကျွန်တော်ဟာ အရန်ခုံအနားကိုတောင် သီခွင့်မရခဲ့တဲ့ အညတရ ကစားသမားလေးတစ်ဦးပါ ……

ကျွန်တော် ကံစမ်းမဲ ပေါက်ခဲ့ဖူးတယ်။ အဲဒီအချိန်တုန်းက ကျွန်တော် အရမ်းပျော်တာပေါ့။ အဲဒီ ကံစမ်းမဲစာရွက်လေးကို ခဏခဏထုတ်ကြည့်ပြီး စိတ်ကူးယဉ်ခဲ့ရတာလဲ အမောပါပဲ။ စာရွက်လေးကသာ စကားပြောတတ်မယ်ဆိုရင် ကျွန်တော့်ကို “အရူး”လို့ ပြောမှာပဲနော်။ ဒါပေမယ့် အဲဒီနေ့က ကျွန်တော် တကယ်ပျော်ခဲ့ပါတယ်။ ပျော်လွန်းလို့လေ… ကျွန်တော် ရူးတောင်ရူးသွားမလား ထင်ခဲ့ရတယ်။

ဒီပျော်ရွှင်ခြင်းတွေဟာ ကျွန်တာ် နောင်တစ်ချိန်မှာ စားသုံးရမယ့် ဆေးခါးတွေအတွက် နှစ်သိမ့်ဆုတွေ ဆိုတာ ကျွန်တော် မသိခဲ့ဘူးလေ။ ဒါကြောင့်လည်း ကျွန်တော် အရမ်း ပျော်ခဲ့တာပေါ့။

ကျွန်တော်ကလေ ကျွန်တော့်အတွက် သက်တမ်းကုန်နေတဲ့ ကံစမ်းမဲကို … မဟုတ်ဘူး… ဘယ်တုန်းကမှ ကျွန်တော့်အတွက် သက်တမ်းမရှိခဲ့တဲ့ ကံစမ်းမဲကို ထုတ်ယူဖို့ အကြိမ်ကြိမ် ကြိုးစားမိနေတဲ့သူတစ်ယောက်ပါ။ ဒါကို ကျွန်တော်က မသိခဲ့ဘူးလေ။ တကယ်ကို မသိခဲ့တာပါ။ မသိခဲ့လို့လည်း ဒီလောက်အထိ ကျွန်တော် ပျော်ရွှင်ခဲ့တာပါ။

……………………………………………

…………………………………

……………………..

…………………

…………

……..

……

ကျွန်တော် ရှက်လိုက်တာ။ ကျွန်တော့်ကို လှောင်ပြောင် သရော်နေမှာပဲနော်။ အရူးအလုပ် ခံရတာကိုတောင် မသိတဲ့ လူတစ်ယောက်ဆိုပြီး ကျွန်တော့်ကို ဟားတိုက်ရယ်မောနေကြ မှာပဲနော်။ ကျွန်တော်လေ … ကျွန်တော်…. ရှက်လိုက်တာ….

ဘယ်သူ့ကိုမှလည်း မကြည့်ရဲတော့ပါဘူး။ ဘယ်သူနဲ့မှလည်း ရင်မဆိုင်ရဲတော့ပါဘူး။ ကျွန်တော် ရိုးရိုးသားသား လုပ်ခဲ့တဲ့အရာတွေက အခုဆိုရင် ဟားတိုက်လှောင်ပြောင်စရာတွေ ဖြစ်ကုန်ပြီလေ။ သံသယဆိုတာ ကျွန်တော့်ဘ၀မှာ မရှိခဲ့တော့.. အရာရာကို ယုံယုံကြည်ကြည်ပဲ လက်ခံခဲ့မိတာပါ။ ဒါဟာ ကျွန်တော့်ရဲ့ မှားယွင်းမှုလေလား။ ကျွန်တော် မသိတော့ပါဘူး … တွေးလည်း မတွေးတတ်တော့ပါဘူး …

သေချာတာကတော့ ကျွန်တော်ဟာ အရန်လူတောင် ဖြစ်ခွင့်မရှိခဲ့သူ တစ်ဦးပါ ….

မိုးနေ

ကြိုးရှုပ်တဲ့ ရုပ်သေးရုပ်

ဘယ်သူမှ ရှုပ်ခဲ့တာ မဟုတ်ပါဘူး

ကိုယ့်ဖာသာ ရှုပ်မှန်းမသိ ရှုပ်ခဲ့ရင်း….

အရှုပ်နွံထဲမှာ နစ်မျောခဲ့ရတာ…

ရုပ်သေးကြိုးဆွဲဆရာရဲ့

အဆွဲအငင်တစ်ချက်ကို မျှော်ကိုးရင်း

ကိုယ့်ဖာသာကြိုးတွေ ရှုပ်ခဲ့ရတာ ….

ဖြေထုတ်ဖို့တောင် အချိန်မမီလိုက်တော့ဘူး

ဒါကို ဘယ်သူက သိခဲ့မှာလဲ

ဝမ်းနည်းလိုက်

ကြေကွဲလိုက်

ဒေါသထွက်လိုက်

ဖြေသိမ့်လိုက်

နောင်တရလိုက်နဲ့

တစ်ကိုယ်တည်း …

ကြိုးတွေရှုပ်ခဲ့ရတာ

ဂျူးကတော့ သူ့ဝတ္ထုတိုတစ်ခုထဲမှာ ပြောခဲ့ဖူးပါတယ်….

“ခင်ဗျားအနားမှာ ကြိုးတစ်ချောင်းကို

လွယ်လွယ်ကူကူ ဘယ်တော့မှ မထားမိပါစေနဲ့” တဲ့ …

ဒါပေမယ့် ….

အဲဒီကြိုးကိုပဲ သွားသွားရှုပ်ခဲ့မိတာ …

ဘယ်သူ့အပြစ်မှ မဟုတ်ပါဘူး…

ကိုယ့်ကြိုးကိုယ်ရှုပ်ခဲ့တဲ့

ရုပ်သေးရုပ်လေးတစ်ရုပ်ပါ။              ။

မိုးနေ

ဖေဖေ

အခုတလော ဖေဖေ့ကို သတိရနေတယ်။ ဖေဖေနဲ့ မတွေ့တာတောင် အတော်ကြာနေပြီပဲ။ ကြာဆို နှစ်တွေက လက်တစ်ဖက်မကလို့ လက်နှစ်ဖက်တောင် ရှိနေပြီ။ ဖေဖေ နေကောကောင်းရဲ့လား။ အဆင်ကောပြေရဲ့လား။ အခုဆိုရင် ဖေဖေက ဘယ်လို ပုံစံရှိနေလဲ မသိပါဘူး။ ပိန်သလား။ ၀သလား။ သိတော့ သိချင်သား။

ဖေဖေနဲ့ နောက်ဆုံးတွေ့ခဲ့တဲ့ အခေါက်က ဒီလိုပဲ မိုးရာသီ ထင်ပါရဲ့။ တွေ့တဲ့ရက်က မများတော့ သိပ်တောင် မမှတ်မိပါဘူး။ ၂ ရက်လား ၃ရက်လားပဲ ရှိတယ်ဆိုတော့ ဝေေ၀၀ါးဝါးနဲ့။ အဲ့တုန်းကတော့ ပျော်ခဲ့မယ် ထင်ပါတယ်။

ဖေဖေ ၀ယ်ပေးတဲ့ နာရီလေးတော့ ရှိသေးတယ်။ အမှတ်တရသိမ်းထားတာ။ ဒါပေမယ့် အဲဒီနာရီကို မပတ်ဘူးဆိုတာ သိရင် စိတ်မကောင်းဖြစ်မလား မသိဘူးပဲ။ နာရီမှ မကြိုက်တာ ဖေဖေရာ။ မပတ်ချင်ပါဘူး။ အဲဒီနာရီကို မပတ်ပေမယ့် ဖေဖေ၀ယ်ပေးတဲ့ ပစ္စည်းအဖြစ် သေသေချာချာသိမ်းထားပါတယ်။ မေမေကတောင် မျက်နှာမကောင်းဘူး။

ပြီးတာ့ ငယ်ငယ်တုန်းက ဖေဖေ ၀ယ်ပေးခဲ့တဲ့ အင်္ဂလိပ်စာအုပ်တွေတော့ ရှိပါသေးတယ်။ ဖေဖေ့ လက်မှတ်ထိုးထားတယ်လေ။
သားကြီး ……၊
သမီးကြီး ……… နဲ့
သမီးငယ် … တို့ အင်္ဂလိပ်စာ ထူးချွန်ဖို့ … ဖေဖေ ဆိုပြီးလေ။  စိတ်တော့ မကောင်းပါဘူး.. ဖေဖေရာ။ ဖေဖေက အင်္ဂလိပ်စာ တော်စေချင်ပေမယ့် ဖေဖေ့သားသမီးတွေက ညံတယ် ဖေဖေရ။

တစ်ခါတစ်လေတော့လည်း ဖေဖေရာ.. သူများမိသားစုတွေ စုံစုံလင်လင်နဲ့ ပျော်ရွှင်နေတာကို ကြည့်ပြီး ၀မ်းနည်းလိုက်တာ။ ကိုယ့်စီမှာက အဲလို ပျော်ရွှင်ခွင့်တွေ မရှိခဲ့ဘူးကော။ ဖေဖေနဲ့ မေမေ ချစ်ကြည်နေတုန်းကတော့ ပျော်စရာကောင်းခဲ့မှာပါ။ အရမ်းငယ်သေးတဲ့ အချိန်ဆိုတော့လည်း မမှတ်မိပါဘူး။ ဘော်ဒါဆောင်က ဆရာမကတော့ ပြောပါတယ်။ မိသားစုက ကြည်နူးစရာလေးတဲ့။ ဒါပေမယ့် အဲဒီအချိန်တွေကို မမှတ်မိတာ ခက်တယ်။ အခုတော့လည်း မိသားစုဝင်တွေအားလုံးက တစ်နေရာစီမှာ တစ်ဘ၀စီ ရှင်သန်နေကြရတယ်။ ဘယ်သူ့ဘယ်သူ့ကိုမှ အပြစ်တင်စရာအကြောင်းတော့ မရှိပါဘူး။ ဒါပေမယ့် အလွမ်းပြေကြည့်စရာ မိသားစုဓာတ်ပုံလေးတောင် ဟုတ်တိပတ်တိ မရှိတာတော့ ၀မ်းနည်းစရာ ကောင်းလိုက်တာ။

လူတိုင်း(မိသားစုတိုင်း)မှာ ၀မ်းနည်းမှုက ပုံစံအမျိုးမျိုးရှိနေတယ်နော်။ ဘယ်သူကမှ ပြီးပြည့်စုံတဲ့ ဘ၀တစ်ခုကို မပိုင်ဆိုင်နိုင်ဘူးထင်တယ်။

ဖေဖေ့ကို သတိရနေသလို ကိုကို့ကို လည်း သတိရနေမိတယ်။ ကိုကို လူ့လောကထဲက ထွက်ခွာသွားတာ အခုဆိုရင် ဆယ်စုနှစ်တစ်ခုရှိနေပြီ။ ကိုကိုက အဝေးတစ်နေရာကနေ ထွက်သွားတာဆိုတော့ အခုအချိန်အထိ အိပ်မက်လိုပါပဲ။ ခရီးထွက်နေတယ်လို့ပဲ ခံစားနေရတယ်။ တစ်နေ့နေ့ကျရင် ပြန်လာမယ်လို့ မျှော်လင့်နေမိတယ်။ ဒါပေမယ့် ဟုတ်မှမဟုတ်တာ။ ငယ်ငယ်တုန်းက ကိုကို ဂစ်တာတီးပြီး ဆိုပြတဲ့ သီချင်းလေးတစ်ပုဒ်ကို ခဏခဏ နားထောင်နေမိတယ်။ ကိုကို့ကို သတိရလိုက်တာ။ မောင်နှမတွေလည်း အတူတူ ကောင်းကောင်း မနေလိုက်ရဘူး။ ကိုကိုက အစောကြီး နှုတ်ဆက်ထွက်ခွာသွားတယ်။

အခုအချိန်မှာ အရမ်းဖြစ်ချင်တဲ့ ဆန္ဒတစ်ခုက ဖေဖေနဲ့ အတူတူနေချင်တယ်။ အကြာကြီး နေခွင့်မရဘူးဆိုရင်တောင် ၂လ ၃လလောက် နေခွင့်ရရင်တော်ပါပြီ။ ကျေနပ်စရာကောင်းတဲ့ အတိုင်းအတာ တစ်ခု ဖြစ်မှာပါ။ ပျော်စရာလည်း ကောင်းမှာပဲ။ ဖေဖေက စာဖတ်ဝါသနာပါတယ် ဆိုတော့ သားအဖနှစ် စာအုပ်ဆိုင် အတူတူသွားပြီး စာအုပ်တွေ ရှာမယ်။ ပြီးတော့ ဖတ်ပြီးတဲ့ စာတွေအကြောင်း ဆွေးနွေးမယ်။ ငြင်းခုံကြမယ်။ ရုပ်ရှင်လည်း တူတူကြည့်ကြမယ်။ ကောင်းလိုက်တာ။ ပျော်စရာကြီး။ ဒါပေမယ့် အခုချိန်မှာ ဖေဖေက ဘယ်ဆီဘယ်ဝယ်ကို ရောက်နေမှန်းမသိဘူး။ တွေ့ကော တွေ့ခွင့်ရှိပါဦးမလား မသိပါဘူး။

အခုနေများ တန်ခိုးရှင်တစ်ဦးက လိုရာဆန္ဒတောင်းဆိုရင် ဒီဆုတစ်ခုကိုတော့  ပြည့်ချင်ပါတယ်…

မိုးနေ

ပြယ်လွင့်သွားတဲ့ ပျော်ရွှင်ခြင်း…..

ကြယ်လေးတစ်ပွင့် ငါ့ကောင်းကင်မှာ ခုန်ဆင်းကြွေကျခဲ့ဖူးတယ်။ အဲဒီနေ့ကို ငါ မေ့လို့မရဘူး။ ကစဥ့်ကလျားဖြစ်နေတဲ့ ဘ၀ရဲ့ သီအိုရီတွေထဲမှာ ခဏတာ ဆင်းသက်လာတဲ့ ကြယ်ပွင့်လေး ကြောင့် ပျော်ရွှင်ခြင်းတွေကို ငါ … ယာယီပိုင်ဆိုင်ခွင့် ရခဲ့တယ်။

ရက်စက်လိုက်တာလို့ မပြောရက်ပါဘူး။
လုပ်ရက်လိုက်လေခြင်းဆိုပြီးလည်း အပြစ်မတင်ရက်ဘူး။
လှည့်စားခဲ့တယ်လို့လည်း အတွေးမ၀င်ချင်ပါဘူး။

မင်း… ထားရစ်ခဲ့တဲ့အတိုင်း ကိုယ်တိတ်တိတ်လေး နေခဲ့တာပါ။ ၀မ်းနည်းကြေကွဲမှုတွေကို မင်း … ပေးတဲ့ အမှတ်တရ လက်ဆောင်အဖြစ် ကိုယ့်ရင်ထဲမှာ ထာဝရ သိမ်းဆည်းထားမှာပါ။ နာကျင်ခဲ့တယ်ဆိုရင်တောင် ကိုယ်ကျေနပ်ပါတယ်။ မင်း.. ပေးခဲ့တဲ့ အင်မတန်နည်းပါးလွန်းတဲ့ ပျော်ရွှင်ခြင်း(မင်း.. ကိုယ့်ကို အစစ်အမှန် မပေးခဲ့ဘူးလို့ ထင်တာပဲ)တွေကို အမြတ်တနိုး တန်ဖိုးထား နေမှာပါ။ ကိုယ် မင်းကို အရမ်းယုံကြည်ခဲ့ပါတယ်။ တန်ဖိုးလည်း ထားခဲ့ပါတယ်။ ပုလဲရတနာလေးတစ်ပါးလို အမြတ်တနိုးကိုးကွယ်ခဲ့တယ်။ ကိုယ့် ရင်ထဲမှာရှိတဲ့ အရာအားလုံးကို ပုံအောပြီး ပေးခဲ့ပါတယ်။ ဒါပေမယ့် ကိုယ်ပြန်ရလိုက်တဲ့အရာကတော့ …………………………….

ကိုယ်… မင်းကို အပြစ်မတင်ရက်ပါဘူး။ နာကျင်မိတာတော့ အမှန်ပဲ။ နှလုံးသားတစ်ခုလုံး သွေးချင်းချင်းနီမြန်းခဲ့ပြီလေ။ မချိပြုံးလေး ပြုံးရုံကလွဲပြီး ကိုယ်… ဘာမှလည်း မတတ်နိုင်ခဲ့ပါဘူး။ အဝေးကနေ တမ်းတလွမ်းမောခွင့်လေးနဲ့ပဲ ကျေနပ်နှစ်သိမ့်လိုက်ရမှာပါ။ မင်းကို.. ပေးဆပ်ခွင့် ရခဲ့အတွက်လည်း အရမ်းပဲ ပျော်ရွှင်ခဲ့ရပါတယ်။ အဲဒီနေ့ရက်လေးတွေကို ထာဝရထုတ်ပိုး သိမ်းဆည်းထားမှာပါ။

ကိုယ်နဲ့အတူ ရှိနေရင် မင်း … စိတ်အနှောင့်အယှက်အရမ်းဖြစ်တယ်။ မပျော်ရွှင်ဘူးဆိုတာ ကိုယ် သိပါတယ်။ အားနာပါးနာနဲ့ လိုက်လျောဆက်ဆံပေးခဲ့တယ်ဆိုတာ ကိုယ် .. နားလည်ပါတယ်။ အဲဒီအတွက်လည်း မင်းကို ကျေးဇူးတင်ပါတယ်။

မမေ့နိုင်ဘူးဆိုတာ သိနေတော့လည်း မေ့ပျောက်ဖို့ မကြိုးစားတော့ပါဘူး။ မင်းအတွက် ကိုယ်ဟာ အရေးမပါတဲ့ လူသားတစ်ဦး ဖြစ်နေပေမယ့် ကိုယ့်အတွက်တော့ မင်းဟာ ကိုယ့်ဘ၀ရဲ့ ဟိုးးးးးးးးအနက်ရှုင်းဆုံး၊ အမြင့်မြတ်ဆုံး၊ တန်ဖိုးအရှိဆုံး အရာတစ်ပါးပါပဲ။

လူတစ်ယောက်ဆီမှာ ဒီလောက်ထိ ပျော်ဝင်နစ်မျော ကျဆုံးသွားမယ်လို့ ဘယ်တုန်းကမှ မတွေးခဲ့မိဘူး။ မင့်းရဲ့ ပျော်ရွှင်ခြင်းဟာ ကိုယ့်ရဲ့ ပျော်ရွှင်ခြင်းဖြစ်ခဲ့ပြီး မင့်းရဲ့ ၀မ်းနည်းပူဆွေးမှုက ကိုယ့်အတွက် အကြီးမားဆုံး သောကဖြစ်ခဲ့ရတယ်။ မင်း …. နေမကောင်းဘူး၊ စိတ်ညစ်တယ်ဆိုရင် ကိုယ်ပဲ အဲဒီဝေဒနာတွေ၊ သောကတွေကို ယူလို့ရရင် လွှဲပြောင်း ယူပေးချင်ပါတယ်။

နံနက်ခင်းနေရောင်ခြည်နဲ့အတူ နိုးထလာတဲ့ မနက်ခင်းတိုင်းမှာ အဦးဆုံးသတိရမိတာ မင်း…အကြောင်းပါပဲ။ ဒီလိုပါပဲ.. မျက်စိနှစ်ကွင်းပိတ်ပြီး ညအိပ်ရာဝင်တော့မယ်ဆိုရင်လည်း မင်း…အကြောင်းကိုပဲ တွေးတောမိနေတတ်ခဲ့တယ်။

နှစ်ယောက်အတူ လျှောက်ဖူးတဲ့ လမ်းမတွေ၊ အတူထိုင်ခဲ့ဖူးတဲ့ ကော်ဖီဆိုင်ကို ဖြတ်လျှောက်မိတိုင်း ကြေကွဲစွာ ပြုံးနေရပြီ။ တိုက်ဆိုင်မှုတွေ ရှိတိုင်း မင်း..ကို သတိရလွမ်းဆွတ်မိနေတတ်ပြီ။

အိပ်မက်လေး မက်နေတုန်းက သာယာကြည်နူးနေပြီး အိပ်မက်က လန့့်နိုးတော့မှ အပျော်တွေ လေနှင်ရာ လွင့်ပါသွားခဲ့ရတယ်။

လူဆိုတာကလည်း ပိုင်ဆိုင်ခွင့်မရှိခင်တုန်းက မပိုင်ဆိုင်ရကောင်းလားဆိုတာ မရှိပေမယ့် ပိုင်ဆိုင်ခွင့်ရခဲ့ပြီး ဆုံးရှုံးလိုက်တော့မှ လက်လွှတ်ဆုံးရှုံးလိုက်ရလေခြင်းဆိုတဲ့ အတွေးတွေနဲ့ … နာကျင်ပင်ပန်းလိုက်တာ။

ကိုယ့် ရင်တွင်းဥယျာဉ်ထဲမှာ အလွမ်းသစ်ပင်လေး ရှင်သန်ကြီးထွားနေလိုက်တာ..ဘယ်တော့မှ မညှိုးခြောက်တော့မယ့် ပုံစံနဲ့။

မိုးနေ

အနက်ရောင်လွှမ်းသွားသော တိမ်မျှင်တစ်စ

ငါ့ကောင်းကင်မှာ ကြယ်တွေ မလင်းလက်တော့ဘူး။  ပြန်မဆုံနိုင်တော့တဲ့ညနေခင်းတွေကို ငါ ပြန်တမ်းတလွမ်းမောနေရပြီ။ ခဏတာ ဆေးခြယ်ခဲ့တဲ့ ပျော်ရွှင်ခြင်းပန်းချီကားတစ်ချပ်ဟာ အခုတော့ အနက်ရောင်စုတ်ချက်ကြမ်းကြမ်းပဲ ကျန်ရစ်ခဲ့တော့တယ်။ သံယောဇဉ်ဆိုတာ မွန်းကြပ်တဲ့ အရာတစ်ခုပဲဆိုတာ သိလိုက်ရတဲ့ အချိန်မှာ ငါ့ခြေလှမ်းတွေ ရုတ်သိမ်းလို့ မရ တော့ဘူး။ အရာရာဟာ နောက်ကျသွားခဲ့ပြီ။ ငါ ကိုယ်တိုင် ပျော်ဝင်နစ်မျောခဲ့တဲ့ အရာအတွက် နောင်တတော့မရခဲ့ပါဘူး။ ကျေနပ်စရာပါပဲ။ ဘ၀မှာ ပိုင်ဆိုင်ခွင့်ရခဲ့တဲ့အတွက်ကော.. ပိုင်ဆိုင်ခွင့်ပေးခဲ့တာအတွက်ပါ ငါ့ရင်ထဲမှာ လှိုက်လှိုက်လှဲလှဲ ကျေးဇူးတင်နေမိမှာပါ။ ဘ၀ တစ်ခုလုံးအတွက်လည်း အမှတ်တရတန်ဖိုးကြီးလက်ဆောင်အဖြစ် ထာဝရသိမ်းဆည်းထား မှာပါ။ (ရင်ထဲမှာ တိတ်တခိုးလေးပေါ့)။

ကမ္ဘာနဲ့ ကဗျာ

ကမ္ဘာက ရွာဖြစ်တာ
ကြာပြီ
ဘယ်မှာလဲ သူ့အတွက်
နေရာ။
လိုအပ်လို့ ပွင့်လန်းနေတဲ့
သက်တော်ရှည် ရင်မွှေးပန်း
ရောင်းတန်းဝင်ချင်ဝင် မ၀င်ချင်နေ
သူ ဆက်ဝေမယ်။
ကမ္ဘာ့ရွာ ရင်မွှေးပန်း
ဆက်ပြီးတော့ လန်း။

ဥတ္တရာ(ရေဆုံး)

တိတ်တိတ်ကလေး….

မေမေ့ကို တိတ်တိတ်ကလေး ကြိတ်ပြီးတောင်းပန်နေမိတယ်။  မေမေ အဖြစ်ချင်ဆုံး ဆန္ဒတစ်ခုကို ရိုက်ချိုး ဖျက်ဆီးပစ်ခဲ့တဲ့အတွက်လေ။ အဲဒီ အတွက်လည်း ကိုယ့်ကိုယ်ကို အပြစ်ရှိတယ်လို့ ခံစားမိတယ်။ ဒါပေမယ့် နောင်တရလားဆိုတော့ မရပါဘူး။ ကိုယ်ကိုယ်တိုင် ရွေးချယ်ခဲ့တဲ့လမ်းကြောင်းအတွက် နောင်တမရခဲ့ပါဘူး။

မေမေဖြစ်စေချင်တဲ့ ထူးချွန်ထက်မြက်တဲ့သူတစ်ယောက် ဖြစ်မလာခဲ့ပေမယ့် ဘ၀ကို အေးအေးချမ်းချမ်း၊ တည်တည်ငြိမ်ငြိမ်နဲ့ ဖြတ်သန်းနေတယ်ဆိုတာနဲ့ ဖြတ်သန်းလို့ ရတယ်ဆိုတာကိုတော့ ပြောပြချင်တယ်။ အခွင့်အရေးရခဲ့ မယ်ဆိုရင်ပါ။

ဘ၀မှာ ငွေကို အသည်းအသန်ရှာဖွေရင်း ကုန်ဆုံးရတာကို မလိုချင်ဘူး။ ငွေကိုထိုက်သင့်သလောက်လေးပဲ ရှာဖွေပြီး ဘ၀ကို အအေးချမ်းဆုံးနဲ့ အရိုးသားဆုံးဖြတ်သန်းချင်တဲ့အကြောင်းကို ပြောပြချင်တယ်။ လူသားပီပီ လောဘ၊ ဒေါသ၊ မောဟတို့ ရှိပေမယ့် အဲဒီလောဘ၊ ဒေါသ၊ မောဟတို့ရဲ့ ပူလောင်ခြင်း အတတ်နိုင်ဆုံးကင်း အောင် နေချင်တယ်။ ကိုယ်လုပ်နေတဲ့ အလုပ်အပေါ်မှာ သစ္စာရှိရှိနဲ့ ကြိုးကြိုးစားစားလုပ်ချင်တယ်။ ဒီလိုလုပ်ရင်းနဲ့ ဘ၀တိုးတက်မှုကို ရှာဖွေ သွားလို့ကော မရနိုင်ဘူးလား။ ကိုယ်လုပ်နိုင်သမျှ အကောင်းဆုံး လုပ်ဆောင်ပြီး ရလာတဲ့ ရလဒ်အပေါ်မှာ တင်းတိမ်ရောင့်ရဲနိုင်တဲ့သူတစ်ယောက်ဖြစ်ချင်တယ်။ ဖြစ်အောင်လည်း ကြိုးစားချင်တယ်။

ငွေရယ်၊ အပျော်အပါးရယ်၊ ရုပ်ဝတ္ထုတပစ္စည်းတွေရယ်နောက်ကို အသည်းအသန်မောကြီးပန်းကြီး လိုက်နေရတဲ့ ဘ၀တစ်ခုကို မပိုင်ဆိုင်ချင်ဘူး။ ဘ၀ရဲ့ပျော်ရွှင်မှု၊ အနှစ်သာရတွေဟာ အဲဒီအရာဝတ္ထုတွေနဲ့ပဲ တည်ဆောက်ထားတာ မဟုတ်ဘူးလို့ ခံယူထားတယ်။

မှန်ပါတယ်။ ငွေဟာ အရေးကြီးပါတယ်။ အရာရာကို ဖန်တီးနိုင်စွမ်းရှိပါတယ်။  Second God လို့ တင်စားရလောက်အောင်ကို သူ့အစွမ်းက ထက်မြက်ပါတယ်။ ဒါပေမယ့် ငွေပေးဝယ်လို့မရတဲ့အရာတွေလည်း ရှိနေပါသေးတယ်။ ကုန်ဆုံးသွားတဲ့အချိန်၊ ချစ်ခြင်းမေတ္တာ၊ ယုံကြည်မှု၊ နားလည်စာနာတတ်မှုတို့ကို ငွေပေးဝယ်လို့မရပါဘူး။

ပြီးတော့ အရာရာကို ရလိုမှုတစ်ခုတည်းနဲ့ မကြည့်ဘဲ.. ပေးတတ်သူတစ်ယောက်အဖြစ်၊ သူ့ဘက်ကိုယ့်ဘက် မျှကြည့်တတ်တဲ့သူတစ်ယောက်အဖြစ်ပဲ နေချင်ပါတယ်။

တစ်နေ့နေ့တစ်ချိန်ချိန်ကျရင်တော့ ဒီစကားတွေ မေမေ့ကို ပြောပြချင်တယ်။ ကိုယ်တည်ဆောက်ချင်တဲ့ ဘ၀လေးက ဒီလိုမျိုးလေးဆိုတာကိုလည်း ပြောပြချင်တယ်။ မေမေက နားလည်ပေးနိုင်မှာပါ။

အခုအချိန်မှာတော့ တိတ်တိတ်ကလေး… တိတ်တိတ်ကလေးပါပဲ…

မိုးနေ

ဒီလိုပါပဲ

မမ…. ငါ … ဖေဖေနဲ့ တွေ့ခဲ့တယ်။ ရုပ်ရှင်တွေထဲကလို ၀မ်းသာအားရ ပြေးမဖက်ခဲ့ပါဘူး။ ၀မ်းနည်းပက်လက် လည်း မငိုကြွေးခဲ့ပါဘူး။ ဒီလိုလေးပဲ တွေ့ခဲ့တာပါ။ ဖေဖေ နောက်အိမ်ထောင်ပြုလိုက်ပြီ ဆိုတာကော နင်သိလား။ နောက်အိမ်ထောင်ပြုလိုက်တာကို အပြစ်မပြောပါဘူးဟာ။ ပြုလိုက်တာ ကောင်းပါတယ်။ ငါတို့ကလည်း ဖေဖေနဲ့ နီးနီးကပ်ကပ်မှ မနေနိုင်တာ။ ဒါပေမယ့်လည်း ……..။

ဖေဖေက ငါတို့ကို မဆက်သွယ်ခဲ့ဘူးနော်။  မြို့ကလေးမှာ သူရှိနေတာတောင် ငါတို့ကို အဆက်အသွယ် မလုပ်ဘူးဟ။ ငါကလည်း ချော်တော်ငေါ့ပြီး ရောက်သွားတာပါ။ ဘယ်တုန်းကမှ ငါတို့အပေါ် နွေးထွေးမှုမရှိတဲ့ မြို့ကလေးက သူ့ထုံးစံကို မဖျက်ပါဘူး။ စိမ်းစိမ်းကားကားပါပဲ။ ငါ တောင်ကြီးက ဆင်းလာတော့ ဦးလေးနီကားနဲ့ ဆင်းလာတာလေ။ ကားပေါ်က ဆင်းဆင်းချင်း ဘယ်မှမ၀င်ဘဲ.. အိမ်ကလေးဆီကို တန်းသွားမိတာဟ။ ဘာရယ် မဟုတ်ပါဘူး။ စိတ်က သွားချင်လို့လေ

အိမ်ထဲမှာ လူရှိနေတဲ့ အရိပ်အရောင်ဆိုတော့ ငါ အံ့သြသွားတယ်ဟ။ အဲဒီအိမ်လေးမှာ လူမရှိတာ(လူမနေတာ) ငါ့တစ်သက်ပဲ မဟုတ်လား။ ထူးဆန်းတယ်ဆိုပြီး ခြံတံခါးဖွင့်ဝင် လိုက်တာ။ ဖေဖေ့ကို ဒီအိမ်လေးမှာ ပြန်တွေ့ရမယ်လို့ လုံးဝမျှော်လင့်မထားမိဘူး။ ပြီးတော့ ဒီလိုအခြေအနေမျိုးနဲ့ကောလေ။ ငါ ခြံထဲဝင်လိုက်တော့ လူတစ်ယောက် ထွက်လာတယ်။ အဲဒါ ဖေဖေ။ ငါ.. ကြောင်သွားတယ်။ ရုတ်တရက်ဆိုတော့ ဘာစကားမှ ထွက်မလာပါဘူး။ ဖေဖေက `ဘယ်တုန်းကရောက်လဲ … သမီးငယ်။ အိမ်ထဲဝင်လေ´ တဲ့။ ငါက `အခုပဲ။ အခုပဲ ရောက်တာ´လို့ ပြန်ဖြေလိုက်တယ်။ ဧည့်သည်တစ်ယောက်လို ဧည့်ခန်းထဲ ၀င်ထိုင်လိုက်တယ်။ ခဏကျတော့ မိန်းမတစ်ယောက် ထွက်လာတယ်။ ဖေဖေက မိတ်မဆက်ပေးဘူး။ ငါကလည်း မမေးပါဘူး။ ဖွင့်ပြောစရာမလိုဘဲ သိနိုင်တဲ့ အကြောင်းအရာတွေက အများကြီး မဟုတ်လား။

ဖေဖေနဲ့ ငါ စကားနည်းနည်း ပြောဖြစ်တယ်။ တကယ့်ကို နည်းနည်းလေးပါ။ ဖေဖေက `အဆင်ပြေတယ် မဟုတ်လား။ သမီးကြီးကော။ သားကြီးကတော့ ဖေဖေ့ဘ၀ထဲက ထွက်သွားပြီ´တဲ့။ ဒါပါပဲဟာ။ ငါတို့ ပြောခဲ့တဲ့စကားတွေက။ (သားကြီးက ဖေဖေ့ဘ၀ထဲက တရားဝင်ထွက်သွားပြီ ဆိုပေမယ့် ကျန်ခဲ့တဲ့သမီးနှစ်ယောက်ကလည်း ဖေဖေ့ဘ၀ထဲကနေ တရားမ၀င် ထွက်သွားရတာပဲ မဟုတ်လား။) နှစ်ပေါင်းများစွာ ဝေးကွာနေတဲ့ အဖေနဲ့ သမီးကြားမှာ ပြောစရာစကားလုံးတွေပျောက်ဆုံးပြီး အကြောင်းအရာမရှိတာ တော်တော် ထူးဆန်းတယ်နော်။ ပြီးတော့ ဖေဖေနဲ့ ထမင်းလက်ဆုံစားဖြစ်တယ်။ ဖေဖေ့ရဲ့ သက်ဆိုင်သူနဲ့ ကောပေါ့။ အမှတ်တရအနေနဲ့ပါ။ ဘ၀မှာ မချိုမြိန်တဲ့ နောက်ထပ် ထမင်းတစ်ပိုင်းပေါ့ဟာ။ နောင်ဘယ်အချိန်မှာ ပြန်တွေ့ရမလဲဆိုတာ မသိနိုင်ဘူးလေ။ ဒါကြောင့်ပါ။ သေချာတာတစ်ခု ကတော့ ငါ နောက်ထပ် ပြန်လာဖြစ်မှာ မဟုတ်ဘူးဆိုတာပဲ။

ဖေဖေ့ကို နှုတ်ဆက်ပြီး ထွက်လာခဲ့တယ်။ ဘယ်အိမ်မှာ အိပ်ရင်ကောင်းမလဲ။ ရွာသွားရင် ကောင်းမလားပေါ့ စဉ်းစားရင်း လမ်းလျှောက်လာခဲ့တယ်။ အဘွားတို့အိမ်ရှေ့ရောက်တော့ ငယ်ငယ်တုန်းက ပျော်ရွှင်ခဲ့တာတွေကို သွားသတိရလိုက်သေးတယ်။ အဘွားတို့အိမ်ကလည်း တကယ်ကို ယိုယွင်းနေပါပြီဟာ။ သိတယ်မဟုတ်လား။ အေးလေ … ငါတို့အတွက် အလုံခြုံဆုံး၊ အနွေးထွေးဆုံးလို့ ထင်ထားခဲ့တဲ့ ငါတို့ရဲ့ အိမ်ကလေးကတောင် အစိမ်းရောင်တွေ လွှမ်းခြုံထားတာ ဆိုတော့ ….။

ငါ.. ဘယ်အိမ်မှာမှ မအိပ်ဖြစ်ခဲ့ပါဘူး။ ဘယ်သူနဲ့မှလည်း မတွေ့ခဲ့ပါဘူး။ စကားလည်း မပြောချင်ပါဘူးဟာ။ မေးခွန်းတွေကိုလည်း မဖြေချင်ဘူးလေ။ ကရုဏာသက်ချင်ယောင်ဆောင်ထားတဲ့ မျက်ဝန်းတွေနဲ့လည်း ရင်မဆိုင်ချင်ဘူးဟ။ နောက်ဆုံးအခေါက် ဗင်ကားနဲ့ တောင်ကြီးပြန်တက်လာခဲ့တယ်။ တောင်ကြီးရောက်တော့ ညနေစောင်းနေပြီဟ။

မေမေ့အိမ်ကိုလည်း မသွားချင်ဘူး။ မေမေနဲ့လည်း မတွေ့ချင်ဘူး။ ဖေဖေနဲ့မေမေက ကိုယ်ပိုင်မိသားစုဘ၀တစ်ခုစီနဲ့ နေသားကျပျော်ရွှင်နေတာ့ .. အခုအချိန်မှာ အဲဒီမြင်ကွင်းကို ထပ်မမြင်ချင်ဘူး ဖြစ်နေတယ်။ ဖေဖေ့ရဲ့ မိသားစုက ငါတို့မိသားစုမဟုတ်သလို၊ မေမေ့မိသားစု ကလည်း ငါတို့ မိသားစု မဟုတ်ဘူးလေ။ Home Sweet Home လို့ ခေါ်တွင်တဲ့ ငါတို့အတွက် လုံခြုံနွေးထွေးမယ့်အိမ်ကလေးက ဘယ်ဆီမှာ ရှိမှန်း မသိဘူးလေ။ မရှိဘူး ထင်ပါတယ်။

ဒါကြောင့် ရွှေကမ္ဘာကားနဲ့ မန္တလေး ဆင်းလာခဲ့တယ်။ မန္တလေးရောက်တော့ မြစ်ကြီးနားသွားရင် ကောင်းမလား စဉ်းစားလိုက်သေးတယ်။ မသက်ဆီကိုလေ။ ဒါပေမယ့်လည်း… မသွားဖြစ်ပါဘူးဟာ။ မန္တလေးမှာ တနေကုန်နေပြီး ညကားနဲ့ ရန်ကုန် ပြန်လာခဲ့တယ်။ ရန်ကုန်မြို့က အိမ်လို့ ငါတို့ အမည်ပေးထားတဲ့ တိုက်ခန်း ကျဉ်းကျဉ်းလေးဆီကိုပဲ ပြန်လိုက်တယ်။

ဒီနေရာလေးက ဗလာကျင်းနေတဲ့ ငါတို့အတွက် အကောင်းဆုံးပါပဲ။ ဒီနေရာလေးမှာ မေးခွန်းတွေမရှိဘူး။ မျက်ဝန်းတွေကိုလည်း ဘာသာပြန် နေစရာမလိုဘူး။ ပကတိ အရှိတရားနဲ့ နေလို့ရတယ်လေ။

မိုးနေ