ခပ်ထေထေညမှာပေါ့
မျက်ဖြေလင်္ကာလေးနှလုံးသွင်း
အမုန်းစာရင်းထဲက ဖယ်ထုတ်
အသွေးအသားထဲ တွယ်စုပ်နေတဲ့
ဝေဒနာကြွေရုပ်တွေ....
ဒဏ်ရာပေါ် ဒဏ်ရာဆင့်နေတော့
ငါ့ရင်တွေပွင့်နေရပြီ......
တီတီတာတာစကားတွေနဲ့
ညီညီညာညာလှည့်စားခဲ့ခြင်းကိုမှ
အကြင်နာတံတားလို့ထင်ခဲ့တဲ့ငါ
ရင်ခွင်မှာ ဒဏ်ရာတွေထားသွားမှ
အသည်းစားနဂါးမှန်း သိလိုက်ရတယ်...
သုံးသပ်ကြည့်လိုက်တော့လည်း
ငါပဲမှားတယ်ပေါ့
ယုံတမ်းစကားတွေယုံ
ရင်တွေခုန်ခဲ့တာကို
မာယာတွေပုံထားမှန်း
ငါတကယ်တမ်းမသိခဲ့ဘူးလေ.....
ရူးမိုက်စွာ ခူးလိုက်တဲ့ငါ
အဲဒီပန်းဟာ အဆိပ်ဖျန်းထားမှန်း
နှလုံးသား မျက်ကန်းတော့မှသိရတယ်
မရှက်တမ်းပြောရရင်
တစ်ပတ်နွမ်းသွားတော့မှ
ဝေဒနာလမ်းပေါ်ရပ်
အကြင်နာတစ်စက်ကို
ရင်မှာထပ်တမ်းတမိတယ် မီးငယ်ရယ်....
ဖြိုးငယ်
