1 Feb 2026 - [理財] 金價自去年急升的資金來源

上週五早上在「香港經濟日報」看到這篇分析，當時金價仍在高位，文章主要提到金價自去年急升的資金來源，並非各國政府不問價買金，而是投資需求，論點節錄如下。最重要是大家需知道現時參與黃金 投資，短線看是「投資」還是「投機」。

- 市場對金價上升最堅實的理論來自央行持續買入黃金，但如果真正追蹤央行買金步伐，特別是新興市場的數據，並不支持金價最近的超對數式升勢

- 根據世界黃金協會(World Gold Council)的數據，環球中央銀行在俄烏戰爭爆發之後的2022年至2024年，連續3年的確以遠比過去10年更快的速度買金，連續3年購入1,000噸左右，對比之前的每年500噸左右，速度急升超過1倍

- 不過，2025全球中央銀行增持863噸黃金，較2024年1,000噸回落逾14%，全年全球金飾消費總量較2024年下降18%至1,542噸，所有的需求來自於投資需求，全年全球黃金投資總需求量為2,175噸，大增84%

- 根據國際金融協會(Institute of International Finance)首席經濟學家Robin Brooks統計，到2025年9月份，新興市場中央銀行的買金步伐不斷放緩，最新已慢於過去10年的平均，德國、印尼、俄羅斯、新加坡等已經開始淨賣出黃金

31 Jan 2026 - [本地遊] 參加景賢里導賞團

景賢里清拆事件不知不覺已發生了近二十年，今天去參加導賞團，認識咗好多有關呢個豪宅嘅歷史。其實建築物復修得非常好，應該用咗唔少功夫。景賢里整個建築很有氣派，以中國文藝復興風格建造，並糅合中西式建築特色，值得去參觀欣賞！

30 Jan 2026 - [飲食] 混合兩大時興食材「杜拜朱古力」同「開心果」嘅糯米糍

近年時興食開心果同杜拜朱古力，好多食物都以此作賣點，顧客當然要付上溢價，尤其是後者

- 「享樂烘焙」喺海港城Pop-up店就將兩種元素融為一體，限定推出「杜拜朱古力開心果糯米糍」，每天下午1:00開售，推出初期大排長龍，今日下午1:30喺公司行過去試吓，結果同另一客人買到剩下嘅兩盒

- 一盒兩件$48，不便宜，不過皮薄餡靚且多，真係好好食，其實前天亦經過買咗當時剩下嘅一盒新推出「黑芝麻糯米糍」，異曲同工，都係好好食

- 近年香港都出現咗幾間靠口碑打出名堂兼越開越多分店嘅烘焙麪包店，除享樂外，還有「嘉多娜」、「初麥」、「品穀」、「Hashtag B」等，食物質素都不錯，大家要多多支持

29 Jan 2026 - [開卷有益] 還記得曾經擁有嘅傍身地圖書？

今日行「商務印書館」，被呢個好面善的封面吸引咗，真係N年未見過，以前好多人都有一本香港地圖書傍身，自從Smartphone加Google Map流行後已逐步退場，我亦已經忘記呢本曾經擁有嘅書！

結果，我用$128買咗右邊嗰本《香港街道地方指南50周年告別版》，目的並非留為紀念，而真係會有時間就逐頁睇下，認識多啲香港嘅地方，方便以後多啲 #本地遊，因為Google Map啲地點標示都未必有咁仔細。

18 Jan 2026 - [跑步] 渣馬半馬等起步中！

 渣馬半馬等起步中！

16 Jan 2026 - [飲食] Jolibee其實係被漢堡包耽誤嘅炸雞店

記得多年前 Jolibee 嚟香港在中環開店，我最鍾意食Aloha Burger夏威夷堡，因為有塊菠蘿夾住，食落清新啲，一直唔明McDonald 唔出同類包，只係間中用菠蘿配炸雞嚟出包。

不過，呢個Aloha Burger後來水準下跌，已經吸引唔到我去Jolibee幫襯，直至去年留意到網上有不少留言提到「Jolibee其實係被漢堡包耽誤嘅炸雞店」、「Jolibee炸雞好食過 KFC 很多」，加上Jolibee最近積極開分店及將舊店翻新，終於吸引我重新入店買炸雞食，咁個炸雞又真係好好食，炸皮鬆脆，雞肉嫰滑，食過後真係冇乜興趣再去整體食物水準日漸低落嘅KFC食炸雞！

11 Jan 2026 - [理財] 自願醫保能否對沖「醫療通脹」風險？

「醫療通脹」(Medical Inflation) 是指醫療成本上升幅度，當中包括門診、藥物、住院、手術、康復治療等不同範疇的收費。醫療通脹升幅真的不可小覷，已遠超正常通脹。

風險管理顧問公司WTW發表《2026年全球醫療趨勢調查報告》，指出香港在2025年的醫療通脹率為9.7%，並預計在2026年為9.9%。全球74%保險公司指出新型醫療技術是導致醫療通脹的主因，52%認為是公共醫療體系衰退，49% 認為是製藥領域進步，38%則歸因於欺詐、浪費與濫用。

不過若果打算用自願醫保去對沖此風險，是否一個理想的解決方案？

我剛比較一間大型醫療保險公司的自願醫保住院保險於過往數年的保費變化，假設投保者50歲，選取最高保障計劃，亞太區保障，及自付費$12,000，在不同時期的每年所需保費如下

2021年1月版本 $18,736

2022年4月版本 $19,617

2023年4月版本 $20,623

2024年9月版本$22,438

2025年4月版本 $26,140

保費在四年間上升39.5%，平均每年複式升幅8.7%。若果於現實情况，需考慮年齢增長，投保者於2021年50歲時投保，2025年已界54歲，所需保費其實應是$31,596，即比50歲投保時升68.6%，平均每年複式升幅14.0%。

不過，亞太區醫療成本於過往數年事實上升幅更高，大家可以從以下由香港經濟日報所整理的列表了解全球情況怎樣嚴峻。

理財方面，若果計劃用自願醫保住院保險去支付未來潛在出現的龐大醫療支出，以上趨勢絕對不能忽視，若果發現五年後或十年後計及醫療通脹的保費已不易應付，其實可考慮下調保障計劃(即減低每年保障金額及醫院住房級數等)及增加自付費以減低所需保費，市場上有些高端自願醫保每年保障金額高達數千萬港元，是否真的需要這麼高的保障！

3 Jan 2026 - [旅遊] 杭州旅遊後所認知的七件事

上月尾到杭州四日三夜旅遊，上次造訪已是15年前，所謂「住在杭州」，今次對此宜居城市加深咗了解，現在分享旅遊後所認知嘅七件事。

杭州有三大商圈：武林商圈、湖濱商圈及錢江新城商圈。今次入住嘅杭州中心四季酒店，就在武林商圈，住咗先知酒店只開業年多，「杭州中心」商場只開業兩年，項目為華潤、綠城及杭州地鐵共同發展；商圈內最知名係有30年歷史嘅「杭州大廈」，有唔少奢侈品牌進駐。

湖濱商圈在西湖東側，「湖濱銀泰in77」商場區幅蓋很大，品牌林立，係杭州最大面積嘅步行街，可欣賞湖畔美景，亦可從碼頭坐船遊西湖，行遠啲可以到瑞安集團嘅「西湖天地」。

錢江新城商圈位處錢塘江西北岸，定位為杭州政治、經濟、文化新中心，有說杭州已由「西湖年代」進入「錢塘年代」；當中，「杭州萬象城」為杭州最大商場，為華潤及新鴻基地產合作項目，於2010年開業；對岸則有「杭州世紀中心」，地標為呈H形建築的「杭州之門」(H代表杭州)。

西湖有十景，今次到訪咗其中五景，包括三潭印月、花港觀魚、蘇堤春曉、曲院風荷及雷峰直照，不過未必是適當季節及天氣，要欣賞十景最美好時光需要在不同時節造訪杭州。

杭州有兩個著名塔景：雷峰塔及六和塔，原來雷峰塔於1924年倒塌，於2002年原址重建，所以建築物料較新，亦可坐電睇登頂。若想睇真正古蹟要去六和塔，由磚木混築，需要行中間七層旋轉樓梯先可登頂，所以去此塔印象會更深刻。

靈隱寺是到杭州不容錯過的景點，已有近1,700年歷史，經歷多次毀壞和重建，最近一次大規模整修是在50年前。當中包括天王殿、大雄寶殿、藥師殿、華嚴殿及羅漢堂，各殿堂建築及內裡神像佛像都非常壯麗，另外因濟公在此修行，亦設有濟公殿。靈隱寺是免費景點，所以非常受歡迎，切記提早網上預約登記。

杭州係歷史悠久北連北京嘅「大運河」南部開端，建議可以坐公交船，每程每位只需3元人民幣，架船內部舒適，可睇兩岸垂柳靚景，性價比非常高。

24 Dec 2025 - [飲食] 到杭州品嚐「米芝蓮餐廳」

杭州最新「米芝蓮餐廳」名單，兩星有一家，可惜《如院》係極難訂枱，一星則有12家，今次去試位處西子湖四季酒店嘅《金沙廳》，特色在於「選用當地新鮮時令食材，並以現代手法演繹傳統口味，菜式精緻且富有創意」。因為Tasting Menu必要跟酒，不適合我同老婆，所以便直接叫招牌菜，菜色設計特別，全部都美味好食！自點菜單如下：

鮑魚紅燒肉

麻酱豆腐海膽溏心蛋

古越陳釀煮花螺

招牌蟹粉大肉包

海膽水餃

宋嫂魚羹

薑撞奶冰淇淋

龍井燉奶

鮑魚紅燒肉

鮑魚紅燒肉

麻酱豆腐海膽溏心蛋

古越陳釀煮花螺

招牌蟹粉大肉包

海膽水餃

宋嫂魚羹

薑撞奶冰淇淋

龍井燉奶