Wikipedia

an holloueziadur digor ha frank, savet gant an holl.

Pennad dre zegouezh · Skoazell ha kregiñ ganti · Kumuniezh

Pennad ar miz

Mary Read (war-dro 1690–1721) a oa ur vorlaerez saoz brudet.

Mary Read a oa bet ganet en Devon e dibenn ar XVIIvet kantved. Pa varvas he breur henañ Willy e krogas he mamm (intañvez ur c’habiten) da wiskañ anezhi evel ur paotr a-benn kenderc’hel da resev arc’hant a-berzh mamm-gozh Mary rak fellout a rae d’ar vamm-gozh reiñ hec’h arc’hant d’he mab-bihan henañ). Mary a voe mevel da gentañ ha goude-se e labouras e bourzh ur vag hag ez eas d’an arme. Eno e kejas ouzh ur marichal al lojeiz hag e timezas gantañ. Un ostaleri a savjont asambles e Breda en Izelvroioù. Goude pevar bloaz e varvas gwaz Mary hag e voe serret an ostaleri.

Mary a zeuas a-benn da lakaat krediñ e oa ur paotr bepred, hag e savas e bourzh ur vag kenwerzh izelvroat dindan an anv Mark Read. Preizhet e voe ar vag gant ur vagad morlaeron a Vro-Saoz. Hervez lod e vije bet degemeret Mary ganto, hag o dije kaset anezhi betek New Providence en enezeg Bahamas.

E-pad ar veaj-se e kejas ouzh Jack Rackham hag ouzh Anne Bonny (ur vorlaerez hag a oa gwisket evel ur paotr ivez). Rackham a gemeras anezhi en e skipailh, dre ma soñje e oa ur paotr. Diwezhatoc’h e tizoloas e oa ur plac’h met degemer a reas anezhi.

E miz Here 1720 e kasas gouarnour Jamaika soudarded ar c‘habiten Barnet da dapout Jack Rackham hag e skipailh, ennañ Mary Read hag Anne Bonny. Mary hag Anne a voe heuget pa weljont e oa divarrek ar vorlaeron d’en em gannañ, gant ar mezv ma oant diwar ur c’horfad an derc’hent. Daou anezho a voe lazhet ganto o-div, ha gloazañ a rejont re all, Jack Rackham en o zouez. An emgann a badas un eur a-raok m’en em zaskorjas an div vaouez.

Harzet e voe an holl vorlaeron ha barnet da-heul. Ne voe ket kondaonet an div vaouez d’ar marv peogwir e lavarjont e oant dougerezed. Mary a gasas dibenn he buhez en toull-bac’h, ha mervel a reas eno abalamour d’ar derzhienn velen, pe marteze abalamour d’ur golladenn e miz Ebrel 1721. (muioc'h...)

Keleier

Gwelet ivez Keleier ar vro.

25 a viz Gwengolo : marvet eo ar romantour skosat Peter May (skeudenn).
25-28 a viz Gwengolo : beaj ar pab Leon XIV, e Bro-C'hall. Tremen a ra dre Pariz, Lourdes ha Metz.
16 a viz Gwengolo : Hashim Thaçi, bet kentañ ministr ha prezidant Kosovo, zo kondaonet da 25 bloavezh toull-bac'h evit torfedoù brezel graet pa oa e penn Arme Dieubidigezh Kosovo.
14 a viz Gwengolo : en em vodañ a ra kentañ ministred Hanternoz Iwerzhon, Bro-Skos ha Kembre e Kerdiz ha kensinañ a reont ur skrid a embann gwir o broioù d'en em ren o-unan.
13 a viz Gwengolo : e dilennadeg evit parlamant Sveden ez a ar maout gant sokial-demokrated ar Sveriges Socialdemokratiska Arbetareparti.
9 a viz Gwengolo : tan-gwall an MV June Aster e Filipinez, lazhet ez eus da nebeutañ 76 treizhad ha 13 a zo dianket.
6 a viz Gwengolo : gant ar strollad eus an tu-dehoù pellañ Dazeilad evit Alamagn ez a ar maout, gant 43,8% eus ar mouezhioù, en dilennadeg evit al Landtag (ar parlamant rannvroel) e Saks-Anhalt.
4 a viz Gwengolo : gant bodadeg veur Aozadur ar Broadoù Unanet eo kemeret an diviz da implijout evit ar c'hartennoù eus ar bed banndres Eckert IV e-lec'h hini Mercator.
2 a viz Gwengolo : dilennet eo Ülle Madise gant parlamant Estonia da vezañ prezidantez ar vro-se.
29 a viz Eost : en Island e sav 52,5% eus ar voterien a-enep adkregiñ da glask mont e-barzh Unvaniezh Europa.
28 a viz Eost : marv eo ar roue Harald V e Norvegia ; mont a ra e vab Haakon VIII da vezañ roue ar vro en e lec'h.

A-zivout ar Wiki

Evit kaozeal diwar-benn kement tra a denn d'ar Wikipedia brezhonek, kit bep an amzer d'ober un dro betek Tavarn ar wikipedourien.
Taolit ur sell ouzh ar pennadoù nevez-voulc'het gant hor c'henlabourerien ha roit dorn d’o reizhañ, d’o gwellaat, d’o astenn, d’o fonnusaat. Gallout a ra neb a gar degas kemmoù d’ar pennadoù. Sellit ouzh penaos kemmañ ur bajenn, pe c’hoazh ouzh roll ar fazioù stankañ.
Porched ar gumuniezh: amañ e kavo ar re nevez ar pep retañ da c'houzout
Roll ar porchedoù: eno e vo kavet pennadoù a bep seurt

Ha gouzout a raec’h ?

E 1893, Zeland-Nevez e voe ar vro gentañ o reiñ d'ar merc'hed ar gwir da votiñ, a-drugarez d'ar stourm hir gant Kate Sheppard.
Ken bras ha niverus e oa bet ar c'hudennoù teknikel pa oa bet embannet Cyberpunk 2077 ma chom unan eus an embannoù gwashañ en istor ar c'hoarioù video.
Ar c'hentañ fuzuilh eneptank e oa bet an Tankgewehr M1918, 18.5 kilogram e oa e bouez ha 1m70 e hirder.
Eus ar barzh kembreat Rhys ap Dafydd Llwyd ap Llywelyn Lygliw ne ouier netra nemet e anv ha chomet ez eus bet ur barzhoneg gantañ nemetken, unan karantez evit ur plac'h dianav.
Olybrius marvet e 472 e oa bet diwezhañ Impalaer roman ar C'hornôg eus an dierniezh Teodosius.
Ouzhpenn 890 loarenn a zo e koskoriad an Heol.
Ar papigod a oa ur sport poblek e Breizh er Grennamzer.

Ur raktres deus ar Wikimedia Foundation eo Wikipedia.

Commons
Bank roadennoù liesvedia
MediaWiki
Diorren poelladoù
Meta-Wiki
Kenurzhiañ
Wikilevrioù
Levrioù ha testennoù frank
Wikiroadennoù
Diaz anaoudegezh
Wikikeloù
Keloù digor
Wikipedia
Holloueziadur
Wikiarroud
Dastumad arroudennoù
Wikimammenn
Al levraoueg dieub
Wikispesad
Roll ar spesadoù bev
Wikiskolveur
Binvioù frank evit deskiñ
Wikeriadur
Geriadur & tezorus