Progresu
Progresu ye un movimientu escontra un estáu percibíu como refináu, ameyoráu o deseyáu, davezu oponiéndose a involución o decadencia.[1][2][3] Ye central na filosofía del progresismu, que interpreta'l progresu como'l conxuntu d'avances na tecnoloxía, ciencia y la eficiencia de la organización social, esta última llográndose xeneralmente al traviés de l'aición social direuta, como n'empresa social o al traviés del activismu, pero tamién siendo alcanzable al traviés de la evolución sociocultural natural, que'l progresismu sostién que toles sociedaes humanes deberíen esfrutar.
Suel usase'l términu nun sentíu non material, ye dicir, una descarga informática pue progresar por exemplu, nel sentíu de que avanza, pero normalmente resérvase la pallabra pa falar de cambeos sociales o ideolóxicos.
El conceutu de progresu foi introducíu a principios del sieglu XIX nes teoríes sociales, especialmente la evolución social como la describieron Auguste Comte y Herbert Spencer. Estaba presente nes filosofíes de la historia de la Ilustración. Como oxetivu, el progresu social foi defendíu por distintos ámbitos de les ideoloxíes polítiques con teoríes diferentes sobre cómo tien de llograse.
Esta idea de que la vida o la humanidá avancen supón una determinada concepción del tiempu, por eso ye imposible nes cultures que creen que'l tiempu ye cíclicu y amás implica optimismu y una visión teleolóxica (creer que tolos seres se van perfeccionando y igualmente les comunidaes a les que pertenez). Por eso xurdió cola Ilustración y consolidóse nel xix, colos grandes cambeos técnicos asociaos a la Revolución Industrial.
Ver tamién
[editar | editar la fonte]Referencies
[editar | editar la fonte]- ↑ «Progress definition and meaning | Collins English Dictionary».
- ↑ «Progress | Meaning of Progress by Lexico». Archiváu dende l'orixinal, el 16 d'ochobre de 2018.
- ↑ «PROGRESS | meaning in the Cambridge English Dictionary».
Enllaces esternos
[editar | editar la fonte]
Wikimedia Commons acueye conteníu multimedia sobre Progresu.
