1991

	1991 год паводле тэм:
	З’явіліся · Зніклі · Нарадзіліся · Памерлі
	Культура і мастацтва
	Навука і тэхналогія
	Палітыка

Тысячагоддзе:	2 тысячагоддзе
Стагоддзі:	XIX стагоддзе; XX стагоддзе ; XXI стагоддзе;
Дзесяцігоддзі:	1970-я; 1980-я; 1990-я; 2000-я; 2010-я;
Гады:	1988; 1989; 1990; 1991; 1992; 1993; 1994;

Падзеі

Распад СССР

Студзень

7 студзеня: Пастановай урада Беларусі дні святкавання Раства 25 снежня і 7 студзеня абвешчаны непрацоўнымі днямі.
13 студзеня: Савецкія войскі штурмам узялі будынак тэлецэнтра ў Вільнюсе.
15 студзеня:
- Кольцападобнае сонечнае зацьменне назіралася ў максімальнай фазе над Ціхім акіянам.
- У Мінску заснаваны Нацыянальны дзяржаўны гуманітарны ліцэй.
17 студзеня: Авіяцыя шматнацыянальных сіл пачала паветраную наступальную аперацыю супраць Ірака ў ходзе вайны ў Персідскім заліве.
30 студзеня: Прэм’ера фільма «Маўчанне ягнят» адбылася ў Нью-Ёрку.

Люты

24 лютага: Шматнацыянальныя сілы пачынаюць наземнае наступленне ў ходзе вайны ў Персідскім заліве.
25 лютага: Іракская ракета падае на амерыканскія казармы ў Дахране, Сірыя.
26 лютага: Садам Хусейн загадаў іракскім войскам пакінуць Кувейт.
28 лютага: Вайна ў Персідскім заліве скончана.

Сакавік

5 сакавіка: Прайшлі парламенцкія выбары ў Грэнландыі.
17 сакавіка: Адбыўся агульнасаюзны рэферэндум, большасць грамадзян БССР прагаласавала за захаванне Савецкага Саюза.
24 сакавіка: Завяршыўся II з’езд БНФ у Мінску.
31 сакавіка: Адбыўся ваенны інцыдэнт каля Плітвіцкіх азёр, пачатак вайны ў Харватыі.

Красавік

3 красавіка: Рабочыя перакрылі рух трамваяў на вуліцы Даўгабродскай у Мінску, пачатак Красавіцкіх забастовак у Беларусі.
9 красавіка: Грузія абвясціла незалежнасць.
13 красавіка: Утвораны Мінска-Магілёўская каталіцкая архідыяцэзія і Гродзенская дыяцэзія.
24 красавіка: Удзельнікі палітычнай стачкі ў Оршы блакіравалі чыгуначны вузел.

Май

6 мая: Чэмпіянат свету па снукеры 1991 завяршыўся перамогай англічаніна Джона Пэрата.
7 мая: Выйшла Mac OS System 7.
19 мая: У Харватыі адбыўся рэферэндум аб незалежнасці.
24 мая: Эрытрэя атрымала незалежнасць ад Эфіопіі.
25 мая: У Мінску пачаўся I Міжнародны кангрэс беларусістаў.

Чэрвень

12 чэрвеня:
- Барыс Ельцын абраны Прэзідэнтам Расіі.
- На референдуме жыхары Ленінграда прагаласавалі за вяртанне гораду назвы Санкт-Пецярбург.
25 чэрвеня:
- Па выніках праведзенага рэферэндума Славенія абвясціла незалежнасць.
- Улады Харватыі прынялі дэкларацыю незалежнасці.
27 чэрвеня: Пачаўся ўзброены канфлікт паміж Славеніяй і Югаславіяй.

Ліпень

7 ліпеня: Завяршылася Дзесяцідзённая вайна паміж Славеніяй і Югаславіяй.
11 ліпеня: Поўнае сонечнае зацьменне назіралася ў максімальнай фазе ў Цэнтральнай Амерыцы.
31 ліпеня: Група байцоў савецкага АМАПа здзейсніла напад на мытны пункт пад Мядзінінкаем, 7 літоўскіх афіцэраў былі забіты.

Жнівень

18 жніўня: Падзенне аўтобуса пад Хацежынам стала найбуйнейшым дарожна-транспартным здарэннем у гісторыі Беларусі.
19 жніўня: Пачаўся Жнівеньскі путч, абвяшчана надзвычайнае становішча ў Маскве, Прэзідэнт СССР Міхаіл Гарбачоў фактычна адхілены ад пасады ў рэзідэнцыі ў Крыме.
22 жніўня: Міхаіл Гарбачоў вярнуўся ў Маскву. Прэзідэнт РСФСР Барыс Ельцын выступіў на мітынгу каля Дома Саветаў.
24 жніўня:
- Украіна абвясціла незалежнасць.
- Міхаіл Гарбачоў пакінуў пасаду генеральнага сакратара ЦК КПСС.
25 жніўня: Дэкларацыі аб суверэнітэце БССР нададзеная сіла канстытуцыйнага закону. Прыпынена дзейнасць КПБ.
26 жніўня: Закон аб палітычнай і эканамічнай самастойнасці БССР.
27 жніўня: Парламент Малдовы прыняў Дэкларацыю аб незалежнасці.
30 жніўня: Абвешчана незалежнасць Азербайджана.
31 жніўня: Кыргызстан абвясціў аб незалежнасці.

Верасень

1 верасня: Аб’яўлены суверэнітэт Узбекістана.
2 верасня: ЗША прызнала незалежнасць Эстоніі, Латвіі і Літвы.
4 верасня: Прынята пастанова Савета Міністраў БССР «Пра ўвекавечанне памяці Францыска Скарыны за мяжой».
5 верасня: З’езд народных дэпутатаў СССР прыняў Дэкларацыю праў і свабод чалавека.
6 верасня: СССР прызнаў незалежнасць Латвіі, Літвы і Эстоніі.
8 верасня: Былая югаслаўская рэспубліка Македонія атрымала незалежнасць.
14 верасня: Завяршыўся 48-ы Венецыянскі кінафестываль, «Залатога льва» атрымаў фільм «Урга — тэрыторыя кахання^[en]» рэжысёра Мікіты Міхалкова.
16 верасня: Утвораны нацыянальны парк «Белавежская пушча».
19 верасня: Прыняцце новай назвы краіны — Рэспубліка Беларусь: і дзяржаўных сімвалаў (герба Пагоня і бела-чырвона-белага сцяга).
21 верасня: На рэферэндуме ў Арменіі большасць выказалася за выхад са складу СССР.

Кастрычнік

7 кастрычніка: Ваенна-паветраныя сілы Югаславіі здзейснілі бамбардзіроўку будынку ўрада Харватыі ў Заграбе.
18 кастрычніка: Прыняцце Закона аб грамадзянстве Рэспублікі Беларусь
27 кастрычніка: Туркменістан абвясціў незалежнасць.

Лістапад

18 лістапада: Войскі Югаслаўскай народнай арміі авалодалі горадам Вукаварам.

Снежань

1 снежня:
- Ва Украіне праведзены рэферэндум па пытанні незалежнасці ад СССР, які паказаў 90 % сцвярджальных адказаў.
- На прэзідэнцкіх выбарах ва Украіне перамогу атрымаў Леанід Краўчук.
- На рэферэндуме ўхвалена незалежнасць самаабвешчанай ПМР.
8 снежня:
- Падпісанне ў Віскулях пагаднення аб скасаванні Дамовы аб утварэнні СССР і спыненні яго існавання. Стварэнне СНД.
- На прэзідэнцкіх выбарах у Малдове перамогу атрымаў Мірча Снегур.
9 снежня: Плошчы каля Дома ўрада ў Мінску нададзена назва Плошча Незалежнасці.
11 снежня: Вярхоўны Савет Рэспублікі Беларусь зацвердзіў Палажэнне «Аб Дзяржаўным бела-чырвона-белым сцягу Рэспублікі Беларусь».
14 снежня: Створана грамадскае аб'яднанне «Беларускі саюз жанчын».
15 снежня: Пачалося вяшчанне Польскага Радыё на беларускай мове.
16 снежня: Казахстан абвясціў незалежнасць.
21 снежня: Кіраўнікі 11 былых савецкіх рэспублік у Алма-Аце прынялі Дэкларацыю аб утварэнні Садружнасці Незалежных Дзяржаў і канстатавалі спыненне існавання СССР.
22 снежня: Апошнімі народнымі артыстамі СССР сталі Ала Пугачова і Алег Янкоўскі.
24 снежня: Апошняе ўзнагароджанне званнем Героя Савецкага Саюза, ім стаў афіцэр-падводнік Леанід Саладкоў.
25 снежня: Міхаіл Гарбачоў пайшоў у адстаўку з пасады Прэзідэнта СССР.
27 снежня:
- В'етнам прызнаў незалежнасць Рэспублікі Беларусь.
- Устаноўлены дыпламатычныя адносіны паміж Рэспублікай Беларусь і Украінай.
28 снежня: Беларусь устанавіла дыпламатычныя адносіны з ЗША.

Нарадзіліся

24 студзеня: Жан Белянюк, украінскі спартсмен і палітык.
15 красавіка: Анастасія Віннікава, беларуская спявачка.

Памерлі

7 студзеня: Кандрат Крапіва, беларускі паэт (нар. 5.3.1896)
11 студзеня: Карл Дэйвід Андэрсан, амерыканскі фізік
17 студзеня: Улаф V, кароль Нарвегіі
30 студзеня: Джон Бардзін, амерыканскі фізік, лаўрэат Нобелеўскіх прэмій па фізіцы (нар. 23.5.1908)
9 лютага: Аркадзь Мігдал, савецкі фізік-тэарэтык, акадэмік АН СССР (нар. 11.3.1911)
12 сакавіка: Вільям Хайнесен, фарэрскі пісьменнік
12 сакавіка: Рагнар Граніт, шведскі нейрафізіёлаг, лаўрэат Нобелеўскай прэміі па фізіялогіі і медыцыне 1967 (нар. 30.10.1900)
7 ліпеня: Міхась Рудкоўскі, савецкі беларускі паэт і перакладчык (нар. 17.4.1936)
14 ліпеня: Павел Маразенка, савецкі акцёр тэатру і кіно, заслужаны артыст Украінскай ССР (нар. 5.7.1939)
30 жніўня: Жан Тэнглі, швейцарскі скульптар
3 верасня: Фрэнк Капра, амерыканскі кінарэжысёр
7 верасня:Эдвін Макмілан, амерыканскі фізік, лаўрэат Нобелеўскай прэміі па хіміі 1951 (нар.18.9.1907)
28 верасня: Майлс Дэйвіс, амерыканскі джазавы музыкант
27 кастрычніка: Пейке Кох, нідэрландскі мастак
24 лістапада: Фрэдзі Меркуры, англійскі спявак і музыкант, вакаліст рок-гурта «Queen» (нар. 5.9.1946)
20 снежня: Гастон Варэнгьен, французскі лінгвіст, эсперантолаг, паэт, перакладчык, публіцыст на мове эсперанта