Bitcoin
| Bicoin | |
|---|---|
 | |
| Perzhioù | |
| Liester | bitcoins (en) |
| Arouez | ₿ |
| Kod | BTC (nann-ISO 4217) |
| Spisder | 10-8 |
| Ranngementennoù | |
| 1⁄1000 | millibicoin |
| 1⁄1000000 | microbitcoin |
| 1⁄100000000 | satoshi[1] |
| Diorroadur | |
| Kentaozer | Satochi Nakamoto |
| Levr gwenn | Bitcoin: A Peer-to-Peer Electronic Cash System |
| Sevenidigezh | Bitcoin Core |
| Kentel gentañ | 0.1.0 (09/01/2009) |
| Kentel nevesañ | 30.0.0 (11/10/2025) |
| Kambr houarnet | GitHub |
| Stad | War ober |
| Lavar | C++ |
| Doare mammenn | Digor ha digoust |
| Aotre | MIT License |
|
| |
| Internet | (fr) bitcoin.org |
Bitcoin (BTC, ₿ pe XBT) zo ur c'hriptomoneiz hag ur rouedad paeañ par-ouzh-par (P2P) krouet e 2008 gant un den pe ur strollad tud dizanv gant an anv-pluenn Satoshi Nakamoto. Embannet eo bet ar c'hod mammenn e miz Genver 2009 gant an doare open-source, ar pezh a verk ganedigezh ar rouedad moneiz niverel digreizennet kentañ. Implijet e vez an doare skrivañ « bitcoin » evit lakaat ar gaoz war ar c'hriptomoneiz, ha « Bitcoin » gant ur bennlizherenn evit kaozeal deus ar rouedad par-ouzh-par.
Diazezet eo Bitcoin war un deknologiezh anvet blockchain e saozneg, chadenn vloc'hoù e brezhoneg, ul levr foran ha n'eo ket posupl falsañ eo, e-lec'h ma vez enrollet an holl eskemmoù. Gwiriekaet e vez an eskemmoù-se gant ur rouedad urzhiataerioù digreizennet anvet « mengleuzierien », hag a warez ar rouedad en ur ziskoulmañ jedadennoù kriptografikel. En eskemm d'o labour, e resevont bitcoinoù nevez. Bevennet eo an niver a victoinoù, 21 milion a vo d'ar muiañ, met posupl eo rannañ bep bitcoin e lodennoùigoù bihanoc'h betek 8 niver goude ar virgulenn, anvet « Satoshi » en enor da Satochi Nakamoto.
Talvoud ar Bitcoin
[kemmañ | kemmañ ar vammenn]Digreizennet eo ar Bitcoin, ha ne vez ket graet war e dro gant ur bank kreiz, setu perak e cheñch talvoud ar bitcoin hervez ar c'hinnig hag ar goulenn, evel talvoud ar c'hevrannoù gwerzhet ha prenet en eskemmdioù. Abalamour d'an dra-se ha d'ar fed e chom diaes da implijout evit paeañ war ar pemdez, ne vez ket gwelet ar Bitcoin gant tud zo evel ur moneiz gwirion.
E miz Du 2025 ez euz 19,95 milion a victoinoù diwar ar 21 milion a vo d'ar muiañ. Ar priz uhelañ bet tizhet betek-henn eo 106 537,82 € evit ur bitcoin, tizhet eo bet ar priz-mañ d'ar 7 a viz Here 2025, pa dalveze ur bitcoin 214,76 € 10 vloaz abretoc'h e miz Here 2015.
Liammoù diavaez
[kemmañ | kemmañ ar vammenn]
- (en) Nakamoto, Satoshi. Bitcoin: A Peer-to-Peer Electronic Cash System @ Bitcoin. Kavet : 23 Du 25.
Notennoù
[kemmañ | kemmañ ar vammenn]- ↑ En enor da Satochi Nakamoto.
