Grampoder

¡Estamos de volta!

O próximo xoves 3 de xuño volvemos á ruta. Estaremos na praza de Praterías, en Santiago D.C., facendo parte da programación de Prima21.

Volvemos en formato mínimo, desta vez máis eléctrico, máis rabioso e máis directo. Aproveitaremos para comezar a tocar algunhas cancións do que debería ser un novo disco, aí para outono.

Esperamos que sexa a primera de moitas veces que vos vemos por aí adiante.

Á Coruña con Caxade e Retroalimentación. Entre outras moitas cousas fabulosas, facer parte de Discos da Máquina permítenos compartir escenario de vez en cando con varios dos nosos músicos favoritos. É o caso de Caxade, con quen estaremos mañá na Coruña (Sala Mardi Gras, 22.00h, 6/8€). O amigo Javier Becerra, de La Voz de Galicia, tivo a xentileza de convidarnos a un dos seus concertos de Retroalimentación, e nós ben que llo agradecemos.

Outra cousa máis: o martes que vén, día 28, tocamos en formato dúo na Reixa, Santiago D.C. Xa vos contaremos!

De festis. Os Grampoder estaremos o venres en Santiago DC e o sábado en Burela. No primeiro caso, gracias aos amigos de Work On Sunday teremos a honra de abrir o festival WOS INC. 2014, no que tocan moitos grupos incribles que coñecemos e queremos e outros tantos que queremos descubrir. Bótanlle peito estes da Ribeira Sacra ;) Nós tocamos ás 17.00 na Fundación Granell. Podedes facervos coas entradas de moitas maneiras, listadas aquí.

No caso de Burela, estaremos tamén pola tarde (contra as 19.30) na xornada de sábado do festival Osa do Mar, outra cita que debuta no final de verán. Outro cartelazo, outra aposta valiente. Moita sorte!

Ribas de Sil e máis alá. Mañá sábado 23 os Grampoder tocamos en Ribas de Sil ás 22.00, na praia fluvial. O sitio é moi chulo, así que a noite promete. 

E aínda temos máis cousas que facer antes de que remate o verán. O venres 12 de setembro pola tarde teremos a enorme honra de abrir o festival WOS INC. en Santiago DC. O cartel quita o hipo: gracias por acordarvos de nós! Ao día seguinte, o sábado 13, iremos a Burela para facer unhas cantas cancións no tamén recén creado Osa do Mar. Tocamos contra as seis e media da tarde, tamén rodeados de grupazos.

Xa para o outono estaremos na Coruña, con Caxade, na Mardi Gras, nos concertos de Retroalimentación (o 24 de outubro). Hai algunha cousa máis en carteira, xa vos iremos contando.

Festigal. Mañá venres 25 temos a honra de participar no Festigal (21.30, zona do Café Concerto). Este era un concerto previsto para hai un ano e que se tivo que suspender por causa do accidente do Alvia en Angrois. Estamos enormemente agradecidos á organización por repescar aos grupos que tiñan apalabrados para entón; aínda que parece o máis lóxico, non sempre é o que se fai. 

Así que para a ocasión xuntaremos de novo a nosa formación trébol con Xalo Sub Rosa aos teclados, cunha primeira parte acústica e unha segunda máis ruidosa. 

A principios de agosto estaremos no Feito a Man, na zona vella de Santiago D.C. O día 23 tocaremos en Ribas de Sil, na praia fluvial (moitas ganas!). Seguramente faremos algunha cousa máis, así que atentos ao transistor.

Foz. Esta noite (venres) os Grampoder tocamos no festival VRAÓ, en Foz, terra de grandes desmadres estivais polo menos para os que somos de por alá arriba. Temos ademais a fortuna de participar nunha noite 100% Discos da Máquina na que tamén actuarán Sub Rosa e The Lost Ommelette Makers.

Atardecer no Gaiás. O sábado que vén, 5 de xullo, ás 21.00 horas, tocaremos na Cidade da Cultura de Galicia, que tivo a ben incluirnos no seu programa Atardecer no Gaiás. El@s poñen unhas vistas espectaculares; nós algo de música (en dous sets, acústico e cochino) e unha sorpresa aos teclados.

Lugo forevah. Os Grampoder vamos repartir o verán entre Santiago DC e Lugo, que é o futuro e vós sabédelo. 

Estas son as datas nas que poderemos vernos na ruta durante os próximos meses:

Sábado 5 de xullo: Atardecer no Gaiás (Cidade da Cultura, Santiago DC).
Venres 11 de xullo: Festival Vraó (Foz).
Venres 25 de xullo: Festigal (Santiago DC).
Sábado 23 de agosto: Ribas de Sil
Venres 12 / sábado 13 de setembro: Festival Osa do Mar (Burela).