Bonveno a Wikipedio, l'enciklopedio libera e gratuita, redaktata da la propra lektanti per Ido, Esperanto reformita e selektita kom l'internaciona helpanta linguo ye 1907. Vu povas obtenar l'informo quan vu serchas sequante la ligili od uzante la sercho-buxo ye la supra dextra parto dil fenestro.
Anke vu povas kunlaborar editante l'artikli qui ja publikigesis por plubonigor li o kreante nova artikli pri temi quin vu bone konocas. Memorez ke la reda ligili havas nula artiklo asociata e ke se vu volas skribor pri nova temo qua ne havas ula ligilo kreata, unesme vu mustas serchar existanta artiklo relatanta por krear ligilo a vua nova skribajo ibe. Vu povas krear necesa ligilo ank en Probeyo.
Ne timez pro ne skribor vua artikli per perfekta Ido. Plu experta idisti revizos e korektigos ol pose. Simple atachez la ligilo {{Revizo}} a vua artiklo ed olu aparos en la fako Pagini revizinda por ke altra idisti revizez ol.
en historio
dum januaro 50, 100 e 200 yari ante nun …
21 di januaro1976. Concorde, la pasajero-aeroplano qua flugis plu rapide kam sono, unesmafoye flugis reguloze, de London a Bahrain e de Paris a Rio de Janeiro. Flugi di Concorde super Usa esis komence interdiktata pro la granda sono efektigata; ca interdikto esis pose revokata por Dulles-aeroportuo proxim Washington D.C., e plu tarde por l'aeroportuo John F. Kennedy en New York. Reguloza flugi di la aeroplano komencis de JFK-aeroportuo en novembro 1977. Concorde oficale retretis ye 24 di oktobro 2003. Kauzi esis diminutata pasajero-nombri pos la mortiva acidento di 25 di julio 2000 en Francia, minmulta voyaji per aero pos la ataki di 11 septembro 2001, e plu granda manteno-kusti. La lasta flugo di irga Concorde eventis en Anglia en novembro 2003, de l'aeroportuo di Heathrow a Bristol.
26 di januaro1926. En London, John Logie Baird, ye la ciencala organizuro la Royal Institution, unesmafoye publike demonstris transmiso di imaji per televiziono. Il komencabis konstruktar tala aparato en 1923, ed en marto 1925 il unesmafoye publike demonstrabis movanta silueti transmisata per televiziono. Il transmisis en 1927 televiziono-signalo per telefono-lineo inter London e Glasgow, ed en la sequanta yaro il transmisis imaji trans la Atlantiko, de London a New York. Pose dum kelka yari la BBC transmisis programi per la televiziono-sistemo di Baird, per qua imaji konsistis ek triadek linei.
15 di januaro1826. La jurnalo Le Figaro komencis editesar, originale kom semanala satirala revuo. La nomo venis de la karaktero en plura dramati da Beaumarchais, de qui un, La Mariajo di Figaro, divenis opero da Mozart. Olua moto prenesis de la monologo en la finala akto di La Mariajo di Figaro: "Sans la liberté de blâmer, il n'est point d'éloge flatteu". ("Sen la libereso di kritikar, existas nula flatanta laudo.") Ol divenis diala jurnalo en 1866; 56.000 kopiuri di la unesma diala numero vendesis. Nuntempe, ol esas la duesma jurnalo en Francia, pri kopiuri vendata, dop Le Monde.
La rolo di Benjamin Franklin persuadis Britania pulsar Francia ek Kanada e kinadek yari pose persuadis Francia helpar pulsar Britania ek Usa esas extrema pruvo di paktal arto.
Franklin esis un ek la fondinti di Usa e kunkompilinti dil Usana konstituco de 1776.
Prato esas regiono di la Tero ube la dominacanta plantaro konsistas ek herbi, nam la pluvo ordinare ne esas suficanta por sustenar plu alta plant-formi.
Esas tri speci: savano, o tropikala herblando, havas grosa herbi, e trovesas en Afrika e Sud-Amerika.
