Monthly Archives: June 2005

… og ég fékk sprautu í rassinn! LOL!
Ég hélt að ég mundi deyja úr hlátri þegar ljósan mín sagði að ég þyrfti að fá sprautu í bossann! Ég var s.s. send í frekar ítarlega blóðrannsókn síðast (fyrir 2 vikum) vegna þess að ég er með svo mikinn fótapirring á kvöldin og nóttinni. Svo að ég fór á netið og las mér helling til um þetta og þar einhversstaðar stóð að járnskortur og B-12 vítamínskortur væru oft orsakavaldar þessa leiðindapirrings svo að ég fór bara framá það að þetta yrði athugað.

Jájá… ég kom heldur betur glimmrandi útúr þessu, eða þannig! Viðmiðunarmörkin eru á bilinu 210-800 pmól/L og ég mældist með 98!!! Heh… rúmlega helmingi of lág! Ég er líka of lág í hemóglóbín, eða 103 en viðmiðunarmörkin þar eru 118-152 g/L. Læknirinn sagði að svona B-12 skortur orsakaði oft lélega upptöku í líkamanum á öllum efnum svo að það er ekkert skrítið að ég sé svona lág í blóði. Þeir vona að þessar sprautur (í rassinn haha) lagi þetta hjá mér. Og ég vona það líka, þá fæ ég kannski aðeins meiri orku og verð aftur eins og ég á að mér að vera!

Ég fer aftur í sprautu (í rassinn haha) á föstudaginn. Á s.s. að koma á 2ja daga fresti í 5 skipti og verð svo sprautuð á 3ja vikna fresti eftir það. Og á að halda þessari meðferð áfram eftir að ég er búin að eiga og þarf að láta fylgjast með þessu í amk ár.

Verst hvað þetta er ógeðslega dýrt maður!!! Rúmur 7þúsund kall, bara lyfin!! En eins og mamma sagði, maður metur ekki heilsuna til fjár.

**EDIT**
Já.. barnið er búið að snúa sér og er núna í höfuðstöðu. Enda eru fyrirvaraverkirnir og þrýstingurinn niður í leghálsin búnir að vera ekkert eðlilega miklir undanfarið! Ég vissi að það væri að snúa sér, fann það bara á mér einhvern veginn. Svo er bumban líka svo siginn eitthvað. S.s. – allt gott að frétta úr bumbuheimum!

… með bútinn sem að ég er að sauma í teppið handa bumbukrúttinu mínu. Ég er að fá senda ferninga frá 11 konum, víðsvegar að um heiminn, sem að mamma mín ætlar að setja saman í teppi því að ég er alvarlega fötluð þegar það kemur að því að sauma á saumavél. Ég læt mömmu mína alfarið um það!

Ég kláraði allann krosssauminn í gær og er svo að fara að gera afturstinginn í dag. Mér finnst gaman að stinga myndina, sjá hana lifna við. Svo að ég tók mynd núna, s.s. án afturstings.

Það er ofsalega mikið af 1/4 sporum í þessari mynd. Alveg ofsalega mikið! En hún verður í rauninni ennþá fallegri fyrir vikið. Hér má sjá mynd, mjög nálægt, af þessum litlu 1/4 sporum (sem að mér líkar miklu betur að gera á hör eða evenweave!!!)

Svo tek ég aðra mynd þegar ég er búin að stinga og set hana hérna inn. Það er svo gaman að sjá hvernig myndirnar breytast og lifna við þegar maður stingur þær. Það finnst mér allavega.

… í Tímariti Morgunblaðsins um fæðingu Ásu Sóleyjar er yndisleg. Og myndirnar!!! Ég grét bara þegar ég var að skoða þetta og lesa, þvílíkt dásamlegt.

Og núna er mig farið að langa að fæða heima. Aaaaaðeins of seint í rassinn gripið en maður gerir þetta kannski bara næst. Örugglega æðisleg tilfinning. Annars er mig búið að dreyma fæðinguna þó nokkuð oft undanfarið. Í öllum tilfellum líður mér vel í fæðingunni og þetta gengur vel. Nema náttúrulega þegar ég fæddi pony hestinn. Haha, það var fyndið!

Ég bara verð að sýna ykkur eina mynd af mér og Sonju vinkonu sem að var tekinn í saumaklúbb hjá Ástu í maí. Sonja átti svo dóttur sína þann 2.júní síðastliðinn. Það er einmitt grein um fæðingu dóttur hennar, Ásu Sóleyjar, í Tímariti Morgunblaðsins í dag og ég mæli með að allir skoði hana.

… úr afmælinu hans afa míns. Djöfull lítur kallinn vel út þrátt fyrir að vera 73 ára gamall! Hann er svo mikill hönk. Svona silfurrefur eins og Sean Connery. En bara sætari, af því að hann er afinn minn!

Heimasætan fór heim til foreldra minna eftir afmælið og ætlar að gista þar í nótt. Ég tók óvart bangsann sem að ég er að sauma með í töskunni hennar heim til afa míns, og taskan er núna heima hjá foreldrum mínum með henni. Og þar ofaní er líka litla saumataskan mín með garninu í Angel of Dreams svo að ég get ekki heldur haldið áfram að sauma hana! Damn!

Ég er að spá hvort að ég eigi að láta freistast og byrja á þessari:

Mig er búið að langa að sauma hana alveg rosalega lengi!!!! Og hún er fljótsaumuð. Eða hvort að ég eigi bara að fara að prjóna.. nenni samt einhvern veginn ekki að prjóna akkúrat núna. Æji fjandinn…. ég byrja bara á henni!

Þessi rigning úti er æðisleg! Ég elska þegar það er svona kyrrt og hellidemba úti. Það kemur svo mikil sumarlykt í loftið…

Við mæðgur erum að fara í grill hjá afa mínum, langafa dóttur minnar. Hann á afmæli á þriðjudaginn og það verður einhver mega grill fjölskylduveisla hjá honum í Vogunum kl.18.00
Mio er að vinna svo að hann kemst því miður ekki með. Stór hluti af ennþá stærra verkefni sem að hann þarf að skila af sér á mánudaginn. Og svo er hann í upptökum í stúdíóinu á morgun svo að hann þarf helst að klára þetta í dag/kvöld.

Ég vaknaði klukkan hálf sex í morgun með þvílíku fyrirvaraverkina. Þeir eru alltaf að verða verri og verri. Ef ég væri ekki búin að ganga í gegnum þetta áður þá hefði ég haldið að ég væri að fara af stað í morgun. Spurning hvort að ég biðji ljósuna mína um að kíkja aðeins á mig á miðvikudaginn þegar ég fer í skoðun því að þetta er farið að koma svo oft og er orðið frekar sársaukafullt, svo að ekki sé minnst á þreytandi. Var svona frá 6.mánuði þegar ég gekk með Sumarrós, þannig að maður er “vanur” hehe.

En jæja… best að fara að máta föt og sjá hvað ég kemst í og lít þokkalega út í. Heimasætan er ready, var fljót að drífa sig í kjól þegar hún vaknaði í morgun.

Íbúðin seldist á 10,7 milljónir!

Ég var orðin svo spennt hérna rétt fyrir þrjú að ég hélt að ég mundi missa vatnið!!!!! Hahahaha!

Djöfull er ég glöð! Ég mundi sko detta ærlega í það ef ég væri ekki ófrísk!!

Ég var hjá fasteignasalanum áðan. Það er sett á íbúðin 10,9 milljónir og við fengum tilboð uppá 10,4 í gær. Ég gerði gagntilboð uppá 10,7 og fasteignasalinn sagðist vera nokkuð vongóður um að þau gengu að því. Tilboðið stendur til kl.15.00 í dag og ég er svo spennt að ég er að tapa mér hérna! Lít á klukkuna á 5 mínútna fresti!

Ef þau ganga að tilboðinu mínu þá verðum við flutt eftir ca 2-3 vikur. Vúhú!

Það var að koma tilboð í íbúðina mína!
Fer á fund með fasteignasalanum í fyrramálið!
Spennó spennó spennó!

… á smá handavinnublogg.

Eins og áður hefur komið fram er ég búin með ungbarnapeysuna sem að ég var að prjóna. Þar sem að þetta er “meyjarstykkið” mitt í prjónaskap (þ.e.a.s eitthvað aðeins flóknara en trefill eða pottaleppar) þá er ég alveg ofsalega stollt af þessu verki. Hellingur af kredit fer til Ágústu fyrir að hjálpa mér áfram og Hafrúnar fyrir munstrið.

Og svo er ég byrjuð á peysu handa Mio mínum. Þessi er í nýjustu Álafossbókinni og heitir Rökkur. Þetta er handlitaður íslenskur lopi og það er hrein ununn að vinna með hann. Og litirnir sem að eru í boði eru hreint út sagt geggjaðir! Allir einhvern veginn beint úr íslenskri náttúru, svartur og grár eins og hraunið, brúntónaður, rauður, blár ofl. Mæli með því að allir sem að hafa áhuga á prjónaskap kíki á þennann lopa. Ég er s.s. að klára bakstykkið. Búin að taka úr fyrir handvegnum og svo er það hálsmálið og axlirnar eftir.

Og svo er ég búin að vera að setja “glimmer” (eins og dóttir mín segir) á Angel of Dreams frá L&L . Það gengur hægt, enda er erfitt að sauma með þessum glitþræði.
Svona lítur hún út í dag:

Og hér er mynd af glitþráðunum, nálægt:

Í dag ætla ég svo að byrja á bangsa í bútasaumsteppi handa bumbukrílinu. Ég er búin að fá senda 11 ferninga frá konum útum allan heim sem að ég hef verið með í saumaklúbbum á netinu síðan 1999. Þessir ferningar verða svo settir saman í teppi handa krílinu af henni mömmu minni. Þeir eru allir komnir í hús nema einn og svo er ég að fara að sauma mitt stykki. Ég held að þetta verði æðislegt teppi, og ekki skemmir hugsunin á bakvið það heldur. Jæja… best að draga upp nál og þráð!

… ég var að koma úr sjúkraþjálfun og nálastungu og mér líður svo vel. Var næstum því sofnuð í nálastungunum, þetta var það afslappandi. Er eiginlega bara að bíða eftir að klukkan verði tvö svo að ég geti fengið mér göngutúr niðrí vinnu til mömmu. Og er jafnvel að hugsa um að koma við á vinnustaðnum mínum í leiðinni.

Kannski að maður ætti bara að leggja sig þangað til? Pæling….

Nótt 2 í hundi gekk betur en fyrsta nóttin, en samt ekki nógu vel til að mig langi í hund. Sagði við Mio í gær að ef hann ætlaði að fá sér hund eins og hann hefur verið að tala um, þá fái ég hest. Og þá flytjum við í sveit. Djöfull væri ég til í það!!!

.. með barnapeysuna! Mamma kom eftir vinnu og sýndi mér hvernig maður setur þetta saman (0g það var auðvitað alveg eins og ég hélt haha, svona er maður klár). Og svo heklaði ég kannt á hana líka. Gerði reyndar ekki kanntinn sem að gefinn er upp í uppskriftinni, heldur skáldaði ég bara eitthvað upp hjá sjálfri mér.

Þá er það bara að fara í bæinn og kaupa tölur á hana og morgun, festa þær á og voila!

Þá kemur líka mynd. Myndavélin er batteríslaus og Mio er með hleðslutækið fyrir hana með sér í vinnunni… Talandi um Mio… ætli hann fari ekki að verða búinn að vinna?

… einn fjölskyldumeðlimur í hópinn í gær. En bara tímabundið samt. Við erum að passa lítinn Beagle hvolp fyrir vinkonu okkar. Litla krúttið er hrikalega sætt, en jeminn…. ég held að ég muni aldrei nenna að eignast hund! Hann er ekki alveg húsvanur greyið svo að nóttin fór í að vakna skrilljón sinnum við það að hann þurfti að pissa og var annað hvort byrjaður á því hérna inní stofu, eða frammi í eldhúsi, eða þá að Mio náði að vakna með honum og fara með hann fram í forstofu á dagblaðakassann sem að var útbúin fyrir hann í gær. Gólfin mín eru ógeðsleg í dag! Ég er búin að skúra stofuna og eldhúsið, á bara holið eftir.

Og mitt ófríska og ofurnæma lyktarskyn er alveg í essinu sínu núna. Ég finn svo hrikalega mikla hundalykt alls staðar og hundurinn er ekki einu sinni hérna! Mio tók hann með sér í vinnuna því að ég einfaldlega treysti mér ekki til að sjá um hundinn í allann dag. Enda þurfti ég líka að fara með heimasætuna til læknis og það tók alveg einn og hálfan klukkutíma.

Afmælið heppnaðist rosalega vel og ég er búin að ákveða að halda ekki fjölskylduboð. Ég einfaldlega get það ekki. Er ennþá að jafna mig eftir 17.júní og svo afmælin tvö daginn eftir. Líkaminn greinilega bara þolir ekki mikið þessa dagana. Ekkert við því að gera nema sætta sig við það..

Jæja.. ætla að klára skúringarnar og setjast svo við saumaskapinn. Mamma kemur hérna á eftir og kemur mér af stað að setja saman peysuna! Hlakka ekkert smá til!

… er í ofninum. Risa stór skúffukaka og svo er búið að kaupa helling af nammi til að skreyta hana með. Þetta verður þvílíkur dagur. 15 krakkaormar, trampólín, tjöld og blöðrur. Og pizzur og kökur. Veit ekki hvort að ég sé andlega tilbúin í þetta hehe. Ég er að drepast í grindinni eftir allt labbið í gær svo að ég verð líklega í súkkulaðibollu hlutverkinu í afmælinu.

Og ég er með svona tilfinningu eins og ég sé að gleyma einhverju. Það er ekki gott á svona degi
Vonandi er það ekkert.

Tjald – check
Stólar – check
Súkkulaðikaka – in the making
Afmæliskjóll – check
Föt á mig – check
Blöðrur – check
Pizzur – check
Myndavél – check

Þá held ég að það sé komið.

En það var mjög gaman í gær, þrátt fyrir kvalirnar í dag. Hefði bara átt að fara aðeins fyrr heim… Labbaði útum allann bæ, skoðaði fólk og hluti, tókum helling af myndum og fórum út að borða á Austur-Indíafélagið. Vorum heil 8 stykki saman. Ég fór meira að segja á Kaffibarinn í smá tíma en gafst fljótlega upp og labbaði heim.

Mónika vinkona á afmæli í dag!
Valgeir mágur á afmæli í dag!
Erika vinkona á afmæli í dag!

Jæja.. ætla að athuga hvernig kökunni líður inní ofninum.

.. á Grímuna á morgun. Svona er maður mikill leiklistarsnobbari! Hah! Nei, tengdó býður mér, Mio, Valgeiri og Ben með sér og við fórum líka í fyrra og það var rosalega gaman. Ég var að spá í að mæta í handklæði þar sem að ég á EKKERT sem að ég get verið í nema jogginggalla eða svörtum vel sjúskuðum óléttubuxum og einhverri helvítis mussu yfir. En, mín yndislega Anna Sigga kom hérna áðan með fullan poka af sætum kjólum sem að ég get verið í. Er að spá í einum bleikum sem að er ÆÐI og svo sumarlegur og flottur. Svo er reyndar annar svartur sem að er líka rosalega sætur, en mér finnst alveg off að vera í svörtu svona á sumrin. Ætla að máta á morgun og spá í þessu… já, eða á eftir þegar Mio kemur heim og biðja hann að hjálpa mér að dæma.

Labbaði helling í bænum í dag og var gjörsamlega að deyja þegar ég kom heim.

Búin að senda út boðskortin í barnaafmælið á laugardaginn. Þarf að baka súkkulaðiköku og skreyta hana með ógeðslega miklu nammi. Hittum mömmu hennar Gretu þegar við vorum að keyra út boðskortin og það var einstaklega hressandi og skemmtilegt! Mikið rosalega eru þær líkar!!!!!

Það er rosalega óþægilegt að þurfa að sitja með sjóðandi heitan hitapoka við bakið þegar það er svona heitt úti og inni… ég er gjörsamlega að bráðna!