Baoding er ein by i Kina i provinsen Hebei, ved utkanten av den nordkinesiske sletta, 150 kilometer sørvest for Beijing. Byen har 1 035 000 innbyggjarar (2021), og er eit handels- og utdanningssenter. Industrien er allsidig med mellom anna bomullsveveri, gjødselfabrikkar, varmekraftverk og filmstudio. Baoding har også eit av landets største produksjonsanlegg av blad til vindturbingeneratorar. Byen er eit gamalt kultursenter, og var fram til 1958 provinshovudstad under namnet Chingyüan.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.