Rannsóknarnefndir eru öflugt úrræði sem Alþingi hefur til þess að rannsaka og
upplýsa mikilvæg tilgreind mál sem almenning varða. Megintilgangurinn með störfum rannsóknarnefnda er að afla upplýsinga og gera grein fyrir málavöxtum og vera þannig grundvöllur frekari ákvarðana Alþingis og eftir atvikum stjórnvalda.
Nánar um rannsóknarnefndirFréttir og tilkynningar
Skýrsla rannsóknarnefndar Alþingis vegna snjóflóðs í Súðavík 16. janúar 1995
Rannsóknarnefnd Alþingis vegna snjóflóðs í Súðavík 16. janúar 1995, sem starfaði á grundvelli ályktunar Alþingis 30. apríl 2024, afhenti forseta Alþingis skýrslu um rannsóknina kl. 13.00 í dag, mánudaginn 15. desember 2025.
Sama dag kl. 15.00 var á heimasíðu nefndarinnar opnað fyrir aðgang að skýrslunni og gögnum sem fylgja henni í viðaukum. Vefútgáfa skýrslunnar er aðalútgáfa hennar og eru viðaukar með henni einungis birtir á heimasíðu nefndarinnar. Einnig er vísað til þeirra með tenglum þar sem við á umfjöllun í skýrslunni.
Lesa meira