Zuoz ho mantgnieu las perdüttas d’ün passo commoss cun success fin al di dad hoz, insembel culla lingua rumauntscha. L’idiom puter as oda in mincha giassa. Sper la preschentscha istorica da Plaz i’l minz dal lö cullas chesas imposantas dals patriziers daun in ögl las numerusas chesas tradiziunelas culs tipics balcuns torts ed ils ornamaints da sgrafit.

Hozindi es Zuoz eir ün important lö turistic. La vschinauncha vi dal traget dal cuntschaint maraton da passlung spordscha ün'infrastructura per ski alpin impustüt per famiglias, üna plazza da golf da 18 fouras ed es eir cuntschainta pervi dal Lyceum Alpinum Zuoz, üna da las scoulas d’internat internaziunelas las pü renumnedas.