尋家

代朋友出POST:

FROM MY FRIEND:

水廠清貨倉搵到呢隻小貓咪, 媽媽不見了。小貓現在我家, 需要一個家, 請大家幫手問身邊的朋友。
如果有興趣可讓我知道, 小貓開始食乾糧, 仲識用沙盆同尿尿, 好叻仔。

各位, 如自己或朋友有興趣, 可與我聯絡, 希望小貓搵到一個溫暖既家 ^^

男扮女裝~

呢隻衰妹成個男仔頭咁, 又粗魯, 一d都唔淑女, 襯佢重細要幫佢由牛王妹變番個女孩子先~

比D飾物你戴下先~但好唔襯喎~

咁樣呢? 有冇好D?  

嘔~真係一D都唔得~打個煲呔同頸圈感覺重順眼D~

嘩~搞左好耐, 終於有張少女樣~但呢個唔係少女含羞樣, 係有D屎臉樣~哈~

萛啦~放過你啦~你都係死証冇得改~

睇下拍埋阿哥度十足兩兄弟~絕對唔似兩兄妹~

整蠱完佢~氹番佢, 比小小佢鍾意既牛奶佢飲~佢真係好like架, 追住黎飲~但真係小小啫, 唔係有機會肚疴架~

炎夏

好耐冇同大家見面~去左次旅行~公事又忙就冇上來一排~熊妹妹都好掛住大家~不過夏天佢就懶d~成日搵周公子

去親旅行一開喼, 佢一定走入去玩~玩完重要瞓係上面唔願走.....冇佢計

唔止喼, 袋都唔放過, 見到就要坐下先, 重係上面沖下涼~

又搞搞震~

搞完暈左? 哈~因為去完寵物展, 袋入面有包貓草, 佢high左

懶豬一隻~佢好小露肚腩瞓架~自我保護意識好高~唔知係咪熱, 夏天介備放鬆左~

見到佢重有條腰既曲線呢, 我覺得佢瘦架~無計, 都唔like食既~可能冇人同佢爭食所以唔恨食野~

呢張似唔似員工証呢~上面冇黎正經, 下面就一臉認真~哈

2歲大了

17.3.2014 我熊妹2歳大啦~

呢個阿媽自己走左去旅行丟低我同熊豆，好在佢知機係我生日正日返黎同我慶祝，否則我唔會原諒佢~哼

算佢啦，買左我like既小食同玩具比我做生日禮物

生日願望就係三得~食得玩得瞓得

新年快樂~

各位blog友, 新年快樂~貓肥屋潤~貓兒食到舔舔脷~

由於熊阿娘好忙同好懶, 搞到我冇晒消怎息添~其中一個忙點就係本主上車做業主~依間樓價貴, 唯有自家建造, 減輕成本~

為免阿娘馬虎, 我全程監工先得~

搞咁耐先整左條梯~

搞到我鬼咁悶~ 眠一眠先~

試下d板穩唔穩陣先~

喂~咁大條"拉"既?

搞左成粒鐘先完成呢個工程~比想像中細間喎~果然依家d賣樓推銷手法有d問題~唔好話我知係建築面積同實用面積問題呀~

驗收中......

隔離狗哥哥都話恭喜我新屋入伙~

其實呢間只係我私人別墅~事關我本主鍾意瞓邊就瞓邊~貓奴冇得say no~哈

呢個就係我私貓貨倉~有齊我d罐罐同玩具~得閒我就會stock take下~ 

最後我又學人僣建下~再加個番個花園仔咁~

舖番個墊, 得閒晒下太陽咁梳肝下~