haicu: 2006

20.12.06

Macho sensible

A cara que pon teu pai
na escena do bico da peli

que espreitas sen que o saiba

18.12.06

A culpa é dos párkings

De todas as veces que me desaparece o coche
algunha xa podía ser culpa dos cacos
e non sempre do puto guindastre

14.12.06

Matemáticas aplicadas

Nunca houbo dúas Españas
Había e hai España
e media
................como muito

11.12.06

Coidado

Este é o Cambio

das gaitas
pola pachanga

5.12.06

Tráfico de isoglosas

Por que os de Ourense
son "ourensáns"
e non "ourensaos"?

24.11.06

Coartada de lingüista

Lo siento muuucho
la Norma te es aaasí
no lainventado yoooo...

22.11.06

lgtbh

Ao fin e ao cabo
todos sentimos pracer polo cu
nos cuartos de baño

20.11.06

Nunca dou co ramal bo á primeira

Cada vez que entro nunha rotonda
entra en conflito a linearidade
coa natureza cíclica da historia

16.11.06

Termómetro "dixital"

Que nos veñan con díxitos a nós
que sempre ao caldo ou ao viño
lles tomamos a temperatura co dedo...

13.11.06

Hai catro anos

O monstro Eddie e a mariscadora
berraban xustiza dende a súa
camiseta vella de Iron Maiden

8.11.06

Afouteza

Xa tiña pelotas Songoku
pra lle ir arrincar secomasí
as bólas ao dragón

6.11.06

Todos os Santos

Non pode ser
que haxa máis galego-falantes
no cemiterio
. . . . . . . . . . . . ca na aldea

31.10.06

25.10.06

Parábola

O amo da Terra
quixo zarrala cun muro

ficou dentro

24.10.06

Protagonista da miña vida

Tanto pasado e tan pouco
futuro para por fin dar
estado
. . . . . . . presente

18.10.06

Lírica

Pódeche gustar unha cántiga
a primeira vez que a escoitas?

Cun poema pasa o mesmo

17.10.06

Es ti

Ti es a tal pra min
Quero sermos

Ámonos

11.10.06

Para non fodela

Podemos follar a vida
pero tamén cómpre que lle

fagamos un chisco o amor

9.10.06

A aldea máis grande de Europa

Ao entrar pola autoestrada
Santiago é unha metrópole

de tella

5.10.06

Talkin' 'bout my generation

Os faladoiros do s. XXI
non son no Derby
son nas portas dos baños do Maycar

3.10.06

O país do circunloquio

Cantamos cumbias
para falarmos por fin

con seseo

29.9.06

Ola. Colócovos aquí o primeiro texto en prosa de haicu, para vos dicir que hai un ano que subín o primeiro post. Dende aquela até hoxe son, en parte grazas a este blog, un ghicho máis feliz. O feito de ter algo en que estribillar todos os días, darlle voltas ás imaxes que me convoca o licor K ou os paseos e despois subilas fíxome, aínda que pareza unha parvada, cambiar a mirada. E gústame máis o que vexo agora.

Aproveito amais para vos dicir que estou a escolmar estes haicus nun libro, hai cu Pintadas no báter, que non sei se algún día verá a luz como tal, pero que de seguro non había existir sen este espazo e vós que lle dades sentido.

De hoxe nun ano.