இயற்கை என்றும்
மயற்கை உடன்
வயப்படுத்தும் இயல்பு.
பசும் புற்தரையும்
பறவைகளின் ஒயிலும்
நிறை உணர்வுடைத்து.

குறையின்றி இரசியுங்கள்.

---

எங்கள் வீட்டு பல்கணியில் நாளும் இரசிக்கும் காட்சிகள்
பெரிய அல்லோலகல்லோலமான சத்தங்களும் (உணவிற்காக)
ஒரே கும்மாளமும்..சிரிப்புத் தான் போங்கள்!!!!!!

---

பூமன இறுக்கம்
00

அமிழாத அட்சயம் மொழி
தமிழ் வாலிபமே எழுக!
சிமிழ் அல்ல அது
தமிழணங்கே உயிரே வாழ்க!

வைன் குவளையில் வேற்றுமைப் பழம்
மைவிழி மருளாது நிதர்சனமறிந்த பின்னும்
குமிழி உயர்ந்தது மேற் பரப்பில்
இளகவில்வைப் பூமன இறுக்கம்.

உப்பு கடலிலும் உண்டு
உழைப்போர் உடலிலும் உண்டு
உருளும் இரத்தம் வியர்வையாக
உழைப்பவன் வியர்வையில் குளிக்க
களைப்பவன் நீரில் குளிப்பான்.
00

மெருகுடன் புதுத்துளிராகும் நாட்கள்
அருகிலாகிச் சாகசம் செய்து
சருகுகளாகித் தான் மறைகிறது.
00

சுழலும் உலகில் ஆனந்தமாய்
சுதந்திரச் சிறகு விரித்துச்
சுடரொளியாய் பரவுதல் இனிமை.
சுருங்கி நத்தை ஓட்டினுள்
சுகமென்று வாழ்தல் சிலருக்கு
சுண்டெலியாகப் பதுங்குதலும் சுகமே
00

இலைதுளிரும் மினுக்கம் பொன்னாயொளிர
கலையழகு கரைந்து பச்சை வானமிடுகிறது.
உள்ளே பதுங்கி மேசையின் கீழ்
மலைச்சுரங்க வாழ்விலும்
வெளியே பரவசமாய் யன்னலூடு
பறக்கலாம் வானவில் காணவே.
00
17-3-2020

சுழலும்

உலகில் ஆனந்தமாய்
சுதந்திரச் சிறகு விரித்துச்
சுடரொளியாய் பரவுதல் இனிமை.
சுருங்கி நத்தை ஓட்டினுள்
சுகமென்று வாழ்தல் சிலருக்கு
சுண்டெலியாகப் பதுங்குதலும் சுகமே
00
இலைதுளிரும் மினுக்கம் பொன்னாயொளிர
கலையழகு கரைந்து பச்சை வானமிடுகிறது.
உள்ளே பதுங்கி மேசையின் கீழ்
மலைச்சுரங்க வாழ்விலும்
வெளியே பரவசமாய் யன்னலூடு
பறக்கலாம் வானவில் காணவே.
00
17-3-2020

எனது கணவர் எழுதிய சிறுகதை..
டென்மார்க் — காகம் — சஞ்சிகையில்

likes-——……

அகவை ஐம்பதின் உவகை நாள்.

வாழ்வில் பாதி ஆயுள்
சூழ்ந்தது நற் பெயர்களுடன்
தாழ்திடாத நற் பாதையானது
துஷ்யந்தன் கணேசமூர்த்தி குடும்பமாக.
0
தோன்றிற் புகழொடு தோன்றுக!
ஆன்றவர் மொழிந்த மொழி
நிறைந்த குணம் – அன்பு
குறையாது ஊன்றிடு காலங்களை!
0
அகவை ஐம்பது வாழ்த்துகள்!
இகலோகம் சிறக்க தோள்கொடு
சகலரும் போற்ற சிறகுவிரி!
சுகபலமாக வாழ்க! தித்திக்க!
0
உற்றவர் உறவுகள் போற்றட்டும்!
உதவியால் உண்ணாதோர் உடையற்றோர்

உயரட்டும்! வாழ்க புகழுடன்!
உன்னத பிறந்தநாள் வாழ்த்துகள்!
0
தித்திக்க வாழ்த்துவோர்
ஓய்வுநிலைப் பெட்டகோ வேதா.இலங்காதிலகம்
திலீபன் -இலாவண்யா குடும்பத்தினர் டென்மார்க்.
2024 சித்திரை.

கவிதைச்சரணாலயம்
00

பூத்திடும் புத்தாண்டில்…..
00
எதிர் நீச்சல் வாழ்வில் ஒரு
புதிர் நீச்சலுமாகும் ஒளி மிகு
கதிர் நீச்சலாகவும் பிரகாசித்து வெளிக்கும்.
வெற்றிக்காய்ப் போடும் எதிர் நீச்சல்
வெள்ளி நிலவாய்ப் பூக்கட்டும் புத்தாண்டில்.
00
இங்கு வாழ்விற்காய் நீந்துகிறோம் நாம்
அங்கு இலங்கையில் மொழிக்காகவும் நீச்சல்
தங்கி வாழ இடத்திற்காகவும் நீச்சல்
பொங்கி உண்ணும் உணவிற்காகவும் நீச்சல்
மங்காது பூத்திடும் புத்தாண்டில் வெற்றியுகம்.
00
எண்ணம் பண்பட மனிதம் செழிக்கும்
வண்ணமுடை வாழ்வு வளமாய் மிளிரும்
பெண்ணியம் மதிக்கப்பட கண்ணியம் மேவும்
பண்பாடு உயர புண்ணான வாழ்வழியும்.
மண்ணிலே மதிப்புறு புத்தாண்டு பூக்கட:;டும்
00
வேதா. இலங்காதிலகம்.- தென்மார்க் – 30-12-2022

இந்தக் கட்டுரையை வாசித்துப் பாருங்கள். நல்ல கட்டுரை. 17-12-1992ம் ஆண்டு பிரசுரமானது
தென்மார்க் சஞ்சீவி இதழில்.