貓貓日記 の 減肥記???

其實入冬之後仲點捨得叫貓地們減肥啊

寒冷嚴冬另佢哋郁都唔郁，除咗食同痾.....就係瞓...瞓....再+瞓.....

小吉最鍾意响機頂盒上面瞓

暖返少少的日子傻豹就會翻住肚咁瞓

飲飲食食 @ 心燒食堂

睇三貓媽媽blog介紹，呢間餐廳有畫MOCHA铅筆畫的畫家作品展覽

咁啱朋友生日，佢比咗"日本菜"呢個題目去搵餐廳
就係咁，我同朋友就決定去呢度食生日飯啦~~


環境係黑媽媽嗰隻，見佢有兩層，我哋坐上層，無落到樓下 (樓下應該預留比知名人仕，聽聞其中一個老闆係做廣告的，同埋我朋友見到張衞健行咗落去)

佢哋介紹咗幾款招牌菜(主要串燒為主)，介紹嗰幾樣我哋都好啱食，所以基本上我哋都叫齊晒
**因為唔光，所以串燒碟碟都差唔多 & 有d核突**

心燒龍串鳯 + 燒牛脷芯

本身唔食牛脷的，所以覺得麻麻地 (朋友話叫的)。而心燒龍串鳯即係雞翼串

又到聖誕~~又到聖誕~~~(下)

快快補返聖誕節時影d 相  

尖沙咀海港城

又到聖誕~~又到聖誕~~~(上)

時間話咁快就過，好似啱啱先過完中秋，轉眼間又到聖誕!!

每年聖誕，我都會周圍去影相，因為各大小商場都會有靚靚佈置吸引顧客。仲有會同老公&朋友周圍去食好嘢~~

比大家睇下我暫時的成績先

小甜甜 @ EAST POINT CITY

貓貓日記 の 新蝸居爭奪戰 (上)

响公司拎咗個禮物藍返去當貓貓床

經過我一番佈置，傻豹第一個試新床

  

貓貓日記 の 減肥記 II

又到食點心時間


等我一拋，拋到無雷公咁遠.....(當然事實上屋企只係地方有限)


拋完左邊拋右邊

貓貓日記 の 減肥記 I

上回提要
小吉肥到醫生姐姐唔肯幫佢洗牙牙，要由6.8kg 減至5.5kg先得，所以契媽要為佢進行減肥大計

除咗轉食LOW FAT 乾糧，減少罐罐份量外，最主要係令佢多郁動
小吉對羽毛棒棒之類的玩具已經毫無興趣
所以唯一令佢多d郁，就係餵佢食點心的時候

比魚仔時

兼顧不來?

近排每天也在頭昏腦脹的境地

每天都徘徊在工作、格仔舖、家務、手作品、兩隻毛孩子之間……

基本工作和家務不能不做，但每天也同時需要籌劃格仔舖應怎樣更吸引顧客，又要想著這星期製作那種手作品

最另人苦惱的，就是其實香港人對手作布藝的熱心不大，他們只在乎價錢
不像日本或台灣人那樣熱衷，明白到是人家一針一線縫出來的，價錢高一點也會買上心頭好

說實話，是有一點點打擊……但同時開始明白這地區的目標客戶是那類人，以後決定賣什麼時只好以價錢行頭了

這是最近的舖面


剛過了的星期六，帶了小吉到診所打每年一次的防疫針

忙．忙．忙

呢排好少update 個blog，因為我同朋友終於衝出網上世界，決心將我哋比十足心機整ge布藝小物公諸同好!!! (好誇張)

所以呢排一放工都留响屋企埋頭係咁車....車....車.....

好彩兩隻仔都好生性，無病無痛，食得瞓得，只係周不時打下交

終於我哋小舖响尋日開張啦~~小舖只佔....一格 格仔舖是也~~

當中有d甩漏，有d混亂，有d 搞笑......經營模式仍在摸索當中......所以還須努力!!!

若對布藝小品有興趣的朋友，歡迎到黃大仙探下我哋，比d意見:
「自家箱場」黃大仙中心UG 2號舖內#57
同場加演﹕傻豹超歎 の 呢張床係屬於我ga la~~

貓貓日記 の 近況

小吉終於病好返，食量亦回復正常

小吉足足燒咗成個禮拜先退燒，只食咗四日退燒藥，剩落嚟嗰三日就靠佢自己啦.......

不過病完之後，小吉細膽咗好多，傻豹成日走去嚇佢，嚇到佢要轉身逃跑

有一晚我哋食食下飯，突然發現小吉唔响廳ge，心諗呢個搗蛋王又唔知响邊搗蛋.....點知比我哋見到佢原來匿埋响浴屏  緊係之前傻豹追過佢嚟......

我都唔知係咪因為傻豹搞到小吉壓力太大所以發燒 
而傻豹就有名比你叫，係傻傻地嗰type貓，佢鍾意衝就衝，鍾意咕嚕就咕嚕，我知佢唔係故意想傷害小吉的

其實貓地呢d心理病應該點處理啊??  小吉可唔可以大喊一句"STRESS~~~~" 就算啦......

寫近況唔少得ge近照
我出門口前小吉吹我比零食佢

玩到傻咗ge傻豹

10.17

三年前的這天，你走了.....

三年後的今天，還是想著你......

蛋多士

蛋多士

FACEBOOK 見人整過，不過都係得張相

趁中秋幾日假期，自己試整下

上網SEARCH 食譜，大部分都係焗完又要煎ge......一係就複雜變化版.......我咁懶，緊係諗計簡化啦 

首先將其中一塊麵包切出一個窿，咩形狀當然隨個人喜歡 (老公切咗個心形比我，方形比自己)
再將呢塊麵包底部搽滿牛油，將另一塊麵包貼响下面，麵包面都搽d牛油
最後當然係打隻蛋落個窿度，我再响上面灑咗d芝士碎 (係一大舊硬芝士磨出嚟的芝士碎，唔係芝士粉)

切咗出嚟嗰塊都唔好嘥，拎埋去焗

我部焗爐首先150度預熱，再120度焗一陣，最緊要睇住塊包變金黃色而又唔燶
變金黃之後再轉80/90度焗多一陣，令隻蛋再熟d (本人唔鍾意食生蛋)

貓貓日記 の 搗蛋王也病倒了

九月廿九日夜晚出完街返到屋企，小吉雖然無叫我比宵夜佢食，不過我都不以為然.....
九月卅日朝早小吉開始悶悶不樂，我以為佢有d咩事唔開心......


但夜晚都仲有d心情同月兔玩下

中秋節快樂

貓貓日記 の 搗蛋王

有一日一返到屋企，發現廚房門開了﹗﹗

上班前竟然忘記鎖廚房門﹗

放米缸櫃門也這樣子開著﹗﹗當然糧缸也在內......檢查了一下只看到糧袋有被咬過痕跡，可幸沒有咬破......


開飯前我循例審問下頭號犯人小吉

西葡之旅 (完) - 後記

雖然去完西葡已過咗四個幾月，但都希望寫下去後感﹕

旅行社

上年去北歐跟永安，今年去西葡跟美麗華。
其實去北歐前係有諗過自由行，始終自由行食得地道d，而且有d 想去的地方旅行團未必去。開始做資料搜集，發現搭飛機d 燃油附加費實在超級貴，好唔抵，搭多幾程內陸機d燃油附加費已經可以去多次旅行。再問下去過幾次歐洲都係跟團的朋友，佢話做得歐洲團，個領隊一定係好有經驗，邊間旅行社的service都唔大分別 (當然係講緊同grade旅行社)。所以最終就決定跟團去啦~~

之後再經歷响日本行到腳都跛，攰到九彩，某地方搵極都搵唔到......當時勁懷念"搭旅遊車送到目的地，遊完又可以即上返旅遊車" 的日子。
今年再出發去歐洲，必定跟團!!
跟美麗華，起初都有担心，又驚佢唔成團，又驚d servie 冇咁好.......

但去完，開始明白一個道理。去旅行就緊係為咗開心ga la，其實跟團又好; 自由行又好，同邊個去先係最緊要，同行的朋友一齊玩得開心，就算當中發生過咩不快事，都唔緊要。

所以跟團d團友都好重要，好開心今次西葡之旅的團友都好玩得，一齊玩好融洽，對於我哋兩公婆都係超級慢熱嚟講，可以同班團友一齊玩實在十分難得!!

西葡

本來我哋係諗住去東歐，但見個個團都去五六個國家，我又對德國完全無興趣 (但個個團都必定去)，去咁多個國家得嗰十一二日，即每個國家停留得一兩日，又有咩意思呢。所以揀下揀下，就決定JOIN西葡團啦。話就話"西""葡"，葡萄牙只留兩日，咁多日旅程大部分都在西班牙，由南部遊上北部。

我最鍾意的地方，係塞哥維亞，水道橋真係好宏偉，响嗰度感到好舒服，城堡、烤乳豬都好鍾意。

不過最難忘的，始終係响馬德里皇馬主場館 班拿貝球場 睇咗場波~~雖然我一向唔睇波，老公亦唔係超級球迷。但感受當場氣氛，睇住馬德里人捧住自己城巿的球隊，真係平時响電視睇波感受唔到!!

而西班牙最出名的FLAMEMCO 同 鬥牛，我就真係唔係好識得欣賞。睇FLAMEMCO有d悶，我只係諗住跳flamemco的女仕們跳呢種舞跳到條腿好粗。而鬥牛就太殘忍啦，見住活生生的牛，都已經流晒血都仲要比人舞嚟舞去，最後死得咁慘 
 
手信

葡萄牙
一定要買呢隻天氣雞，佢會隨住天氣轉變而變色。我只買咗兩隻，一隻比老細，一隻留比自己。點知原來大家對呢隻雞都好有興趣，好得意特別咁話~~
呢隻雞造型仲有其他唔同的產品出售



西班牙
* 買咗黑毛豬，都幾貴，不過出得去玩，就唔怕駛多少少。
* 仲有之前講過，CAMPER鞋比香港平。而好出名的浴室產品牌子ROCA，都係西班牙的，但跟團唔會帶你去賣呢d嘢  
* 西班牙鳥結糖都好出名，但真係好貴，一條普通size 已經EURO15，我哋都係見間SHOP係修女開先幫襯下。見團友都有買好多朱古力，我哋見西班牙都唔係出名朱古力所以無買到
* 响超巿有隻橄欖油HAND CREAM，係領隊介紹，比我哋成團人掃晒超巿d貨﹗ 有d團友一掃掃咗十幾盒 -_-!! 我買咗兩盒......

* 曾經睇電視節目唔知邊鬼個話去西班牙一定要買橄欖油返香港，因為實在好平。但事實一d都唔平﹗被騙了﹗原本打算買支橄欖油+黑醋 (1支入面有齊2樣嘢)，但要成EURO50-60﹗我原本以為好平.......普通一支齋橄欖油都要EURO20-30，嗰個人真係無响香港買過橄欖油!!



濕濕碎碎

* 西班牙經濟未好轉，所以日用品如水呢d就好平，咁就唔駛响酒店煲定水拎出街啦。事實係酒店d 水喉水加咗唔知咩chemical，煲完之後怪怪地......
* 香港人覺得歐洲國家d 店舖都好早關門，要好早食晚餐，所以大部分都會帶定d 杯麵，以免太早食飯夜咗會肚餓。去北歐就真係好需要，但响西班牙就唔駛﹗西班牙人都鍾意夜生活，唔需要特別早食飯﹗﹗我哋帶去的杯麵都係夾硬食的
* 周圍天氣都變幻莫測，天氣預報一d都唔可信。原本天氣預報係多雲有雨兼涼涼地，點知去到又熱又晒成三十五六度﹗大部分人都帶定禦寒衣物但無帶防晒﹗﹗晒到我哋黑晒返香港.......所以都係預備多方用品去旅行，唔好信晒天氣預報

~ 西葡之旅 完 ~

西葡之旅 DAY9 - 西班牙 巴塞隆拿 BARCELONA

這次旅程的最後一天了，行程當然也剩下不多了

感恩大道 Passeig de Gracia

首先大SHOPPING，巴塞隆拿的感恩大道即是名店街，之前各團友在馬德里買不成的 (因憤怒日名店都關了)，便要在這裡一次過血拼了﹗我們也買了一個手袋和CAMPER 買了雙鞋。CAMPER 是西班牙的品牌，比香港平。我買的那雙退稅後大概港幣一千頭，但香港買起碼要一千尾架~~所以即使你不是名牌愛好者，去到名店街都不知買什麼，在西班牙便可買CAMPER鞋啦，未至於很高的價錢，但著上真的很舒服~~只可惜夏天去沒BOOTS買.......

米拉宮 Casa Milà
就在感恩大道上，又是高迪的代表作之一。於1984年被定為世界文化遺產之一

米拉宮是高迪設計的最後一個私人住宅，是米拉先生的府第；兩個正門入口，一個在感恩大道上，一個在普羅班薩街(Provença)上。 波浪形的外觀，是由白色的石材砌出的外牆，扭曲迴繞鐵條的陽臺欄桿，和寬大的窗戶組成的，可讓人發揮無限想像力


我們經過便算了，血拼為上~~