學人整Macaroon

其實真正認識Marcaroon, 我諗係籌備婚禮時, 喺小藍個blog見到佢DIY既結婚蛋糕同cupcake, 上面有色彩繽紛既Macaroon, 雖然我之前都見過呢樣東東, 但就未試過咩味道... 直至我決定將可愛既Macaroon放喺我既candy corner上, 於是我就去買左塊手掌咁大既黎試試... 一試就愛上了!! 當然亦要多謝小藍為我婚禮上所準備既Macaroon啦~ (等我容後再詳談啦...) 而家每次見到Macaroon, 都會諗起自己既婚禮, 都會有種幸福感覺!!

貓小玲誕果日, 我瞓到中午先肯起身, 但第一件事唔係去街街, 食lunch, 而係彈起身整Macaroon... 好想喺假期裏面嘗試自己動動手整Macaroon...

第一盤, 因為唔識控制吱咀, 吱到成塊面咁大....

我用150度火, 焗6分鐘... 做唔到靚靚裙邊...但表面都係滑滑的.... 算係成功左一半啦!!

但第二盤, 嘗試用170度火, 做唔到裙邊不特止....表面仲裂開添.... 失敗!!

雖然其貎不揚, 但味道係好香既杏仁味... 好Good架!! 我知道做Macaroon要做得好唔係咁容易, 所以我會繼續努力嘗試架!!!

雖然嘗試失敗, 但好彩有哈米波波送既Macaroon... 味道同個心一樣咁甜呢~

聖誕Cupcake

上次試左個失敗既蜂蜜cupcake之後, 今次再接再厲... 呢兩日都努力做蛋糕...不過都係做返最基本既牛油cupcake好d...

多謝小藍既提醒, 今次用左大d既吱花咀, 真係好好多呀!! 不過做到最後先發覺原來用晒吱花袋囉....搞到最後整果d好樣衰...哈哈!!

今次做左粉紅色同粉紫色既topping...

加埋咁有聖誕feel既紙杯同包裝...希望我既姊妹們會喜歡啦~

曬住返黎喇~

我地五日既泰精彩四人遊終於完滿結束喇!!

當中有豪食, 喪曬, 超hea, 怒行... 而家仲飽到唔識郁呢~

不過, 臨出發前一日收到Ming Sir既相...相信其他旅遊blog都要暫時放埋一邊先! 好想blog左我既大日子先呀!! 大家話好唔好呢?

Honey Cupcake

自從中學畢業之後, 都冇做過cupcake喇...

今次做呢個蜂蜜Cupcake係唔駛落牛油既...唔知係咪咁既原因, 所以我覺得蛋糕唔夠鬆軟呀!!  定還是有咩出錯呢?

同埋原來要吱花吱得靚, 都唔係咁易架~ 真係需要多多練習先得!!

原本一心諗住整呢D Cupcake送俾人架嘛... 但試完味之後...都係唯有下次再努力啦~