木婚漫遊巴塞隆拿 (Day 2) ~ 神奇的面罩屋

2015年10月1日 (四) (晴)

朝早去完Park Guell, 趁有時間就去添置返D衫同內衣... 雖然保險上限只能賠$1000, 但有得奉旨shopping都係開心既!

中午就去Host噚晚介紹但食唔到既餐廳試下

下晝都好多人喎...證明真係有一定水準啦!

黎西班牙飲Sangria是常識吧! 佢地唔會好似香港咁落咁多生果粒, 不過味道都唔錯!

西班牙蛋餅配蕃茄多士

D蕃茄多士好好味!

又叫左個拼盤... 呢間樣樣都做得好出色, D蝦味好濃郁鮮味

左邊既炸芝士又好正!

食飽飯返酒店眠一眠...下晝又再出動喇!

呢個係第二個必去景點 ~ Casa Batllo 面罩屋

呢間屋係建於1877年, 喺1904-1906年由Gaudi改造

雖然之前一晚睇過夜景, 但日景睇又完全唔同感覺

外牆鋪滿彩色既馬賽克...陽光折射下閃閃發光, 真係好靚呢~

預先上網訂左飛, 所以唔駛點排隊就入得喇!

一樓係客廳...裏面有個磨菇型既火爐

黎呢度一定要借佢地既audio guide

因為除左聽之餘, 只要將佢對住現場環境

佢就會出現3D效果...例如呢個磨菇同傢俬等

Gaudi最廣為人知既係佢獨特加上波浪形既設計

配合來自大自然各種靈感...真係嘆為觀止

完全想像唔到點解百幾年前可以造出咁精巧既設計囉!

大宅中間係天井, 透過波浪紋玻璃望出去, 就好似置身喺水中

利用中間天窗令窗內都有十足既採光度

呢間大宅都有好多玩味元素...就好似呢條骨頭形既石柱

大宅背後

上到天台就見到好似龍脊既屋頂

高迪真係好鍾意變色龍....

咁colourful咁奇形怪狀既煙囪...相信真係前無古人, 後無來者喇~

除左室內設計...傢俬、手柄等都有出自高迪既手筆

而且每樣都同力學、人體學有關... 佩服!

參觀完呢間Casa Batllo真係令我好深刻印象! 大家去西班牙時一定要去呢!!

木婚漫遊巴塞隆拿 (Day 2) ~ 進入Gaudi世界

2015年10月1日 (四) (晴)

{Park Guell > Casa Batllo > Casa Mila > 7 Porters}

今日係結婚五週年喇! 一早諗定要去我最鍾意既景點影多D相...

可惜冇左我件行李...最後都係要著到鄔鄔wear weat素顏咁款...

由於Guell Park係必去既熱門景點之一

所以我地一定要早過D旅行團到達, 如果唔係就只會影到人山人海架喇...

早到連apartment提供既早餐都食唔到 (佢地8點先開始有早餐)

我地就喺超巿買左少少野食

呢隻西班牙yogurt喺一田買要22蚊, 喺呢度只係0.7 Euro (即港幣6.X蚊咋!)

味道唔錯, 唔算太甜, 但果肉唔多...後悔冇食多D囉...

我地原本預計8:30am前到達, 但因為行左條山路, 好似兜遠左少少

所以8:35am先到...好彩人潮都未出現

早起的鳥兒有蟲吃...難得可以影到張冇人既相

呢兩間signature糖果屋同雪糕屋好得意!

左邊糖果屋係博物館, 右邊係賣紀念品既...

每幅馬賽克都唔同...真係影相影唔停呢~

好佩服Gaudi既心思細密...每吋位都有details...

哈碌都要到此一遊

明信片位...流口水變色龍

可唔可以將呢幅牆搬去我屋企呀?

從糖果屋二樓影出去

木婚漫遊巴塞隆拿 (Day 1) ~ 消失的行李

2015年9月30日 (三) (晴)

{London > Barcelona > Look Barcelona Bruc > TapaTapa}

上回講到同朋友分別之後, 就係我地木婚週年之旅既開始喇!
我地搭BA去巴塞隆拿...由於冇預先online check-in, 所以喺機上我地就要分開坐啊~
飛機喺中途遇上氣流, 好似坐過山車咁...
我唯有扮睡覺...同自己講"我可以坐過山車都睡得著呀!幾勁!"
飛機餐係一個提子包同一個烤牛肉包

落左機...行李帶上既行李都出晒...都未見我既行李

去到BA counter...話check唔到我既行李...應該係留左喺倫敦冇送過黎喎...

不過我異常地冷靜噃...第一時間梗係check返保險delay行李可以claim到幾多啦!!

登記好之後就喺機場買左張上網卡... 阻左我咁多時間, 只好拿拿聲搭的士去Apartment喇!

呢間Apartment喺booking.com book既...叫Look Barcelona Bruc, 評語都好好架! (Euro 119/per night)

架Lift好復古好靚呀!

由於呢度係Apartment, 冇廿四小時既reception...所以要打電話俾個host黎開門

等左一陣...一個高大靚仔有禮貎又nice既David黎到...佢除左介紹左Apartment之外

仲介紹左間餐廳俾我地去醫肚

下面呢幅係Apartment既大廳

我地住第一間房, 隔離係食早餐既地方

我地間房都幾大, 有個窗台, 地方仲好乾淨添~

settle down之後都成十點鐘...要出去買返D日用品...好彩附近有間超巿開到凌晨一點

初黎步到就要出夜街, 真係有D緊張呀! (話晒個個都話西班牙治安差好危險嘛!)

Apartment距離著名Casa Batllo只有四個街口, 夜景帶點神秘...

原本想去David介紹果間餐廳, 點知去到大排長龍
所以黎左呢間

呢度主要食Tapas, 好多選擇呢~

唔知叫咩時, 最好就叫拼盤喇!
樣樣都好好味喎!
(左起: 黑松露芝士, 蟹肉沙律, 蝦沙律, ham, 西班牙蛋餅)

青口超細隻...串燒雞普通啦!

食飽就返去休息lu...

三粒花生去旅行 之 英倫篇 (Day 5) ~ 驚險追趕跑

2015年9月30日 (三) (晴)

{Borough Market > St Pancras > Airport}

今日下晝, 我地同朋友將會分道揚鑣...

我地去西班牙, 朋友就去比利時

所以我地一早先搭的士去St Pancras (Eurostar Station)寄存行李先...

不過因為倫敦塞車...由原本一個鐘車程, 變左個幾鐘先出到去...

放低行李後...我地就要急急行Borough Market喇! 

呢度逢星期三至六先會開full market架咋!

據聞有好多名廚都愛黎呢度買餸呢~

地方乾淨, 貨品又擺放整齊, 真係幾好行...

除左生既食物之外, 仲有好多熟食檔

原隻烤豬

唔同種類既香腸

唔同種類既芝士

朋友買左大鑊飯... (有時真係唔可以唔信邪...下次出外旅行都係唔好叫咩大鑊飯/大檸樂之類喇! 哈哈!! 睇埋就知發生咩事....)

最後我揀左呢樣! Burger wrap

老公要霹靂無敵大肉腸

都係我地個Burger Wrap最好味!

食完野都仲未試驚...繼續巡多兩個圈先...

呢D甜品不是太吸引

去到St Pancras即刻拿拿聲去攞行李...即刻跑去搵Eurostar月台

因為火車站太大, 指示又唔係太清楚...上到月台先知唔係...又要再搵過...

跑到去Eurostar閘口先知原來搭Eurostar要最少半小時前Check-in架!!! 

(由於朋友張火車票一直佢keep住...佢又冇睇清楚要提早check-in, 我又大安旨意以為好似普通搭火車咁...結果....)

喺作出最壞打算要重新買過張車票既時候...一個好cool既票務員話可以免費幫佢改搭下一班車

實在太好喇!!! 總算有驚冇險唔駛再俾錢!!

仲有時間影下呢個被喻為最美麗既火車站添!

而對面就係King Cross皇十字車站喇!

而我地都夠時間要去機場喇...

好靚既Royal Albert餐具...好想帶晒返屋企呀!

一個旅程既結束, 代表另一個旅程既開始...

下一站西班牙見!