媽媽有三個最要好的中學同學，由中六開始friend到而家，經媽媽未証實的消息，話中六時四個人日日都掛住玩，無心向學，四個人輪流做班上的尾一二三四名，成為一時佳話。其中一位移左民後，每次回港都一定會聚一聚，今晚成棚人又黎左地下A室食晚飯。計埋一個手抱的bb，總共有8個小朋友，其中6個圍埋食飯，都幾壯觀。栩栩自細食飯都麻麻地，到左三歲幾開始食慾大增，成日都話肚餓，雖然都係唔係好肯食菜，整體食飯都算係ok。6個人中，佢成為第一個食晒一碗意粉同一隻雞翼的小朋友，令眾媽媽驚訝不己。

而家小朋友開始番學，佢地自發性的遊戲都好鬼益智，甚麼扮小老師、鬥講A for 乜 B for 乜、國家名首都名甚至地鐵站名、歌唱表演(可可都有份合唱架!)等等。大家都話好彩星期六晚樓上住客未番屋企，如果唔係一定會投訴太嘈太低能。

早上去左附近的學校canteen食lunch，4個人3碟飯3杯飲品只係$60，好實惠。環境又好，在泳池邊食lunch真係胃口都好d。好可惜，食物質素始終打破唔到平野無好的定律。三碟飯中爆冷係粟米斑塊飯($16)最好味，而飲品係凍檸水($6)最入得口。下次再去叫其他野食，俾多次機會佢。食完飯後去左d課室參觀，栩栩對d學生椅最有興趣:

早上其實仲去左演藝上堂，下午又去拿回鄉証，一日做咁多事，唔倦就奇!