一早起來，第一件事係睇睇有冇落雨，天氣好就可以再滑雪，否則落大雨就要更改行程，再去天元最不喜歡的節目——看風景。 好彩，天氣晴朗。 第二次到滑雪場（高鷲），熟手技工，填表格、攞鞋、十分鐘搞掂！上次成個鐘仲未出到去。 一開波舅舅就夾左栩可爸同栩栩上山，兩日前一仆一碌，猶有如悸，怎知兩人一落吊車就如有神助，一口氣滑到山腳，一次都未跌過！！總教練舅舅脫下太陽眼鏡，淡淡地吐出一句：「都話第二次就好好多啦！」 爸爸同栩栩頓時心紅，再上一次，今次速度加快，爸爸更聽總教練話練習下S形下 山，好似副教練咁左右左右。結果，兩人都勁跌了一次，人仰馬翻，爸爸加S到邊 界，攬住條繩先一仆一碌。真好玩。 下一步，就鼓勵媽媽同可可上山。經各人遊說，媽媽終於鼓起無比勇氣上山，第一次又係仆到傻，第二次只跌了三次，媽媽真叻! 好了，到可可了。總教練用左陪栩栩多五倍時間同可可一齊滑，因為可可一跌低就唔想起身，唔嘗試，坐低想喊想喊。總教練事後表示，終於明白爸媽平時點解對可可咁激心了。 點都好，十分多謝總教練犧牲左自己同家人滑雪時間，去指導又細膽又冇運動細胞嘅蔡家。

離開滑雪場就起程返名古屋， 舅舅不愧揸開飛機，成程都開120公里，爸爸在後面跟到氣咳。在眼瞓到隻眼開隻眼閉的情況下，終於捱到目的地⋯⋯一個非常大的奥特莱斯（一般香港人是無法頂得順此翻譯的），但原來離關門時間只帶20分鐘，唯有超快地買左少少野，總算到此一遊。

返到酒店，驚見這小酒店都有浴場，眾男士又可以沖過靚涼了！真爽！