Anueit no bi heban jotas en AragónTV -ixo ya ye per se una noticia, pero amás d’ixo, quero charrar d’o programa BIEN DICHO, que ahier feba o suyo primer cabo d’anyo.

Quasi perén que puedo, lo veigo. No puedo decir que me faiga asabelo de goi, pero m’agana. E ye que me da la impresión de que a ormino paran o ficacio nomás en la parte de difuera de l’aragonés. Nomás en quatro parolas que quasi tota la chent conoixe.

Pero ahier precisament se podío veyer una conversación de raso en aragonés, tasament dos u tres minutetz en que Manuel Castán y Fernando Romanos charraban en aragonés (e se subtitulaba en castellán). Allora aprendié más que en cinquanta programas nomás de vocabulario, e ye que una luenga ye más que ixo.

Una vegada un mayestro d’inglés me dició que una luenga ye como una paret, feita con gramatica (cemento) e vocabulario (ladriellos). L’una sin l’atra no fan cosa.

Más dialogos en o suyo ambient, e menos dicionario ta alparciar un ratet.

Si queretz veyer Bien Dicho: aquí bi ye o programa d’ahiere:

Bien Dicho Aniversario