Archivos Mensuales: abril 2013

Animo !! Que aquí plega una nueva lición d’aragonés ta que podatz fardar de charrar asabelas de luengas !!

Huei imos a fablar d’os adchectivos.

1  Os adchectivos calificadors

Os adchectivos calificadors son aqueras parolas que mos amostran una qualidat d’as presonas, bestias u cosas sinyalatas por un nombre.

Istos adchectivos, por lo regular, concordan en chenero e lumero con o nombre á o qual acompanyan.

Me fan goi as chodigas verdas.

2  Os adchectivos indefinitos

Os adchectivos indefinitos en l’aragonés son d’orichen latín e presentan particularidatz presents en as luengas neolatinas perinencas e as luengas galo-romances.

Os indefinitos emplegatos nomás que como adchectivos son os siguients:

L’adchectivo bell ye sinonimo de qualque.

Son adchectivos indefinitos asabelo, atro, bell, dengún, qualque, brenca, cada, cosa, demás, garra, guaire, más, menos, mica, mesmo, muito, poco, pro(u), qualsiquier, res, tanto, tot, un, pon.

Pero quan se charra de presonas, ha de decir-se “otri”, “otris”.

Tamién en son as formas en orichen compuestas: belatro, belotri…

3  Comparanzas

As comparanzas gosan de fer-se:

–  Cosa como, cosa que

–  Tant como, tant que, más como, más que, menos como, menos que

O tuyo chirmán ye más gran que tú.

–  Igual como

Tú yes igual como yo.

–  Solo como, solo que, no que

O viello sólo charraba que en aragonés.

No feba que fer arreguir, o chuzón.

–  Tal como, tal qual

Superlativos relativos: muito sin apocopar, mui, –ismo (fierismo)

Superlativo absoluto: o más …

Ola ola !!

As clases van china-chana entadebant, e hue nos tonga charrar d’os lumers, ixas parolas que femos servir más asobén de lo que nos podemos prexinar en un primer inte, e ta ixo, ta charrar muito pero ta charrar bien, aquí tos deixo a clase d’os lumers !!!!

1  Os lumers cardinals

Aquí i son os nombres d’os adchectivos e pronombres lumerals cardinals.

Antimás, cal mirar-se as siguientes normas:

–  Dende 0 dica 30 e as decenas s’escriben en una sola parola

quatro, ventisiete

–  Entre 31 e 99 s’escriben en parolas deseparatas

setanta e ueito, uitanta e nou

–  As centenas s’escriben tot chunto

cincocientos, dotzecientos

–  A resta de lumers se forman con composición d’as variants anteriors

mil noucientos uitanta e quatro, dos mil dotze

2  Os lumers ordinals

Os adchectivos e pronombres lumerals ordinals se fan con a terminación “–eno”, fueras de primer, segundo e tercero.

Os lumers fraccionarios son os mesmos que os ordinals, con a excepción de meyo.

3  Lumers distributivos

Atros lumers distributivos son par, parella, dotzena, ventena, centena, milenta, os dos, dople, triple…

Aspero que tos faiga goi, esprisions !!!!

Ola ola, agora mesmo continamos con as clases d’aragonés. Hue tonga una mica de chapa, asinas que ya sapetz!!!, leyer sin prisas !!!!

Li decimos “nombre” a las parolas que mos valen ta sinyalar presonas, bestias, cosas, feitos u ideyas.

Chenero

En aragonés se fa o femenín d’os substantivos e os adchectivos que rematan en vocal, cambeando ixa zaguera vocal por una “a”.

fillo                         filla                                                        mesache                                mesacha                               royo                        roya                                                       verde                                     verda

U si remata en consonant, adhibimos una “a”.

chirmán                 chirmana                                              chiquet                                  chiqueta                                                chaqués                 chaquesa                                              chóven                                  chovena

Antimás, cal parar cuenta que en luenga aragonesa, e de traza cheneral, l’adchectivo perén concuerda en chenero (e lumero) con o substantivo á o cual acompanya.

En atros casos, o femenín se fa d’una traza irregular. Isto puet estar:

–  Sobre a mesma radiz

can                         canya                                                                    feríu                       ferida

–  Radiz esferent

hombre                 muller                                                                   pai                          mai                         buco                       craba                                                                              mardano               uella

Aquí, calerba fer bellas anotacions:

–  As parolas rematadas en –or son de chenero femenín

–  Quasi totz os arbols e as plandas que dan fruto son femenins

–  Muitos ríos (os remataus en –a) son femenins

Lumero

De traza cheneral en aragonés se fan os plurals adhibindo-ie una “s” á la parola en singular.

nino                       ninos                                                                     finestra                  finestras                choven                   chovens                                                                              fablant                  fablants                 flor                         flors                                                                      cadiera                  cadieras

As parolas que rematan en –ero fan o plural en –ers (tornando-se muda la “r”).

                sulero                     sulers                                                                    cordero                  corders                                  ferrero                    ferrers                                                                   calcero                   calcers   

As parolas que rematan en –t (dezaga de vocal) fan o plural adhibindo-ie una “z” á la parola en singular.

                tot                          totz                                                                        chiquet                  chiquetz

As parolas que rematan en –s, –z, –x, –ch fan o plural adhibindo-ie “es” á la parola en singular.

                res                          reses                                                                      luz                          luces                                      peix                        peixes                                                                   reloch                     reloches

Pero os sufixos –az, –uz fan os plurals en –azos, –uzos.

                turcaz                     turcazos                                                                carnuz                    carnuzos

Esprisions !!!!!