Archivos Mensuales: mayo 2013

Ola ola,

dimpués de muitos diyas, i tornamos con unatra entrega d’o curset d’aragonés ta foranos….bueno, e ta autoctonos xDD.

Hue tonga charrar d’os adverbios, asinas….que aqui i son:

Os adverbios acompanyan á o verbo ta concretar a situgación en que se desembolica l’acción.

1 Adverbios espacials

Os adverbios espacials deicticos indican grau de cercanía u leixanía.

A primera presona endica un puesto amán de qui charra; a segunda un puesto amán de a qui se charra; e a tercena, endica un puesto más luen.

Atros adverbios espacials son:

–  Ta expresar distancia relativa: amán, luen, dillá.

–  Ta expresar inclusión u exclusión espacial: adintro, afuera, difuera.

–  Ta expresar posicions en a verticalidat: á ran, alto, baixo, encima, abaixo, debaixo, enta alto, enta baixo.

–  Ta expresar posicions en a horizontalidat: arredol, enfrent, debant, dezaga, entabant, entazaga.

–  O relativo á on como adverbio espacial: á on u an.

2 Adverbios de tiampo

Os adverbios de tiampo más emplegatos son: perén/mái, siempre/nunca, huei, ahier, ixatrodiya, maitín, antis, antis más, antis con antis, dimpués, alavez, encara, allora, lugo, agora, anueit, a monico, agún, á ormino, malas que, asobén, a escape, decamín, de contino, de sopetón, d’estrela á estrela, de lusco á lusco, entremistanto, tanimientres, en primeras, en zagueras, pa cutio…

3 Adverbios de modo

Os adverbios de modo más emplegatos son: bien, malament, asinas, millor, pior, simplament…

Os adverbios remataus en –ment se fan sobre a forma femenina, simplament…

4 Adverbios de cantidat

Son: bien, mui, quasi, tant, muito, guaire, tanto, poco, más, menos, pro(u), demasiau, nomás, asabelo, á embute, amás; e substantivos trasposatos fendo d’adverbios quantificadors (brenca, cosa, gota, mica, pon, res).

5 Atros adverbios

–  Adverbios d’afirmación: profés, sí, tamién

–  Adverbios de negación: no, brenca, pon, tampoco no

–  Adverbios de dubda: talment, á lo millor

–  Adverbios interrogativos/exclamativos e relativos: quán, cómo, quánto

A la fin, a charrada de Chusé Raúl Usón, estará iste viernes 17, mesmo puesto, 19 oras.

O resto d’a info, en o nuestro zaguer post:

Charradeta de Chusé Raúl Usón !!!!

Esprisions !!!!

Ista tardi de huei chueves 2 de mayo en La Pantera Rossa (C/ Sant Vicent de Paúl, 28, Zaragoza) son o diya e puesto trigaus t’a presentación d’un nuevo comic con un ingredient especial, ye en aragonés. O comic se diz “Harry Clever, o detective mas peligarcero d’a ciudat“, editau por Magorías Acetas, y se presentará a las 20 h. en o citau puesto. A presentación será feita por o periodista Oscar Senar chunto a os autors, Chema Cebolla como guionista y debuixant, y Silvia Cebolla y Roberto Gracia como traductors.

O comic de Harry Clever ya leva mas de 15 anyadas entre nusatros y nusatras, creyau por Chema Cebolla t’a revista 451º, Harry Clever ye un antiheroe, mofla sarcastica d’os detectives privaus d’o cine negro de Hollywood d’as anyadas 40 y 50 d’o sieglo pasau. Harry Clever navega en a suya vida cutiana entre gangsters, carrerons foscos, persecucions d’autos, mullers vistas nomás como obchectos, combates de boxeu, fumo de tabaco, provisto de muitos defectos y pocas virtutz esboldregando os mitos d’as novelas policiacas.

A la fin d’a presentación, se ferá una brenda en o bar vechetariano A Flama, (C/ Mayor, 53) sobre as 21 h.

Fuent: http://www.arredol.com