New Address

搬家進行中

新網址
http://popcornfefe.blogspot.hk

唉呀呀

懶懶地o既扁媽見到一群貓友瘋狂呼叫,
只有放低自己o既網路遊戲同埋懶散o既心
寫住少少近況先啦~

日子都係咁平凡中渡過,新年去o左東京行行,
東西好靚又好貴...哈哈,食野又怕肥,
所以返來開始努力做gym
唔想真o既變成肥師奶(雖然已經好似啦)

家中王子殿下依然咁努力蝦貓奴
臭面唔俾抱又調頭走
霸住成張床~夜晚叫貓奴起身幾次
種種惡行令貓奴們過著慘無人道o既生活

不過見到主子嘞依然見牙唔見眼,又摸又拜,奴性十足!!!!
真係賤過地底泥~~該煨lo~~

滿心歡喜抱住我o既小豬Corn
雖然只俾抱30秒
過o左30秒立即扭動海蔘身軀,臭面走人~
但總好過冇啦!!!!!真淒涼~~

開心假期

 

最鍾意年尾同年頭,聖誕過後緊接係新年,
被一種暖烘烘的節慶氣氛圍繞住,
人不自覺的心情都好歡愉
帶著回港過聖誕的女兒行街食飯,
心愛的家姐回家兒子也份外興奮,
佢地兩個自細感情好好,
一齊打機聽音樂唱歌可以消磨成日,
有時更吵到我要佢地:收聲!!

這個聖誕假過的好豐盛~飲飲食食,開開心心~
有時同家人餐聚,有時同朋友吹水,
一眨眼假期就完了~返工返學又各有各忙
等過一排新年將至~又有新的期待

買俾一家人的聖誕禮物(結果變成肥爺的御用私竇)

文華自助餐,盛記打邊爐

自家煮

The Promenade

荒謬的末世論已過,新的一年又唔覺人心安穩,
只有自求多福~人生在世,快快樂樂過眼前這秒,
煩惱不嬲係自尋o既~~2013年願望..........追求快樂!!

佳節將至

又是聖誕佳節將至,一連串的假日更是興奮,
女兒也會回港過聖誕,扁臉家族一家充滿期待,
也祝所有貓友Blog友有個美麗又開心的聖誕!!!

聖誕快樂

比狗大隻的貓

每到夜晚11點就係屋企寵物既Snacks time ,狗狗Belu同肥爺Corn都是小魚愛好者,
都會好乖坐定定等餵食,

見到咁乖咁可愛既兩個小東西,邊影邊偷偷笑,
突然間發現............
呢個肥爺Corn竟然大隻過狗狗Belu,
你係乜野貓o黎架!?可以大隻過狗都有o既,
唔怪之成日叫佢豬仔包啦

一到冬天就會見到好多癡纏鏡頭,
十分三級十分不雅,
纏綿悱惻,難度驚人,
若非身經百戰之貓奴,請勿入內觀看!!!!!!!






大太監外傳@深宮後院

嘖嘖嘖~絕對超出電視尺度,兒童不宜呀!!!!

打工8年的第一隻手機(+後記)

這個標題講的是我家的工人姐姐(C),
大家都知我家有個愛貓的姐姐,平常都會固定餵養三隻流浪貓,
佢同我打左6年工,加埋之前响德國打了兩年工,佢總數打o左8年住家工,
打了這麼久的工,你一定想她應該儲了不少錢,答案是......NO,
她不是揮霍無度,也不是愛慕虛榮,每個月的三千多人工她自己留零用500,另500儲起,
其他全部給了她的母親(L),就算是儲起500,也常被母親說錢不夠用而拿出來,
(母親L本身也是在香港打工)
而母親L最大的支出是........供養住菲律賓的家人(弟弟姐妹等)

年復一年供應之下,弟弟妹妹都結了婚成了家,母親L也很大方的幫助他們買地起屋,成家立業,
還生了小孩,母親L極愛孫子,成日買很多靚衫,貴價玩具寄回去,
但這還是不夠,他們想做生意,想買這買那,
當然沒有這個能力唯一想辦法的對象就是姐姐C,

事情起源就是,我給了姐姐C長期服務金.........
母親L想買X星最新出的平板電腦,理由是:隨時可以跟菲律賓的孫視訊,
在得到消息我會給長期服務金開始,就一直問姐姐C幾時能拿到,能給她多少錢,諸如此類...
又說弟弟妹妹想做生意,想要姐姐C給錢,
這一切一切的讓姐姐C開始反感,她覺得自己30歲還單身,沒地沒屋,她最想的是儲一些錢,
以後打完工回老家可以起一間屋,但所有計畫全都不能實行,她想存錢為了將來,
不想再為弟妹一直無限制的給予

但母親L覺得:
你有錢為什麼不接濟弟妹?不幫助他們?你為何這麼自私?
我長期在港打工,沒有任何人幫助我!(姐姐C打了8年工的錢都不算?)
你是一個不孝女!

就開始長期的跟姐姐C冷戰,不回電話不回短訊,
完全不聽解釋,也無意溝通,
姐姐C一跟我談到這個就開始眼框紅.
但對於個性如此固執的母親L毫無辦法,

終於拿到錢之時,
姐姐想買一部目前大家都非常流行的智能手機,
我有間相熟的手機鋪頭,買手機會比外面便宜300,
我問姐姐budget有幾多?她說:.......1500.
雖然預算很低,但還是找到一部1300的智能手機,
這應該是她買的第一部新手機,
之前全是用我們淘汰的二手機,
而這是她打了8年工獎賞自己的獎勵.
亦入了3000元到母親L菲律賓的戶口,(就不會浪費錢買平板電腦)

各位blog友,有好提議幫一下可憐的姐姐嗎?
這位不溝通又好面子的母親L,我也非常頭痛.
難道是讓姐姐C好似以前一樣,不停不停的給予?

========================================================

後記

聖誕節將至,這是一個在菲律賓人眼裡很重要的節日,
前思後想還是由我出馬,打電話給母親L,看她對這種僵局有何想法.
這通大約30分鐘的電話裡,有10分鐘是聽母親L哭訴她的辛苦,
10分鐘抱怨個女兒不support她,及其他的壞話
重點是,母親L口口聲聲一直重覆一句話.......I want give her a "big" lesson
從這點我感覺到,面對女兒日漸有主見,對於母親的編排開始反抗,
母親有感危機四起,決定用這種冷戰方式讓女兒屈服.....

但我也有我的目標,我只強調幾句,請母親L要多去想想姐姐C的好,
因為知道想說服母親L改變她的想法是天方夜談,
甚至於當我講到姐姐C以前只用二手機時,現在只花好少錢買個新的,
母親L回我:......至少佢有二手機用,
從這點我先確實確定,母親L從未設身處地為姐姐C想過.

這通電話唯一要send的訊息是:
我是雇主,我已知你們之間錢銀糾葛,現在不是你可以為所欲為,
但我目地都好希望她們兩母女可以真正珍惜對方,
而不是為了自己私欲的目地而愛,
母愛不是最無私?最偉大的嗎?
為了什麼改變了呢?

(母親L所講的一番說話我並沒有講俾姐姐知,因為知道後果一定是決裂)

 

 

 

 

寒意

不知不覺已經11月尾,今年仲未食過大閘蟹,就唔到時間,成日話要食但又去食第二樣,
一方面又要牽就阿仔(佢奉旨唔食海鮮類),再唔食就要過了季節,
都還是走去新三陽買,原本以為今年當造聽講都唔貴,點知一睇都4xx5xx6xx一斤,
(4~6兩一隻),問老闆點解仲貴o左?原來貨源都被台灣買家搶走,
9月初比較平可惜冇買,老公話一年又唔係食好多次,貴D都冇所謂,
揀o左6隻,唔該1300.........(上年9隻先1300,好唔抵)
蟹屬於濕毒o野,我一年至多食3次......一食多個皮膚一定唔惦,
而且食完蟹我又會狂打乞泣,鼻敏得好交關,
所以食之前一定飲多D薑茶暖身,加埋暖暖地中國式酒情況會好很多,

慢慢嘆蟹邊飲暖暖地o既太雕酒,好易入口又溫和,成個身暖烘烘,
天南地北扯東扯西,在寒冷的天氣裡更顯溫馨~

氣溫一下子掉到13度,我地竟然心思思想去西貢食飯~
平時假日的西貢好熱鬧,我們都會帶狗狗去行行,
成個西貢海邊可以見到上百隻狗隻好開心的散步,
但今晚...............

遊人寥寥無幾,加上細細的雨絲,更顯戚清
但細雨下的西貢又是另一種風情,
跟老公啖著淡啤酒,又開始談天說地,
看著阿仔開心的吃著海南雞(係佢揀o左好耐之下的選擇)
有時覺得地方不是太重要,
是要看你跟著什麼人一齊,心境心態如何,
才決定一切~~

冷冷的寒冬已至,
卻份外容易讓人感受到"溫暖"這兩個字........

祝大家都有個溫暖的寒冬!!!!!