ಪುಸ್ತಕ ಪ್ರೀತಿ

ಕನ್ನಡದ ಪ್ರಮುಖ ಲೇಖಕರಲ್ಲಿ ಒಬ್ಬರಾದ ನಿರಂಜನ (1924-1992) ಸೃಜನಶೀಲ ಬರಹಗಾರ, ಪ್ರಗತಿಶೀಲ ಸಾಹಿತ್ಯ ಚಳುವಳಿಕಾರ, ವಿಮರ್ಶಕ, ಪತ್ರಕರ್ತ, ಚಿಂತಕ, ಸ್ವಾತಂತ್ರ್ಯ ಹೋರಾಟಗಾರ, ಸಾಮಾಜಿಕ ರಾಜಕೀಯ ಕಾರ್ಯಕರ್ತ-ನಾಯಕ, `ಮಕ್ಕಳ ವಿಶ್ವಕೋಶ’, ವಿಶ್ವ ಕಥಾಕೋಶದಂತಹ ಮಹಾ ಕನಸು ಕಂಡು ಅವನ್ನು ನನಸು ಮಾಡಬಲ್ಲ ಧೀಮಂತ – ಹೀಗೆ ಹಲವು ಆಯಾಮಗಳನ್ನು ನಿರಂಜನ ಹೊಂದಿದ್ದರು.

ನಿರಂಜನರ ಶತಮಾನದ ಈ ಹೊತ್ತಿನಲ್ಲಿ ನಿರಂಜನರನ್ನು ನೆನಪಿಸಿಕೊಳ್ಳುತ್ತ ಕನ್ನಡ ಸಾಹಿತ್ಯ ಮತ್ತು ಪ್ರಗತಿಪರ ಲೋಕಕ್ಕೆ ಅವರ ಕೊಡುಗೆಯನ್ನು ದಾಖಲಿಸುವುದು ಮತ್ತು ಅದೆಂದಿಗೂ ಸಾಂಸ್ಕೃತಿಕ ಲೋಕದಲ್ಲಿ ಚಿರಸ್ಥಾಯಿಯಾಗಿ ಉಳಿಯುವಂತೆ ಮಾಡುವುದು ಕನ್ನಡದ ಸಾರಸ್ವತ ಲೋಕ ಮಾಡಬೇಕಾದ ಕೆಲಸ. ಈ ನಿಟ್ಟಿನಲ್ಲಿ ಕ್ರಿಯಾ ಮಾಧ್ಯಮ ನಿರಂಜನರ ಜನ್ಮ ಶತಾಬ್ದಿಯ ವರ್ಷದಲ್ಲಿ `ನಿರಂಜನ ಶತಮಾನ ಮರು ಓದು ಮಾಲಿಕೆ’ಯ ಪ್ರಕಟಣೆಯನ್ನು ಪ್ರಾರಂಬಿಸಿತ್ತು. ಈಗಾಗಲೇ 4 ಪುಸ್ತಕಗಳು ಪ್ರಕಟಗೊಂಡಿವೆ.

ಈ ಮಾಲಿಕೆಯ ಪ್ರತಿಯೊಂದು ಪುಸ್ತಕವೂ ಆಯಾ ಬಗೆಯ ಪ್ರಾತಿನಿಧಿಕ, ಸಮಕಾಲೀನತೆ ಇರುವ, ಮಹತ್ವದ ಆಯ್ದ ನಿರಂಜನರ ಬರಹಗಳ ಸಂಗ್ರಹವಾಗಿದೆ. ಅದರಲ್ಲಿ ಆಯಾ ಬಗೆಯ ನಿರಂಜನರ ಬರಹಗಳ ಒಟ್ಟು ಸಮೀಕ್ಷೆ, ವಿಮರ್ಶಾತ್ಮಕ ಪಕ್ಷಿ ನೋಟ ಮತ್ತು ಸಮಕಾಲೀನತೆ ನಿರೂಪಿಸುವ ಮುನ್ನುಡಿ ಇವೆ. ಇದರ ಪ್ರಧಾನ ಸಂಪಾದಕರು, ತೇಜಸ್ವಿನಿ ನಿರಂಜನ ಹಾಗೂ ಡಾ.ಎಂ.ಜಿ.ಹೆಗಡೆ, ವಸಂತರಾಜ ಎನ್.ಕೆ ಯವರು ಮಾಲಿಕೆಯನ್ನು ಸಂಯೋಜಿಸಿದ್ದಾರೆ.

ಮೊದಲ ಪುಸ್ತಕದಲ್ಲಿ ನಿರಂಜನರ ಮೊದಲ ಮಗಳು ತೇಜಸ್ವಿನಿ ನಿರಂಜನ ಅವರು ನಿರಂಜನರ ಬದುಕನ್ನು ಅವರ ಆತ್ಮಕಥಾತ್ಮಕ ಬರಹಗಳಿಂದ ಮತ್ತು ಅವರ ಬರಹಗಳನ್ನು ನಿರಂಜನರೇ ತಮ್ಮ ಬರಹಗಳ ಬಗ್ಗೆ ಬರೆದ ಬರಹಗಳಿಂದ ಕಟ್ಟಿಕೊಟ್ಟಿದ್ದಾರೆ. ಕನ್ನಡ ನಾಡಿನ ಸಾಹಿತ್ಯದ ವಿದ್ವಾಂಸರು, ಸಾಹಿತ್ಯ ವಿಮರ್ಶಕರು, ಸಾಂಸ್ಕೃತಿಕ ಚಿಂತಕರು ಮತ್ತು ಲೇಖಕರಾಗಿ ಹೆಸರಾಗಿರುವ ಎಂ.ಜಿ.ಹೆಗಡೆ ಅವರು ನಿರಂಜನರ ಕತೆಗಳನ್ನು ಸಂಪಾದಿಸಿದರೆ, ನಿರಂಜನರ ಅಂಕಣಗಳನ್ನು ನಮ್ಮ ಓದುಗರಿಗೆ ಚಿರಪರಿಚಿತರಾದ ಪತ್ರಕರ್ತ ಮತ್ತು ಲೇಖಕ ವಿಶ್ವ ಕುಂದಾಪುರ ಅವರು ಸಂಪಾದಿಸಿದ್ದಾರೆ ಹಾಗೆಯೇ ಕನ್ನಡ ನಾಡಿನ ವಚನ ಮತ್ತು ತತ್ವಪದ ಸಾಹಿತ್ಯದ ವಿದ್ವಾಂಸರು, ಸಾಂಸ್ಕೃತಿಕ ಚಿಂತಕರು ಮತ್ತು ಚಳುವಳಿಗಾರರು, ಲೇಖಕರಾಗಿ ಹೆಸರಾಗಿರುವ ಡಾ.ಮೀನಾಕ್ಷಿ ಬಾಳಿ ಅವರು ನಿರಂಜನರ ಸಾಹಿತ್ಯಕ ಬರಹಗಳನ್ನು ಸಂಪಾದಿಸಿದ್ದಾರೆ. ಪ್ರತೀ ಪುಸ್ತಕದಲ್ಲಿ ಸಂಪಾದಕರಿAದ ಆಯಾ ಸಾಹಿತ್ಯ ಪ್ರಕಾರಗಳ ಬಗ್ಗೆ ಓದುಗರಿಗೆ ಉಣಬಡಿಸುವ ಒಂದು ಲೇಖನವೂ ಇದೆ.

ಕನ್ನಡ ಸಾಹಿತ್ಯ ಪ್ರಿಯ ಓದುಗರೆಲ್ಲರ ಗ್ರ‍್ರಂಥಾಲಯದಲ್ಲಿ ಇರಲೇ ಬೇಕಾದ ಪುಸ್ತಕಗಳು ಇವು.

ನಿರಂಜನ‌ ಮರು ಓದು ಮಾಲಿಕೆಯ 4 ಪುಸ್ತಕಗಳ ಕಟ್ಟಿಗೆ ನವೆಂಬರ್ 30, 2025 ವರೆಗೆ ವಿಶೇಷ ರಿಯಾಯಿತಿ

ರೂ.600 ಮೂಲಬೆಲೆಯ ೪ ಪುಸ್ತಕಗಳ ಕಟ್ಟು ರೂ.450ರಲ್ಲಿ

ಈ ಕಟ್ಟಿನಲ್ಲಿ ನಿರಂಜನರ – ಬದುಕು ಬರಹಗಳ ಕತೆ, ಆಯ್ದ ಕತೆಗಳು, ಆಯ್ದ ಅಂಕಣ ಬರಹಗಳು, ಆಯ್ದ ಸಾಹಿತ್ಯಕ ಬರಹಗಳು – ಈ ನಾಲ್ಕು ಪುಸ್ತಕಗಳಿವೆ.

ಇಡೀ ಕಟ್ಟು ತೆಗೆದುಕೊಳ್ಳದೆ ಒಂದೆರಡು ಪುಸ್ತಕ ತೆಗೆದುಕೊಂಡರೂ ವಿಶೇಷ ವಿನಾಯಿತಿಯಿದೆ.

ಪುಸ್ತಕಗಳ, ಸಂಪರ್ಕದ, ಹಣ ಪಾವತಿಯ ವಿವರಗಳು ಪೋಸ್ಟರ್ ನಲ್ಲಿವೆ.

ಇಂದೇ ಕೊಳ್ಳಿ

Filed under: ಪುಸ್ತಕ ಖರೀದಿ ವಿವರ | Tagged: ಅಂಕಣ ಬರಹಗಳು, ಎಂ ಜಿ ಹೆಗಡೆ, ಕತೆಗಳು, ತೇಜಸ್ವಿನಿ ನಿರಂಜನ, ನಿರಂಜನ, ಬದುಕು-ಬರಹ, ಮೀನಾಕ್ಷಿ ಬಾಳಿ, ವಿಶ್ವ ಕುಂದಾಪುರ, ಸಾಹಿತ್ಯಕ ಬರಹಗಳು | 1 Comment »

ಕನ್ನಡ ಪ್ರಗತಿಶೀಲ ಸಾಹಿತ್ಯ ಚಳವಳಿಯ ಪ್ರಮುಖ ಲೇಖಕರಲ್ಲಿ ಒಬ್ಬರಾದ ನಿರಂಜನ (1924-1992) – ಸೃಜನಶೀಲ ಬರಹಗಾರ, ಸಾಹಿತ್ಯ ಚಳುವಳಿಕಾರ, ವಿಮರ್ಶಕ, ಪತ್ರಕರ್ತ, ಚಿಂತಕ, ಸಾಮಾಜಿಕ ರಾಜಕೀಯ ಕಾರ್ಯಕರ್ತ-ನಾಯಕ, ಮಕ್ಕಳ ವಿಶ್ವಕೋಶ, ವಿಶ್ವ ಕಥಾಕೋಶ ದಂತಹ ಮಹಾ ಕನಸು ಕಂಡು ಅವನ್ನು ನನಸು ಮಾಡಬಲ್ಲ ಧೀಮಂತ – ಹೀಗೆ ಹಲವು ಆಯಾಮಗಳನ್ನು ನಿರಂಜನ ಹೊಂದಿದ್ದರು. ನಿರಂಜನರು ಸ್ವತಃ ಬರೆದಿರುವ ಮತ್ತು ಸಂಪಾದಿಸಿರುವ ಹಾಗೂ ಅನುವಾದಿಸಿರುವ ಕೃತಿಗಳ ಒಟ್ಟು ಸಂಖ್ಯೆ 88ಕ್ಕೂ ಹೆಚ್ಚು. ಅವುಗಳಲ್ಲಿ ಸ್ವತಂತ್ರ ಕೃತಿಗಳೇ 50ಕ್ಕೂ ಮೀರಿವೆ. ಅವುಗಳಲ್ಲಿ ಪ್ರಸಿದ್ಧ ಕತೆ ‘ಕೊನೆಯ ಗಿರಾಕಿ’ಯೂ ಸೇರಿದಂತೆ ಕಥಾ ಸಂಗ್ರಹಗಳು (9) ಕಾದಂಬರಿಗಳು (25) ಅಂಕಣ ಬರಹಗಳು (7) ನಾಟಕ (3) ಹಾಗೂ ಪ್ರಬಂಧಗಳು ಇತ್ಯಾದಿ. ಅವರು ಸಂಪಾದಕರಾಗಿ ಹೊರ ತಂದಿರುವ ಕಿರಿಯರ ವಿಶ್ವ ಕೋಶವಾದ ‘ಜ್ಞಾನಗಂಗೋತ್ರಿ’ಯ 7 ಸಂಪುಟಗಳು, ವಿಶ್ವಕಥಾ ಕೋಶದ 25 ಸಂಪುಟಗಳು ಅಲ್ಲದೆ 10 ಭಾಷಾಂತರ ಕೃತಿಗಳು- ಅವರಿಗೆ ಕನ್ನಡ ಸಾಹಿತ್ಯದಲ್ಲಿ ಅನನ್ಯವಾದ ಸ್ಥಾನ ನೀಡಿವೆ.

ಕಡು ಬಡತನದಲ್ಲಿ ನಿರಂಜನ ಅವರ ತಾಯಿ ಏಕಾಂಗಿಯಾಗಿ ತಮ್ಮ ಏಕಮಾತ್ರ ಮಗನನ್ನು ಬೆಳೆಸಿದರು.  ತಮ್ಮ ಬಾಲ್ಯದಲ್ಲಿ ಶಿವರಾಮ ಕಾರಂತರ ಮಕ್ಕಳ ಕೂಟಗಳಲ್ಲಿ ಭಾಗಿಯಾಗಿದ್ದ ಮತ್ತು ಸ್ವಾತಂತ್ರ್ಯ ಚಳುವಳಿಯತ್ತ ಆಕರ್ಷಿತರಾದ ಅವರು ‘ಕಿಶೋರ’ ಮೊದಲಾದ ಕಾವ್ಯನಾಮಗಳಿಂದ ಕತೆ, ಲೇಖನಗಳನ್ನು ಬರೆಯುತ್ತಿದ್ದರು. ಹತ್ತನೇ ತರಗತಿಗೆ ವಿದ್ಯಾಭ್ಯಾಸ ನಿಲ್ಲಿಸಿ ಮಂಗಳೂರಿನಲ್ಲಿ ಕಡೆಂಗೋಡ್ಲು ಶಂಕರಭಟ್ಟರ ‘ರಾಷ್ಟ್ರಬಂಧು’ ಪತ್ರಿಕೆಯಲ್ಲಿ ಉದ್ಯೋಗಿಯಾಗಿ ಸೇರಿದರು. ಮುಂದೆ ಅವರು ಬೆಂಗಳೂರಿನಲ್ಲಿ ಪತ್ರಿಕೋದ್ಯಮಿಯಾಗಿ ಕೆಲಸ ಮಾಡಿದರು. ಪತ್ರಕರ್ತರಾಗಿ ಕಯ್ಯೂರು ಹೋರಾಟದ ನಾಯಕರ ವಿರುದ್ಧ ಮೊಕದ್ದಮೆ ಬಗ್ಗೆ ವರದಿ ಮಾಡುತ್ತಾ ಕಮ್ಯುನಿಸ್ಟ್ ಚಳುವಳಿಯತ್ತ ಆಕರ್ಷಿತರಾದರು. ಎಡಪಂಥೀಯ ನಿಲುವಿನ ಕುಳಕುಂದ ಶಿವರಾಯರು ತೆಲಂಗಾಣ ಚಳವಳಿ ಬಗ್ಗೆ ಬರೆಯಲು ಆ ಸಂದರ್ಭದಲ್ಲಿ ಬಳಸಿದ ಗುಪ್ತನಾಮ ‘ನಿರಂಜನ’ ಮುಂದಿನ ಅವರ ಸಾಹಿತ್ಯ ಬರಹಗಳ ಕಾವ್ಯನಾಮವಾಗಿ ಪರಿವರ್ತಿತವಾಯಿತು.

ಇಷ್ಟು ಕೊಡುಗೆಯನ್ನು ನೀಡಿದ ಸಾಹಿತಿಯೊಬ್ಬರ ಬರಹಗಳು ಇಂದಿನ ಹೊಸ ಪೀಳಿಗೆಯ ಎಷ್ಟು ಜನ ಓದುಗರಿಗೆ ತಿಳಿದಿದೆ?  ಹಾಗಾಗಿ  ನಿರಂಜನರ ಕೃತಿಗಳ ಮರು ಓದು ಹಾಗೂ ನಿರಂಜನ ನೆನಪು ಇಂದಿನ ಅಗತ್ಯವಾಗಿದೆ.  

ನಿರಂಜನರ ಬರಹಗಳನ್ನು ಅದರಲ್ಲೂ ಮುಖ್ಯವಾಗಿ ಕಾದಂಬರಿಗಳನ್ನು ಗಮನಿಸಿದಾಗ ಅವರ ಜನಪರ ದೃಷ್ಟಿ ಸ್ಪಷ್ಟವಾಗಿ ಗೋಚರಿಸುವುದು ಸ್ಪಷ್ಟವೇ ಇದೆ. ಆದರೆ ಅವರ ಬರವಣಿಗೆಯಲ್ಲಿ ಹೊಸ ಸಮಾಜವನ್ನು ಕಟ್ಟುವ ಅವರ ಆದರ್ಶ ಕೇವಲ ಕನಸುಗಾರಿಕೆ ಅಲ್ಲ. ಬರವಣಿಗೆಯ ಚಿತ್ರಕ ಶಕ್ತಿಯ ವಿವರ ಹಾಗೂ ರೂಪಕ ಶಕ್ತಿಯ ವೈವಿಧ್ಯಗಳಿಂದ ನಿರಂಜನರ ಸಾಹಿತ್ಯ ಅವರ ಸಾಹಿತ್ಯಿಕ ಆಶಯವನ್ನು ವಾಸ್ತವದ ವಿವರವಾಗಿ ಕಟ್ಟುತ್ತದೆ. ಇದೊಂದು ರೀತಿಯಲ್ಲಿ ಕಲ್ಪಿತ ವಾಸ್ತವ ರೀತಿಯ ಸೃಷ್ಟಿಯೂ ಹೌದಾದರೂ ನಿರಂಜನರು ಆಶಯದ ಅಭಿವ್ಯಕ್ತಿಯನ್ನು ವಾಸ್ತವದ ಚಿತ್ರಕ ವಿವರಗಳಲ್ಲಿ ನೀಡುತ್ತಾರೆ. 

ಕನ್ನಡ ನಾಡಿನಲ್ಲಿ 1943ರ ಡಿಸೆಂಬರ್‌ನಲ್ಲಿ ಪ್ರಗತಿಶೀಲ ಲೇಖಕರ ಸಂಘ ಅಸ್ತಿತ್ವಕ್ಕೆ ಬಂದಿತು.  ಎಡಪಂಥೀಯ ಸ್ಪಷ್ಟ ನಿಲುವಿನ ನಿರಂಜನ ಅವರು ‘ಕಲೆಗಾಗಿ ಕಲೆ’ ಎಂಬ  ಒಲವನ್ನು ಸಂಪೂರ್ಣ ವಿರೋಧಿಸುತ್ತಿದ್ದರು. . ‘ಪ್ರಗತಿಶೀಲ ಸಾಹಿತ್ಯ’ ಎಂಬ ಪ್ರಬಂಧಗಳ ಸಂಕಲನಕ್ಕೆ ಮುನ್ನುಡಿಯನ್ನು ಬರೆಯುತ್ತಾ  ”ಪ್ರಗತಿಶೀಲ ಸಾಹಿತಿಗಳ ಗುರಿ ಕೇವಲ ಸಾಮಾಜಿಕವಾದ ಸಾಹಿತ್ಯವನ್ನು ನಿರ್ಮಾಣ ಮಾಡುವುದೇ ಅಲ್ಲ, ಸಾಹಿತ್ಯದಲ್ಲಿ ನೈಸರ್ಗಿಕತೆಯೂ ಇರಬೇಕು. ಅಜೇಯ ಶಕ್ತಿಯೂ ಇರಬೇಕು. ಅದು ನಮ್ಮ ಜನತೆಯ ಮಾರ್ಗದರ್ಶಕವಾಗಿರಬೇಕು. ತನ್ನ ಬಾಳಿನಿಂದ, ಭಾವನೆಯಿಂದ, ವಿಚಾರದಿಂದ ಈ ಉದ್ದೇಶದಿಂದ ಹೊರಗೆ ನಿಂತ ಸಾಹಿತ್ಯ ಸತ್ತ ಸಾಹಿತ್ಯ,” ಎಂದು ಘೋಷಿಸಿದ್ದರು. ನಿರಂಜನ ತಮ್ಮ ತತ್ವಕ್ಕೆ ಬದ್ಧರಾಗಿಯೂ ಬದುಕಿನ ವಿವರಗಳನ್ನು ಅಗಾಧ ಜೀವ ಪ್ರೀತಿಯಿಂದ ಬರಹಗಳಲ್ಲಿ ಕಟ್ಟಿದರು.

ನಿರಂಜನ ಅವರ ಮರು ಓದನ್ನು ಸಾಧ್ಯ ಮಾಡುವತ್ತ ಐ.ಬಿ.ಎಚ್ ಮತ್ತು ಕ್ರಿಯಾ ಮಾಧ್ಯಮ ವರ್ಷ ಪೂರ್ತಿ ಪ್ರಕಟಣೆ ಮತ್ತು ಇತರ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದೆ. ಅದರ ಆರಂಭಿಕ ಕಾರ್ಯಕ್ರಮವಾಗಿ ನಾಲ್ಕು ಪುಸ್ತಕಗಳ ಬಿಡುಗಡೆ ಮತ್ತು ಮರು ಓದು ಮಾತುಕತೆ ಹಮ್ಮಿಕೊಂಡಿದೆ. ಜುಲೈ 27 ಶನಿವಾರದಂದು ಸಂಜೆ 4 ಗಂಟೆಯಿಂದ ಈ ಕಾರ್ಯಕ್ರಮವು ಕನ್ನಡ ಸಾಹಿತ್ಯ ಪರಿಷತ್ತು, ಚಾಮರಾಜಪೇಟೆ, ಬೆಂಗಳೂರಿನ ಕುವೆಂಪು ಸಬಾಂಗಣದಲ್ಲಿ ಈ ಕಾರ್ಯಕ್ರಮ ನಡೆಯಲಿದೆ. 

ಧ್ವನಿ-1 ಮತ್ತುಧ್ವನಿ 2 – ಎರಡು ಸಂಪುಟಗಳಲ್ಲಿ ನಿರಂಜನ ಅವರ ಸಮಗ್ರ ಕಥಾ ಸಮುಚ್ಚಯದ

ಕನಸು –  ನಿರಂಜನ ಅವರ ಮೂರು ಕಾದಂಬರಿಗಳ ಸಂಗ್ರಹ

ಮೃತ್ಯುಂಜಯ (ನಾಟಕ) – ಡಾ.ಎಂ.ಜಿ. ಹೆಗಡೆ ಬರೆದಿರುವ ಮೃತ್ಯುಂಜಯ ಮತ್ತು ಚಿರಸ್ಮರಣೆ ಕಾದಂಬರಿಗಳ ರಂಗರೂಪ

ತೇಜಸ್ವಿನಿ ನಿರಂಜನ ಪುಸ್ತಕ ಬಿಡುಗಡೆ ಮಾಡುತ್ತಾರೆ

ನಿರಂಜನ ಮರುಓದು ಮಾತುಕತೆಯಲ್ಲಿ

ಡಾ.ಬಿ.ಆರ್.ಮಂಜುನಾಥ  ‘ನಿರಂಜನರ ಕಥಾ ಜಗತ್ತು’

ಚ.ಹ.ರಘುನಾಥ ‘ನಿರಂಜನರ ಕಾದಂಬರಿಗಳು’

ಬಿ ಸುರೇಶ ‘ದೃಶ್ಯ ಮಾಧ್ಯಮಗಳಲ್ಲಿ ನಿರಂಜನರ ಕತೆ ಕಾದಂಬರಿಗಳು’

ಕುರಿತು ಮಾತನಾಡಲಿದ್ದಾರೆ.

ಜೊತೆಗೆ ನಿರಂಜನರ ಕುರಿತು ಸಾಕ್ಷ್ಯಚಿತ್ರ ಪ್ರದರ್ಶನ, ಮೃತ್ಯುಂಜಯ ನಾಟಕಗಳ ಹಾಡು ಇರುತ್ತವೆ.

Filed under: ಬಿಡುಗಡೆ | Tagged: ಕುಳಕುಂದ ಶಿವರಾಯರು, ಕೊನೆಯ ಗಿರಾಕಿ, ಚಿರಸ್ಮರಣೆ, ಜ್ಞಾನ ಗಂಗೋತ್ರಿ, ತೇಜಸ್ವಿನಿ ನಿರಂಜನ, ನಿರಂಜನ, ಮೃತ್ಯುಂಜಯ, ವಿಶ್ವ ಕಥಾಕೋಶ | Leave a comment »

ಜರ್ಮನ್ ತತ್ವಶಾಸ್ತçಜ್ಞ, ಇತಿಹಾಸಕಾರ, ರಾಜಕೀಯ ಶಾಸ್ತçಜ್ಞ, ಪತ್ರಕರ್ತ ಮತ್ತು ಕ್ರಾಂತಿಕಾರಿ ಸಮಾಜವಾದಿ – ಈ ಎಲ್ಲವೂ ಆಗಿದ್ದ ಫ್ರೆಡರ‍್ರಿಕ್ ಏಂಗೆಲ್ಸ್ ನವೆಂಬರ್ 28, 1820ರಂದು ಹುಟ್ಟಿದ್ದು, 2020ರ ನವೆಂಬರ್ 28ಕ್ಕೆ ಅವರಿಗೆ 200 ವರ್ಷ ತುಂಬಿ, ನವೆಂಬರ್ 2020ರಿಂದ ನವೆಂಬರ್ 2021ರ ಅವಧಿಯನ್ನು ಎಂಗೆಲ್ಸ್ ದ್ವಿಶತಮಾನೋತ್ಸವವಾಗಿ ಜಗತ್ತಿನಾದ್ಯಂತ ಆಚರಿಸಲಾಯಿತು.

ಮಾರ್ಕ್ಸ್ ವಾದ ಎಂದು ಕರೆಯಲಾಗುತ್ತಿರುವ ವಿಶಿಷ್ಟ ಲೋಕದೃಷ್ಟಿಯನ್ನು ಬೆಳೆಸುವಲ್ಲಿ ಮಾರ್ಕ್ಸ್ ಅವರ ಜತೆ ಏಂಗೆಲ್ಸ್ ಅವರ ಪಾತ್ರ ಹೆಚ್ಚು ಕಡಿಮೆ ಸಮಾನವಾಗಿದ್ದರೂ, ಏಂಗೆಲ್ಸ್ ಅವರು ಎರಡನೆಯ ಪಾತ್ರ ವಹಿಸಿದವರೆಂಬAತೆ ಕೆಲವೊಮ್ಮೆ ಪರಿಗಣಿಸಲಾಗುತ್ತದೆ. ಎಂಗೆಲ್ಸ್ ಅವರನ್ನು ಜಗತ್ತಿನ ಮೊದಲ ‘ಮಾರ್ಕ್ಸ್ ವಾದಿ’ ಎಂದೂ ಕರೆಯಲಾಗುತ್ತದೆ. ತನ್ನ ವಿನಮ್ರ ಸ್ವಭಾವದಿಂದಾಗಿ ಏಂಗೆಲ್ಸ್ ಈ ಸ್ಥಾನವನ್ನು ಹೆಮ್ಮೆಯಿಂದ ಒಪ್ಪಿಕೊಂಡಿರಬಹುದು. ಆದರೆ ನಾವೂ ಹೀಗೆ ಹೇಳುವುದು ಸರಿಯಲ್ಲ.

ಮಾನವ ಸಮಾಜದ ಕ್ರಾಂತಿಕಾರಿ ಪರಿವರ್ತನೆಯ ಪ್ರತಿಯೊಂದು ಕ್ಷೇತ್ರದಲ್ಲಿಯೂ ಏಂಗೆಲ್ಸ್ ಅವರು ಸ್ವತಂತ್ರವಾಗಿ ಹಾಗೂ ಮಾರ್ಕ್ಸ್ ಅವರ ಸಹಯೋಗದಲ್ಲಿ, ಹೀಗೆ ಎರಡು ರೀತಿಯಲ್ಲೂ ಅತ್ಯುತ್ತಮವಾದ ಕೊಡುಗೆ ನೀಡಿದ್ದಾರೆ. ಮಾನವ-ನಿಸರ್ಗ ತತ್ವಮೀಮಾಂಸೆಯನ್ನು ವಿವರಿಸುವುದರಿಂದ ಹಿಡಿದು ನೈಸರ್ಗಿಕ ವಿಜ್ಞಾನಗಳ ಶಾಖೆಗಳು, ಮಾನವ ವಿಜ್ಞಾನಗಳು, ಮಾನವಶಾಸ್ತç, ಚರಿತ್ರೆ, ರಾಜಕೀಯ ಅರ್ಥಶಾಸ್ತ್ರ ಮತ್ತು ತತ್ವಶಾಸ್ತçದವರೆಗೂ ಏಂಗೆಲ್ಸ್ ಒಬ್ಬ ಅನನ್ಯ ಅಸಾಧಾರಣ ಚಿಂತಕರಾಗಿದ್ದರು. ಅವರು ಜಗತ್ತನ್ನು ತಳಮಟ್ಟದಿಂದ ಬದಲಾಯಿಸುವ ಕ್ರಾಂತಿಕಾರಿ ಚಳುವಳಿ ಹಾಗೂ ಅದರ ಸೈದ್ಧಾಂತಿಕ ತಳಪಾಯ ಹಾಕುವ ತಾತ್ವಿಕ ಆಲೋಚನಾ ಕ್ರಮದÀ ಬೆಳವಣಿಗೆಗೆ ಅಮೂಲ್ಯವಾದ ಕೊಡುಗೆಯನ್ನು ನೀಡಿದ್ದಾರೆ. ಅವರು ಸ್ವತಂತ್ರವಾಗಿ ಮತ್ತು ಮಾರ್ಕ್ಸ್ ಜೊತೆಗೆ ಜಂಟಿಯಾಗಿ ಹೊರತಂದ ಎಲ್ಲಾ ಕೃತಿಗಳೂ ಪರಸ್ಪರರ ನಡುವೆ ಚರ್ಚೆಗಳ ಮೂಲಕ ಶ್ರೀಮಂತವಾಗಿವೆ.

ಇದಲ್ಲದೆ ಲಂಡನ್ನಿಗೆ ಬಂದ ನಂತರ ಮಾರ್ಕ್ಸ್ ಮತ್ತು ಅವರ ಕುಟುಂಬದ ನಿರ್ವಹಣೆಗೆ ಆರ್ಥಿಕ ಒತ್ತಾಸೆಯನ್ನು ನೀಡುವ ಮೂಲಕ ಮಾರ್ಕ್ಸ್ ತನ್ನ ಅವಿರತ ಅಧ್ಯಯನ ಮತ್ತು ಬೌದ್ಧಿಕ ಚಟುವಟಿಕೆಗಳಲ್ಲಿ ತೊಡಗುವಂತೆ ಅನುವು ಮಾಡಿಕೊಟ್ಟಿದ್ದು ಕಡಿಮೆ ಕೊಡುಗೆಯಲ್ಲ. ಮಾರ್ಕ್ಸ್ ಅವರ ಜೀವಿತಾವಧಿಯಲ್ಲಿ ಅವರ ಸಹ-ಚಿಂತಕರಾಗಿ ಸಹ-ಲೇಖಕರಾಗಿ ದುಡಿದದ್ದು ಮಾತ್ರವಲ್ಲದೆ, ಮಾರ್ಕ್ಸ್ ನಿಧನರಾದ ಮೇಲೆ, ಕ್ಲಿಷ್ಟ ಕೈಬರಹಗಳಲ್ಲಿದ್ದ ಅವರ ಬರಹಗಳನ್ನು, ಅವರ ದೃಷ್ಟಿಕೋಣಕ್ಕೆ ಚ್ಯುತಿ ಬಾರದಂತೆ ಪಾಂಡಿತ್ಯಪೂರ್ಣವಾಗಿ ಸಂಪಾದಿಸಿ, ಪುಸ್ತಕ ರೂಪದಲ್ಲಿ ಪ್ರಕಟಿಸಿದ್ದು ಮಾರ್ಕ್ಸ್ ವಾದದ ಪ್ರಸಾರಕ್ಕೆ ಏಂಗೆಲ್ಸ್ ನೀಡಿದ ಅಸಾಮಾನ್ಯ ಕೊಡುಗೆ.

ಲೆನಿನ್ ಹೇಳುವಂತೆ, ಏಂಗೆಲ್ಸ್ “ಕಾರ್ಮಿಕ ವರ್ಗಕ್ಕೆ ತನ್ನನ್ನು ತಾನು ಅರಿತುಕೊಳ್ಳಲು ಮತ್ತು ತನ್ನ ಬಗ್ಗೆ ಪ್ರಜ್ಞಾಶೀಲವಾಗಲು ಕಲಿಸಿದರು, ಮತ್ತು ಅವರ ಕನಸುಗಳಿಗೆ ಬದಲಿಯಾಗಿ ವಿಜ್ಞಾನವನ್ನು ಒದಗಿಸಿದರು”.

ಹಾಗಾಗಿ, ಏಂಗೆಲ್ಸ್ ಅವರ ಜನ್ಮದಿನದ ದ್ವಿಶತಮಾನೋತ್ಸವದ ಅರ್ಥಪೂರ್ಣ ಆಚರಣೆ, ಇಂದಿಗೂ ಪ್ರಸ್ತುತವಾಗಿರುವ ಅವರ ಕೃತಿಗಳ ಅಧ್ಯಯನ, ಪ್ರಸಾರ ಮತ್ತು ಸಮಕಾಲೀನ ವಿದ್ಯಮಾನಗಳಿಗೆ ಅನ್ವಯಗಳನ್ನು ಒಳಗೊಂಡಿರಬೇಕು. ಅವರ ಹೆಚ್ಚಿನ ಕೃತಿಗಳು ಕನ್ನಡದಲ್ಲಿ ಲಭ್ಯವಿಲ್ಲದಿರುವುದರಿಂದ ಮಾರ್ಕ್ಸ್ ವಾದದ ಲೋಕದೃಷ್ಟಿಯ ಆಧಾರಸ್ತಂಭಗಳು ಎನಿಸಿಕೊಂಡಿರುವ ಅವರ ಪ್ರಮುಖ ಕೃತಿಗಳನ್ನು ಕನ್ನಡದಲ್ಲಿ ಪ್ರಕಟಿಸುವುದು ಆದ್ಯತೆಯದ್ದು. ಈ ಕೆಲಸವನ್ನು ನಾಡಿನ ಪ್ರಗತಿಪರ ಪುಸ್ತಕಗಳ ಪ್ರಕಾಶನಗಳಾದ (ಹಿಂದೆ ಮಾರ್ಕ್ಸ್200 – ಕ್ಯಾಪಿಟಲ್ 150 ಯೋಜನೆಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದ) ನವಕರ್ನಾಟಕ ಮತ್ತು ಕ್ರಿಯಾ ಮಾಧ್ಯಮ ಗಳು ಜಂಟಿಯಾಗಿ ಯೋಜಿಸಿವೆ. `ಏಂಗೆಲ್ಸ್-200 ಮಾಲಿಕೆ’ಯಲ್ಲಿ ಅವರ ಕೆಲವು ಪ್ರಮುಖ ಕೃತಿಗಳಲ್ಲದೆ, ಅವರ ಬದುಕು-ಬರಹಗಳ ಪರಿಚಯ ಮಾಡಿಕೊಡುವ ಜೀವನಚಿತ್ರಣದ ಪುಸ್ತಕವೂ ಸೇರಿದೆ. ಈ ಮಾಲಿಕೆಯ ಪುಸ್ತಕಗಳು ಈ ಕೆಳಗಿನಂತಿವೆ :

1. ಫ್ರೆಡೆರಿಕ್ ಏಂಗೆಲ್ಸ್ : ಡಾ. ಜಿ. ರಾಮಕೃಷ್ಣ

2. ಜರ್ಮನ್ ಸಿದ್ಧಾಂತ (The German ideology): ವಿ.ಎನ್.ಲಕ್ಷ್ಮೀನಾರಾಯಣ

3. ಕುಟುಂಬ, ಖಾಸಗಿ ಆಸ್ತಿ ಮತ್ತು ಪ್ರಭುತ್ವ ಇವುಗಳÀ ಉಗಮ (Origin of Family, Private property and the State) : ಡಾ.ಎಚ್.ಜಿ.ಜಯಲಕ್ಷ್ಮಿ

4. ಪ್ರಕೃತಿಯ ಗತಿತಾರ್ಕಿಕತೆ (Dialectics of Nature) : ಸುಬ್ರಮಣ್ಯ ಗುಡ್ಗೆ

5. ಜರ್ಮನಿಯ ರೈತ ಯುದ್ಧ (Peasant War in Germany) : ನಾ ದಿವಾಕರ

6. ಬಂಡವಾಳ ಸಂಪುಟ-2 (Capital Vol 2) : ಪಿ.ಎ.ಕುಮಾರ್, ವಿ.ಎನ್.ಲಕ್ಷ್ಮೀನಾರಾಯಣ

ಈ ಮಾಲಿಕೆಯಲ್ಲಿನ ಪ್ರತಿ ಕೃತಿಗೂ ಒಂದು ಪ್ರವೇಶಿಕೆ ಇದೆ. ಕೃತಿಯನ್ನು ಅರ್ಥ ಮಾಡಿಕೊಳ್ಳಲು ಬೇಕಾಗುವ – ಹಿನ್ನೆಲೆ, ಕೃತಿಯ ಇಂದಿನ ಪ್ರಸ್ತುತತೆ, ಕೃತಿಯ ಸಾರಾಂಶ, ಕೃತಿಯ ಬಗ್ಗೆ ನಂತರದ ಕಾಲದಲ್ಲಿ ಹುಟ್ಟಿದ ಚರ್ಚೆ-ವಿವಾದಗಳು – ಇವನ್ನು ಪ್ರವೇಶಿಕೆಯು ಒಳಗೊಂಡಿರುತ್ತದೆ.

ಮಾರ್ಕ್ಸ್, ಏಂಗೆಲ್ಸ್ ಮತ್ತು ಲೆನಿನ್ ಮೊದಲಾದ ಅಸಾಧಾರಣ ವ್ಯಕ್ತಿಗಳ ಬದುಕಿನಲ್ಲಿ ಮೂರು ಅಂಶಗಳು ಬಹಳ ಮುಖ್ಯವಾಗುತ್ತವೆ. ಒಂದು, ಚಿಂತನೆಯ ಕ್ಷೇತ್ರಕ್ಕೆ ಅವರ ಕೊಡುಗೆಗಳು. ಎರಡನೆಯದು, ಅವರು ಎಂತಹ ಸವಾಲುಗಳನ್ನು ಎದುರಿಸಿ ಹೋರಾಟಗಳನ್ನು ಸಂಘಟನೆಗಳನ್ನು ಕಟ್ಟಿದರು ಎಂಬುದು. ಮೂರನೆಯದು, ಖಂಡಿತವಾಗಿ ದೈವಾಂಶ ಸಂಭೂತರಲ್ಲದ ಅವರು ನಮ್ಮಂತೆಯೇ ನೋವು-ನಲಿವು, ಸೋಲು-ಗೆಲುವು, ರೋಗ-ರುಜಿನ, ಆಪ್ತೇಷ್ಟರ ಮರಣ-ಜನನ ಎಲ್ಲವನ್ನೂ ಅನುಭವಿಸಿದರು; ಆದರೆ ಸಂಕಲ್ಪ, ಪರಿಶ್ರಮ, ವಿಶಾಲ ಹೃದಯ, ಸಂವೇದನಾಶೀಲತೆಗಳನ್ನು ಬೆಳೆಸಿಕೊಂಡು, ನಮಗೆ ಮಾದರಿಯಾದರು ಎಂಬುದು. ಒಂದು ಜೀವನ ಚರಿತ್ರೆ ಇದೆಲ್ಲವನ್ನೂ ನಮಗೆ ಕಟ್ಟಿಕೊಡಬೇಕು.

ಈಗ ಪ್ರಸ್ತುತ ಏಂಗೆಲ್ಸ್ 200 ಸರಣಿಯ ಪುಸ್ತಕಗಳ ಗುಚ್ಛ ಜೂನ್ 2 ರ ವರೆಗೆ ಮೂಲ ಬೆಲೆ ರೂ.2305 ರ ಬದಲಾಗಿ ವಿನಾಯತಿ ಬೆಲೆಯಲ್ಲಿ ರೂ.1800/- ಕ್ಕೆ ಲಭ್ಯವಿದೆ. ಓದುಗರು ಈ ರಿಯಾಯತಿಯ ಲಾಭವನ್ನು ಪಡೆಯಬಹುದು.

ಡಾ. ಜಿ. ರಾಮಕೃಷ್ಣ ಅವರ ಫ್ರೆಡೆರಿಕ್ ಏಂಗೆಲ್ಸ್ ಪುಸ್ತಕವು ಇವೆಲ್ಲವನ್ನೂ ಪೂರೈಸುತ್ತದೆ ಮಾತ್ರವಲ್ಲ, ಅತ್ಯಂತ ಸರಳ ಹಾಗೂ ಹೃದಯಂಗಮ ಶೈಲಿಯಲ್ಲಿ ಕೈಗೆತ್ತಿಕೊಂಡ ಕಾರ್ಯವನ್ನು ನಿರ್ವಹಿಸಿದೆ ಎಂಬ ಕಾರಣದಿಂದ ಬಹಳ ಮಹತ್ವದ್ದಾಗಿದೆ. ಏಂಗೆಲ್ಸ್ ಅವರ ಅತ್ಯಂತ ಮುಂದುವರೆದ ಚಿಂತನೆಗಳನ್ನು ಪರಿಕಲ್ಪನೆಗಳನ್ನು ಒಳಗೊಂಡ ಅಭಿಜಾತ ಕೃತಿಗಳನ್ನು ಹೊಸಬರಿಗೂ ಗ್ರಹಿಸಲಾಗುವಂತೆ ಚಿಕ್ಕದಾಗಿ ಪರಿಚಯಿಸಿರುವುದು ಇದರ ಇನ್ನೊಂದು ಹೆಗ್ಗಳಿಕೆ.

ಪುಸ್ತಕ ಮಾಲಿಕೆ : ಏಂಗೆಲ್ಸ್ 200; ಶೀರ್ಷಿಕೆ: ಫ್ರೆಡೆರಿಕ್ ಏಂಗೆಲ್ಸ; ಲೇಖಕರು: ಡಾ. ಜಿ. ರಾಮಕೃಷ್ಣ; ಪ್ರಕಾಶಕರು:ನವಕರ್ನಾಟಕ ಪಬ್ಲಿಕೇಷನ್; ಪುಟಗಳು:  ; ಬೆಲೆ:ರೂ.150;

ತತ್ವಶಾಸ್ತçದಲ್ಲಿ ಭಾವನಾವಾದದ ಪ್ರಾಬಲ್ಯವನ್ನು ಹಿಮ್ಮೆಟ್ಟಿಸಲು ಮಾರ್ಕ್ಸ್ ಮತ್ತು ಏಂಗೆಲ್ಸ್ ಇಬ್ಬರೂ ಒಟ್ಟಿಗೇ 1845-46 ರಲ್ಲಿ ತಮ್ಮ ‘ಜರ್ಮನ್ ಐಡಿಯಾಲಜಿ’ (ಜರ್ಮನ್ ಸಿದ್ಧಾಂತದ ವಿಮರ್ಶೆ)ಯಲ್ಲಿ ಚಾರಿತ್ರಿಕ ಭೌತವಾದವನ್ನು ಪ್ರತಿಪಾದಿಸಿದರು. ಮೊಟ್ಟ ಮೊದಲ ಬಾರಿಗೆ, ಈ ಪುಸ್ತಕದಲ್ಲಿ ಕಾರ್ಮಿಕ ವರ್ಗದ ಲೋಕದೃಷ್ಟಿಯಾದ ಗತಿತಾರ್ಕಿಕ ಹಾಗೂ ಚಾರಿತ್ರಿಕ ಭೌತವಾದದ ಮೂಲಾಧಾರವನ್ನು ಸಮಗ್ರವಾಗಿ ಮತ್ತು ವ್ಯವಸ್ಥಿತವಾಗಿ ಮಂಡಿಸಿರುವುದರಿAದ ಈ ಪುಸ್ತಕವು ಮಾಲಿಕೆಯ ಅನಿವಾರ್ಯ ಭಾಗವಾಗಿದೆ.

ಪುಸ್ತಕ ಮಾಲಿಕೆ : ಏಂಗೆಲ್ಸ್ 200; ಶೀರ್ಷಿಕೆ: ಜರ್ಮನ್ ಸಿದ್ಧಾಂತ; ಅನುವಾದಕರು: ವಿ.ಎನ್.ಲಕ್ಷ್ಮೀನಾರಾಯಣ; ಪ್ರಕಾಶಕರು:ಕ್ರಿಯಾ ಮಾಧ್ಯಮ; ಪುಟಗಳು: 220 ; ಬೆಲೆ:ರೂ.220;

ಏಂಗೆಲ್ಸ್ ಅವರು ಚಾರಿತ್ರಿಕ ಭೌತವಾದದ ನಿಯಮಗಳನ್ನು ಅವರ ಕಾಲದಲ್ಲಿ ಲಭ್ಯವಿದ್ದ ಪ್ರಾಚೀನ ಮಾನವ ಸಮಾಜಗಳ ಮಾನವಶಾಸ್ತçದ ಸಾಕ್ಸ್ಯಗಳಿಗೆ ಅನ್ವಯಿಸಿದರು. ತಮ್ಮ ‘ದಿ ಆರಿಜಿನ್ ಆಫ್ ಫ್ಯಾಮಿಲಿ, ಪ್ರೈವೇಟ್ ಪ್ರಾಪರ್ಟಿ ಅಂಡ್ ದಿ ಸ್ಟೇಟ್’(ಕುಟುಂಬ, ಖಾಸಗಿ ಆಸ್ತಿ ಮತ್ತು ಪ್ರಭುತ್ವದ ಉಗಮ) ಪುಸ್ತಕದಲ್ಲಿ ಏಂಗೆಲ್ಸ್ ಅವರು ಆಧುನಿಕ ವರ್ಗ ಸಮಾಜದ ಸುತ್ತ ಇರುವ ಮಿಥ್ಯೆಗಳನ್ನು ಬಯಲಿಗೆಳೆಯುತ್ತಾರೆ ಮತ್ತು ಹೇಗೆ ಆಸ್ತಿ-ಆಧಾರಿತ ವರ್ಗ ಸಂಬAಧಗಳು ಕುಟುಂಬದ ಮತ್ತು ಪ್ರಭುತ್ವದ ಮೂಲಗಳನ್ನು ರೂಪಿಸುತ್ತವೆ; ಏಕಪತಿತ್ವ ಅಥವಾ ಏಕಪತ್ನಿತ್ವ, ಪುರುಷ ಪ್ರಾಧಾನ್ಯತೆ ಮತ್ತು ಮಹಿಳೆಯರ ಮೇಲಿನ ದಬ್ಬಾಳಿಕೆಗಳುಳ್ಳ ಸ್ತ್ರೀ ಕುಲದ ವಿರೋಧಿಯಾದ ಒಂದು ವ್ಯವಸ್ಥೆಯನ್ನು ಅವು ಹೇಗೆ ರೂಪಿಸುತ್ತವೆ ಎಂಬುದನ್ನು ಪ್ರಮಾಣಗಳ ಸಹಿತವಾಗಿ ಏಂಗೆಲ್ಸ್ ತೋರಿಸುತ್ತಾರೆ. ಮಹಿಳೆಯರ ದಾಸ್ಯದ ಮೂಲಕಾರಣಗಳು ಮತ್ತು ವಿಮೋಚನೆಯ ಹಾದಿಯನ್ನು ಕುರಿತು ಆ ಮೇಲೆ ವಿಕಾಸಗೊಂಡಿರುವ ಸ್ರೀವಾದಿ ಚಿಂತನೆಯ ಬೇರುಗಳನ್ನು ಏಂಗೆಲ್ಸ್ ಅವರ ಈ ಕೃತಿಯಲ್ಲಿ ಕಾಣಬಹುದಾದ್ದರಿಂದ ಇದನ್ನು ಮಾಲಿಕೆಗೆ ಸೇರಿಸಲಾಗಿದೆ.

ಪುಸ್ತಕ ಮಾಲಿಕೆ : ಏಂಗೆಲ್ಸ್ 200; ಶೀರ್ಷಿಕೆ: ಕುಟುಂಬ, ಖಾಸಗಿ ಆಸ್ತಿ ಮತ್ತು ಪ್ರಭುತ್ವ ಇವುಗಳÀ ಉಗಮ; ಅನುವಾದಕರು: ಡಾ.ಎಚ್.ಜಿ.ಜಯಲಕ್ಷ್ಮಿ; ಪ್ರಕಾಶಕರು:ನವಕರ್ನಾಟಕ ಪಬ್ಲಿಕೇಷನ್; ಪುಟಗಳು:  ; ಬೆಲೆ:ರೂ.375;

ನಿಸರ್ಗದಲ್ಲಿ ಗತಿತಾರ್ಕಿಕತೆ ಇದೆ. ಆದರೆ ಅದರಿಂದಲೇ ನಿಸರ್ಗದ ನಿಯಮಗಳನ್ನು ಕಂಡು ಹಿಡಿಯಲಾಗುವುದಿಲ್ಲ. ಆದರೆ ಈ ನಿಯಮಗಳು ಗತಿತಾರ್ಕಿಕತೆಯ ನಿಯಮಗಳಿಗೆ ಅನುಗುಣವಾಗಿರುತ್ತವೆ. ನಿಸರ್ಗ ವಿಜ್ಞಾನದ(ನ್ಯಾಚುರಲ್ ಸೈನ್ಸ್) ವಿವಿಧ ಶಾಖೆ-ವಿಭಾಗಗಳು, ನಿರ್ದಿಷ್ಟ ನೈಸರ್ಗಿಕ ವಿದ್ಯಮಾನಗಳನ್ನು ವಿವರಿಸುವ ನಿಯಮಗಳನ್ನು ಒಟ್ಟುಗೂಡಿಸುವ ಸಂಘಟನಾ ನೀತಿಗಳನ್ನು ಗತಿತಾರ್ಕಿಕತೆ ಕೊಡಬಲ್ಲದು. ಇದು ವಿಜ್ಞಾನದ ತತ್ವಶಾಸ್ತçದ (ಫಿಲಾಸಫಿ ಆಫ್ ಸೈನ್ಸ್) ಅಗತ್ಯವನ್ನು ಪೂರೈಸಬಲ್ಲದು. ನಿಸರ್ಗವನ್ನು ಅರ್ಥೈಸುವ ಭೌತವಾದದ ಆಧಾರವಾಗಬಲ್ಲದು ಎಂದು ವಿವರಿಸುವ ಏಂಗೆಲ್ಸ್ ರ ಮೇರುಕೃತಿ ‘ಡಯಲೆಕ್ಟಿಕ್ಸ್ ಆಫ್ ನೇಚರ್’ (ನಿಸರ್ಗದ ಗತಿತಾರ್ಕಿಕತೆ) ಸಹಜವಾಗಿ ಮಾಲಿಕೆಯ ಭಾಗವಾಗಿದೆ.

ಇತ್ತೀಚಿನ ವಿಜ್ಞಾನ ಮತ್ತು ತಂತ್ರಜ್ಞಾನಗಳ ಬೆಳವಣಿಗೆಗಳಿಂದ, ವಿಜ್ಞಾನದ ತತ್ವಶಾಸ್ತçದ ಮೇಲೆ ಆಗುವ ಪರಿಣಾಮಗಳು, (ದುರ್ಬಳಕೆಯೂ ಸೇರಿದಂತೆ) ಅದರ ಬಳಕೆಗಳಲ್ಲಿ ಸಮಾಜದ ಜತೆ ಇರುವ ಅವುಗಳ ಸಂಬAಧ ಮತ್ತು ಪರಿಣಾಮಗಳನ್ನು ಅರ್ಥೈಸುವುದು ಸಮಸಮಾಜ ಕಟ್ಟುವ ಕಾಯಕದಲ್ಲಿ ಆದ್ಯತೆಯದ್ದಾಗಿರುವ ಇಂದಿನ ಸಂದರ್ಭದಲ್ಲಿ ಈ ಕೃತಿ ಕೊಡುವ ಕಣ್ಣೋಟ ಅÀತ್ಯವಶ್ಯಕವಾದುದು. ಮಾನವ-ನಿಸರ್ಗ ಗತಿತಾರ್ಕಿಕತೆಯು ಹೇಗೆ ವಿಕಾಸಗೊಂಡಿದೆ ಎನ್ನುವುದನ್ನು ತೋರಿಸುವ ಏಂಗೆಲ್ಸ್ ಅವರ ಪ್ರಸಿದ್ಧ ಪ್ರಬಂಧ ‘ದಿ ಪಾರ್ಟ್ ಪ್ಲೇಡ್ ಬೈ ಲೇಬರ್ ಇನ್ ದಿ ಟ್ರಾನ್ಸಿಷನ್ ಫ್ರಮ್ ಏಪ್ ಟು ಮ್ಯಾನ್’(ವಾನರನಿಂದ ಮಾನವನ ಪರಿವರ್ತನೆಯಲ್ಲಿ ಶ್ರಮವು ವಹಿಸಿದ ಪಾತ್ರ) ಈ ಕೃತಿಯ ಭಾಗ,

ಪುಸ್ತಕ ಮಾಲಿಕೆ : ಏಂಗೆಲ್ಸ್ 200; ಶೀರ್ಷಿಕೆ: ಪ್ರಕೃತಿಯ ಗತಿತಾರ್ಕಿಕತೆ; ಅನುವಾದಕರು: ಸುಬ್ರಮಣ್ಯ ಗುಡ್ಗೆ; ಪ್ರಕಾಶಕರು: ಕ್ರಿಯಾ ಮಾಧ್ಯಮ; ಪುಟಗಳು:272; ಬೆಲೆ:ರೂ.330;

1849-50ರಲ್ಲಿ ಪ್ರಕಟವಾದ ‘ದಿ ಪೆಸೆಂಟ್ ವಾರ್ ಇನ್ ಜರ್ಮನಿ’ (ಜರ್ಮನಿಯಲ್ಲಿ ರೈತರ ಯುದ್ಧ) ಕೃತಿ ಏಂಗೆಲ್ಸ್ ಅವರು ಗತಿತಾರ್ಕಿಕ ಭೌತವಾದವನ್ನು ಚರಿತ್ರೆಗೆ ಅನ್ವಯಿಸಿದ ಮೊಟ್ಟ ಮೊದಲ ನೇರ ಪ್ರಯತ್ನವಾಗಿದೆ. ಇದು 1848-49ರ ಕ್ರಾಂತಿಕಾರಿ ದಂಗೆಯ ಪ್ರಯತ್ನಗಳ ಹಿನ್ನೆಲೆಯಲ್ಲಿ, 16ನೇ ಶತಮಾನದ (1524-25) ಜರ್ಮನ್ ರೈತರ ದಂಗೆಯ ಚಾರಿತ್ರಿಕ ವಿಶ್ಲೇಷಣೆ. ಅದುವರೆಗೆ ರೈತರ ದಂಗೆಗೆ ಮತ್ತು ಅದರ ವೈಫಲ್ಯಕ್ಕೆ ಕೊಡಲಾಗುವ ರಾಜಕೀಯ ಮತ್ತು ಧಾರ್ಮಿಕ (ಇದೇ ಅವಧಿಯಲ್ಲಿ ಮಾರ್ಟಿನ್ ಲೂಥರ್ ಪಾಳೆಯಗಾರಿ ವ್ಯವಸ್ಥೆಯ ಭಾಗವಾಗಿದ್ದ ಕ್ಯಾಥೊಲಿಕ್ ಮತವನ್ನು ವಿರೋಧಿಸಿ ಪ್ರೊಟೆಸ್ಟೆಂಟ್ ಮತವನ್ನು ಪ್ರತಿಪಾದಿಸಿದ) ಕಾರಣಗಳನ್ನು ನಿರಾಕರಿಸಿ, ಏಂಗೆಲ್ಸ್ ರ ವಿಶ್ಲೇಷಣೆಯು ಭೌತಿಕ ಆರ್ಥಿಕ ಸಂರಚನೆಯಲ್ಲಿನ ಬದಲಾವಣೆಗಳಿಗೆ ಒತ್ತು ಕೊಡುತ್ತದೆ. ಗತಿತಾರ್ಕಿಕ ಭೌತವಾದವನ್ನು ಚರಿತ್ರೆಗೆ ಅನ್ವಯಿಸುವ ಉತ್ತಮ ಮಾದರಿಯಾಗಿ ಮತ್ತು ಮಧ್ಯಯುಗೀನ ಚರಿತ್ರೆಯ ಸಂಕಥನವಾಗಿ ಇಂದು ಪ್ರಸ್ತುತವಾಗಿದೆ. ಹೀಗಾಗಿ ಈ ಕೃತಿಯನ್ನು ಮಾಲಿಕೆಯಲ್ಲಿ ಸೇರಿಸಲಾಗಿದೆ.

ಪುಸ್ತಕ ಮಾಲಿಕೆ : ಏಂಗೆಲ್ಸ್ 200; ಶೀರ್ಷಿಕೆ: ಜರ್ಮನಿಯ ರೈತ ಯುದ್ಧ; ಅನುವಾದಕರು: ನಾ ದಿವಾಕರ; ಪ್ರಕಾಶಕರು: ಕ್ರಿಯಾ ಮಾಧ್ಯಮ; ಪುಟಗಳು:224  ; ಬೆಲೆ:ರೂ.230;

ಮಾರ್ಕ್ಸ್ ಅವರ ಮರಣಾನಂತರ, ಮಾರ್ಕ್ಸ್ವಾದಿ ದೃಷ್ಟಿಕೋನದ ಅಮೂಲ್ಯ ಕೃತಿಗಳು ಹಾಗೂ ಸೈದ್ಧಾಂತಿಕ ಮೂಲಾಧಾರಗಳನ್ನು ಅಂರ‍್ರಾಷ್ಟಿçÃಯ ಕಾರ್ಮಿಕ ವರ್ಗ ಮತ್ತು ಜಗತ್ತು ತಿಳಿದುಕೊಂಡಿದ್ದು, ಪ್ರಮುಖವಾಗಿ ಏಂಗೆಲ್ಸ್ ಅವರ ಮೂಲಕವೇ. ಮಾರ್ಕ್ಸ್ ಅವರು ಬಿಟ್ಟುಹೋಗಿದ್ದ ಅಪಾರ ಟಿಪ್ಪಣಿಗಳನ್ನು ಜೋಡಿಸಿದ್ದು ಮತ್ತು ಸಂಪಾದಿಸಿದ್ದು ಏಂಗೆಲ್ಸ್ ಅವರು. ಆ ಟಿಪ್ಪಣಿಗಳನ್ನು ಜೋಡಿಸಿ ಸಂಪಾದಿಸುವ ಮೂಲಕ ‘ಕ್ಯಾಪಿಟಲ್’(ಬಂಡವಾಳ) ಸಂಪುಟ 2, ಮತ್ತು ಸಂಪುಟ 3 ನ್ನು ಏಂಗೆಲ್ಸ್ ಹೊರತಂದರು.

‘ಬಂಡವಾಳ’ ಸಂಪುಟ-1, ಬಂಡವಾಳಶಾಹಿ ಉತ್ಪಾದನೆಯಲ್ಲಿ, ಸರಕು, ಮೌಲ್ಯ ಮತ್ತು ಶ್ರಮಗಳ ನಡುವಿನ ಸಾಮಾನ್ಯ ಸಂಬAಧಗಳ ಅನ್ವೇಷಣೆಗೆ ಒತ್ತು ಕೊಡುತ್ತದೆ. ಬಂಡವಳಿಗರ ನಡುವಿನ ಪೈಪೋಟಿ; ಮಿಗುತಾಯ ಮೌಲ್ಯವು (ಮೂಲ ಬಂಡವಾಳದ ಮೇಲಿನ) ಬಡ್ಡಿ, (ಭೂಮಿ ಇತ್ಯಾದಿಗಳ ಮೇಲಿನ) ಬಾಡಿಗೆ, ಮತ್ತು ಲಾಭಗಳಾಗಿ ಹಂಚಿಕೆಯಾಗುವುದು; ಸರಕಿನ ಬೆಲೆ ಮತ್ತು ನೈಜ ವೇತನಗಳಲ್ಲಿ ಮಾರುಕಟ್ಟೆಯ ಪ್ರಭಾವದಿಂದಾಗಿ ಆಗುವ ವ್ಯತ್ಯಯಗಳು ಇವೆಲ್ಲವುಗಳ ಪರಿಣಾಮಗಳನ್ನು ಅಷ್ಟಾಗಿ ಗಣನೆಗೆ ತೆಗೆದುಕೊಳ್ಳುವುದಿಲ್ಲ. ಇವನ್ನು ಗಣನೆಗೆ ತೆಗೆದುಕೊಂಡಾಗ, ಈ ಸಂಬAಧಗಳ ಆಳ ಮತ್ತು ಸಾರಸತ್ವವನ್ನು ಗುರುತಿಸುವುದು ಸಾಧ್ಯವಾಗುತ್ತದೆ. ಮೇಲೆ ಹೇಳಿದ ಈ ಅಂಶಗಳನ್ನು ಸಂಪುಟ 2 ಮತ್ತು 3 ರಲ್ಲಿ ಪ್ರಮುಖವಾಗಿ ಗಣನೆಗೆ ತೆಗೆದುಕೊಂಡು ಬಂಡವಾಳಶಾಹಿ ಉತ್ಪಾದನೆಯ ಮತ್ತು ಚಲಾವಣೆಗಳ ಸಮಗ್ರ ಚಲನೆಯ ಇತರ ಪ್ರಮುಖ ನಿಯಮಗಳನ್ನು ಅನಾವರಣಗೊಳಿಸಲಾಗುತ್ತದೆ. ಸಂಪುಟ 1 ಉತ್ಪಾದನಾ ಪ್ರಕ್ರಿಯೆಯ ವಿವರಣೆ, ವಿಶ್ಲೇಷಣೆ, ವಿಮರ್ಶೆಗೆ ಮೀಸಲಾಗಿದೆ. ಬಂಡವಾಳದ ಚಲಾವಣೆಯನ್ನು ಕೇಂದ್ರದಲ್ಲಿರಿಸಿಕೊAಡ ಬಂಡವಾಳ ಸಂಪುಟ-2 ರ ಅನುವಾದದ ಪ್ರಕಟಣೆ, ಈ ಮಾಲಿಕೆಯ ಭಾಗವಾಗಿ, ‘ಬಂಡವಾಳ’ವನ್ನು ಪೂರ್ಣವಾಗಿ ಕನ್ನಡದಲ್ಲಿ ತರುವ ಯೋಜನೆಯಲ್ಲಿ ಇನ್ನೊಂದು ಹೆಜ್ಜೆಯಾಗಿರುತ್ತದೆ.

ಅಂತರ‍್ರಾಷ್ಟಿçÃಯ ಕಾರ್ಮಿಕ ಚಳುವಳಿಯ ಇಬ್ಬರು ಮಹಾನ್ ನೇತಾರರರಲ್ಲಿ ಒಬ್ಬರಾಗಿದ್ದ ಏಂಗೆಲ್ಸ್ ಇಂತಹ ಪಥಪ್ರದರ್ಶಕ ಸೈದ್ಧಾಂತಿಕ ತಳಹದಿಯನ್ನು ಬೆಳೆಸುತ್ತಿದ್ದರೂ, ಕೇವಲ ಅಕಡೆಮಿಕ್ ಸಿದ್ಧಾಂತಿಯಾಗಿರದೆ, ಅವರ ಕಾಲದ ಕಾರ್ಮಿಕ ಚಳುವಳಿಯಲ್ಲಿ ಹಲವಾರು ಬಾರಿ ಸಕ್ರಿಯವಾಗಿ ಪಾಲ್ಗೊಂಡರು, ಅನೇಕ ವೇಳೆ ಮುಂದಾಳತ್ವ ವಹಿಸಿ ಮಾರ್ಗದರ್ಶನ ನೀಡಿದರು ಕೂಡ. ಕಾರ್ಮಿಕ ವರ್ಗವನ್ನು ವಿಜಯದತ್ತ ಕೊಂಡೊಯ್ಯಲು ಸಮರ್ಥವಾದ ಕ್ರಾಂತಿಕಾರಿ ಸಂಘಟನೆಯನ್ನು ಕಟ್ಟುವುದಕ್ಕಾಗಿ ಏಂಗೆಲ್ಸ್ ತಮ್ಮ ಬದುಕನ್ನು ಮುಡಿಪಾಗಿಟ್ಟಿದ್ದರು. 1864 ರಲ್ಲಿ, ‘ಮೊದಲ ಅಂರ‍್ರಾಷ್ಟಿçÃಯ’(ಫಸ್ಟ್ ಇಂಟರ್‌ನ್ಯಾಷನಲ್) ಎಂದು ಜನಪ್ರಿಯವಾಗಿ ಕರೆಯಲ್ಪಟ್ಟ “ಇಂಟರ್ ನ್ಯಾಷನಲ್ ವರ್ಕಿಂಗ್ ಮೆನ್ಸ್ ಅಸೋಶಿಯೇಷನ್” ಸ್ಥಾಪಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಹಲವಾರು ಎಡಪಂಥೀಯ ಗುಂಪುಗಳನ್ನು ಒಂದು ಸರ್ವಸಾಮಾನ್ಯ ಸಂಘಟನೆಯಾಗಿ ಒಟ್ಟುಗೂಡಿಸುವಲ್ಲಿ ಇದು ಮಾರ್ಕ್ಸ್ ಮತ್ತು ಏಂಗೆಲ್ಸ್ ಮಾಡಿದ ಮೊಟ್ಟ ಮೊದಲ ಪ್ರಯತ್ನವಾಗಿತ್ತು ಮತ್ತು ಅಂರ‍್ರಾಷ್ಟಿçÃಯ ಕಾರ್ಮಿಕ ವರ್ಗದ ಚಳುವಳಿಯನ್ನು ಮುಂದೆ ಕೊಂಡೊಯ್ಯುವಲ್ಲಿ ಪ್ರಮುಖ ಹೆಜ್ಜೆಯಾಗಿತ್ತು. ಮಾರ್ಕ್ಸ್ ಮರಣಾನಂತರ ಏಂಗೆಲ್ಸ್ ಸುಮಾರು 12 ವರ್ಷಗಳ ಕಾಲ ಅದನ್ನು ಒಂಟಿಯಾಗಿ ಮುಂದಕ್ಕೆ ಕೊಂಡೊಯ್ದಿದ್ದರು.

ಈ ಮಾಲಿಕೆಯ ಪ್ರಕಟಣೆ, ಬಿಡುಗಡೆಯ ಸಂದರ್ಭದಲ್ಲಿ ಹಮ್ಮಿಕೊಂಡ ಉಪನ್ಯಾಸಗಳು, ವಿಚಾರ ಸಂಕಿರಣಗಳು ಏಂಗೆಲ್ಸ್ ದ್ವಿಶತಮಾನೋತ್ಸವದ ಸಂದರ್ಭದಲ್ಲಿ ಅವರ ಅರ್ಥಪೂರ್ಣ ಮತ್ತು ಸೂಕ್ತ ಸ್ಮರಣೆಯಾಗಿವೆ. ಪ್ಸಸ್ತುತ ಕೃತಿ “ಬಂಡವಾಳ ಸಂಪುಟ-2”ರ ಪ್ರಕಟಣೆಯೊಂದಿಗೆ ಈ ಮಾಲಿಕೆ ಯೋಜನೆ ಸಫಲವಾಗಿ ಕೊನೆಗೊಂಡಿದೆ. ಈ ಮಾಲಿಕೆಯ ಎಲ್ಲ ಪ್ರಕಟಣೆಗಳು ಯೋಜನೆಯ ಪ್ರಕಾರ ನವೆಂಬರ್ 2020 – ನವೆಂಬರ್ 21 ಅವಧಿಯಲ್ಲಿ ಬಿಡುಗಡೆಯಾಗಬೇಕಿತ್ತು. ಮೊದಲ ಎರಡು ಪುಸ್ತಕಗಳು ಜುಲೈ 2021ರಲ್ಲಿ ಬಿಡುಗಡೆಯಾದರೂ ಇತರ 4 ಪುಸ್ತಕಗಳು ವಿಳಂಬವಾಗಿವೆ. ಪ್ರಧಾನವಾಗಿ ಕೊರೋನಾ ಮಹಾಸಾಂಕ್ರಾಮಿಕವು ದೈನಂದಿನ ಜೀವನ, ಆರ್ಥಿಕತೆಯ ಮೇಲೆ ಬೀರಿದ ದುಷ್ಪರಿಣಾಮಗಳು ಮತ್ತು ಯಾವುದೇ ಯೋಜನೆಯಲ್ಲಿ ಎದುರಾಗುವ ಹಲವು ಸವಾಲುಗಳು, ತೊಡಕುಗಳು ಈ ವಿಳಂಬಕ್ಕೆ ಕಾರಣ. ಇದಕ್ಕಾಗಿ ನಮ್ಮ ಯೋಜನೆಯನ್ನು ಬೆಂಬಲಿಸಿದ, ಅದರಲ್ಲೂ ಇಡೀ ಮಾಲಿಕೆಯ ವಿಶೇಷ ಡಿಸ್ಕೌಂಟ್ ಕೂಪನ್ ಖರೀದಿಸಿದ ಓದುಗರಲ್ಲಿ ಕ್ಷಮೆ ಯಾಚಿಸುತ್ತೇವೆ.

ಈ ಮಾಲಿಕೆಯ ಪುಸ್ತಕಗಳನ್ನು ಕನ್ನಡದ ಸಹೃದಯ ಓದುಗರು, ಪ್ರಗತಿಪರರು, ಎಡಪಂಥೀಯರು ತಾವು ಕೊಂಡುಕೊಳ್ಳುವ ಮೂಲಕ ಹಾಗೂ ಗೆಳೆಯರಿಗೆ, ತಾವು ಓದಿದ ಶಾಲಾ-ಕಾಲೇಜುಗಳಿಗೆ, ದುಡಿಯುವ ಜನರ ಸಂಘಟನೆಗಳಿಗೆ, ಇತರ ಸಂಘ-ಸAಸ್ಥೆಗಳಿಗೆ ಉಡುಗೊರೆಯಾಗಿ ನೀಡುವ ಮೂಲಕ ನಿರಂತರವಾಗಿ ಬೆಂಬಲಿಸುತ್ತಾರೆ ಎಂದು ನಂಬಿದ್ದೇವೆ.

Filed under: ಬಿಡುಗಡೆ, ರಾಜಕೀಯ, ವೈಚಾರಿಕ ಸಾಹಿತ್ಯ, ವೈಜ್ಞಾನಿಕ ಸಾಹಿತ್ಯ | Tagged: ಕ್ರಿಯಾ ಮಾಧ್ಯಮ, ಖಾಸಗಿ ಆಸ್ತಿ ಮತ್ತು ಪ್ರಭುತ್ವ ಇವುಗಳ ಉಗಮ; Origin of Family | Leave a comment »