通緝犯落網

通緝犯已於昨晚落網

此相攝於移交余家家事法庭內

通緝

此通緝犯所犯事項如下：
1. 擅闖私人地方—阿姐房
2. 破壞他人物品—阿姐的私人物品
3. 偷竊他人物品—阿姐的私人物品

如遇此通緝犯，請與本卜主聯絡

蛇舖貓

我有睇過幾個卜都有講過位於南昌街一間蛇舖裡面o既貓

呢隻叫亞黃

呢隻叫FeFe

呢隻叫MiMi

坐係門口嗰個亞叔話我知，只要拍吓大脾，亞黃就會跳上大脾坐，好癡人、好可愛呀

我外家係係石硤尾，所以我好多時都會去深水埗，係2004年我返香港時已經去呢間蛇舖食蛇羹，係舖頭牆上都貼咗佢嗰三隻貓o既報導，上次2007年我同個女返香港，我帶埋個女去食蛇羹兼探吓啲貓貓，我諗三隻貓係呢間舖頭o既生招牌

其實我都好鍾意食蛇羹，唔知係咪因為係美國無蛇羹食，所以特別想食，我每次都會幫襯幾次，係2000年，有一次我同我哥哥一齊去食蛇羹，我話比我哥知，我尋日至o黎食過，我哥就話：妳駛唔駛咁摶命呀

明年2010年我又會返香港，到時我又會去呢間蛇舖食蛇羹兼玩貓貓，希望嗰三隻貓地仲係度可以比我玩啦

爭位坐

我奶奶每次返o黎，都好鍾意坐係梳化呢個位置睇報紙、玩NDS

Charco︰嫲嫲一返o黎就霸咗我個風水位

修甲後…

Charco︰被迫剪甲，依家心情唔靚呀

Charco︰好囉喎，唔好再影囉喎

Charco︰整個貓拳你嘆吓

開年飯

今年o既開年飯，我哋預埋Charco仔個位，特登加餸比佢，同佢一齊排排坐，齊齊食開年飯

Charco︰做物咁好死叫我埋枱食飯

Charco雙眼發光

Charco︰阿姐，咪玩嘢，快啲俾我食

Charco︰嘩，正

係佢至愛乾瑤柱同蟹柳

斷六親

以前我姑仔會帶對仔女o黎我屋企跟我哋一齊去街，好多時都會係度過夜，但係自從養咗Charco仔之後，我姑仔個女啲感敏就發作，因為佢有哮喘，以前大表姐去完夜街都會上o黎我屋企過夜，但係佢又有敏感，每次上o黎耐啲，都會打哈啾，流鼻水，所以佢依家多數都係上o黎坐吓，都唔敢係度過夜，連我個大伯都話驚個女會敏感，都好少帶個女上o黎坐，所以我奶奶就話：自從養咗隻貓就斷六親，個個都唔敢o黎

Charco︰你哋唔o黎仲好，我都唔想你哋「爸打」我

仔仔—私竇篇

呢個係Charco仔細個時o既私竇

大個仔喇要換過個大竇，仲有佢啲都唔玩o既玩具

呢個係佢依家個新竇，基本上，佢都唔會係個私竇度瞓，我意思係會瞓得好冧嗰隻，佢通常都係好無聊、又無嘢玩至會入去“恰”吓，例如我哋食緊飯，無佢o既事，佢咪“捕”係個竇度，我哋一行過佢又會走出o黎，坐係個貓兜前面等餵食

開飯喇

Charco︰開得飯未呀﹖

Charco心諗︰咁耐都仲未有得食o既﹖

 

Charco︰開飯﹖都唔關我事

 

仔仔—散步篇

唔知係咪Charco仔曾經出過街，佢依家都要成日出走廊行，仲要每日幾次添

佢又坐係門口等人開門比佢出去啦

每次都要開呢度門比佢“裝”吓至安樂，通常佢“裝”一陣就會返轉頭行返屋企

每次佢一聽到其他單位有人出入，或都電梯開有人出入，佢都即刻喪跑返屋企，佢認得邊個門口係自己屋企，有時佢都會走咗上樓，如果嗰層咁啱對門開咗，佢又會走入去坐係同自己屋企相同個單位門口，都唔知佢聰明定蠢蠢

但係有時佢出到門口又唔肯行，剩係坐係個門口度唔知做物，不過有時佢出到門口會捉吓蜘蛛、小小強o黎食，咁仔仔爸見到就會話：又有補品食

攪攪震

每次仔仔爸係廚房整嘢，Charco仔實要入廚房攪攪震

唔通佢想跟爸爸學煮飯比媽媽同阿姐食

每次要用水浸嘢，佢都要去八吓，又鍾意飲嗰啲水

嘜都要八

由其係每次開雪櫃佢就一定要跟入去八啦，所以每次仔仔爸都會叫個衰仔行開，我一聽到仔仔爸叫，我就會行入廚房捉個衰仔返出o黎，久而久之，每次我聽到仔仔爸叫，我想行入去o既時候，Charco仔一聽到我啲拖鞋聲，已經好醒水咁自己走返出o黎