Shadow仔

娟姐同我契仔Shadow都係同我住埋一條村，間唔中娟姐會call我，俾我上佢屋企探Shadow仔

上個月娟姐搵過我，俾我上佢屋企探Shadow仔，娟姐話俾我知佢就o黎搬去第二個區，我諗以後要見Shadow仔都唔係咁容易

 我走o既時候，打開咗大門，佢都想跟我走，我好唔捨得佢

霸

初初Marble仔困房時，我俾咗張貓床佢瞓，佢好鍾意

天師仔唔抵得，又霸咗o黎瞓

Marble仔見俾天師仔霸咗都好無奈

依家就兩個都唔愛

Marble仔係為食貓

Marble仔入門無耐，就睇得出佢係隻為食貓o黎

Marble做剝牙手術前，我哋一返到屋企，就會打開房門比佢自由出入，只不過佢驚咗Charco仔同天師仔唔敢出o黎

試過好幾次我哋食緊晚飯，佢又會走出o黎， 嗅到餸香呢

除咗嗅，仲走上枱摷嘢食

又昅住人食嘢，昅吓有無嘢食

 

每日我放工返屋企，都會蒸雞胸肉俾佢同天師仔食，每次我入廚房準備蒸雞，佢就會好緊張，係廚房、廚房門口度騰來騰去，見到有得食，仲想偷食

 

佢就算平時幾驚Charco仔同天師仔，只要有嘢食，都變咗唔驚，仲可以一齊食

每次食完自己嗰碟，都走埋o黎睇吓天師仔食晒未，仲有無得分啲比佢

(因為天師仔要我餵，所以食得比較慢，通常Marble比多啲，天師仔會少啲，因為佢已經夠肥，唔可以食咁多)

 

食飽就洗手洗臉

某日阿姐買漢堡飽返o黎食，阿姐搵飽引佢，點知佢真係想食

以前Charco仔天師仔係無罐罐食，因為Charco仔只食幾啖，隔夜又唔食，唔想浪費，所以就無買，但Marble仔o黎咗就要食罐罐，所以益咗兩貓都有得食罐罐

就算一罐食唔晒，留番第二日Marble都會食埋 ，不過唔想佢食隔夜罐罐，依家都係買啲細罐裝，一罐三貓分啱啱好，有啲味Charco仔唔係太鍾意食唔晒，都一定有其他貓幫佢清碟

依家通常係朝早就派罐罐，有時朝早起身，會見到Marble仔係餐椅度等，有時係廚房度等

 佢仲試過去摷垃圾筒

Charco仔都係為食貓，但佢只對零食為食，唔似得Marble仔咁，對雜食都咁為食，真係好想知道佢前主人係點養佢

 

阿姐話佢衰

上個星期有假期，連埋weekend有成個禮拜假，阿姐就返o黎親親阿娘同貓貓，見吓Marble仔

阿姐入房見到Marble仔，但Marble仔唔俾佢摸

要哄吓佢至俾阿姐摸呢

第二日，阿姐男朋友仔上o黎探三貓，阿姐話Marble仔嗅咗男朋友仔一吓，就自己哄埋去要男朋友仔摸佢

 所以阿姐話佢超衰

 阿姐今年同啲roommate一齊養咗隻刺蝟，都好得意

似唔似粒海膽

 食緊貓糧

初o黎埗到

Marble仔初黎埗到，當然要困房啦

 Charco仔同天師仔當然對Marble仔非常之好奇，成日捕係房門口

 

 我每日都會攞報紙入房睇，順便陪吓佢，但佢成日唔俾我睇

每晚我仲會陪佢瞓，佢會黐住我瞓呢

 有時我都會打開房門俾佢哋接觸吓

 Marble仔好怕佢哋，好多時都匿係床下底

 打開門見到佢哋係度都唔敢出o黎

我有時都會抱佢出房行吓，熟識吓屋企

入咗我間房

 

出廳hea吓，陪吓我睇電視

Charco仔初初都只係敢遠遠偷睇

呢兩日開始解禁，俾佢哋一齊接觸，暫時都ok o架，下次再講啦