阿姐與貓地

阿姐今日正式返康州新工，佢係紐約training 加開工已經一個月，佢公司得番兩個部門仲未搬入康州，下個月個Lab 就會完全搬晒去康州

阿姐一返到屋企，啲貓地成日都黐住佢，尤其係奇哥仔，真係冧死阿姐

唔知點解啲貓地好鍾意阿姐個枕頭，佢哋會輪流去瞓阿姐個枕頭

奇哥唔單只同阿姐爭枕頭瞓，有時半夜都會嚟爭我哋個枕頭瞓，而天師仔近排都鍾意瞓住佢老豆個枕頭

Mango 仔瞓住阿姐個電話，唔比阿姐掛住玩電話，哈哈

阿姐︰Marble 仔唔嚟黐我，我嚟黐你啦

Chewy 匿係度，唔理佢阿娘

Chewy︰阿娘妳咪埋嚟，(仲藐佢阿娘，哈)

阿姐到weekend 一放工就會直接返康州屋企，貓地黐住阿姐床瞓，係掛住阿姐嗎﹖

原本阿姐應該係返埋聽日，下個星期至正式返康州返工，但突然收到老細e-mail 要佢今日就開始返康州，唔知奇哥係咪知道阿姐呢晚係最後一晚係度瞓，佢好鬼黐纏，特別嗲呢

 

2M、2S & 2R

4 粒孫搬咗去同新爹哋住咗都有成個月，咁Update 吓M & M、S & S 啲近況先

Mittens 匿咗係床底兩日，佢終於都肯返出嚟

除咗Mittens 慢熱啲，其他貓都無問題

 

Rocky 成日係門外面昅住貓地呢

 

佢見阿姐係房，佢好羨慕貓地可以係房陪住阿姐

 

 

半個月了，幾隻貓都開始好自在

 

 

 

為食Sundae 見到佢阿娘食炸雞，眼都唔眨

 

開始慢慢比貓地、狗地近距離接觸

 

開始越嚟越好，我覺得係Rose 比較乖

Rose 仲想同貓地玩呢

Macy 特別鍾意黐男性，以前佢都係鍾意黐舊爹哋多啲，依家佢都好鍾意黐呢個新爹哋，男友仔成日以為自己有貓敏感，其實佢對貓一啲敏感都無，反而阿姐仲敏感啲，成日打乞痴，所以男友仔依家好鍾意佢哋，貓地上床陪佢瞓覺，佢會好開心

 

 

聖誕節，阿姐屋企開始佈置，有聖誕樹，窗上面掛住繡咗名字縮寫嘅聖誕襪，貓地狗地都有份

 

仲同2R 扮靚靚

Rocky 想show 比啲貓地睇佢靚唔靚仔嗎﹖哈哈

 

平安夜阿姐同男友仔去咗男友仔阿娘屋企開Party，男友仔阿娘都預埋聖誕禮物比貓地

其中有老鼠玩具，阿姐開比Sundae 玩

S'mores 想霸咗阿姐送比爹哋份禮物嗎﹖

Sundae 係比較多聲氣嘅貓，有時我同阿姐傾電話時，都會聽到Sundae 係旁邊成日叫，阿姐話佢呢個月返咗嚟紐約期間，爹哋成日比零食佢，所以佢見爹哋一返到屋企，佢就會好開心會喵喵叫

但阿姐返到屋企，Sundae 又無咁興奮，阿姐呷醋又投訴話Sundae 對佢嘅反應好唔同

上個星期日，喵喵個主人係韓國返嚟，阿姐去機場接佢哋，車佢哋返屋企，又見到乖喵喵，仲買咗好多手信比阿姐，我4 粒孫都有份