முதற் பக்கம்

யாவராலும் தொகுக்கப்படக் கூடிய ஒரு கட்டற்ற கலைக்களஞ்சியம்.

முதற்பக்கக் கட்டுரைகள்
முதலாம் தியோனீசியசு (அண். கி.மு. 432–367 ) என்பவர் பண்டைய கிரேக்க சர்வாதிகாரி ஆவார். இவர் சிசிலியில் உள்ள சிரக்கூசாவின் ஆட்சியாளராக இருந்தார். மேற்குக் கிரேக்கக் குடியேற்றங்களில் சிரக்கூசா நகர அரசை மிகவும் சக்திவாய்ந்த ஒன்றாகச் சிசிலியிலிருந்து இத்தாலி வரை பரவிய பேரரசாக மாற்றினார். இந்தப் பேரரசு பெயரளவில் ஓர் அரசியலமைப்புள்ள குடியரசாக இருந்தாலும், உண்மையில் இது முடியாட்சியாக இருந்த முதல் கிரேக்கப் பேரரசாகும். இதில் தியோனீசியஸ் பேரரசர் அலெக்சாந்தருக்கும் அகஸ்டசின் சாதனைகளுக்கும் முன்மாதிரியாக இருந்தார். இவர் தனது வாழ்நாளில் தெய்வீக மரியாதைகளைப் பெற்ற முதல் கிரேக்க ஆட்சியாளர்களில் ஒருவராக இருந்து பிற்கால ஆட்சியாளர்களுக்கு ஒரு தவறான முன்னுதாரணமாக இருந்தார். இவர் மிக மோசமான, கொடூரமான, பழிவாங்கும் சர்வாதிகாரிகளுக்கு ஓர் எடுத்துக்காட்டாகப் பழங்காலத்தில் கருதப்பட்டார். மேலும்... மேலும் கட்டுரைகள்...
இன்றைய நாளில்...
திசம்பர் 27: 1831 – சார்ல்ஸ் டார்வின் உயிரினங்களின் படிவளர்ச்சிக் கொள்கை பற்றிய ஆய்வுக்காக தென்னமெரிக்கா நோக்கிப் புறப்பட்டார். 1845 – பிள்ளைப் பேறுக்கு ஈதர் மயக்க மருந்தாக முதற் தடவையாக ஐக்கிய அமெரிக்காவில் ஜோர்ஜியாவில் பயன்படுத்தப்பட்டது. 1864 – இலங்கையில் முதலாவது தொடருந்து சேவை கொழும்புக்கும், அம்பேபுசைக்கும் இடையில் தொடங்கப்பட்டது. 1911 – இந்தியாவின் தேசியப் பண் ஜன கண மன முதன்முதலில் கல்கத்தா நகரில் நடந்த இந்திய தேசிய காங்கிரசு மாநாட்டில் இசைக்கப்பட்டது. 1945 – 29 நாடுகளின் ஒப்புதலுடன் அனைத்துலக நாணய நிதியம் உருவாக்கப்பட்டது. 1956 – தமிழ்நாட்டில் தமிழ் ஆட்சி மொழிச் சட்டம் ஒருமனதாக நிறைவேற்றப்பட்டது. 1979 – சோவியத் ஒன்றியம் ஆப்கானித்தானைக் கைப்பற்றியது. அரசுத்தலைவர் அபிசுல்லா அமீன் சுட்டுக்கொல்லப்பட்டார், பப்ராக் கர்மால் தலைவரானார். 2007 – பாக்கித்தான் முன்னாள் பிரதமர் பெனசீர் பூட்டோ (படம்) ராவல்பிண்டியில் தற்கொலைக் குண்டுவெடிப்பில் கொல்லப்பட்டார். விருகம்பாக்கம் அரங்கநாதன் (பி. 1931) · வ. நல்லையா (இ. 1976) · சீனு மோகன் (இ. 2018) அண்மைய நாட்கள்: திசம்பர் 26 – திசம்பர் 28 – திசம்பர் 29 தொகுப்பு

செய்திகளில்
ஆத்திரேலியா, சிட்னியில் உள்ள பொண்டாய் கடற்கரையில் யூதர்களின் அனுக்கா கொண்டாட்டத்தின் போது நடந்த துப்பாக்கிச் சூட்டுத் தாக்குதலில் துப்பாக்கிதாரி உட்பட 16 பேர் கொல்லப்பட்டனர். பழம்பெரும் நடிகையும், பரதநாட்டியக் கலைஞருமான குமாரி கமலா தனது 91-ஆவது அகவையில் கலிபோர்னியாவில் காலமானார். இந்தியத் தலைநகர் தில்லியில் இடம்பெற்ற தானுந்துக் குண்டுவெடிப்பில் 13 பேர் கொல்லப்பட்டனர், 20 பேர்களுக்கும் அதிகமானோர் காயமடைந்தனர். சப்பானின் முதலாவது பெண் பிரதமராக சனே தகைச்சி (படம்) நாடாளுமன்றத்தினால் தெரிவு செய்யப்பட்டார். அண்மைய இறப்புகள்: செ. இராசதுரை • ஏ. வி. எம். சரவணன் • குமாரி கமலா தொடர் நிகழ்வுகள்: இசுரேல்-அமாசு போர் • பிற நிகழ்வுகள்
உங்களுக்குத் தெரியுமா?
நாலுகெட்டு வீடு (படம்) என்பது கேரளத்தில் தாய்வழிச் சமூகத்தில் பல தலைமுறைகளாகக் கூட்டுக் குடும்பமாக வாழ்ந்தவர்களின் மரபுவழி வீடுகளாகும். நான்குபுறமும் சதுர வடிவில் கட்டப்பட்டு நடுவில் வானவெளியான முற்றம் கொண்டு நான்கு அறைகள் கொண்ட செவ்வக வடிவ வீடாகும். நடுமுற்றத்தில் வேலைப்பாடுகள் கொண்ட நான்கு மரத் தூண்களால் அழகாக வடிவமைக்கப்பட்டிருக்கும். திருவாலங்காட்டுச் செப்பேடுகள் என்பவை திருவள்ளூர் மாவட்டத்தில் உள்ள திருவாலாங்காடு பகுதியில் 1903-இல் கிடைக்கப்பெற்ற சோழர் ஆட்சிக் காலத்தை விளக்கும் 31 செப்பேடுகள் ஆகும். நழுவு சட்டம் என்னும் ஒப்புமைக் கணிப்பொறி பெருக்கல், வகுத்தல் செயல்களுக்கும் N-ஆம் மூலங்கள், மடக்கைகள், முக்கோணவியல் சார்புகளுக்கும் பயன்படுத்தப்படுகிறது. மோர்மொன் நூல் என்ற புனித நூல் பின்னாளைய புனிதர்களால் விவிலியத்துடன் இணைந்து கடவுளின் வாக்காக நம்பப்படுவதாகும். உறங்குநிலையில் திடுக்கம் என்பது பலருக்கும் உறங்கச் செல்லும்போது அரைத்தூக்கத்தில் அவ்வப்போது நிகழும் ஒரு விளைவாகும். ஆழ்நிலைத்தூக்கத்திற்குச் செல்லும் முன்னர் உடற் தசைகள் தளர்வதால் ஏற்படும் இழுப்பினால் சுண்டித் திடுக்கிடுகிறது. ஒய். வி. ராவ் இயக்கத்தில் 1936-இல் வெளியான சதி சுலோச்சனா கன்னட மொழியின் முதல் பேசும் படமாகும். தொகுப்பு

பங்களிப்பாளர் அறிமுகம்

நீச்சல்காரன், மதுரையைச் சேர்ந்த இயற்பியல் பட்டதாரி. 2010 முதல் விக்கிப்பீடியாவில் தமிழ், ஆங்கிலம், இந்தி முதலிய மொழிகளில் பங்களித்துவருகிறார். இதுவரை தமிழில் 174 புதிய கட்டுரைகளைத் தொடங்கியுள்ளார். வார்ப்புருக்களின் ஆக்கத்திலும், மொழிபெயர்ப்பிலும் அவ்வப்போது பங்களித்துள்ளார். தமிழ்க் கணிமையில் ஆர்வமுடைய இவர் சந்திப்பிழை திருத்தி, சொற்பிழை திருத்தி முதலிய கருவிகளை உருவாக்கி உள்ளார். விக்கித் திட்டங்களுக்கான பல்வேறு கருவிகளையும், ஜாவாஸ்கிரிப்ட் நிரல்களையும் உருவாக்கியுள்ளார். சில துப்புரவுப் பணிகள் செய்யவும், புள்ளிவிவரங்கள் சேகரிக்கவும் இவரின் தானியங்கி பயன்படுகிறது.

மேலும் சில பங்களிப்பாளர்கள்...

சிறப்புப் படம்

எலும்புண்ணிக் கழுகு (gypaetus barbatus) உயர்மலைப் பகுதிகளில் வாழும் பெரும் பிணந்தின்னி வகைக் கழுகுகளில் ஒன்று. இந்தியாவின் வடபகுதியிலும், திபெத்து, ஆப்கானித்தான், ஆப்பிரிக்கா, தெற்கு ஐரோப்பா ஆகிய இடங்களிலும் உள்ள மலைப்பகுதிகளில் வாழ்கின்றது. இது ஈரானியப் புராணங்களில் ஹோமா என்று அழைக்கப்படுகிறது. முதுகெலும்புள்ள இவ்விலங்குகள், அதன் உணவில் 70 முதல் 90 சதவீதத்தை எலும்புகளாக உண்ணுகின்றன. இவற்றின் எண்ணிக்கை குறைந்து வருவதாகக் கருதப்படுகிறது. இவை 94 முதல் 125 செண்டிமீட்டர் நீளம் கொண்டவை, இறக்கைகள் 2.31 முதல் 2.83 மீட்டர் வரை இருக்கும். இந்த எலும்புண்ணிக் கழுகு சுவிட்சர்லாந்தின் ஆல்ப்சு மலைகளில் ஓர் உடலத்தின் எலும்புத் துண்டைச் சுமந்து செல்லும் பொழுது புகைப்படம் எடுக்கப்பட்டது. இங்கு 20-ஆம் நூற்றாண்டின் முற்பகுதியில் உள்ளூரில் அழிந்துபோன இந்த இனம் 20-ஆம் நூற்றாண்டின் பிற்பகுதியில் மீண்டும் அறிமுகப்படுத்தப்பட்டது.

படம்: ஜைல்சு லோரண்ட்
தொகுப்பு · சிறப்புப் படங்கள்

சமுதாய வலைவாசல் – திட்டம்பற்றித் தெரிந்துகொள்ள, நீங்கள் என்ன செய்ய முடியும், தேவையானவற்றை எங்கு தேட முதலியவற்றை அறிய.
உதவி – விக்கிப்பீடியாவைப் பயன்படுத்துவது தொடர்பான வினாக்களைக் கேட்க.
தூதரகம் – தமிழ் தவிர்த்த பிறமொழிகளில் விக்கிப்பீடியா குறித்த தொடர்பாடல்கள்.
ஆலமரத்தடி – விக்கிப்பீடியாவின் கொள்கை விவாதங்களும் தொழில்நுட்ப விவாதங்களும் குறித்து உரையாட.
புதியன - விக்கிப்பீடியாவின் புதிய கட்டுரைகள்.