အမည်မဲ့ (၁၉)

နှလုံးသားရဲ့ ပြင်းပြမှုမှာ
မျက်ဝန်းနက်နက်နဲ့ အူကြောင်ကြောင်ကောင်မလေး
မရိုင်းတရိုင်းပျော်ဝင်ရရင်
ကိုယ်အလွမ်းနဲ့ကိုယ် မှည့်ဝင်းလတ်ဆတ်ရတာ
သွေးရိုးသားရိုးမဟုတ်တာကလွဲရင်
ကျနေ အောက်မှာ ခဏခဏဆုံတာပဲ
တစ်ယောက်ကိုတစ်ယောက်
ကြာကြာရှည်ရှည် ဘယ်သူကြည့်ရဲခဲ့လို့လဲ
တိမ်တွေသာ စကားပြောတတ်ရင်ကိုယ့်စိတ်က ကိုယ့်မနောကံကို မပိုင်ခဲ့တဲ့အကြောင်း...........

Read more...

စိတ်မရှိတဲ့နာမည်

မောင်ချောနွယ်ရဲ့
လူကြိုက်နည်းတဲ့ကောင်ကို
မင်းတို့ မဖတ်ဖြစ်ဘူးပဲ ဆိုဦးတော့
ခုတလော
ငါ့ကို လူကြိုက်များကောင်းများလာမယ်

ဒါကို
နှစ်ဆယ်ရာစုရဲ့
လူအကြိုက်အများဆုံးရောဂါ ဘဝဂ်တက်တဲ့ရောဂါလို့
မင်းကနာမည်တပ်ရင် ငါအကြောက်အကန်ငြင်းမယ်

စိတ်တွေက ပေါ့ပါလာမလိုနဲ့ လေးလံလာလိုက်တာ
အသံတွေက နီးမလိုနဲ့ ဝေးလာတယ်
အသံနောက် စိတ်မကပ်နိုင်သမျှ
သန္တာန်တလျှောက် အဟောသိကံ

ခုတလော
နမိတ်ကောင်းတွေနဲ့
ဘဝကတော့ စိတ်ထောင်းကိုယ်ကြေ..........

Read more...

ဥာဏ်စဉ်မသီသော လက်ရေးများ ( ၄ )

ကမ္ဘာကမီးလောင်
လူအချင်းချင်း ချနင်းနေချိန်
စိတ်တွေကလည်း မလွယ်ပေါက်ကကျဆင်းလို့
ဆန္ဒလမ်းနောက်
ငွေကြေးက မလျှောက်နိုင်ခဲ့...........

သမ္မာအာဇီဝ အမည်တပ်
ဆင်းရဲမွဲတေမှုကို တပ်မက်ရင်း
မိုးပျံတိုက်တွေပေါ်က အိပ်မက်တွေကို
ငုံ့ကြည့်တတ်လာရဲ့...........

စိတ်အခန့်မသင့်တိုင်း
ဖြစ်လာတဲ့ ကိလေသာလက်တသစ်
ခန္ဓာကျိုးအောင် တိုးလို့ ရစ်လေတိုင်း
နှစ်အစိတ်တိုင်အောင် နာဖျားမှုတွေ
ခြေဖဝါးအောက်က ဘဝင်ကို
လာလာဆောင့်တယ်...........

လူရာမဝင်ခဲ့တဲ့ လိုအပ်ချက်တွေနဲ့
ကိုယ့်ခြေရာကိုယ်မထင်တဲ့
ဖိနပ်တစ်ရံရဲ့ အတ္ထုပတ္တိ
စားတမ်းဖတ် ပဲမှားခဲ့သလား
တင်ပြပုံ ပဲမှားခဲ့လေသလား..........

အမေ့အတွက် ချစ်သူအတွက်
သိက္ခာအတွက် ကိုယ်ကျင့်တရားအတွက်
တကယ်တော့ အတ္တတစ်ခုချင်းစီကို
အလွှာလိုက် အရောင်ဆိုးလိုက်နဲ့..........

စိမ့်ထွက်လာတဲ့
ရော်ရင့်ကြမ်းတမ်းမှုတွေကို
ချွေးသိပ်ခံရင်း
ဖြတ်သန်းလာခဲ့တဲ့ ခေတ်အဆက်ဆက်
နောက်ကြောင်း ပြန်လှည့်ကြည့်လိုက်တော့

ကိုယ်ကိုယ်တိုင်မှန်ဖို့
သူတပါးကို မှားခဲ့တဲ့နေ့တွေ
ကြယ်တစ်ခါ ရှင်သန်ဖို့
လတစ်ရာကို ဖျားခဲ့တဲ့ညတွေ............

Read more...

အမည်မဲ့ (၅) / ဧပရယ်သေတမ်းစာ

၂၀၀၈ တုန်းကတင်ခဲ့တဲ့ ကဗျာလေးပါ။ ဧပရယ်နဲ့ပါတ်သတ်တဲ့ ကဗျာဖြစ်သလို ခုချိန်ထိ
ပြန်ဖတ်လိုက်တိုင်း ခံစားနေရဆဲဖြစ်လို့ ပြန်တင်တာပါ။ အသစ်မရေးဖြစ်တာလည်းပါ ပါတယ်။
သင်္ကြန်က အဆိပ်အတောက်တစ်ခု ဖြစ်ခဲ့သလို သင်္ကြန်ရောက်တိုင်း အပြင်ထွက်ဖို့စိတ်ကုန်
ခဲ့တာလည်း ၆နှစ်လောက်ရှိခဲ့ပါပြီ။ နှစ်သစ်မှာ အားလုံးပျော်ရွှင်ကြပါစေ။

ဒီလို ဧပရယ်လမှာ
ရင်ဘက်ဟောင်းနဲ့လူ
နှစ်ယောက်တစ်အိပ်မက် မြင်ရင်
နှလုံးသားအာဟာရ က
တစ်ကျစ်ကျစ် မြည်တယ်..........

ကံကြမ္မာပဲ ခါးခဲ့သလား
ရင်ခုန်သံပဲ မှားခဲ့လေသလား
ဝေဝါးဝါး အတိတ်က
သံယောဇဉ် လက်ကျန်ရှင်းတမ်း
အဘယ်သောဓါးနှင့် ခုတ်ပိုင်းရမလဲ..........

သတိရစိတ် တဖွားဖွားဝေရင်
ငါ့ကို ငါပဲ သေဆုံးရမလား
ငါကိုယ်တိုင်ပဲ သေဆုံးနေသလား..........

Read more...

အမည်မဲ့ (၁၈)

တစ်ခုခုကို လွမ်းနေတယ်
ဘာကိုမှန်းမသိဘူး
ဝတ်မှုံခံအာရုံ ပျိုးပျိုးမှာ
ငါ့ကိုလာနှိုးပါ
ငါ နေဝင်တာကိုကြည့်ချင်တယ်...........

နှစ်ကြိုးပြိုင်
လွန်းတင်ရစ်တဲ့ စောင်းမှာ
တစ်ကြိုးကို တစ်ကြိုးဆိုင်ဖို့
ကံကြမ္မာရဲ့လက်သဲထက်
လွန့်လူးလို့ ခတ်ပြရနဲ့..........

ဒါလိုနဲ့
အဝေးရောက် ဗီးနပ်စ်ရဲ့
ကမောက်ကမ နိုင်မှုကြောင့်
ရင်ခွင်တစ်ခြမ်းပဲ့တေးသွားတို့
ပြိုထွက်လာခဲ့.............

မောတယ် ဒီရေ ရယ်
ဝမ်းရေးကြောင့်
ခပ်သောက်ခဲ့ရသောပင်လယ်မှာ
စိတ်တစ်ချက်ပင့်တိုင်း
အလွမ်းက လက်တဆစ်တိုင်အောင်မြုပ်တယ်..........

မစိုက်ပဲပွင့်ခဲ့တဲ့ စံပယ်ဟာ
ငါ့ရဲ့ ခေတ်ကြိုးခေတ်ကြားက
မရှိုက်ပဲပြယ်သွားတဲ့ ရနံ့အကြောင်း
အားလုံးကြားအောင်
ပျိုးရစ်ခဲ့ပြန်တယ်..........

အနုပညာမြင်ရိုင်းနဲ့
ငါ ထင်ရာစိုင်းပြန်တော့လည်း
ထုဆစ်ခဲ့သမျှ ကျောက်စာတိုင်းမှာ
မင်းလက်ဖဝါးက သွေးခြည်ဥထက်ပိုပြီး
အရာမထင်ခဲ့ပြန်ဘူး...........

နောက်ဆုံး
ရမ္မက်တွေသိုသိပ် ခိုးလို့အိပ်ချိန်
ရင်ညွန့်ထက်က အကြောစိမ်းများ
ငါ့အိပ်မက်များကို
ရောလို့ယှက်လေတယ်.........

Read more...

ဒီနေ့ ဒိုင်ယာရီ

လွန်လေပြီးသော နေ့စွဲတစ်ခု
အမှတ်တမဲ့ပေမဲ့ အမှတ်တရနေရာ
နှစ်တစ်ရာပြည့်ရန် ငါးနှစ်အလို
မထူးဆန်းပေမဲ့ ထူးဆန်းနေသော ကဗျာ
လူသန်းပေါင်း ၅၀ ရဲ့လွတ်လပ်မှု
အမေကျော်၍ ဒွေးတော်လွမ်းခြင်း............

၁၉၁၅ ဖေဖော်ဝါရီ ၁၃
မကွေးတိုင်း နတ်မောက်မြို့
၂၀၁၀ - ၁၉၁၅ = ၉၅
ရာပြည့်သို့ ငါးနှစ်အလို
၁၉၄၈ ဇန်နဝါရီ ၁၄
မနက်ဖြန်ဆို ချစ်သူများနေ့ ရောက်ပြီ............

Read more...

My Slogan

My Slogan is  
'Work hard for the Nation,

Fight for the Nation and 
Love the Nation'

Sure, I'm a 'Great Patriot'

While 'SHE' is my 'NATION'

Read more...

ပွဲတော်ညဟာ နင့်ကိုယ်ငွေ့နဲ့နွေးနေတုန်း

နှစ်သစ်ကူးညမှာ
ရာစုနှစ်အတွင်းက
ကြားနေကျ အသံလေး
လွင့်ပါးစွာနဲ့ တမ်းတခြင်းကိုရှတယ်

နှင်းတွေ …
နှစ်တွေ …
လွတ်လပ်တဲ့သီချင်းကိုညည်းနေတဲ့ လူတွေ …
(တစ်ကယ်က) လွတ်လပ်တဲ့ လေဟာနယ်ကိုယ်တိုင်က
လှောင်အိမ်ထဲမှာ …
နှစ်တွေ …
နှင်းတွေ …

နောက်..........
သေသွားတဲ့အိပ်မက်တွေ
အသက်နဲ့နီးသော သစ္စာတရား
အရာဝတ္ထုတွေရဲ့ သေးသိမ်မှုတွေ
ဝေးခဲ့တဲ့အသိမှာ လွမ်းနေတဲ့ကဗျာ
အားလုံးဟာ
ကမ္ဘာရဲ့ ဟိုဘက်အခြမ်းရော
ကမ္ဘာရဲ့ ဒီဘက်အခြမ်း မှာပါ
ကိုယ်နဲ့ မဆိုင်ရသလိုပဲ
တံခါးဟာ ကိုယ့်စကားနဲ့ အတူ ပိတ်သွား …

ကိုယ့်အမြင်အာရုံတွေကိုလည်း
တံခါးနဲ့အတူ ပိတ်မသွားဖို့
ရော်ရွက်တွေလို လေယူရာပါမသွားဖို့
ဟိုးရှေ့ရှေ့တုန်းက
နွေးနွေးထွေးထွေးအနမ်းလေးကိုပဲ
ဒိုင်ယာရီစာအုပ်အဟောင်းလေးထဲ
ပြန်ဖွင့်ဖတ်နေရ
နှစ်တွေ …
နှင်းတွေ …
နောက် …
အနမ်းတွေကတော့ မသစ်နိုင်တော့ပြီပဲ
မချိတင်ကဲပါပဲ ဒီဇင်ဘာ …
နင်ဟာငါ့အတွက်ကတော့
အဟောင်းထည်ပဲ

ဆောင်တွင်းမလေးရေ
အဖိုးအခမဲ့ ကြင်နာခြင်းတွေနဲ့
ဤခင်တန်းမှာ..........
အမြဲတမ်း စိမ်းလန်းရင်း
ဒီအချိန်ကို
ဒီအရိပ်အောက်မှာ
နောက်ထပ်လာထိုင်ဦးမယ်
ခုတော့
ငါပြန်ပြီ ဒီဇင်ဘာ…။ ။

ကြာပါပြီ။ ကိုဇာတိ၊ ကိုကြက်သွန် နှင့် ကျွန်တော် ဒီဇင်ဘာအကြောင်းရေးထားတာပါ။

Read more...

အမည်မဲ့ (၁၇)

ဒီလိုနဲ့
ပွဲတော်ညအလွန်ရှင်းတမ်း
တိတ်ဆိတ်မှု တစ်သောင်းအားနဲ့
ငါ့ကို မှောင်တစ်ဆောင်းကျစေခဲ့ပေါ့..........

ငါ့လည်း နင့်သစ်ပင်ဖြစ်ခဲ့တာပဲ
ခုတော့ ငါ့ရဲ့ကောက်သင်းကောက်အလွမ်း
နင့်အတွက် တစ်ဘာသာဆန်းနေပြီလား
လယ်သူမရေ..........

နှစ်သစ်ကို
ဆူးခက်လွမ်းနာတွေနဲ့ကြို
နင်ကတော့ အိပ်မက်ပျိုတွေနဲ့
ဘယ်ထိအောင် ခြေချင်းရှုပ်ဦးမှာလဲ..........

ဝေးနေတိုင်း နီးနေတဲ့စိတ်
အိပ်နေတိုင်း နိုးနေတဲ့မနောနဲ့
စောဝင်ခဲ့တဲ့ဆောင်းမှာ ငါဟာကျောဆန့်
မင်းကိုလွမ်းဖို့ မပျင်းရိပါဘူးကွယ်..........

ဘယ်သူမှ မသိခဲ့တဲ့ မှဲ့နက်တစ်လုံးပေါ့
(အဲဒီညက)နတ်ဆိုးတစ်ကောင်လိုခုန်ပေါက်
ရက်စက်ဂီတနဲ့
ငါ့ရင်ကိုခတ်သွားခဲ့တာ..........

Read more...

ဥာဏ်စဉ်မသီသော လက်ရေးများ (၃)

မြေနိမ့်ရာကိုမှ လှံစိုက်
ဘဝကို ရှပ်တိုက်စီးသူတွေရဲ့ကြားထဲ
မြေကြီးတစ်ကောင်လိုကျင့်
ရင်ဘက်တွေကို ရဲရဲရွံ့ရွံ့ဆွဲဖွင့်ရင်း
အိပ်သွန်ဖာမှောက် ဖျားနာခဲ့တဲ့နေ့တွေ မနည်းပေါ့..........

တစ်ခါတစ်လေတော့
ဘေးကျပ်နံကျပ် နေ့ရက်တွေကို
ဆေးစာမဟုတ်တဲ့ ဆေးစာတွေနဲ့ကုမဲ့အစား
ကိုယ့်မျက်လုံးကို ပြန်ကိုက်
ဓါတ်ကြမ်း တိုက်ပြစ်ချင်တယ်..........

ကြားနေကျ သံယောဇဉ်တောလား
ဒီအချိန်မှာမှားချင်မှ မှားမယ်
မှန်ချင်မှလည်း မှန်မယ်
ဒါပေမဲ့ လူဆန်တတ်ခဲ့သူတစ်ယောက်ရဲ့
လူလားမြောက်တဲ့ဆုတောင်း
သူတို့ ဖြည့်ဆည်းပေးခဲ့ဖို့ကောင်းတယ်..........

ဝတ်နေကျ မုသားတစ်ရံရယ်
ဝတ်နေကျ ဖိနပ်တစ်ရံရယ်
ဝတ်နေကျ မုတတစ်ထည်ရယ်
ဝတ်နေကျ တီရှပ်တစ်ထည်ရယ်
ခုတော့ အားလုံးကိုခွာချ
သင်းကွဲစိတ်ကိုမှ ချုပ်လုပ်ဝတ်ဆင်
ကိုယ့်ကိုကိုယ် လုံခြုံပြီလို့ ထင်နေမိတယ်..........

နှောင်းလူတစ်ခေတ်
မကောင်းပြောရစ်ခဲ့ရင်တောင်
ရိုင်းတတ်လို့ ရိုင်းနေကြတဲ့လူတွေကို
ရိုင်းတယ်လို့ ပြောလောက်အောင်ထိ
ငါတို့ မရိုင်းခဲ့ဘူး..........

Read more...