Xining é a capital e cidade máis poboada da provincia de Qinghai no oeste da China[1] e a cidade máis grande do altiplano do Tíbet. Segundo o censo de 2020, tiña 2467965 habitantes,[2] dos cales 1954795 vivían na área construída (ou metropolitana) formada por 5 distritos urbanos.[3] A cidade atópase no val do río Huangshui, tamén coñecido como Tsongkha (en tibetano: ཙོང་ཁ་), e debido á súa grande altitude, ten un clima frío no límite entre o clima semiárido frío e o clima continental húmido no inverno.
