Labuan
| Labuan | |||
| øy | |||
 | |||
| Land |  Malaysia | ||
|---|---|---|---|
| Areal | 91,64 km² | ||
| Folketal | 95 100 (2020)[1] | ||
 Labuan 5°18′N 115°13′E / 5.3°N 115.22°E | |||
 Kart over øya Labuan og øyane rundt.
| |||
| Wikimedia Commons: Labuan | |||
Labuan (/ləˈbuːən/), offisielt Wilayah Persekutuan Labuan, er eit føderalt territorium i Malaysia. Det omfattar øya Labuan og seks mindre øyar utanfor Sabah i Aust-Malaysia. Hovudstaden i Labuan er Victoria. Namnet «Labuan» er avleidd frå det malayiske ordet labuhan, som tyder ‘hamn’.[2]
Geografi
[endre | endre wikiteksten]Labuan-territoriet omfattar hovudøya (Labuan på 91,64 km²) og seks andre mindre øyar, Burung, Daat, Kuraman, Store Rusukan, Vesle Rusukan og Papan med eit totalt område på 91,64 km². Øyane ligg 8 kilometer frå kysten av Borneo, ved grensa til delstaten Sabah og nord for Brunei Darussalam, ved den nordlege enden av Brunei-bukta som vender mot Sør-Kina-havet. Labuan-øya er hovudsakleg flat og bølgjande. Det høgaste punktet er Bukit Kubong på 148 meter over havet. Over 70 % av øya er framleis dekka av vegetasjon. Det viktigaste byområdet, Victoria, ligg vendt mot Brunei Bay.
Folkesetnad
[endre | endre wikiteksten]| Befolkningsutvikling | ||
|---|---|---|
| År | Bef. | ±% |
| 1991 | 54 241 | — |
| 2000 | 70 871 | +30,7 % |
| 2010 | 83 920 | +18,4 % |
| 2020 | 95 120 | +13,3 % |
Ifølge statistikkdepartementet i Malaysia hadde Labuan 86.908 innbyggjarar ved folketeljinga i 2010 og 95.120 ved folketeljinga i 2020.[3] Den etniske samsetjinga i Labuan i 2020 var: Kedayan- og brunei-malayar (34 068), Kadazan-dusun (9 408), bajaufolk (6 866), murutfolk (1265), kinesarar (9.843), indarar (891), lundayeh og andre folkegrupper (21.947), og ikkje-malaysiske borgarar (10 832). Størsteparten av kinesarane i Labuan er frå hokkien-dialektgruppa (men har sidan minka på grunn av migrasjon til fastlandet og utlandet); men det er òg mange hakkafolk her, dei fleste er migrantar eller etterkommarar av migrantar frå fastlandet Sabah og lokalfødde.
Ved folketeljinga i 2010 var 76,0% av folkesetnaden muslimar, 12,4% kristne, 9,0% buddhistar, 0,4% hinduar, 2,1% frå andre religionar og 0,1% ikkje-religiøse.
Kjelder
[endre | endre wikiteksten]- ↑ https://www.dosm.gov.my/v1/index.php?r=column/cthemeByCat&cat=117&bul_id=akliVWdIa2g3Y2VubTVSMkxmYXp1UT09&menu_id=L0pheU43NWJwRWVSZklWdzQ4TlhUUT09.
- ↑ Bradbury & Evans. «Crawfurd, John, A descriptive dictionary of the Indian islands & adjacent countries». Columbia University Libraries. Henta 29 April 2014.
- ↑ Dept. of Statistics Malaysia (web)
- Denne artikkelen bygger på «Labuan» frå Wikipedia på engelsk, den 11. april 2026.
