Robbie Williams
| Robbie Williams | |||
.jpg) | |||
| Fødd | 13. februar 1974 (52 år) | ||
|---|---|---|---|
| Fødestad | Stoke-on-Trent | ||
| Fødenamn | Robert Peter Williams | ||
| Opphav | Storbritannia | ||
| Aktiv | 1990– | ||
| Sjanger | Poprock, soft rock, dance, britpop | ||
| Instrument | Vokal, gitar, bassgitar, synthesiser, trommer, piano, fiolin, munnspel, marimba | ||
| Stemmetype | tenor | ||
| Tilknytte artistar | Take That | ||
| Plateselskap | Chrysalis, Capitol Records, Sony Music, Island Records, Virgin, EMI, Columbia Records, Virgin Records, EMI | ||
| Verka som | Songar, låtskrivar, musikar, plateprodusent, skodespelar | ||
| Gift med | Ayda Field | ||
| Sambuar med | Nicole Appleton | ||
| Prisar | Amadeus Austrian Music Award, Premios Oye!, Bambi-prisen, NRJ Music Award de l'artiste masculin international de l'année, NRJ Music Award d'honneur, NRJ Music Award de l'artiste masculin international de l'année | ||
Robert Peter Williams (fødd 13. februar 1974), kjend som Robbie Williams, er ein engelsk songar og komponist frå Stoke-on-Trent som fekk gjennombrotet sitt i boybandet Take That som han var medlem til midten av 1990-talet. I 1996 byrja han ein solokarriere.
Virke
[endre | endre wikiteksten]Life Thru A Lens
[endre | endre wikiteksten]I 1996 gav han ut den fyrste solosingelen sin, George Michael-hiten frå 1990, «Freedom». Året etter kom den fyrste av hans eigne komposisjonar, «Old Before I Die», ut. Begge singlane nådde andreplassen på UK Singles Chart. To singlar til vart utgjevne, og deretter kom debutalbumet Life Thru A Lens. Berre Robbie Williams sine eigne komposisjonar var med på plata, som utelukka Freedom. Dei fleste songane på debutalbumet var skrivne i samarbeid med Guy Chambers, som «Angels», som vart den fjerde singelen frå albumet. Songen vart i 2005 kåra av BBC Radio 2 sine lyttarar, som den beste songen utgjeven dei siste 25 åra i britisk musikk (1980-2005) i samband med Brit Awards 2005.[1]
I’ve Been Expecting You
[endre | endre wikiteksten]I 1998 kom det ein ny singel; «Millenium», som opptakt til det andre albumet til Williams. I’ve Been Expecting You er endå, i 2006, det bestseljande albumet hans i heimlandet og inneheld i tillegg til «Millenium», hitane «She’s The One», «No Regrets» og «Strong».
Sing When You’re Winning
[endre | endre wikiteksten]Robbie Williams er vorte eit av dei størte namna innanfor popmusikk i dei fleste land.[treng kjelde] Musikken hans har likevel aldri hatt stor popularitet i USA. Nokre meiner det skuldast den kontroversielle musikkvideoen til den fyrste singelen frå Sing When You’re Winning', «Rock DJ».[treng kjelde] I videoen dansar og strippar Robbie Willams, medan han er omgjeven av halvnakne kvinner. Etter han har teke av kleda, byrjar han å han å flå huda av seg sjølv og deretter rive organa sine ut (dette er sjølvsagt dataanimeret). I videoen endar han som eit skjelett, medan han framleis dansar til musikken. Uansett kva ein meinte/meiner om songen, vart han ein stor hit. Det same vart neste singel, «Kids», som var ein duett med den australske songarinna Kylie Minogue. Idéen med songen var at han skulle vere i Grease-stil, og Robbie hadde utpeikt seg sjølv som John Travolta og Kylie Minogue som Olivia Newton-John. Albumet fekk fleire hit-singlar og eit par av songane vart òg innspelte på andre språk. Mellom anna kom «Better Man» ut på spansk og «Supreme» på fransk.
Swing When You’re Winning
[endre | endre wikiteksten]Swing When You’re Winning var det fjerde og minst suksessfulle albumet hans. Albumet inneheld cover-versjonar av gamle jazz-, blues- og popsongar. Den største suksess-singelen var ein ny versjon av Nancy- og Frank Sinatra-songen «Somethin’ Stupid», sungen i duett med Nicole Kidman. Ein annan song som markerer seg på plata er ei nytolking av evergreenen «Mr. Bojangles» (tidlegare innspelt av mellom andre Bob Dylan og John Denver).
Escapology
[endre | endre wikiteksten]
«Feel», heitte den fyrste singelen frå det femte albumet Escapology. «Feel» vart ein av dei største hitane i karrieren hans, men fleire kritikarar hadde byrja å indikere at suksessen til Robbie Williams i stor grad skuldast medkomponisten hans, Guy Chambers. Som reaksjon braut Robbie makkarskapen og neste singel vart «Come Undone», som ikkje hadde Chambers som medkomponist. Igjen hadde videoen eit eksperimentelt og provoserande uttrykk. Ein ser m.a. slangar og edderkoppar som kravlar ut og inn av kvinnelege munnar og vaginaer. Den usensurerte utgåva av videoen er svært vanskeleg å få tak i, sidan det nesten ikkje er nokon fjernsynskanalar som har villa/kunne sende den.
Escapology-suksessen heldt fram med singlane «Sexed Up» og «Something Beautiful».
Greatest Hits
[endre | endre wikiteksten]I 2004 kom den fyrste offisielle samleplata hans, Greatest Hits, ut. Albumet inneheldt hittar frå karrieren hans og nye spor skrivne med medkomponisten Stephan Duffy. Før utgjevinga av albumet kom singelen «Radio». «Radio» vart kritikarrost, og vart nr. 1 på UK Singles Chart.[2] Då samleplata kom ut gjekk ho rett inn på fyrsteplassen på den britiske albumlista,[2] og vart det mestseljande albumet det året i Storbritannia og Europa.[3]
Intensive Care
[endre | endre wikiteksten]Etter å ha turner i Latin-Amerika i slutten av 2004 for å promotera Greatest Hits, byrja Williams arbeida med det sjette studioalbumet sitt. Albumet vart skrive i lag med Stephen Duffy i løpet av 24 månader, og spelt inn heime hjå Williams i Hollywood Hills. Intensive Care var det fyrste albumet hans etter brotet med Guy Chambers. Det vart lansert i Berlin den 9. oktober 2005, og vart ein internasjonal hitt.
Diskografi
[endre | endre wikiteksten]Studioalbum som soloartist
See also
|
Studioalbum med Take That
|
Kjelder
[endre | endre wikiteksten]- ↑ «Brits25: Did your favourites get awards?». BBC. 9. februar 2005.
- 1 2 «UK Top 40 Database». everyhit.com. Henta 17. desember 2015.
- ↑ «IFPI Platinum Europe Awards – 2006». IFPI. 2006. Arkivert frå originalen 7. mai 2012. Henta 12. november 2008.
