ما بين نفسي ونفسي

 دويَ أصداء الجراح عائد لم ينجلي

والعقل شتت عزة أفكاره بسفاهةٍ

جُلَ عزائنا في مضغة تبغي العلا

ترنو لفضائل أمرها بكرامةٍ

واليأس لسقوف آمالنا لا زال يعتلي

والآلام لـ كثرتها تمر برتابةٍ

تضيق عليا مدينتي .. تهزو المنى

وما بين نفسي ونفسي شعورٌ بعداوةٍ

وتعربد الأوجاع في القلب .. لنا تصطلي

فصرت أغلق بيديَ كل باب سعادةٍ

وكأن الزمان للراحة لنا لا يرتضي

وتأججت الحروف غضباً فتقتلني بضراوةٍ

....... يتبع مع جرح جديد 

بين لعل أو الـ عسى

وأظل أرتشف الأسى

في غربتي وسط أيامي المرهقه

متروكة أنا بين لعل أو الـ عسى

أؤنس قلبي

فبالأوجاع قد اكتسى

فأين لي بطريق تبسم

وشراع المركب

تمزقت وسط آلامي

فـ تاه وما رسى

-------------------------

صرت استرق البسمات

وبداخلي مهجة تصرخ من حنين

وشريط الذكريات أمام مقلتيَ

وفي المساء يهزمني الأنين

الأفكار تصارع بعضها

في حلبة عقلي المسكين

يا غربتي فلترحميني

ما عدت أحتمل المسافة بيننا

يا رب قدرك ... قد رضيت

فاشف اوجاعاً تبيت ها هنا

لو بس ...

لو بس مره كنت أحس 

 ان السنين واقفه في صفي

لو بس اعرف مين معايا

ومين حبه ليا اصلي

لو بس انسى جرح علم فيا

ومن غير ما احس كان غاوي قتلي 

لو بس كان سهل امشي لوحدي

من غير سند وأداوي قلبي

لو بس يعدي يوم من غير ما أدمع

والدموع تعلم في خدي 

كنت احس بقيمة

تعب انكساري ووحدتي

كنت هضحك بقلب جامد

وافارق  علتي 

لو بس .....

خايفه

خايفه

أعيش لحظه متتنسيش

واستناها تيجي من تاني

متجيش

عشان كده قلبي عوّدته

طول عمره لأي نظره

مينحنيش

خايفه

انسى ذكرى لحب

من الانتظار مات

يرجعلي

مقدم قلبه قبله

وساعتها يكون المعاد

فــــــــــات

خايفه

أدي فرصه تانيه

لحد جرحني ... واستسلم

ببقا عاوزه اسامح

بس حاسه اني هرجع تاني

واتــــــــــــألم

خايفه

أجرب اعرفني

القاني مش عجباني

واحاول اتغير

اتوه من نفسي تاني

  N <3

شيفاني فيك

شيفاني فيك

غنوايه منسيه

عودها متكسر

أوتاره بالحزن مكويه

سمعاك بتنده

من غير ما تنطق

والحرف ملكوم

آسى زمن

شايل هموم

غدر بيه قلبي

وباعه من غير تمن

حاسه منك

بتنهيده ملهوفه

حارقها الألم

اللي كان مني

طول حياتي

ولسه ما انعدم

أصبح مفيش

رغم ألمي اللي اتدفن

إلا ان شبحه جلاد قديم 

كل أما افوق من جلدته 

ألقاه أدامي بعدِّته 

جايب عذاب من نوع جديد 

غير منتظر 

والطريق يمين شمال مقفول 

والأمل اني أهرب كان بعيد 

للأسف .. أصبح مفيش 

وأنا عارفه وقوع البلا 

ولا انتظاره 

بمسك كاس عذابي 

وأدوق مراره 

وبعدها ويَّا الجراح بعيش 

وأرجع أفوق ... 

وأقابله من تاني .... 

and so on ...

القلب لو مات .. مالوش ديَّه

فيه حاجات كتير بسمعها

ما بحسهاش

 وحاجات كتيرتندهني

ما بروحلهاش

يمكن عشان خايفه

اللحظه تسرقني

واندم

واتألم

ودي صعبه اكمنِّي مبنساش

بسمع حاجات تانيه

بتوصف احساسي من جوا

قلبي بيصرخ فيا وبقوه

أهو الشعور اتقال

وبكام كلمة مش في مقال

كتماني ليه مش قادر اتنفس

ده القلب لو مات .. مالوش ديَّه

:) :(

Schizophrenia

كله ... بيعدي

كل لما بتخنق 

واحس بضيقه جامده 

دمعتي بتتعب 

عشان حبساها

بس صعب عندي اريحها 

واتعب نفسي بكلمة " مالك ؟ "

علطول

بحط ايدي على قلبي 

واردد

استغفر الله 

الحمد لله 

واغمض عيني 

وانام 

واهو كله بيعدي 

فلسفة كام يوم فاتوا

متطلبش من حد يحس بيك الا لو عيِّشته نفس اللي انت عشته بكل تفاصيله وخدوشه الصغيره اللي علِّمت في قلبك

بيقولوا الضربه اللي متموتش بتقوِّي ... مش عارفه ليه حساها بتقسِّي ... وبتشيِّب 

البعد عن ربنا .... فعلا اكتئاب 

ادمان ونفسي ابطله .... التفكير 

سهل أوي اتكلم .... بس صعب اوي اوصل للمعنى بالكلمه ... ف بسكت  

بقايا .. بقايا ---> فاروق جويده

  

 

لماذا أراك على كل شيء بقايا.. بقايا؟

إذا جاءني الليل ألقاك طيفا..

وينساب عطرك بين الحنايا؟

لماذا أراك على كل وجه

فأجري إليك.. وتأبى خطايا؟

وكم كنت أهرب كي لا أراك

فألقاك نبضا سرى في دمايا

فكيف النجوم هوت في التراب

وكيف العبير غدا.. كالشظايا؟

عيونك كانت لعمري صلاة..

فكيف الصلاة غدت.. كالخطايا..

* * *

لماذا أراك وملء عيوني

دموع الوداع؟

لماذا أراك وقد صرت شيئا

بعيدا.. بعيدا..

توارى.. وضاع؟

تطوفين في العمر مثل الشعاع

أحسك نبضا

وألقاك دفئا

وأشعر بعدك.. أني الضياع

* * *

إذا ما بكيت أراك ابتسامه

وإن ضاق دربي أراك السلامة

وإن لاح في الأفق ليل طويل

تضيء عيونك.. خلف الغمامة

* * *

لماذا أراك على كل شيءٍ

كأنكِ في الأرضِ كل البشر

كأنك دربٌ بغير انتهاءٍ

وأني خلقت لهذا السفر..

إذا كنت أهرب منكِ .. إليكِ

فقولي بربكِ.. أين المفر؟!

* * *

heartache

~ I understand feeling as small and as insignificant as humanly possible, and how it can actually ache in places you didn't know you had inside you, and it doesn't matter how many new haircuts you get, or gyms you join, or how many glasses of chardonnay you drink with your girlfriends... you still go to bed every night going over every detail and wonder what you did wrong, or how you could have misunderstood, and how in the hell for that brief moment you could think that you were that happy. And sometimes you can even convince yourself that he'll see the light and show up at your door. And after all that, however long all that may be, you'll go somewhere new, and you'll meet people who make you feel worthwhile again, and little pieces of your soul will finally come back. And all that fuzzy stuff, those years of your life that you wasted, that will eventually begin to fade.~

for me best scene ever <3

from :- The holiday 2006

إنا لله وإنا إليه راجعون

اللَّهُمَّ اغْفِرْ لَهُ ، وارْحمْهُ ، وعافِهِ ، واعْفُ عنْهُ ، وَأَكرِمْ نزُلَهُ ، وَوسِّعْ مُدْخَلَهُ واغْسِلْهُ

 بِالماءِ والثَّلْجِ والْبرَدِ ، ونَقِّه منَ الخَـطَايَا، كما نَقَّيْتَ الثَّوب الأبْيَضَ منَ الدَّنَس ، وَأَبْدِلْهُ

 دارا خيراً مِنْ دَارِه ، وَأَهْلاً خَيّراً منْ أهْلِهِ، وزَوْجاً خَيْراً منْ زَوْجِهِ ، وأدْخِلْه الجنَّةَ ، وَأَعِذْه

 منْ عَذَابِ القَبْرِ ، وَمِنْ عَذَابِ النَّار

تلك الانكسارات

تِلْك الانْكِسَارَات

الَّتِي مَا عُدْت اطِيقِهَا

وَسَط مُزَاحمَات حَيَاتِي

ايْقَنْت كَم هِي ثَمِيْنَة

تِلْك الدَقَاءِق الَّتِي أُمْضِيَهَا كَرْها لِلْآَخِرِين

وَقَد أَمْكَنَنِي أَن ازيحَهُم بَعِيْدَا عَن طَرِيْقِي

غَيْر انِّي قَد تَطَرَّقَت الَى كُل الْنَّوَاحِي

كَي تَعُوْد تِلِك الْصَّفْوَة بَيْنَنَا

مَن هُم ؟

لِي

فَقَد اعتَبَرَتِهُم مِحْوَراً

يَدُوْر حَوْلَهُم الْمَاضِي وَالْآتِي

لَا أَظُن ان الْحُب يُعَاقِب عَلَيْه الْقَانُوْن الْبَشَرِي

انَّمَا هيَ الْسَّذَاجَة

الَّتِي اعتريتها فِي اخْتِيَارِي لَهُم

وَقَد كَانَت تِلْك غَلْطَتِي

حِيْن ظَنَنْت انّي لَهُم كَمَا هُم لَي

هُنَاك الْكَثِير مِن الْحُرُوْف

الَّتِي تَسْتَشِيط غَضَبَا

وَكَلِمَات أَكْثَر

تَتَأَجَّج مِن كَثْرَة مَا تَأَلَّمْت

وَلَكِن قَرَارِي وَاضِحَا

فَلَن أُضِيْع وَقْتِي

فِي الْتَّفْكِيْر فِيْمَا

لَا يَسْتَحِق

حَتَّى وَان كَان فِي ذَلِك الْبَوْح

رَاحَة لِمَا يَتَخَبَّط بِخَاطِرِي

تكبيرة الثوره

بكره العيد

كل سنه وانتم طيبين

حبيت أحكيلكم عن اول تجربه في الخير ليا

النهارده شاركت في يوم الكساء مع جمعية رساله

بعيدا عن الاخلاق اللي اكتسبتها النهارده

في موقف أثر فيا أوي

كان في ست كبيره مصره انها تاخد طرحه سودا

والمرافق اللي معاها تعب لحد ما لقالها واحده بعد ما جابهالها

قالتله : “ ربنا يبارك فيك يبني انا كان لازم اخد الطرحه النهارده لاني معنديش غير الطرحه اللي لبساها دي وبلبسها بقالي تلات سنين وكنت وخداها برده من رساله “

الست دي خرجتني من القوقعه اللي كنت عايشه فيها وخلتني اردد الحمد لله لحد ما روحت

مش هيا بس كان فيه حالات كتير بجد محتاجه بس الطيبه المصريه اللي شفتها في وش الست دي أسرتني

واكتر حاجه كانت بتريحني هيا البسمه على وش الاطفال لما بيلاقو حاجه حلوه تعجبهم

اتعلمت النهارده من ناس كتير طرق تعامل واخلاق ومبادئ حلوه اوي

وعرفت اد ايه انت ممكن تأثر في غيرك ببسمه عالشفايف وكلمه حلوه

بجد بنصح أي حد كان بيكسل زي حالاتي كده يجرب ولو مره ويقرر بعدها هيشارك ولا لا

من شويه في المسجد اللي جنب بيتنا اشتغلت التكبيرات

حسيتها اوي …. أمّال … دي اول تكبيرة عيد بعد الثوره

متحمسه للتكبير في وسط زحمة الصلاه أوي

الله اكبر الله اكبر الله اكبر لا اله الا الله
الله اكبر الله اكبر ولله الحمد

الله اكبر كبيرا والحمد لله كثيرا وسبحان الله بكرة واصيلا ولا اله الا الله وحده صدق وعده ونصر عبده وعز جنده وهزم الاحزاب وحده لا اله الا الله ولا نعبد الا اياه مخلصين له الدين ولو كره الكافرون

كل سنه وانتم طيبين

كل سنه ومصر سالمه لينا

شخابيط

هربان بعمره من دقايق بتهد باقيه

بيجري بعيد عن كل من كانوا ماضيه

بيعافر

وبيبني

في دقيقه حلوه تكونله ذكرى فوسط مآاسيه

زي طير مكسور جناحه ومن غير سند

لا قادره أطير ولا قادره أشوف نفسي أسد

قصقصت حلمي

ونتفت ريشي

وقلت طير على أدك يا ولد

النهارده بس عرفت معنى كلمة وحيد

انك تقول الآه ومتسمعش غير الصدى

وبصرختك يفرحو كأن الصرخه من مولود جديد

وملكش حد في وسط ناس على طول المدى

لَا تَرُدَّنَا

رَبَّنَا وَقَفْنَا بـ بابِك

فَلَا تَرُدَّنَا يَا رَب عَن جَنَابِك

وَلَا تَصْرِفْنَا عَن هَذَا الْمَقَام الَا بِذَنْب مَغْفُوْر

النهارده وانا بصلي

الدعاء ده أثر فيا أوي

زي ما أكون أول مره أسمعه

دخل قلبي وعشت معاه بكل جوارحي

كل سنه وانتم طيبين

كل سنه ومصر سالمه لينا

mira@

:)

مرهقه جدا

قبل كده مكنتش اعرف يعني ايه الكلمه دي 

دلوقتي حسيتها بجد 

انا بتأسف لكل أصدقائي عن عدم متابعتي 

بس ارجوكم التمسولي العذر 

وان شاء الله هحاول اظبط اموري     

وارجعلكم من تاني 

ولحد ما يجي الوقت ده 

" افتكروني بالخير "

:)

ذلك الصوت

فِي كُل لَيْلَة مِن تِلْك الْلَّيَالِي

 الَّتِي تَمُر عَلَيْنَا

 وَلَا نَعْرِف إِلَى أَيْن تَأْخُذُنَا

 أَجْلِس بِجَانِب شُرْفَتَي

 لِأَسْتَمِع إِلَى ذَلِك الْصَّوْت

 لَا أَعْلَم مَاذَا يَقُوْل

 أَو مَتَى يَتَوَقَّف

 وَلَكِن تَنْتَابُنِي تِلْك الْرَّاحَة

 الَّتِي اعْتَدْت عَلَيْهَا فِي صِغَرِي

 فَأَجِدُنِي قَد تَرَكْت كُل شَئ حَوْلِي

 وَانْطَلَقْت فِي رِحْلَة إِلَى تِلْك الْسَّعَادَة

 الَّتِي مَا رَأَيْت مِثْلَهَا

 ذَلِك الْصَوْت الَّذِي لَا أَمِيْزُه

 و لَا يَصِلُنِي سِوَى صَدَاه

 صَوْت رُوْحِي يَصِل إِلَى أَعْمَاقِي

 فَتَارَة تَحْمِلُه الْرِّيَاح بِقُوَّه

 وَتَارَة لَا يَصِلُنِي مِنْه سِوَى أَنِيْنَه الْهَادِئ

 حَقّا مُنْذ الْآَن

 أَفْتَقِد تَلْك اللَّحَظَات