ब्लॉग

गेवराई, बीड जिल्ह्याच्या हृदयात वसलेलं एक शहर, जिथे मातीशी नाळ जोडलेलं एक नाव सतत चर्चेत असतं – शिवराज बाळराजे पवार! “गेवराई ही माझी आई आहे, तिची देखभाल माझं प्रथम कर्तव्य आहे,” असं ठामपणे सांगणारा हा तरुण नेता केवळ राजकारणातच नव्हे, तर जनतेच्या मनातही आपलं अढळ स्थान निर्माण करतोय. माजी आमदार लक्ष्मण पवार यांचा राजकीय वारसा आणि बाळराजे पवार व गीताभाभी पवार यांचे संस्कार यांच्या संगमातून घडलेला हा हीरा आज गेवराईच्या तरुणाईचा ध्रुवतारा बनलाय. आज या तरुण नेता शिवराज पवार यांचा वाढदिवसा आहे त्या निमित्त त्यांना मनपूर्वक शुभेच्छा शिवराज पवार यांचे प्रेरणादायी जीवन प्रवासाचा, बाळराजे गीताभाभींच्या कष्टमय संस्कारांचा आणि त्यांच्या नेतृत्वाचा गौरव म्हणजे गेवराईच्या मातीतून उभं राहिलेलं हे नव नेतृत्व महाराष्ट्राच्या राजकारणात अभूतपूर्व ठरेल.

“संघर्षातून माणूस घडतो, पण संस्कारातून तो महान बनतो,” असं डॉ. बाबासाहेब आंबेडकर म्हणाले होते. शिवराज पवार यांच्या जीवनाचा पाया हा त्यांच्या आई, गीताभाभी पवार यांच्या कष्टमय आणि मूल्यनिष्ठ जीवनाने घडलाय. गीताभाभी, एक मायेची सावली, ज्यांनी बाळराजे पवार यांच्यासोबत खांद्याला खांदा लावून गेवराईच्या जनतेची सेवा केली. त्यांनी शिवराज यांना लहानपणापासूनच प्रेम, करुणा आणि कर्तव्याची शिकवण दिली. “लोकांचं दुखणं समजून घ्या, त्यांना आधार द्या,” असं सांगणाऱ्या बाळराजे व गीताभाभींनी शिवराज यांना केवळ एक नेता नव्हे, तर जनतेचा मित्र बनवलं. त्यांच्या संस्कारांमुळे शिवराज यांचं मन सतत लोककल्याणासाठी धडपडतं.बाळराजे दादा गीताभाभींच्या या कष्टाचा आणि त्यांच्या प्रेमाचा ठसा शिवराज यांच्या प्रत्येक कृतीत दिसतो, ज्यामुळे ते गेवराईच्या प्रत्येक घरात “आपला माणूस” म्हणून ओळखले जातात.

कर्तव्य हीच खरी पूजा आहे,” असं संत तुकाराम महाराज म्हणाले. शिवराज पवार यांनी या उक्तीला आपल्या कृतीतून सार्थ ठरवलं. लहान असो वा मोठा, प्रत्येकाला आपुलकीने विचारपूस करणारा हा तरुण नेता नेहमीच जनतेच्या सुख-दु:खात सहभागी होतो. गावखेड्यापासून तांड्यावस्तीपर्यंत, शिवराज यांनी कार्यकर्त्यांपेक्षा मित्र बनण्याचा मार्ग निवडला. त्यांचा हा साधेपणा आणि प्रामाणिकपणा यामुळेच तरुणाई त्यांच्याकडे आकर्षित होते. “माझी ताकद माझी जनता आहे,” असं शिवराज पवार ठामपणे सांगतात, आणि त्यांच्या या वाक्याला छत्रपती शिवाजी महाराजांचा “प्रजेच्या हितासाठी राजा आहे” हा विचार पूरक ठरतो.
माजी.आ.लक्ष्मण पवार यांच्या आजारपणात शिवराज यांनी तालुक्याच्या विकासाची धुरा खांद्यावर घेतली. त्यांनी मंजूर करून घेतलेली मोठी विकासकामं – रस्ते, आणि पायाभूत सुविधा – आजही गेवराईच्या प्रगतीची साक्ष देतात. विधानसभा निवडणुकीत त्यांनी प्रचारयंत्रणा स्वत: हाताळली, आणि कमी वयातच त्यांनी राजकीय परिपक्वता दाखवली. “कृतीशिवाय स्वप्नं फक्त स्वप्नंच राहतात,” असं पंडित नेहरू यांनी म्हटलं होतं. शिवराज यांनी ही स्वप्नं प्रत्यक्षात उतरली, आणि गेवराईच्या विकासाला नवी दिशा दिली

सत्तेच्या मागे धावणं सोपं आहे, पण सत्तेचा उपयोग जनकल्याणासाठी करणं हे खऱ्या नेत्याचं लक्षण. शिवराज पवार यांनी सत्तेच्या काळातही संयम आणि साधेपणा जपला. त्यांच्यावर बाळराजे आणि गीताभाभींच्या संस्कारांचा प्रभाव इतका खोल आहे की, सत्तेची हवा त्यांच्या डोक्यात कधीच गेली नाही. “जो आपल्या मातीत रुजलेला आहे, तो कधीच उन्मत्त होत नाही,” असं अल्लामा इकबाल यांनी म्हटलं होतं. शिवराज यांनी या विचाराला साजेसं जीवन जगलं. सत्तेचा वापर त्यांनी केवळ आणि केवळ जनतेच्या भल्यासाठी केला, आणि यामुळेच त्यांचा चाहतावर्ग वाढत गेला.

शिवराज पवार यांनी गेवराईच्या स्वच्छतेकडे विशेष लक्ष दिलं. स्वच्छता, पाणी, रस्ते, आणि वीज या मूलभूत सुविधा गेवराईच्या विकासासाठी आवश्यक आहेत. मात्र, सध्याच्या प्रशासकीय व्यवस्थेत या सुविधा पुन्हा अडचणीत आल्या आहेत. यासाठी शिवराज यांनी आता अधिक आक्रमकपणे पुढे येण्याची गरज आहे. त्यांनी बाळराजे पवार यांचं स्वच्छ, समृद्ध आणि सुसंस्कृत गेवराईचं स्वप्न पूर्ण करण्यासाठी प्रशासनाला जागं करावं. यासाठी त्यांनी जनतेला सोबत घेऊन स्वच्छता मोहिमांना प्रोत्साहन द्यावं, आणि स्थानिक स्वराज्य संस्थांवर दबाव आणून मूलभूत सुविधांचं जाळं मजबूत करावं.
शिवराज पवार यांनी येणाऱ्या नगरपालिका निवडणुकीत आपली लोकप्रियता आणि गेल्या दहा वर्षांतील कामाचा डोंगर पणाला लावावा. त्यांनी लक्ष्मण पवार आणि बाळराजे पवार यांच्या कार्यकर्त्यांशी संवाद वाढवावा, आणि नव्या पिढीतील कार्यकर्त्यांना प्रोत्साहन द्यावं. गावागावात जनसंवाद संपर्क यात्रा काढून त्यांनी जनतेच्या समस्या थेट ऐकाव्यात. तसंच, सोशल मीडियाचा प्रभावी वापर करून तरुणाईला जोडणं आणि त्यांच्या आकांक्षा पूर्ण करण्याचं आश्वासन देणं महत्त्वाचं आहे. “न्याय देणारा नेता हाच खरा पाटील,” असं छत्रपती शिवाजी महाराजांचं तत्त्व त्यांनी अंगीकारावं आणि कोणत्याही परिस्थितीत अन्यायाला थारा देऊ नये.

शिवराज पवार यांचं जीवन हे संघर्ष आणि समर्पणाची गाथा आहे. गीताभाभींच्या कष्टांनी आणि बाळराजे पवार यांच्या मार्गदर्शनाने घडलेला हा नेता आज गेवराईच्या प्रत्येक घरात आदराने नाव घेतला जातो. सुख असो वा दु:ख, शिवराज नेहमीच जनतेच्या पाठीशी खंबीरपणे उभे राहतात. त्यांचा प्रेमळ, मायाळू आणि दयाळू स्वभाव गेवराईच्या मातीत रुजलाय. “जिथे प्रेम आहे, तिथे जीवन आहे,” असं अल्लामा इकबाल यांनी म्हटलं. शिवराज यांनी आपल्या प्रेमळ स्वभावाने गेवराईच्या जनतेचं मन जिंकलं आहे.

शिवराज बाळराजे पवार हे केवळ गेवराईचे पाटील नाहीत, तर तरुणाईचं प्रेरणास्थान, जनतेचा मित्र आणि विकासाचा ध्यास घेतलेला खरा नेता आहेत. त्यांच्या वाढदिवसानिमित्त हा लेख त्यांच्या कष्टांना, गीताभाभींच्या संस्कारांना आणि बाळराजे पवार यांच्या स्वप्नांना समर्पित आहे. येणाऱ्या काळात शिवराज पवार गेवराईला नव्या उंचीवर नेऊन, डॉ. बाबासाहेब आंबेडकर, संत तुकाराम महाराज, पंडित नेहरू, छ.शिवाजी महाराज आणि अल्लामा इकबाल यांच्या विचारांना साजेसं नेतृत्व घडवतील, यात शंका नाही. गेवराईच्या मातीतून उभं राहिलेलं हे नेतृत्व एक दिवस महाराष्ट्राच्या राजकारणात इतिहास घडवेल!

लेखक
जुनेद बागवान गेवराई
मो.9730075313

गेवराईत उगवलेला एक सूर्य , ज्याने पत्रकारितेला नवे आयाम दिले, स्वतःच्या कष्टाने आणि लढवय्या वृत्तीने आपले स्थान निर्माण केले, तो म्हणजे सुभाष सुतार. पत्रकारितेच्या क्षेत्रात त्यांचे नाव म्हणजे एक विश्वास, एक प्रेरणा आणि एक अटळ सत्य आहे. सुभाष सुतार यांनी गेवराई तालुक्यातील पत्रकारितेला एक सिद्धांत दिला. त्यांना गेवराईच्या पत्रकारितेचा पितामह म्हणणे काही चुकीचे ठरणार नाही. त्यांचा जीवनप्रवास हा कोणत्याही नवोदित पत्रकारासाठी प्रेरणादायी आहे. सुतार यांनी ज्या प्रकारे आपल्या लेखणीने आणि कृतीने समाजाला दिशा दिली, ती पाहता त्यांना गेवराईचा खरा ताईत म्हणणे अगदी सार्थ आहे.
जेव्हा मी पत्रकारितेच्या क्षेत्रात नवखा होतो, तेव्हा माझ्या हातात फक्त कॉपी-पेस्टच्या बातम्या होत्या. पण सुभाष सुतार यांनी गुरूची भूमिका निभावत मला पत्रकारितेचा खरा अर्थ शिकवला. त्यांनी मला फक्त बातम्या लिहिण्याचे तंत्रच नाही, तर पत्रकारितेची आत्मा, तिची जबाबदारी आणि समाजाशी असलेली नाळ कशी जोडायची, हे शिकवले. त्यांच्या मार्गदर्शनाखाली मी केवळ पत्रकारच नाही, तर एक जबाबदार नागरिक म्हणूनही घडलो. सुतार यांचा हा मार्गदर्शक स्वभाव केवळ माझ्यापुरता मर्यादित नाही; गेवराईतील पत्रकार संघ असो वा बाहेरील पत्रकार, प्रत्येकासाठी ते एक ताईतच आहेत. गेवराई तालुक्यात नवीन झालेल्या पत्रकारांचे गाइड म्हणूनही सुभाष सुतार यांची खास ओळख आहे.

सुभाष सुतार यांचा जीवनप्रवास हा सहजसहजी मिळालेला नाही. त्यांनी जिद्द, मेहनत आणि प्रचंड संघर्षातून स्वतःला सिद्ध केले आहे. सुतार यांना वाचन आणि शिक्षण यांचा प्रचंड छंद आहे. डॉ. बाबासाहेब आंबेडकर यांनी सांगितले, “शिका, संघटित व्हा आणि संघर्ष करा,” याचे तंतोतंत पालन सुतार यांनी केले. विशेष म्हणजे, वयाच्या ५२व्या वर्षीही ते पत्रकारितेच्या विषयात पीएचडीचे शिक्षण घेत आहेत. शहरी आणि ग्रामीण पत्रकारांना मार्गदर्शन करत, त्यांना संघटित करत आणि अन्याय, भ्रष्टाचाराविरुद्ध संघर्ष करत आहेत. त्यांच्या लेखणीने अनेकांना समाजात मानाचे स्थान मिळवून दिले, तर चुकीच्या लोकांना त्यांची जागा दाखवली.
सुतार यांचा स्वभाव म्हणजे प्रेम, मायाळूपणा आणि दयाळूपणाचा संगम. ते कधीच स्वतःपुरते जगले नाहीत. गरजूंना मदत करणे, विशेषतः अडचणीत असलेल्या पत्रकारांना आर्थिक आणि नैतिक आधार देणे, हा त्यांचा स्वभावच आहे. त्यांनी अनेकदा स्वतःच्या खिशातून पैसे काढून गरिबांना मदत केली. डॉ. बाबासाहेब आंबेडकर यांचे वचन, “माणूस हा माणसाला माणूस म्हणूनच पाहील,” सुतार यांच्या कृतीतून प्रत्यक्षात उतरले आहे. निसर्गप्रेमी, पर्यावरणप्रेमी आणि सोशल वर्कर म्हणूनही त्यांची ओळख आहे. तंत्रज्ञानात आलेल्या नवीन गोष्टी शिकण्याकडे त्यांचा विशेष कल आहे. प्रशासन, शिक्षण, आरोग्य आणि राजकीय क्षेत्रातील लोकांमध्ये सुतार यांचा मोठा प्रभाव आहे. नेहमी स्मितहास्य ठेवून लोकांशी मैत्रीपूर्ण संबंध ठेवणारा हा अवलिया आहे.

सुतार यांच्यावर कुलगुरु शिवाजीराव भोसले, बहिणाबाई चौधरी, संत तुकाराम महाराज आणि डॉ. बाबासाहेब आंबेडकर यांचा मोठा प्रभाव आहे. अलीकडेच त्यांना हृदयविकाराचा झटका आला, शरीर कमकुवत झाले, पण त्यांच्या मनातील लढवय्या वृत्ती कधीच डगमगली नाही. त्यांनी आजाराला न जुमानता पुन्हा त्या जोमाने कामाला सुरुवात केली. हीच त्यांची खरी ताकद आहे. संत तुकाराम महाराजांचे वचन, “जिथे जिथे पाय ठेवावे, तिथे तिथे यश मिळावे,” सुतार यांच्या जीवनाला साजेसे आहे. त्यांनी प्रत्येक अडचणीतून यश मिळवले आणि समाजाला दाखवून दिले की खरे यश मेहनतीने आणि प्रामाणिकपणे मिळते.
गेवराईत सुतार यांचे नाव पत्रकारितेच्या क्षेत्रात एका दिग्गज व्यक्तिमत्त्वासारखे आहे. संतोष भोसले, काजी अमान आणि सुभाष सुतार ही त्रिकुटी एकेकाळी गेवराईत गाजली. नंतर अय्युब बागवान, मधुकर तौर, जुनेद बागवान, भागवत जाधव यांच्यासोबतही त्यांनी आपली ओळख निर्माण केली. माजी आमदार लक्ष्मण पवार यांच्या दहा वर्षांच्या कार्यकाळात सुतार यांनी तालुक्याच्या विकासात्मक मुद्द्यांवर लेखणीने आणि विचारांनी क्रांती घडवली. त्यांनी नवतरुण पत्रकारांना मार्गदर्शन करत पत्रकारितेची नवी पिढी घडवली. कुलगुरु शिवाजीराव भोसले यांचे विचार, “शिक्षण आणि समाजसेवा हेच खरे राष्ट्रनिर्माण,” सुतार यांनी आपल्या लेखनात आणि कृतीतून अनेकदा मांडले.

सुतार यांचे स्वप्न आहे की, साहित्यरत्न अण्णाभाऊ साठे यांच्या जयंतीनिमित्त हेलिकॉप्टरमधून पुष्पवृष्टी करावी. ही त्यांची दूरदृष्टी आणि समाजाप्रती असलेली निष्ठा दाखवते. गेवराईतील शेतकरी, प्रगतशील शेतकरी आणि शिक्षण क्षेत्रातील तरुणांना बळ देण्याचे काम त्यांनी केले. त्यांचा रोखठोक स्वभाव आणि संकुचितपणा टाळून सत्य मांडण्याची हिम्मत त्यांना खास बनवते. जे चुकेल, त्याला टप्प्यात आणण्याची त्यांची शैली मी स्वतः अनुभवली आहे. बहिणाबाई चौधरी यांचे वचन, “मनातलं सांगावं, पण रागातलं नको,” सुतार यांच्या लेखनात आणि वक्तव्यातून डोकावते.
सुतार यांचा परिवार हा त्यांचा आधार आहे. पत्नी मंगलताई आणि मुलांवर ते जीवापाड प्रेम करतात. त्यांना समाज आणि परिवाराचे महत्त्व शिकवताना ते नेहमीच पाहायला मिळतात. त्यांचा हसतमुख स्वभाव आणि मस्करीमुळे पत्रकार बांधवांच्या बैठकीत आनंदाचे वातावरण निर्माण होते. जर सुतार मुंबई-पुण्यासारख्या मोठ्या शहरात जन्मले असते, तर त्यांचे नाव राज्यभर गाजले असते. पण अल्लाहने त्यांना गेवराईच्या मातीत पत्रकारितेला नवे रूप देण्यासाठी पाठवले. त्यांनी गेवराईच्या मातीतच पत्रकारितेचा एक नवा इतिहास रचला आणि समाजसेवेचा आदर्श निर्माण केला.
सुभाष सुतार हे पत्रकारितेचे बादशहा आहेत, ज्यांनी आपल्या लेखणीने आणि कृतीने गेवराईला नवी ओळख दिली. त्यांचा जीवनप्रवास म्हणजे एक प्रेरणादायी गाथा आहे, जी प्रत्येक नवोदित पत्रकाराने वाचावी आणि आत्मसात करावी. “सत्य आणि प्रामाणिकपणा हेच पत्रकारितेचे खरे भूषण,” हे सुतार यांनी आपल्या कृतीतून सिद्ध केले आहे. गेवराईचा हा लढवय्या पत्रकार पुढेही असाच समाजाला दिशा देत राहील, यात शंका नाही. आज त्यांचा हा वाढदिवस म्हणजे केवळ एका व्यक्तीचा उत्सव नाही, तर गेवराईच्या पत्रकारितेचा आणि समाजसेवेचा उत्सव आहे. सुभाष सुतार सर , तुमच्या या वाढदिवसानिमित्त संपूर्ण गेवराई तुम्हाला दीर्घायुष्य, सुख, समृद्धी आणि उत्तम आरोग्याच्या शुभेच्छा देत आहे. तुमचा हा अवलिया प्रवास असाच बहरत राहो, आणि तुम्ही असेच लोकांच्या हृदयात राहो! पुन्हा एकदा वाढदिवसाच्या खूप खूप शुभेच्छा…

लेखक

जुनेद बागवान गेवराई
मो.९७३००७५३१३

शहरातील हार्डवेअर व्यवसायाचे नाव म्हणजे इंडिया हार्डवेअर, आणि या यशस्वी दालनाचा आधारस्तंभ आहे युवा उद्योजक नबील इर्शाद फारोकी. त्यांच्या वाढदिवसानिमित्त त्यांच्या प्रेरणादायी जिद्द, चिकाटी आणि मेहनतीच्या जोरावर सुरु केलेला प्रवासात नबील यांनी स्वतःला एक यशस्वी उद्योजक म्हणून सिद्ध केलं आहे. त्यांचा हा प्रवास म्हणजे अपयशाला यशात रूपांतरित करण्याची एक खरीखुरी कहाणी आहे.
वडिलांचा वारसा आणि व्यवसायाची सुरुवात आहे.
नबील यांचे वडील, स्व. इर्शाद फारोकी, हे शहरातील एक प्रतिष्ठित व्यावसायिक आणि राजकीय व्यक्तिमत्व होते. त्यांनी आपला सर्वात लहान मुलगा नबील यांना इंडिया हार्डवेअर हे दालन सुरू करून व्यवसायाची जबाबदारी सोपवली. वयाच्या अवघ्या 18व्या वर्षी नबील यांनी वडिलांचा हा विश्वास सार्थ ठरवला. वडिलांच्या पावलावर पाऊल ठेवत त्यांनी व्यवसायात प्रचंड मेहनत घेतली आणि लवकरच इंडिया हार्डवेअर शहरातील हार्डवेअरच्या गरजांसाठी एक विश्वासार्ह नाव बनलं. नबील यांचा मवाळ स्वभाव, ग्राहकांशी मैत्रीपूर्ण संबंध आणि व्यवसायातील पारदर्शकता यामुळे त्यांनी ग्राहकांचा विश्वास संपादन केला.

सर्व काही सुरळीत चाललं असताना 2 जानेवारी 2020 रोजी एका अनपेक्षित संकटाने नबील फारोकी यांच्या आयुष्याला हादरा दिला. इंडिया हार्डवेअर दुकानात शॉर्ट सर्किटमुळे भीषण आग लागली आणि अवघ्या काही क्षणांत त्यांचं सगळं काही खाक झालं. मोठ्या प्रमाणात आर्थिक नुकसान झालं, हातात काहीच उरलं नाही. संपूर्ण संसार उघड्यावर आला. पण नबील यांनी हार मानली नाही. त्यांच्या मनातील जिद्द आणि चिकाटीने त्यांना पुढे जाण्याची प्रेरणा दिली.आगीच्या ज्वाळांनी आव्हान दिलं, पण नबील यांनी जिद्द कायम ठेवली आणि सर्व काही सुरळीत झाल.आपल्या मोठ्या भावंडांचे – नुमान, नवीद आणि गुफरान इनामदार – आणि मित्रांचे पाठबळ घेत नबील यांनी पुन्हा नव्याने सुरुवात केली. छोट्या स्वरूपात का होईना, इंडिया हार्डवेअर पुन्हा उभं राहिलं. नबील यांनी आपल्या मेहनतीने आणि ग्राहकांवरील विश्वासाने दुकानाला पुन्हा गतवैभव प्राप्त करून दिलं. आज इंडिया हार्डवेअर हे शहरातील हार्डवेअरच्या गरजांसाठी एक मोठं दालन आहे. नबील यांनी सिद्ध केलं की, जर विश्वास आणि मेहनत असेल, तर लोक आपोआप तुमच्याकडे येतात.

नबील यांचा स्वभाव हा त्यांच्या यशाचा एक मोठा आधार आहे. त्यांचा मवाळ आणि मैत्रीपूर्ण स्वभाव त्यांना इतरांपासून वेगळं ठरवतो. ते प्रत्येकाशी आपुलकीने वागतात आणि ग्राहकांशी नातं जोडण्याची कला त्यांना अवगत आहे. मित्रांच्या आणि नातेवाइकांच्या सुख-दु:खात नेहमी सहभागी होणारे नबील यांना त्याच पाठबळाचा मोठा फायदा झाला. मित्रांसाठी कधीही, कुठेही हजर राहणं हा त्यांचा खास गुण आहे. यामुळेच त्यांना सर्व स्तरांतून प्रेम आणि आदर मिळतो.
नबील यांचे वडील स्व; इर्शाद फारोकी यांनी आपली संपूर्ण हयात राजकारणात एकनिष्ठ राहून व्यतीत केली, पण त्यांना त्या पक्षात अपेक्षित यश मिळालं नाही. हा धडा घेऊन नबील यांनी राजकारणाला मर्यादित स्थान देत व्यवसायाला प्राधान्य दिलं. आणि नव्याने दुसरा पक्ष असलेले माजी आमदार लक्ष्मण पवार आणि बाळराजे पवार यांच्यासोबत काम करत त्यांनी आपली एकनिष्ठता दाखवून दिली. मागील निवडणुकीत त्यांनी आपल्या राजकीय सहभागाने सर्वांचं लक्ष वेधलं, पण त्यांचं खरं लक्ष व्यवसायावरच राहिलं.

नबील यांच्या यशाचं रहस्य आहे त्यांची जिद्द, मेहनत आणि चिकाटी. वयाच्या 26व्या वर्षी दुकान जळाल्याने आलेलं संकट त्यांनी संधीत बदललं. आज ते शहरातील एक यशस्वी उद्योजक म्हणून ओळखले जातात. त्यांनी दाखवून दिलं की, अपयश ही यशाची पहिली पायरी असते, जर तुमच्याकडे मेहनत आणि विश्वास असेल. त्यांचा हा प्रवास प्रत्येक तरुणासाठी प्रेरणादायी आहे.
नबील इर्शाद फारोकी यांना त्यांच्या वाढदिवसानिमित्त मन:पूर्वक शुभेच्छा! त्यांचा हा प्रेरणादायी प्रवास असाच यशस्वी राहो आणि इंडिया हार्डवेअर नव्या उंचीवर पोहोचो, हीच सदिच्छा! नबील यांच्यासारखे जिद्दी आणि मेहनती उद्योजक शहराचं नाव उज्ज्वल करत राहतील, यात शंका नाही.

लेखक
जुनेद बागवान गेवराई
मो.9730075313

आज, गेवराईसारख्या छोट्या शहरातून उदयास आलेल्या एका असामान्य व्यक्तिमत्त्वाचा वाढदिवस साजरा होत आहे. विलास (अंकल) सुतार, एक नाव जे केवळ व्यक्तीच नव्हे, तर एक भावना आहे, एक प्रेरणा आहे, आणि समाजसेवेचा अखंड ध्यास आहे. समाजातील दुबळ्या, दिनदलितांच्या हृदयात आपलं स्थान निर्माण करणारा हा माणूस, आपल्या हटके लूक, मितभाषी स्वभाव आणि हसतमुख व्यक्तिमत्त्वाने सर्वांचा लाडका आहे. विलास सुतार यांचं राजकारणातील प्रवेशदेखील त्यांच्या समाजसेवेच्या ध्येयाशी निगडित आहे. पहिल्याच निवडणुकीत त्यांनी लोकांची मने जिंकत आपल्या आईला नगरसेवकपद मिळवून दिलं. ही केवळ निवडणूक जिंकण्याची गोष्ट नव्हती, तर लोकांच्या विश्वासाला सन्मान देण्याची आणि त्यांच्या प्रेमाला प्रतिसाद देण्याची कहाणी होती. विलास अंकल यांनी आपल्या बोलण्यातून, कृतीतून आणि प्रामाणिकपणातून लोकांना आपलंसं केलं. त्यांचा हा विजय केवळ राजकीय नव्हता, तर सामाजिक विश्वासाचा विजय होता, जो त्यांच्या कर्तृत्वाचा द्योतक आहे.

विलास सुतार यांचं नाव घेतलं की, सर्वप्रथम डोळ्यासमोर येतं ते त्यांचं दिलखुलास आणि निस्वार्थी समाजसेवेचं व्रत. समाजातील उपेक्षित, गरजू आणि दुबळ्यांना आधार देणं, त्यांना आपलंसं करणं, आणि त्यांच्या समस्या सोडवण्यासाठी अहोरात्र झटणं, हा त्यांचा स्थायीभाव आहे. कोणताही कामाचा आकार असो, “नाही” हा शब्द विलास अंकल यांच्या शब्दकोशात नाही. याच कारणाने त्यांच्याकडे येणारा प्रत्येक व्यक्ती त्यांना आपला हक्काचा मानतो. मग तो सामान्य माणूस असो वा राजकारणातील दिग्गज, विलास अंकल यांचा मोकळा हात आणि प्रेमळ स्वभाव प्रत्येकाला आपलंसं करतो. समाजसेवेच्या क्षेत्रात त्यांनी स्वत:ला एक अजोड योद्धा म्हणून सिद्ध केलं आहे, ज्यांच्यासाठी समाजहित हेच सर्वोच्च ध्येय आहे.

विलास सुतार यांचं व्यक्तिमत्त्व फक्त समाजसेवेपुरतं मर्यादित नाही, तर ते मैत्रीच्या बाबतीतही एक आदर्श आहेत. माजी नगराध्यक्ष महेश दाभाडे यांच्यासारख्या जिवलग मित्रासोबत त्यांनी राजकारणात आणि सामाजिक कार्यात खांद्याला खांदा लावून काम केलं. महेश दाभाडे यांच्या पाठीमागे सावलीसारखा उभा राहणारा हा मित्र, मैत्रीला सर्वोच्च स्थान देतो. राजकारणाच्या धकाधकीतही त्यांनी मैत्रीचं मोल कधी कमी होऊ दिलं नाही. त्यांचा हा गुण त्यांना सर्वच पक्षातील लोकांचा सख्खा मित्र बनवतो. औरंगाबाद येथील समाजसेवक खादू भाई चाऊस यांचेही ते विश्वासू सहकारी आहेत, जे त्यांच्या दोस्तीच्या दुनियेत राजा म्हणून ओळखले जातात.

मराठा आरक्षणाच्या लढ्यात विलास सुतार यांनी एकजुटीचा अनोखा आदर्श घालून दिला. मराठा बांधवांसोबत खांद्याला खांदा लावून, मातंग समाजाला मराठा संघर्ष योद्धा मनोज जरांगे पाटील यांच्या पाठीशी उभं करण्यात त्यांनी मोलाची भूमिका बजावली. आरक्षण आंदोलनासाठी त्यांनी तन-मन-धनाने स्वत:ला झोकून दिलं. त्यांचा हा लढा केवळ आरक्षणापुरता मर्यादित नव्हता, तर सामाजिक समरसतेचा आणि बंधुभावाचा संदेश देणारा होता. मराठा आणि मातंग समाजाला एका व्यासपीठावर आणून त्यांनी सामाजिक एकतेचा नवा पायंडा पाडला.विलास अंकल यांचं हटके लूक आणि बोली भाषा ही त्यांची ओळख आहे. गेवराईसारख्या छोट्या शहरातून येऊनही त्यांनी आपल्या व्यक्तिमत्त्वाने मोठमोठ्या नेत्यांना आपलंसं केलं. उत्तराखंडचे माजी मुख्यमंत्री तिरतसिंह रावत आणि चंद्रपूरचे आमदार किशोर जोरगेवार यांच्यासारख्या दिग्गजांशी त्यांनी मैत्रीचं नातं जोडलं, पण कधीही मोठेपणाचा आव आणला नाही. त्यांच्या साध्या, प्रामाणिक आणि हसतमुख स्वभावाने ते प्रत्येकाच्या मनात घर करतात. लहान-मोठ्यांचा आदर करणं, त्यांच्याशी सन्मानाने बोलणं, आणि प्रत्येकाला आपलंसं करणं, हा त्यांचा खास गुण आहे.

विलास सुतार यांचा प्रमाणिक स्वभाव आणि खणखणीत बाणा यामुळे ते नेहमीच लोकांमध्ये वेगळे ठरतात. त्यांचं व्यक्तिमत्त्व इतकं प्रभावी आहे की, ते जिथे जातात तिथे आपली छाप सोडतात. मितभाषी असूनही त्यांचे शब्द लोकांच्या हृदयाला भिडतात. राजकारणापेक्षा मैत्रीला आणि समाजसेवेला प्राधान्य देणारा हा माणूस, खऱ्या अर्थाने लोकांचा हक्काचा विलास अंकल आहे.
विलास सुतार यांचा वाढदिवस हा केवळ एका व्यक्तीचा उत्सव नसून, समाजसेवा, मैत्री आणि एकजुटीच्या मूल्यांचा उत्सव आहे. त्यांच्या या खास दिवशी, त्यांच्या कार्याला सलाम करत, आम्ही त्यांना दीर्घायुष्य आणि उत्तम आरोग्याच्या शुभेच्छा देतो. विलास अंकल, तुम्ही असेच हसतमुख, मितभाषी आणि समाजसेवेचा ध्यास घेऊन सर्वांचा आधार राहा. वाढदिवसाच्या हार्दिक शुभेच्छा!

लेखक जुनेद बागवान गेवराई
मो.९७३००७५३१३