ទោះបីជាអ្វី ៗកន្លងហួសអស់រយៈពេលយូរក៏ដោយ អតីតដែលដក់ជាប់កប់ជ្រៅក្នុងក្រអៅ ដើមទ្រូង វាតែងតែលេចឡើងឲ្យខ្ញុំនឹកឃើញពី វាមួយរំពេចភ្លាម…
ខ្ញុំដងថាខ្ញុំជាមនុស្សម្នាក់ដែល តែងតែនឹកគិតថាខ្លួនឯងមិនល្អ ជាកូនដែលកើតមកក្នុងវង្សត្រកូលអ្នកក្រ ឪពុកជាកម្មករសំណង់ ឯម្តាយឃ្លាតចាកលោកតាំងពីខ្ញុះមានជីវិតនៅ លើផែនដីនេះ។ ស្ថានភាពបែបនេះ តើហេតុអ្វី បានជាត្រូវធ្លាក់មកលើរូបខ្ញុះទៅវិញ តើភាពកក់ក្តៅ នៅ ឯណា? តើសេចក្តី សុខសាន្តនៅ ឯណា? ពីមួយថ្ងៃទៅ មួយថ្ងៃ លោកឪពុកត្រូវសំរក់ញើសជោគថ្ងាស ជារៀងរាល់ថ្ងៃ តាំងពីព្រលឹមរហូតដល់ថ្ងៃអស្តង្គត ទោះបីក្តៅ ទោះបី ឈឺចាប់ អស់កំលាំង លោកនៅ តែប្រឹងព្យាយាមរកប្រាក់ចិញ្ចឹមជីវិតគ្រួសារ ដែលមានតែឪពុក និងកូនប្រុស…
ខ្ញុំសែនឈឺចាប់រកអ្វី ប្រៀបស្មើនឹងការឈឺចាប់ដែលមាននៅ ក្នុងចិត្តតាំងពីតូចមក។ ខ្ញុំធ្លាប់សួរខ្លួនឯងដែរថា “តើហេតុអ្វីក៏ទេវតា បង្កើតខ្ញុំឲ្យមានជីវិតលើលោកនេះហើយ ម្តេចក៏មិនផ្តល់លក្ខណៈ គ្រប់គ្រាន់ដល់ខ្ញុំផង? ទោះបី ជាខ្ញុំត្រូវស្រែកយំខ្សឹកខ្សួល អួលដើមកសួរទៅ ទេវតា តែម្នាក់ក៏គ្មានការអស្ចារ្យអ្វី ដែលអាចបំពេញលក្ខណៈសារពាង្គកាយរបស់ខ្ញុំបានឡើយ…
ថ្ងៃមួយគោលគំិតមួយបានស្តែងចេញតាមរយៈ ការគិតពិចារណារបស់ខ្ញុំថា “ហេតុអ្វី បានជាអញនៅ តែតូចចិត្តនឹងអ្វី ដែលនៅតែចូលចិត្តជេរប្រទេចផ្តាសា ពីអតីតកាលបែបនេះទៅវិញ អញគួរតែរៀនអើតក្បាលឲ្យវែង ពិនិត្រមើលជុំវិញខ្លួនរបស់អញ ថ្វីត្បិតតែអញអត់មានលក្ខណៈគ្រប់គ្រាន់ដូចគេក៏ដោយ អញគួរតែរើសយកអ្វី ដែលស្ថិតនៅជុំវិញខ្លួនអញ មកប្រើច្នៃវាទោះបីជាមនុស្សដទៃគិតថាវាជាគំនិតរបស់គ្នាតំលៃក៏ដោយ អញគួរតែសាកល្បងធ្វើវា…”។
ព្រឹកបន្ទាប់ខ្ញុំ និង ឪពុកខ្ញុំក៏រៀបចំកន្លែងនិង ឧបករណ៍ដើម្បីធ្វើវា មនុស្សជាច្រើនគិតថាវាពិតជាគ្មានតម្លៃទេនោះ វាត្រូវគេជាន់ ត្រូវគេចាក់សំរាមពីលើ សំរាប់ខ្ញុំវានៅ តែមានតម្លៃ ទាំងនេះសុទ្ធតែជាអ្វី ដែលកសាងចេញពីគំនិតកូនប្រុសត្រកូលអ្នកក្រ ពួតផ្សំនឹងញើសឈាមឪពុកបានបង្កើតជារបស់មានតម្លៃដែលធ្វើឲ្យ មនុស្សចាប់អារម្មណ៍មកលើអ្វី ដែលខ្ញុំច្នៃវា។ មិនយូរឡើយខ្ញុំក៏ក្លាយជាម្ខាស់ហាងមួយដ៏ធំនៅ កណ្តាលទីក្រុង។ កេរ្តិ៍ឈ្មោះរបស់ខ្ញុំ និងឪពុកខ្ញុំ ត្រូវបានមនុស្សជាច្រើនបានស្គាល់។ ហើយនេះជាអ្វី ដែលបានកើតឡើង យ៉ាងអស្ចារ្យ ដែលខ្ញុំមិនធ្លាប់គិតដល់…ដោយសារតែអតីតកាលរុញច្រានខ្ញុំ ឲ្យចេះកែច្នៃខ្លួនឯងរហូតដល់ថ្ងៃនេះ…
អ្នកគួរចងចាំថា អ្វីដែលគ្មានឲ្យវាគ្មានទៅចុះ តែត្រូវពិនិត្រមើលខ្លួនឯង ថាតើខ្លួនឯងមានអ្វី ខ្លះ នៅ ក្បែរខ្លួននៅ ថ្ងៃនេះ? ពេលណាមួយអ្នកនឹងយកអ្វី ដែលមនុស្សគិតថាគ្មានតម្លៃ នឹងកែប្រែមុខមាត់ រូបរាងវាឲ្យក្លាយជារបស់ដែលមនុស្សឲ្យតម្លៃខ្ពស់ទៅវិញ។ ចូរព្យាយាមអភិវឌ្ឍកែច្នៃ អ្វីដែលអ្នកមាន…! និងធ្វើវាដោយពេញចិត្ត…!
កុំចង់បានអ្វី ដែលអ្នកមិនអាចមាន
តែត្រូវពេញចិត្តនូវអ្វី ដែលអ្នកមាននៅថ្ងៃនេះ ហើយប្រើវាតាមចំណង់ល្អ….!
យើងមិនអាចកែប្រែអតីតកាលទេ តែយើងអាចកែប្រែអនាគតបាន!
សុខមាស
ភ្នំពេញ ១៥ ឧសភា ២០១០
11.550000
104.916667
ពណ៌មាស 
