Sopheak SREY

គោរមងារ «សម្តេច» នៅកម្ពុជា

3 ខែមីនា 2026

នៅថ្ងៃទី០៣ ខែមីនា ឆ្នាំ២០២៦ ព្រះករុណា ព្រះបាទសម្ដេចព្រះបរមនាថ នរោត្តម សីហមុនី បានសព្វព្រះរាជហឫទ័យប្រោសព្រះរាជទានគោរមងារជូន ឯកឧត្ដមកិត្តិបរិរក្សបណ្ឌិត គាត ឈន់ ជា «សម្ដេចសេដ្ឋវិទូភក្ដី គាត ឈន់»។

ចំនួនឥស្សរជនដែលទទួលបានគោរមងារជា «សម្តេច» នៅកម្ពុជា ត្រូវបែងចែកជាពីរផ្នែកធំៗគឺ ផ្នែកអាណាចក្រ (ថ្នាក់ដឹកនាំរដ្ឋ) និងផ្នែកពុទ្ធចក្រ (មន្ត្រីសង្ឃ)។

តាមទិន្នន័យចុងក្រោយ គិតត្រឹមដើមខែមីនា ឆ្នាំ២០២៦ ឥស្សរជន និងព្រះសង្ឃដែលកំពុងមានគោរមងារនេះរួមមាន៖

ក. ផ្នែកអាណាចក្រ (មន្ត្រីជាន់ខ្ពស់ និងឥស្សរជន)

យោងតាមច្បាប់ និងព្រះរាជក្រឹត្យកម្ពុជា គោរមងារ «សម្តេច» ត្រូវបានផ្តល់ជូនជា ស្វ័យប្រវត្តិដល់ប្រធានព្រឹទ្ធសភា ប្រធានរដ្ឋសភា និងនាយករដ្ឋមន្ត្រី។ ឥស្សរជនសំខាន់ៗដែលមានគោរមងារនេះរួមមាន៖

១ – សម្តេចតេជោ ហ៊ុន សែន (ប្រធានព្រឹទ្ធសភា)
២ – សម្តេចមហាបវរធិបតី ហ៊ុន ម៉ាណែត (នាយករដ្ឋមន្ត្រី)
៣ – សម្តេចមហារដ្ឋសភាធិការធិបតី ឃួន សុដារី (ប្រធានរដ្ឋសភា)
៤ – សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
៥ – សម្តេចអគ្គមហាពញាចក្រី ហេង សំរិន
៦ – សម្តេចវិបុលសេនាភក្តី សាយ ឈុំ
៧ – សម្តេចក្រឡាហោម ស ខេង
៨ – សម្តេចពិជ័យសេនា ទៀ បាញ់
៩ – សម្តេចកិត្តិសង្គហបណ្ឌិត ម៉ែន សំអន
១០ – សម្តេចសេដ្ឋវិទូភក្តី គាត ឈន់
១១ – សម្តេចមហាមន្ត្រី គុយ សុផល (ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង)

ខ. ផ្នែកពុទ្ធចក្រ (ព្រះសង្ឃ)

១ – សម្តេចព្រះអគ្គមហាសង្ឃរាជាធិបតី ទេព វង្ស ជាសម្តេចព្រះមហាសង្ឃរាជគណៈមហានិកាយនៃព្រះរាជាណាចក្រកម្ពុជា ព្រះអង្គគង់នៅ វត្តឧណ្ណាលោម រាជធានីភ្នំពេញ។ សម្គាល់៖ ព្រះអង្គ បានប្រសូត ថ្ងៃទី១២ ខែមករា ឆ្នាំ១៩៣២ នៅភូមិត្រពាំងឈូក ឃុំជ្រាវ ស្រុកប្រាសាទបាគង ខេត្តសៀមរាប។ព្រះអង្គបានយាងសោយព្រះទិវង្គត នៅថ្ងៃទី២៦ ខែកុម្ភៈ ឆ្នាំ២០២៤ ក្នុងព្រះជន្ម ៩៣ ព្រះវស្សា ដោយព្រះរោគាពាធ នៅវត្តឧណ្ណាលោម ក្នុងរាជធានីភ្នំពេញ។
២ – សម្តេចព្រះអគ្គមហាសង្ឃរាជាធិបតី នន្ទ ង៉ែត (សម្តេចព្រះមហាសង្ឃរាជ នៃព្រះរាជាណាចក្រកម្ពុជា) ជា សម្តេចព្រះសង្ឃនាយកនៃគណៈមហានិកាយ ព្រះអង្គគង់នៅ វត្តបទុវតី រាជធានីភ្នំពេញ។ សម្គាល់៖ អំឡុងខែធ្នូ ឆ្នាំ២០២៤ ព្រះមហាក្សត្របានចេញ ព្រះរាជក្រឹត្យតែងតាំង សម្តេចព្រះមហាសុមេធាធិបតី នន្ទ ង៉ែត សង្ឃនាយក នៃគណៈមហានិកាយ ជា សម្តេចព្រះអគ្គមហាសង្ឃរាជាធិបតី (Great Supreme Patriarch) ដែលជា ឋានៈខ្ពស់បំផុតក្នុងជួរគណៈសង្ឃកម្ពុជា។
៣ – សម្តេចព្រះមហាសុមេធាធិបតី អំ លឹមហេង (សម្តេចព្រះសង្ឃនាយក) ព្រះសង្ឃនាយករងទី១ គង់នៅ វត្តមុនីសុវណ្ណ រាជធានីភ្នំពេញ
៤ – សម្ដេចព្រះវ័នរ័ត ណយ ច្រឹក សម្ដេចព្រះសង្ឃនាយករងទី២ គង់នៅ វត្តច័ន្ទបុរីវង្ស រាជធានីភ្នំពេញ
៥ – សម្ដេចព្រះឧត្តមវង្សា មួង រ៉ា សម្ដេចព្រះសង្ឃនាយករងទី៣ គង់នៅ វត្តមុនីប្រសិទ្ធីវង្ស រាជធានីភ្នំពេញ
៦ – សម្តេចព្រះធម្មលិខិត សៅរ៍ ចន្ទថុល្ល គង់នៅ វត្តលង្កាព្រះកុសមារាម រាជធានីភ្នំពេញ
៧ – សម្តេចព្រះឧត្តមបញ្ញា ដួង ផង់ គង់នៅ វត្តព្រែកប្រាំង ខេត្តកណ្តាល
៨ – សម្តេចព្រះឧត្តមចរិយា ឈឹង ប៊ុនឈា គង់នៅ វត្តវិមាតេជះស្រះចក រាជធានីភ្នំពេញ
៩ – សម្តេចព្រះពុទ្ធជ័យមុនី ឃឹម សន គង់នៅ វត្តបុទមវតី រាជធានីភ្នំពេញ
១០ – សម្តេចព្រះមហាអរីយវង្ស ឃី សុវណ្ណរតនា គង់នៅ វត្តមង្គលវ័ន រាជធានីភ្នំពេញ
១១ – សម្តេចព្រះឧត្តមមុនី ជា សំណាង គង់នៅ វត្តសុវណ្ណវារី ព្រែកតាទែន ខេត្តកណ្តាល
១២ – សម្តេចព្រះសាក្សមុនី រ័ត្ន សារឿន គង់នៅ វត្តសំរោងអណ្តែត រាជធានីភ្នំពេញ

សម្គាល់៖ ចំនួនសរុបនៃគោរមងារ «សម្តេច» អាចប្រែប្រួលទៅតាមការប្រោសព្រះរាជទានថ្មីៗពីព្រះមហាក្សត្រ ឬតាមឋានានុក្រមសង្ឃ។

Through the Lens of Sopheak Srey: Photography as a Means of International Advocacy

6 ខែតុលា 2025

sopheaksrey My Articles on AEA, The Expose បញ្ចេញមតិ

At the heart of documenting the harsh realities along the Cambodia–Thailand border is Sopheak Srey, whose photography does not merely capture moments but conveys the silent weight of childhood interrupted, revealing both the vulnerability and resilience of children.

In this tense and still perilous environment—where the echoes of conflict linger and the ceasefire remain fragile—humanitarian needs are urgent and complex. Action Education / Aide et Action Cambodia has stepped in, actively providing humanitarian aid on the ground.

Sopheak Srey shares a moment with a conflict-displaced child at Action Education’s mobile library in Preah Vihear on 14 August 2025.

Among our colleagues working directly with conflict-affected communities, Communications Officer Sopheak Srey chose to document the human story in its rawest and most resonant form. One of his photographs, in particular, stands out: two Cambodian siblings in a displacement camp.

In this photograph by Sopheak Srey, these children’s faces reflect emotions that no child should ever have to endure.

“Photography is more than documentation—it is a call to action. Through these images, we aim to remind the world that protecting education cannot wait. Every child affected by conflict carries both vulnerability and potential, and it is our responsibility to ensure their right to safety and learning is never forgotten,” said Sopheak Srey.

From Cambodia to the UN: A Photograph That Speaks to the World

The significance of Sopheak’s work reached an international audience when Samphors Vorn, our Country Director in Cambodia, traveled to the United Nations in Geneva to participate in discussions marking the International Day “Protect Education From Attack,” in partnership with Education Above All Foundation’s Educate A Child programme.

Samphors Vorn visited the exhibition featuring Action Education’s photograph from Cambodia.

During a side event, an exhibition highlighting children affected by conflict featured Srey’s photograph, allowing a global audience to witness the realities of Cambodian children—stories often overlooked, yet urgently in need of international attention.

Organised by Education Above All, the exhibition showcased children affected by conflict, emphasising the need for global action to protect education.

“Sopheak’s photography brings the realities of children affected by conflict into sharp focus for the international community. It is a powerful reminder that protecting education is not just a policy goal—it is a moral imperative,” said Samphors Vorn.

Samphors Vorn took part in discussions commemorating the International Day to Protect Education from Attack.

Seeing the Unseen: Capturing Hardship, Inspiring Change

NGO workers’ photography is not just reporting; it is advocacy.

By highlighting the struggles and resilience of children in conflict-affected zones, it gives visibility to those too often unseen, strengthens the call to protect education from attack, and brings international focus to Cambodia’s humanitarian challenges.

In a world where the stories of some regions remain invisible, Sopheak’s lens ensures they are seen, remembered, and acted upon.

Through the thoughtful framing of moments fraught with hardship, our colleague reminds us all: the plea to protect education is inseparable from the plea to protect childhood itself.

United, we urge the international community to protect education from attack in Cambodia and around the world.

Related Media:

Article from Action Education: Through the Lens of Sopheak Srey: Photography as a Means of International Advocacy https://action-education.org/sea/through-the-lens-of-sopheak-srey-photography-as-a-means-of-international-advocacy/

Photo from Education Above All: Reshaping Action and The Right to Learn: A Story of Hope and Resilience https://www.educationaboveall.org/in-focus/reshaping-action-and-right-learn-story-hope-and-resilience

លទ្ធផលប្រឡងបាក់ឌុប២០២៥

19 ខែកញ្ញា 2025

sopheaksrey Bac II, New Data បញ្ចេញមតិ

អំឡុងនៃការប្រឡងបាក់ឌុប ឆ្នាំ២០២៥ (សម័យប្រឡង ២៨-២៩ សីហា ២០២៥) មានផលរំខានមួយចំនួននៅមុន និងក្នុងពេលប្រឡង ដូចជា មានការផ្ទុះអាវុធនៅតាមខេត្តជាប់ព្រំដែនកម្ពុជាជាមួយថៃ (ថ្ងៃទី២៤-២៨ ខែកក្កដា ២០២៥) បណ្តាលឱ្យមានការភៀសសឹកសិស្សានុសិស្សមួយចំនួន និងការផ្សព្វផ្សាយព័ត៌មានតាមបណ្តាញសង្គមថា មានការបែកធ្លាយវិញ្ញាសាគណិតវិទ្យា អំឡុងនៃសម័យប្រលងបាក់ឌុបឆ្នាំ២០២៥។ ក៏ប៉ុន្តែតាមរយៈលទ្ធផលនៃការស៊ើបអង្កេតរបស់អង្គភាពប្រឆាំងអំពើពុករលួយ ACU កាលពីថ្ងៃទី៧ ខែកញ្ញា ឆ្នាំ២០២៥ ប្រកាសថា វិញ្ញាសាគណិតវិទ្យា មិនមែនបែកធ្លាយមុនម៉ោងប្រឡងនោះទេ។ រដ្ឋមន្ត្រីក្រសួងអប់រំ លោក ហង់ជួន ណារ៉ុន បានបញ្ជាក់នៅមុនការប្រលងបាក់ឌុបឆ្នាំ២០២៥ថា ក្រសួងនឹងមានវិធានការពិសេសលើកទឹកចិត្តចំពោះបេក្ខជន ដែលស្ថិតនៅក្នុងខេត្តឧត្តរមានជ័យ និងខេត្តព្រះវិហារជិត ៤ពាន់នាក់។

លទ្ធផលប្រឡងបាក់ឌុប (សម័យប្រឡង៖ ថ្ងៃទី២៨ ខែកញ្ញា ឆ្នាំ២០២៥)

បេក្ខជនជាប់សរុប ១២២ ៤៧៣ នាក់ (៨៤.៥៦%នៃបេក្ខជនមកប្រឡង)
បេក្ខជននិទ្ទេស A មានចំនួន ៣ ០០៣ នាក់
បេក្ខជននិទ្ទេស B ចំនួន ៩ ៩០១ នាក់
បេក្ខជននិទ្ទេស C ចំនួន ២៨ ៨០១ នាក់
បេក្ខជននិទ្ទេស D ចំនួន ៤៥ ៨៥៩ នាក់
បេក្ខជននិទ្ទេស E ចំនួន ៣៤ ៩០៩ នាក់

តួលេខសំខាន់ៗនៃការប្រឡងបាក់ឌុបឆ្នាំ២០២៥ រយៈពេលពីរថ្ងៃ (សម័យប្រឡង ២៨-២៩ សីហា ២០២៥)៖

ប្រឡងបាក់ឌុបឆ្នាំ២០២៥នេះ មានបេក្ខជនចុះឈ្មោះប្រឡងសរុប ១៤៦,៧២០នាក់ ស្រី ៨១,៤៤២នាក់
បេក្ខជនថ្នាក់វិទ្យាសាស្ត្រ ៤០,៦៧៨នាក់ (ស្រី ២៤,៥១៩នាក់)
បេក្ខជនថ្នាក់ វិទ្យាសាស្ត្រសង្គម ១០៦,០៤២នាក់ (ស្រី ៥៦,៩២៣នាក់)
មណ្ឌលប្រឡងសរុប ២៤១មណ្ឌល ត្រូវជា ៥,៩២៤បន្ទប់ ក្នុងនោះថ្នាក់វិទ្យាសាស្ត្រ ៧២មណ្ឌល ត្រូវជា ១,៦៥៥បន្ទប់ និងថ្នាក់វិទ្យាសាស្ត្រសង្គម ១៦៩ មណ្ឌល ត្រូវជា ៤,២៦៩បន្ទប់
គណៈមេប្រយោគទូទាំងប្រទេស និងគណៈកម្មការនានា នៅក្នុងដំណើរ ការសំណេរសរុប ៣១,២០៣នាក់

បញ្ជីបេក្ខជនមានពិន្ទុខ្ពស់ជាងគេថ្នាក់វិទ្យាសាស្ត្រ – ពិន្ទុសរុប នៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ២៨ សីហា ២០២៥

បញ្ជីបេក្ខជនមានពិន្ទុខ្ពស់ជាងគេថ្នាក់វិទ្យាសាស្ត្រសង្គម – ពិន្ទុសរុប នៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ២៨ សីហា ២០២៥

លទ្ធផលប្រឡងបាក់ឌុប២០២៤

30 ខែតុលា 2024

sopheaksrey Bac II, New Data បញ្ចេញមតិ

លទ្ធផលប្រឡងបាក់ឌុប (សម័យប្រឡង៖ ថ្ងៃទី០៨ ខែតុលា ឆ្នាំ២០២៤)

បេក្ខជនជាប់សរុប ១០៦ ៣៥១ នាក់ (៧៩.០០%នៃបេក្ខជនមកប្រឡង)
បេក្ខជននិទ្ទេស A មានចំនួន ២ ២១៦ នាក់ (រាជធានីភ្នំពេញ មានសិស្សជាប់និទ្ទេសA ៦៩០នាក់ ហើយខេត្តសៀមរាប មានសិស្សជាប់និទ្ទេសA ២២១នាក់)
បេក្ខជននិទ្ទេស B ចំនួន ៩ ៧០១ នាក់
បេក្ខជននិទ្ទេស C ចំនួន ២២ ៦៧៥ នាក់
បេក្ខជននិទ្ទេស D ចំនួន ៣៦ ៦៨៣ នាក់
បេក្ខជននិទ្ទេស E ចំនួន ៣៥ ០៧៦ នាក់

តួលេខសំខាន់ៗនៃការប្រឡងបាក់ឌុបឆ្នាំ២០២៤ រយៈពេលពីរថ្ងៃ (សម័យប្រឡង ០៨-០៩ តុលា ២០២៤)៖

បេក្ខជនចុះឈ្មោះប្រឡងសរុប ១៣៧ ០៤០ នាក់ ក្នុងនោះស្រីមាន ៧៤ ៨៨២ នាក់
បេក្ខជនអវត្តមានសរុប ២ ៣៦៤ នាក់ (១.៧៦%នៃចំនួនបេក្ខជនសរុប) ក្នុងនោះមានស្រី ៩០៧ នាក់
មណ្ឌលប្រឡងមានសរុប ២៣០ មណ្ឌល ត្រូវជា ៥ ៥៣៣ បន្ទប់ (មណ្ឌលប្រឡងថ្នាក់វិទ្យាសាស្ត្រចំនួន ៧៣មណ្ឌល និងមណ្ឌលប្រឡងថ្នាក់វិទ្យាសាស្ត្រសង្គមចំនួន ១៥៧មណ្ឌល)
អ្នកសង្កេតការណ៍ចំនួន ២ ៦៣០ នាក់
បេក្ខជនស្វៃរិនមានចំនួន ១៩៩០នាក់ (មិនមែនជាសិស្សទូទៅ តែជាបេក្ខជនដែលធ្លាក់ក្នុងការប្រឡងថ្នាក់ជាតិលើកមុន និងមកប្រឡងសញ្ញាបត្រមធ្យមសិក្សាទុតិយភូមិឡើងវិញ) ក្នុងចំណោមនោះ មានបេក្ខនារីចំនួន ៧៣៨នាក់ ដែលស្មើនឹង ៨២,៧១ភាគរយ
បេក្ខជនស្វៃរិន អវត្តមានចំនួន ១ ៩៥៥នាក់ (ត្រូវធ្លាក់ដោយស្វ័យប្រវត្តិ)
បេក្ខជន ១៣៧នាក់ មានបញ្ហាសុខភាពអំឡុងពេលប្រឡង ដោយក្នុងចំណោមនោះ មានបេក្ខជន ៤នាក់ មានបញ្ហាសុខភាពធ្ងន់ធ្ងរ ហើយមិនអាចចូលរួមប្រឡងបាន។ ចំណែក ១៣៣នាក់ អាចបន្តអង្គុយប្រឡងបាន រួមទាំង ៧នាក់ ត្រូវបានបញ្ជូនទៅប្រឡងក្នុងបន្ទប់ដាច់ដោយឡែក និងរងគ្រោះថ្នាក់ចរាចរណ៍ ៤នាក់។

Book Review៖ អស្តង្គតនៃប្រជាជាតិមួយ ភាគ១

17 ខែមីនា 2024

sopheaksrey My Diary, The Book ជុត ខៃ, អស្តង្គតនៃប្រជាជាតិមួយ បញ្ចេញមតិ

Rate: 9/10

អានចប់ថ្ងៃទី១៦ ខែមីនា ឆ្នាំ២០២៤…

#អស្តង្គតនៃប្រជាជាតិមួយ ភាគ១ (១៦៨ទំព័រ) ពី អ្នកនិពន្ធ #ជុតខែ ជាប្រលោមលោក ចងក្រងរឿងខ្មែរក្រហម ដំបូងបំផុត ដែលធ្វើឱ្យខ្ញុំអានហើយខំទប់សំណើចសឹងមិនបាន ពោលគឺសាច់រឿងកំប្លែងតាំងពីដើមរហូតដល់ចុងបញ្ចប់ បើទោះបីជា មានការបញ្ជាក់ថា «ព្រឹត្តិការណ៍ដ៏អកុសលនេះនៅតាមលងខ្ញុំ[អ្នកនិពន្ធ]ឥតដាច់។

ខុសពីអ្នកនិពន្ធរឿងគុកឥតជញ្ជាំងនៅកម្ពុជាផ្សេងទៀត ដែលរៀបរាប់ពីឈុតឆាកសោកនាដកម្មអំឡុងឆ្នាំ១៩៧៥ ដល់១៩៧៩ ឃើញផ្ទាល់ភ្នែកដោយការផ្គុំតួអក្សរសាមញ្ញ ធ្វើឱ្យអ្នកអានស្ទើរផុតដង្ហើមតាមម្តងៗ ប៉ុន្តែបញ្ញាវ័ន្តខ្មែរចូលនិវត្តន៍ លោក ជុត ខៃ បែរជ្រើសយកតួអង្គប្រកបឆាកមានចរិតកំប្លុកកំប្លែង និងការរៀបរាប់សាច់រឿងដោយប្រើពាក្យពេចន៍ត្រាប់អ្នកស្រុក ដូចជា អាលោក ប៉ៃ អា មី ឪ…ជាដើម ធ្វើឱ្យអ្នកអានផ្ទុះសំណើចទៅវិញ។

សម្រង់ពាក្យពេចន៍៖

[…] អាម្នាក់ គេប្រើអាមួយឱ្យទៅរកទឹកក្នុងផ្ទះ។ អានោះដើរទៅបាត់។ មួយសន្ទុះក៏ចេញមកពីក្នុងផ្ទះវិញនិយាយប្រាប់គ្នីគ្នាវាថា៖ «ខ្ញុំរកមិនឃើញទេមិត្ត ផ្ទះអាចក្រពត្តិឥតមានពាងដាក់ទឹកទេ មិនដឹងជាវាទុកទឹកនៅឯណាទេ»។ ឮដូច្នេះ អាម្នាក់ទៀតគេក៏៏៏ចូលទៅរកទឹកម្តង។ អានោះដើរចុះឡើងក៏ចូលទៅក្នុងបង្គន់។ ស្រាប់តែទៅដល់កន្លែងបត់ជើងធំ អានោះស្រែកយ៉ៃ «ប៉ៃ ! ផ្ទះអាចក្រពត្តិមានអណ្តូងក្នុងផ្ទះ!» រួចហើយស្រាប់តែគេដងទឹកក្នុងប្រឡង់ផឹកក្អឿកៗ។ ផឹកឆ្អែតហើយ គេដងមួយកំប៉ុងទៀតយកទៅឱ្យចិត្តគេឯខាងក្រៅផ្ទះ។ […]

[…] អ្នកភ្នំពេញរាប់រយនាក់អង្គុយចាំស្តាប់ «អង្គការមហាមានគុណ»ព្រុស។ អង្គុយមួយសន្ទុះធំ ទើបឮសូរសំឡេងម៉ូតូមួយសំដៅមករកកន្លែងប្រជុំ។ អាខ្មែរក្រហមពីរនាក់ប្រដាប់ដោយអាវុធ ចុះពីលើម៉ូតូសំដៅទៅដីទួល។ អាម្នាក់បង់កក្រមាសូត្រ ពាក់នាឡិកាដៃ ឡើងព្រុសដូចតទៅ៖ «សូមគោរពអង្គប្រជុំ! សូមគោរពពុកម៉ែ! (ឮពុកម៉ែ ខ្ញុំបះសក់ច្រូង ព្រោះឯងវាមិនដែលបានធ្វើឳម៉ែអាខ្មែរក្រហមសោះ)… អង្គការយើងមហាឆ្លាតវៃណាស់ បន្តិចទៀតយើងយកទឹកមកជំនួសសាំងបានហើយ។… ខ្ញុំហួសចិត្ត ចង់សើចបន្តិច ចង់យំបន្តិច យីអាកូនមីចោរនេះ វាទៅរៀនព្រុសរបៀបហ្នឹងពីសាលាណាមកអ៊ីចេះ។ អានេះវាទុកពួកឯងដូចសត្វស្វា ភ្លើប្រហែលនឹងពួកវាដែរ។ […]

[…] លុះបាយរួមបានប្រហែលមួយខែ ស្រាប់តែបាត់ចានស្លាបព្រាសឹងអស់ពីរាវ។ អាអោ កោះហៅអ្នកថ្មីមកប្រជុំជេរបញ្ចោរពួកយើងអស់ចិត្ត ទើបគេថា ឥឡូវនេះត្រូវដូរកម្មវិធីម្នាក់ៗទទួលខុសត្រូវចានបាយមួយ និងស្លាបព្រាមួយ បើបាត់ត្រូវស៊ីនឹងត្រឡោកដូង។ ក្រោយមក ខ្ញុំបានត្រឡោកដូងធ្វើចាន។ […]

មិនខ្វះទេឈុតកំសត់ ព្រោះតាមរយៈសាច់រឿង អ្នកនិពន្ធ ជារដ្ឋការ ដែលមានវាសនាមិនខុសពីពលរដ្ឋទីក្រុងផ្សេងទៀតដែលត្រូវខ្មែរក្រហមបង្ខំឱ្យចាកចេញពីទីក្រុងភ្នំពេញ (ទាំងគ្រួសារធំ សរុប ២៤នាក់) ចាកចេញពីផ្ទះ ដោយគ្មានគោលដៅ តាមទិសតាខ្មៅ ទៅដល់ព្រែកពោធិ៍។ ថ្ងៃទី១៧ ខែមេសា ឆ្នាំ១៩៧៥ ខ្មែរក្រហម ដេញអ្នកភ្នំពេញឱ្យចេញពីទីក្រុង តែបីទិស គឺផ្លូវទៅតាមតាខ្មៅ ពោធិ៍ចិនតុង និងគីឡូម៉ែត្រលេខ៦។ ពេលរកឃើញគោលដៅ ចង់ទៅរស់នៅស្រុកកំណើតម្តាយក្មេក នាស្រុកកោះសូទិន ខេត្តកំពង់ចាម ដោយថ្មើជើង អ្នកនិពន្ធបាន ពើបប្រទះទេសភាពស្រស់បំព្រងតាមដងផ្លូវ និងព្រឹត្តិការណ៍រន្ធត់ជាច្រើន។ កាលៈទេសៈ ឬជាការរៀបចំរបស់ព្រះ អ្នកនិពន្ធនិងក្រុមគ្រួសារ ប្រពន្ធកូនស្រីទាំងបី ត្រូវជម្លៀសទៅរស់នៅភូមិថ្នល់ ស្រុកដំបែ អស់ជាង ២ឆ្នាំ រហូតដល់មានឱកាសរត់ចេញពីភូមិនោះ ទៅលាក់ខ្លួននៅភូមិចុងសម្រាស ដើម្បីគេចពីការប៉ុនប៉ងសម្លាប់។ ដល់ដើមឆ្នាំ១៩៧៩ លោក ជុត ខៃ សម្រេចចិត្តនាំគ្រួសារចាកចេញពីកម្ពុជាទៅរស់នៅស្រុកបារាំងទល់សព្វថ្ងៃ។

ដ្បិតមេដឹកនាំខ្មែរក្រហម បំផ្លាញសាសនា អំឡុងពេលកាន់អំណាច លោក ជុត ខៃ ប្រដូច មេដឹកនាំខ្មែរក្រហម ទៅនឹង ហ្សុយដាស៍ (Judas) ដែលជា សាវ័កម្នាក់ក្នុងចំណោមសាវ័កទាំង១២របស់ព្រះយេស៊ូ។ ហ្សុយដាស៍៍ ជា សិស្សក្បត់គ្រូ។ លោកប្រដូច ទីក្រុងភ្នំពេញ ឆ្នាំ១៩៧៥ ទៅនឹង ទីក្រុងសូដូម (Sodome) និងហ្គោម័រ (Gomorrhe) ដែលត្រូវ ភ្លើងអាទិទេពកម្ទេចទៅជាផេះ កាលជំនាន់មុនគ្រិស្តសករាជ។ លោក ជុត ខៃ ព្យាយាមប្រាប់អ្នកអានថា ខ្មែរក្រហមមិនអាចបំបែក និងកាន់កាប់ទីក្រុងភ្នំពេញបានទេ បើគ្មានរនុកក្នុង ដ្បិតបរិវារខ្មែរក្រហមល្ងង់ខ្លៅ គ្មានចំណេះដឹង។

ចំណេះដឹងពី #អស្តង្គតនៃប្រជាជាតិមួយ

ទំព័រ ៦៧៖ ទន្លេមេគង្គ មានន័យថា «មេទឹក» ជាសម្បត្តិធម្មជាតិមួយសំខាន់ណាស់នៃស្រុកខ្មែរដ៏អភ័ព្វយើង។ …
ទំព័រ ១១៩៖ … អានេះគេហៅ ជំងឺលាក់មិនហ៊ាននិយាយ (Refoulement) តែលាក់យូរៗទៅ វាទៅជាឈឺ ដូចអាមាត្រស្តេចក្បាលទំពែកនោះឯង។ ជំងឺនេះត្រូវអ្នកប្រាជ្ញជាតិអូទ្រីសឈ្មោះ ស៊ិកម៉ង់ ហ្វ្រឺត (Sigmund Freud) រកឃើញនៅសតវត្សរ៍ទី១៩។

ជាចុងក្រោយ ចង់និយាយថា ខ្ញុំកំពុងរង់ចាំអាន ស្នាដៃ «អស្តង្គតនៃប្រជាជាតិមួយ ភាគ២» ជាបន្តទៀត។

សូមណែនាំ ប្រលោមលោកខ្មែរក្រហម ដែលគួរអាន៖

«កម្ពុជាឆ្នាំសូន្យ» បោះពុម្ពផ្សាយឆ្នាំ១៩៧៧ ជាភាសាបារាំង និងចេញផ្សាយឆ្នាំ២០១០ ជាភាសាខ្មែរ និពន្ធដោយ Francois Ponchaud)
«ឆ្អឹងមាស» ដំណើរដ៏អស្ចារ្យពីឋាននរកនៅកម្ពុជា ឆ្ពោះទៅជីវិតថ្មី នៅសហរដ្ឋអាមេរិក (បោះពុម្ពផ្សាយ ខែមិថុនា ឆ្នាំ២០០៨ និពន្ធដោយ ស៊ីច័ន្ទ ស៊ីវ)
«បុប្ផាណា» (បោះពុម្ពផ្សាយឆ្នាំ២០១០ និពន្ធដោយ Elizabeth Becker)
«ក្តីស្នេហ៍នៅស្រែខ្មោច» (បោះពុម្ពផ្សាយឆ្នាំ២០១៣ ដោយអ្នកនិពន្ធ ទឹង សុខា) [ប្រលោមលោកខ្មែរក្រហម ដែលធ្វើឱ្យខ្ញុំអានហើយស្ទើរគាំងតាមអ្នកនិពន្ធដែរ]
«សុទ្ធិ កុមារភាពដែលត្រូវគេដកហូត» (បោះពុម្ពផ្សាយ ខែកុម្ភៈ ឆ្នាំ២០១៧ និពន្ធដោយ លោក ហុក សុទ្ធិ)

ជុត ខៃ៖ អស្តង្គតនៃប្រជាជាតិមួយ (ភាគ១)

6 ខែមីនា 2024

sopheaksrey The Book ជុត ខៃ, អស្តង្គតនៃប្រជាជាតិមួយ បញ្ចេញមតិ

លោក ជុត ខៃ៖ «ខ្ញុំបានសរសេរបញ្ចប់សំណៅទីមួយនៅខែមករា ឆ្នាំ១៩៨២។ […] #អស្តង្គតនៃប្រជាជាតិមួយ ដេកនៅក្នុងបណ្ណាល័យខ្ញុំអស់រយៈពេលសែសិបពីរឆ្នាំ។ វាដេកលក់ស្រួលណាស់ ក្រោយពីព្រះអាទិត្យអស្តង្គត។»

#អស្តង្គតនៃប្រជាជាតិមួយ ភាគ១ អត្ថបទ ជុត ខៃ បោះពុម្ពផ្សាយក្នុងខែមីនា ឆ្នាំ២០២៤ ជាសក្ខីភាពបែបប្រវត្តិសាស្រ្ត ដែលបង្ហាញពីដំណើរផ្សងព្រេង របស់គ្រួសារលោក ជុត ខៃ និងគ្រួសារខ្មែររាប់ម៉ឺននាក់ផ្សេងទៀត ដែលចាកចេញពីទីក្រុងភ្នំពេញ នៅខែមេសា ឆ្នាំ១៩៧៥ ទៅកាន់ដែនដីថ្មីមួយពេញដោយគ្រោះកាច…។

#អវតារ #AVATAR

លោក #ជុតខៃ កើតក្នុងឆ្នាំ១៩៤០ នៅខេត្តកំពង់ចាម។ លោក ជា គ្រូបង្រៀនភាសាបារាំងនិងច្បាប់ ជាអ្នកសរសេរព័ត៌មាន អ្នកនិពន្ធបកប្រែ និងជា នាយកស្តីទីនៅ មហាវិទ្យាល័យច្បាប់។ លោកបានចាកចេញពីស្រុកខ្មែរទៅរស់នៅប្រទេសបារាំងក្នុងឆ្នាំ១៩៨០។ សព្វថ្ងៃលោក ជា បញ្ញាវ័ន្តខ្មែរចូលនិវត្តន៍ម្នាក់ ដែលកំពុងរស់នៅទីក្រុងប៉ារីស ប្រទេសបារាំង ជាមួយក្រុមគ្រួសារ។ ក្នុងវ័យ ៨៤ឆ្នាំ លោកកំពុងចងក្រង សៀវភៅថ្មីៗ ជាបន្តបន្ទាប់។

«១លានហេតុផលដែលត្រូវតែរៀន» របស់ខ្ញុំ

19 ខែកុម្ភៈ 2024

sopheaksrey My Diary បញ្ចេញមតិ

«រៀនច្រើន ដឹងច្រើន។ រៀនតិច ដឹងតិច។ អត់រៀនសោះ មិនសូវដឹង។»
លោក ស្រី សុភ័ក្រ្ត
អ្នកគ្រប់គ្រងផ្នែកទំនាក់ទំនង និងភាពជាដៃគូ
អង្គការ អេដ អេ អាកស្យុង

“To gain more knowledge, study more. To acquire less knowledge, study less. Without any study, knowledge remains scarce”
Mr. Srey Sopheak, Communication and Partnership Manager at
Aide et Action / Action Education

#ត្រូវតែរៀន #ទាំងអស់គ្នាត្រូវតែរៀន #អ្វីៗទាំងអស់ផ្តើមចេញពីការអប់រំ
#១លានហេតុផលដែលត្រូវតែរៀន
#OneMillionReasonstoLearn

«ពាក្យថាស្រឡាញ់» ពី អ្នកនិពន្ធ គង់ ច័ន្ទវ៉ាន់ណេង

17 ខែកុម្ភៈ 2024

sopheaksrey My Diary, The Book 2 មតិ

Rate: 8/10

អានចប់ថ្ងៃទី១៧ ខែកុម្ភៈ ឆ្នាំ២០២៤… ប្រលោមលោកបែបចាស់ទុំ #ពាក្យថាស្រឡាញ់ ពី អ្នកនិពន្ធ គង់ ច័ន្ទវ៉ាន់ណេង នាមប៉ាកកា សេន គឹម ណេង

[…]

ម៉េងលី៖ «អឺ! និយាយអ៉ីចឹង សុក្រឹត បានសរសេរសៀវភៅមួយក្បាល ប៉ុន្តែដូចជាជ្រៅជ្រះណាស់ សរសរជាភាសាអង់គ្លេសទៀត! ដល់អ៉ីចឹងមិនដឹងថាគួរទិញឬអត់!»
វ៉ាន់ឌី៖ «ទិញមក!»
ម៉េងលី៖ «ឯងមានពេលអានដែរ?»
វ៉ាន់ឌី៖ «ទិញទុកថ្ងៃក្រោយ! ពេលមានកូន! ពេលកូនធំ! គ្នានឹងទុកឱ្យកូនអាន!»
ម៉េងលី៖ «មិនទាន់ការផង វាគិតដល់កូនបាត់! ហើយឯងនឹងប្រាប់កូនឯងថា សៀវភៅនេះ គឺសង្សារចាស់របស់ម៉ាក់វាជាអ្នកសរសេរ?»
វ៉ាន់ឌី៖ «ប្រាកដណាស់! ព្រោះគេជាមនុស្សល្អ… ហើយគ្នាមិនដែលខ្មាស់នឹងប្រាប់អ្នកដទៃថា គេជាសង្សារចាស់របស់គ្នាទេ! មានសង្សារចាស់ពូកែអ៊ីចឹង អ្នកណាមិនមានមោទកភាពនោះ?»

[…]

វ៉ាន់ឌី៖ ទេវតា… ក្នុងចំណោមផ្កាយរាប់ម៉ឺនដួងនោះ តើមានមួយដួងផ្តាច់មុខសម្រាប់តែខ្ញុំដែរទេ? ទេវតាក៏ដឹងថាខ្ញុំមិនចូលចិត្តដណ្តើម! អ្វីដែលមានគេស្រឡាញ់ហើយ ទោះខ្ញុំស្រឡាញ់ដែរ ក៏ខ្ញុំស៊ូហាមចិត្តស្រឡាញ់ខ្លួនឯងដែរ។ តែចំពោះបុរសម្នាក់ឈ្មោះ អ៉ឹង យូផេង នេះ… #ទេវតាជួយសម្រួលឱ្យខ្ញុំមួយបានទេ? ខ្ញុំចង់បានគាត់ផ្តាច់មុខ ក្នុងពេលវេលាដ៏សក្តិសមបំផុតមួយ!

[…]

គ្រាន់តែ អានឃ្លាប៉ុណ្ណឹង ក៏អាចដឹងទៅហើយថា វ៉ាន់ឌី ស្រឡាញ់ សុក្រឹត ឬក៏ស្រឡាញ់ យូផេង ?

ចំណាប់អារម្មណ៍ដំបូងរបស់ខ្ញុំចំពោះរឿងនេះគឺ សរសើរអ្នកនិពន្ធនៅរក្សាទឹកដៃកំប្លុកកំប្លែក និងរក្សាសុទិដ្ឋិនិយមនៃជីវិតបាន ហើយរំលេចតាមរយៈពាក្យសន្ទនារបស់តួអង្គ។ បើនិយាយពី ស្នេហាផ្អែមល្ហែម និងកំសត់ ម៉ាកំប្លេរ អត់ខ្វះទេ ត្បិតអ្នកនិពន្ធជំនាញខាងអក្សរសាស្រ្តស្រាប់។ អ្វីដែលពិសេសរបស់អ្នកនិពន្ធគឺ មានការពន្យល់ពាក្យគន្លឹះបន្ថែមដើម្បីឱ្យអ្នកអានបានយល់ និងតាមទាន់និន្នាការ (On Trend) នៃការប្រើពាក្យពេចន៍ក្នុងការសន្ទនាគ្នារបស់យុវវ័យ។ អ្នកនិពន្ធក៏មានការសិក្សាស្រាវជ្រាវបន្ថែមភាពលម្អិតនៃសេណារីយូរបស់សាច់រឿង មិនមែនចងមុងសរសេរទេ។

សម្រង់អត្ថបទ៖ «ពេលត្រូវឆ្កែខាំ អ្វីដែលគួរធ្វើមុនគេគឺលាងសម្អាតកន្លែងមានរបួសនោះឱ្យស្អាត ដើម្បីជម្រះមេរោគដែលនៅជាប់របួស ហើយកុំរុំមុខរបួសឱ្យសោះ! រួចហើយចាំទៅពេទ្យឱ្យលាងរបួសឱ្យម្តងទៀត និងចាក់វ៉ាក់សាំង!»

មិនភ្លេចទេ ឧត្តមគតិនៃសាច់រឿង ដែលបង្កប់តាមរយៈពាក្យ #ធនធានសំខាន់របស់ជាតិ និងការផ្សព្វផ្សាយពីការសន្សំលុយដាក់កូនជ្រូកដីដើម្បីរៀបការ ព្រមទាំងណែនាំគន្លឹះលាក់ចិញ្ចៀនសុំរៀបការក្នុងកូនជ្រូកដី ផងដែរ។

លើសពីប្រលោមលោកបែបមនោសញ្ចេតនា ពាក្យថាស្រឡាញ់ នឹងដាក់វិញ្ញាសារជូនអ្នកអ្នកអានដើម្បីស្វែងរក អត្ថន័យនៃពាក្យថា ស្រឡាញ់ សម្រាប់ជីវិតផ្ទាល់ខ្លួន។

តាមការសង្កេតរបស់ខ្ញុំ សៀវភៅប្រលោមលោកមួយនេះ មិនសូវមានលក់ទូលំទូលាយនៅតាមបណ្ណាល័យ តូប ឬហាងលក់សៀវភៅ ទេ ទាល់តែតាមដានផេករបស់អ្នកនិពន្ធ (https://www.facebook.com/kimneng.sen) ទើបអាចរកបាន។

RFI៖ កាសែតគាំទ្ររដ្ឋាភិបាល៣០ឆ្នាំ «រស្មីកម្ពុជា» បានប្រកាសបិទនៅថ្ងៃទី១ ធ្នូ ២០២៣

4 ខែធ្នូ 2023

sopheaksrey New Release, The Scandal បញ្ចេញមតិ

កាសែតរស្មីកម្ពុជា គឺជាប្រព័ន្ធផ្សព្វផ្សាយដ៏ធំ ដែលមាននិន្នាការទៅរករដ្ឋាភិបាលត្រូវបានប្រកាសបិទ កាលពីថ្ងៃទី០១ ខែធ្នូ ឆ្នាំ២០២៣នេះ បន្ទាប់ពីកាសែតនេះបានដំណើរការអស់រយៈពេល ៣០ឆ្នាំកន្លងមក។ ការបាត់បង់កាសែត ដែលមានវ័យចំណាស់មួយនេះ ធ្វើឲ្យបុគ្គលិក និងអ្នកកាសែត ដែលនៅសេសសល់ចុងក្រោយជាង២០នាក់ សម្តែងនូវការសោកស្តាយ និងស្នើឲ្យថ្នាក់ដឹកនាំពិចារណាលើការប្រកាសរំសាយបុគ្គលិកផងដែរ។

កាសែតរស្មីកម្ពុជា ដែលគេស្គាល់ថាជាប្រព័ន្ធផ្សព្វផ្សាយដ៏ធំ និងចំណាស់ជាងគេ តែងសរសេរគាំទ្រគណបក្សកាន់អំណាចរយៈពេល ៣០ឆ្នាំមកហើយនោះ ពិតជាត្រូវបានបិទលែងដំណើរការទាំងស្រុងចាប់ពីថ្ងៃទី០១ ខែធ្នូទៅ។ គេហទំព័រ បណ្តាញទំនាក់ទំនងសង្គមផ្សេងៗ ដូចជាហ្វេសប៊ុក យូធូបជាដើមរបស់រស្មីកម្ពុជា មកទល់ថ្ងៃនេះគេមិនអាចបើកឃើញនោះទេ។

ការបិទទ្វារកាសែតរស្មីកម្ពុជាពេលនេះ គឺជាការបិទលើកទីពីរ បន្ទាប់ពីកាសែតដ៏ធំ និងមានឈ្មោះបោះសម្លេងមួយនេះ ត្រូវបានបិទម្តងហើយកាលពីឆ្នាំ២០២០ ដោយបញ្ចប់ការបោះពុម្ពទាំងស្រុង ហើយបន្តដំណើរការតាមអនឡាញ។ បុគ្គលិក និងអ្នកកាសែតជាច្រើន ត្រូវបានកាត់បន្ថយ ដោយទុកតែចំនួនជាង២០នាក់ ឲ្យដំណើរការតាមប្រព័ន្ធអនឡាញ រួមមានគេហទំព័រ ហ្វេសប៊ុក យូធូប តេឡេក្រាម។ល។

មិនមានការបញ្ជាក់ពីអ្នកទ្រទ្រង់ដល់ដំណើរការកាសែតនៅឡើយពីមូលហេតុពិតប្រាកដនៃការបិទ ក៏ប៉ុន្តែនាយកគ្រប់គ្រងរស្មីកម្ពុជា បានលើកឡើងថា «រស់ដោយសារជំនួយ ក្រុមប្រឹក្សាភិបាលសម្រេចរំសាយបុគ្គលិកចាប់ពីថ្ងៃទី២ ធ្នូ ឆ្នាំ២០២៣ ដោយគិតតាមច្បាប់ការងារ ប្រាក់អតីតភាព ប្រាក់ប៉ះប៉ូវ៣ខែ។ នេះបើតាមសារដែលអ្នកកាសែតរស្មីកម្ពុជាបានចែកចាយគ្នា។ សូមរំលឹកថាកាលពីខែតុលា ឆ្នាំ២០២០ ខណៈដែលរស្មីកម្ពុជាបិទពីការបោះពុម្ព ហើយប្តូរទៅជាអនឡាញវិញ នាយកគ្រប់គ្រងការផ្សាយកាសែតនេះបានប្រាប់ពីមូលហេតុនៃការបិទកាលនោះ គឺមានកត្តាចំនួនពីរ ទី១ កត្តាហិរញ្ញវត្ថុ និងទី២ ដើម្បីធ្វើការកែទម្រង់ថ្មី ឲ្យស្របទៅនឹងការវិវត្តន៍នៃសភាពការថ្មីរបស់សង្គម។

ទោះយ៉ាងណា បុគ្គលិកចាស់វស្សារបស់រស្មីកម្ពុជាគឺលោក ប៉ែន ខុន បានសរសេរលើហ្វេសប៊ុក ដែលមានគណនីឈ្មោះ Pen Khon ថា អរគុណសន្តិភាព ដែលបានផ្តល់ឱកាសឱ្យលោក មានការងាររហូតដល់៣៧ឆ្នាំ ដោយក្នុងរយៈពេល៣៧ឆ្នាំនេះ ៧ឆ្នាំលោកបានបម្រើការងារនៅក្នុងស្ថាប័នបក្ស និងរដ្ឋ និងរយៈ៣០ឆ្នាំនៅក្នុងអង្គភាពមួយនេះ ដោយទាំងយប់ទាំងថ្ងៃមិនថាភ្លៀងខ្យល់ត្រជាក់ ឬក្តៅយ៉ាងណាឡើយ។

លោក ខុន បន្តថា លោកបំរើការងារនៅក្នុងសម័យកាលប្រទេសជាតិមានសង្គ្រាម ចរចា ការពារបង្រួបបង្រួមដោយអនុវត្តគោលនយោបាយឈ្នះឈ្នះ និងការអភិវឌ្ឍន៍រហូតប្រទេសជាតិមានការរីកចម្រើនគ្រប់វិស័យ ហើយលោកក៏បានមកដល់ថ្ងៃមួយ ដែលនឹកស្មានមិនដល់ថាកាសែតធំជាងគេ មានឥទ្ធិពលខ្លាំងជាងគេ មានប្រជាប្រិយជាងគេទាំងនៅក្នុងស្រុក និងក្រៅប្រទេស ជាកាសែតមាននិន្នាការគាំទ្រគណបក្សប្រជាជនកម្ពុជាអស់ពេលបីទសវត្សរ៍មកនេះ បែរជាត្រូវប្រកាសរំសាយមន្ត្រី បុគ្គលិកទាំងអស់នៃកាសែតរស្មីកម្ពុជានៅថ្ងៃទី១ ខែធ្នូ ឆ្នាំ២០២៣បែបនេះសោះ។ អរគុណសន្តិភាព!

ដោយមានការចូលរួមសោកស្ដាយ លោក ប៉ែន ខុន ក៏បានបញ្ជាក់ថា កាសែតមួយនេះមាននិន្នាការគាំទ្របក្សប្រជាជនកម្ពុជា ក្នុងចំណោមកាសែតជាច្រើនទៀត ហើយការប្រកាសរំសាយបុគ្គលិកជារឿងមួយមិនគួរកើតឡើងឡើយ។

ជាមួយគ្នានេះ អ្នកកាសែតរស្មីកម្ពុជាផ្សេងទៀត ដែលរងនូវការបាត់បង់ការងារដែរនោះ បានលើកឡើងថារស្មីកម្ពុជា ជាសារព័ត៌មានមួយ ដែលល្បីឈ្មោះ និងបោះសម្លេងតាំងពីឆ្នាំ១៩៩៣ មក ដោយពួកគេស្នើសុំឲ្យថ្នាក់ដឹកនាំមេត្តាពិចារណាចំពោះការរំសាយបុគ្គលិកពេលនេះ និងមានការចោទសួរថាហេតុអ្វី វិទ្យុVOD បិទឲ្យគេចូលក្របខ័ណ្ឌ ដល់ពេលនេះរស្មីកម្ពុជាវិញ គ្មានអ្វីទាំងអស់៕

អត្ថបទចេញផ្សាយដោយ RFI Khmer ថ្ងៃទី០៤ ខែធ្នូ ឆ្នាំ២០២៣៖ កាសែតគាំទ្ររដ្ឋាភិបាល៣០ឆ្នាំ «រស្មីកម្ពុជា» បានប្រកាសបិទនៅថ្ងៃទី១ ធ្នូ ២០២៣

លទ្ធផលប្រឡងបាក់ឌុប២០២៣

23 ខែវិច្ឆិកា 2023

sopheaksrey Bac II, New Data បញ្ចេញមតិ

លទ្ធផលប្រឡងបាក់ឌុប (សម័យប្រឡង៖ ថ្ងៃទី០៦ ខែវិច្ឆិកា ឆ្នាំ២០២៣)

បេក្ខជនជាប់សរុប ៩៨ ៤៦០នាក់ (៧២.៨៩%នៃបេក្ខជនមកប្រឡង)
បេក្ខជននិទ្ទេស A មានចំនួន ១ ៦៧៣នាក់
បេក្ខជននិទ្ទេស B ចំនួន ៦ ៩៦៤នាក់
បេក្ខជននិទ្ទេស C ចំនួន ១៨ ៣០៨នាក់
បេក្ខជននិទ្ទេស D ចំនួន ៣៤ ២៤៦នាក់
បេក្ខជននិទ្ទេស E ចំនួន ៣៧ ២៦៩នាក់

យោងសេចក្តីប្រកាសព័ត៌មានមួយ របស់ក្រសួងអប់រំ ចុះថ្ងៃទី២៦ ខែតុលា ឆ្នាំ២០២៣ តួលេខសំខាន់ៗនៃការប្រឡងបាក់ឌុបឆ្នាំ២០២៣ រួមមាន៖

បេក្ខជនមានឈ្មោះប្រឡងសរុប ចំនួន ១៣៧ ៤១២នាក់ (ស្រី ៧៣ ២៧៨នាក់)
បេក្ខជនថ្នាក់វិទ្យាសាស្រ្ត មានចំនួន ៤១ ៣៧៩នាក់ (២៤ ៧៨៩នាក់)
បេក្ខជនថ្នាក់វិទ្យាសាស្រ្តសង្គម មានចំនួន ៨៦ ០៣៣នាក់ (ស្រី ៤៨ ៤៨៩នាក់)
មណ្ឌលសំណេរ ២២៧មណ្ឌល ត្រូវជា ៥ ៥៤៣បន្ទប់ ក្នុងនោះ ថ្នាក់វិទ្យាសាស្រ្តមានចំនួន ៧២មណ្ឌល ត្រូវជា ១ ៦៨២បន្ទប់ និងថ្នាក់វិទ្យាសាស្រ្តសង្គមមានចំនួន ១៥៥មណ្ឌល ត្រូវជា ៣ ៨៦១បន្ទប់។
មណ្ឌលកំណែសម្រាបការប្រឡងសញ្ញាបត្រមធ្យមសិក្សាទុតិយភូមិ មានចំនួន ១០មណ្ឌល នៅរាជធានីភ្នំពេញ
គណៈមេប្រយោគ និងគណៈកម្មការផ្សេងៗដែលត្រូវចូលរួមក្នុងដំណើរការប្រឡងនៅគ្រប់ដំណាក់កាល មានចំនួនសរុប ២៩ ៥២៥នាក់ ក្នុងនោះមកពី ថ្នាក់ក្រសួងចំនួន ៤ ១២៦នាក់ និងមកពីថ្នាក់រាជធានី ខេត្តចំនួន ២៥ ៣៩៩នាក់។
វិញ្ញាសាប្រឡងមាន៧មុខវិជ្ជា៖ ថ្នាក់វិទ្យាសាស្រ្ត រួមមាន គីមីវិទ្យា ជីវវិទ្យា រូបវិទ្យា ប្រវត្តវិទ្យា អក្សរសាស្រ្តខ្មែរ ភាសាបរទេស និងគណិតវិទ្យា។ សម្រាប់ ថ្នាក់វិទ្យាសាស្រ្តសង្គម រួមមាន ភូមិវិទ្យា ប្រវត្តិវិទ្យា សីលធម៌-ពលរដ្ឋវិជ្ជា ផែនដី និងបរិស្ថានវិទ្យា គណិតវិទ្យា ភាសាបរទេស និងអក្សរសាស្រ្តខ្មែរ។

	sopheaksrey លើ «ពាក្យថាស្រឡាញ់» ពី អ្នកនិពន្ធ…
	Sim Dane លើ «ពាក្យថាស្រឡាញ់» ពី អ្នកនិពន្ធ…
	‘The Ballad of… លើ បទយកការណ៍ (សម្លេង) ៖ កែវ …
	sopheaksrey លើ បំណងប្រាថ្នារបស់ខ្ញុំនៅថ្ងៃខួប…
	ម៉ាំប្រហុក លើ បំណងប្រាថ្នារបស់ខ្ញុំនៅថ្ងៃខួប…
	sopheaksrey លើ បំណងប្រាថ្នារបស់ខ្ញុំនៅថ្ងៃខួប…
	សុផាត លើ បំណងប្រាថ្នារបស់ខ្ញុំនៅថ្ងៃខួប…

គោរមងារ «សម្តេច» នៅកម្ពុជា

ក. ផ្នែកអាណាចក្រ (មន្ត្រីជាន់ខ្ពស់ និងឥស្សរជន)

ខ. ផ្នែកពុទ្ធចក្រ (ព្រះសង្ឃ)

Through the Lens of Sopheak Srey: Photography as a Means of International Advocacy

លទ្ធផលប្រឡងបាក់ឌុប២០២៥

លទ្ធផលប្រឡងបាក់ឌុប២០២៤

Book Review៖ អស្តង្គតនៃប្រជាជាតិមួយ ភាគ១

ជុត ខៃ៖ អស្តង្គតនៃប្រជាជាតិមួយ (ភាគ១)

«១លានហេតុផលដែលត្រូវតែរៀន» របស់ខ្ញុំ

«ពាក្យថាស្រឡាញ់» ពី អ្នកនិពន្ធ គង់ ច័ន្ទវ៉ាន់ណេង

RFI៖ កាសែតគាំទ្ររដ្ឋាភិបាល៣០ឆ្នាំ «រស្មីកម្ពុជា» បានប្រកាសបិទនៅថ្ងៃទី១ ធ្នូ ២០២៣

លទ្ធផលប្រឡងបាក់ឌុប២០២៣

ស្វែងរក

ចំនួនអ្នកទស្សនា

បណ្ណសារ

ចំណាត់ក្រុម

ប្រតិទិនចេញផ្សាយអត្ថបទ

អត្ថបទផ្សាយថ្មីៗ

អត្ថបទពេញនិយម

មតិយោបល់

ប្លក់ដែលខ្ញុំតាមដាន

មេតា

ខែមីនា 2026
អា	ច	អ	ព	ព្រ	សុ	ស
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31

ក. ផ្នែកអាណាចក្រ (មន្ត្រីជាន់ខ្ពស់ និងឥស្សរជន)

ខ. ផ្នែកពុទ្ធចក្រ (ព្រះសង្ឃ)

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

ចែក​រំលែក​របស់​នេះ៖

ស្វែងរក

ចំនួនអ្នកទស្សនា

បណ្ណសារ

ចំណាត់ក្រុម

ប្រតិទិនចេញផ្សាយអត្ថបទ

អត្ថបទ​ផ្សាយ​ថ្មីៗ

អត្ថបទពេញនិយម

មតិយោបល់

ប្លក់ដែលខ្ញុំតាមដាន

មេតា

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

ចែករំលែករបស់នេះ៖

អត្ថបទផ្សាយថ្មីៗ