ستلمس أصابعي الشمس

ما حدا منا بيعرف يحكي مع التاني اذا رأي هاد التاني مخالف لرأيو .. حتى ولو حاول كل جهدو يبين انو شخص مثقف وفهمان وتفكيرو ديمقراطي الا ما يوصل لنقطة مع هاد التاني تخليه يختلف معو ويبطل يسمعو ويمكن حتى يحذفو من حياتو
ليش؟
لانو نحنا خيو ما متعودين نعيش او نفكر بديمقراطية
صرلنا عمر عايشين على مبدأ يا بقمعك يا بتمقعني ما عنا حل وسط خيي
فبدك نجي هلأ و(نتحاور ) !!! اي ما زابطة معلش بدك تسمحلي فيا

@ على الفيسك بوك : بتحطلك شي بوست ولا شي خبر وبيبلشوا هالعالم بالجولة
يعني هو كل واحد عم يمارس حقو بالديمقراطية ويحكي رأيو , اي صح ما اختلفنا
بس القصة بتصير لما بيجي التاني وبيقرا كلام الاول , وقتا خيي عقلو ما بيحملو انو شو هالحكي هاد
وبيبلش مسلسل السب والشتم والتخوين والاندساس والتبويق و و و و
وكل يغني على ليلاااااااااااه
خيي ما خرجنا .. نضحك عبعض يعني !!
مع انو انت والله بيكون قصدك شريف ونيتك طيبة ومحضر حالك ومستعد تسمع اي حكي رح ينحكى وعم تحاول تقنع حالك انو ما في مشكلة اذا اختلفنا
بس لما بيجد الجد بتلاقي حالك يا اما تخانقت معو لهاد التاني يا اما قطعت علاقتك فيه يا اما خرست .

@ بشي جمعة وقعدة رواق : بتكون جاية ومحضر حالك انو ما رح افتح الموضوع خلص يا عمي انا طالع انبسط
بس يا شريك ما بيمشي الحال وما بتلاقي الا الموضوع انفتح لحالو , اي ما زابطة يعني نحكي بشي تاني..
بتبلش القصة بشي خبر من شي طرف : انو سمعتو يابو شو صار …..
وبيبلش الحوار وطبعا هن نفسون الاول والتاني يشهد الله انون بيحاولوا يفهموا وجهات نظر بعض
بس كلها عشر دقايق بالكتير وبتكون طبقة الصوت ارتفعت اوتوماتيكيا وما عاد ترجع تنزل هييييييك لحدا من الاطراف يدلي بجملة ( خيو لا رح اقنعك ولا رح تقنعني سكر هالموضوع وريحني ) !!!

وهي هيي الدوامة الي عم ندووور وندووور وندووور فيها وشكلنا ما رح نطلع منها
مع انو يا صديقي المفروض تكون حالة الاختلاف صحية , بس عنا والله طلعت مرض ومستعصي كمان ..

وشو بدك تحكي لتحكي , اي سكر هالموضوع وريحني ..

بيسان :

اعذرني .. حبيبي سامحني .. لم استطع القدوم اليوم
لم استطع ان أحضر لاراك .. لانه اليوم الاخير .. لاني ربما لا اراك بعد اليوم ..
لن استطيع ان اقول الوداع , لاني لن استطيع ان اودعك كما اريد .. وانا لا اريد ربع وداع ..
فكرت ان احضر اسرق نظرة , احفظك في مخيلتي واذهب ..
لكني وجدت اني لا احتمل الماً اكثر .. فليبقى وداعنا هكذا بلا .. وداع ..

وانا اكتب ما اكتب .. ادعو بكل ما املك من ايمان ان لا يكون هذا اليوم .. الذي لم يكن .. يوم لقائنا الاخير ..

لكنه اذا كان .. سأندم كثيرا وانا اعرف ذلك ..
لذا .. سامحني .. واعذرني حبيبي .. لم استطع القدوم اليوم ..

في وطني حين تفقد المرأة زوجها تقيم الحداد على روحه, تلتزم السواد وتعتكف في منزلها 40 يوما ..
في وطني حين يفقد الطفل أحد والديه يفقد معهم كل اشكال الحياة .. يختنق الهوائ في حلقه ويصبح كل ما حوله سواد ..
في وطني يقف الاصدقاء مع اصدقائهم في المحن .. يساندوهم في جميع انواع الازمات

برغم كل الدمار الحاصل .. ورغم كل الوجع الذي يحصل .. ليس هناك ما يقال
ما يحدث اكبر من كل الكلمات
لا ادري عن ماذا اتحدث .. عن النزاعات والخلافات بين الاصدقاء بل وحتى ضمن افراد العائلة الواحدة التي تصل في غالب الاحيان الى قطع العلاقات نهائيا مع اشخاص قضينا عمرنا معهم واختلفنا معهم في كل شيئ .. لكن حين تبين اختلاف آرائنا السياسية تغير كل شيئ ..
ويكون السيناريو في الاحيان الباقية نقاش لا ينتهي الا وقد اتخذ كل طرف موقفا مدعيا بانه( لن يخسر صديقه لانه يختلف معه بالرأي ) لكن الحقيقة انهم من المستحيل ان يعودوا كما كانوا ..

أأتحدث عن (( النازحين السوريين )) .. يا الهي كم تحز في نفسي هذه الكلمة .. أ لهنا وصلنا ..
لان نكون نازحين في اوطان غريبة لأن وطننا لم يعد يتسع لنا .. !!
لم يكن ضمن خيالاتي ابدا ومع توقع اقسى انواع السيناريوهات ان تصل الامور الى ما وصلت اليه .. ان نصبح لاجئين ..
وبعد قليل يصل التدخل الاجنبي وتصبح اليونسكو وغيرها هي المسؤولة عن تأمين لقمة خبز وقطعة قطن نبقى بها على قيد الحياة ..

كل ذلك في كفة وانها اصبحت طائفية ( وبشدة ) هذا ما هو في كفة اخرى
كنت اعّول كثيرا ان هذا الشعب يتمتع بقدر من الوعي يكفيه لان لا ينجر وراء جعل القضية طائفية
وحقا في البدايلة هذا ما ظهر ,, لكن يبدو ان كاز الشعب قد نفد وما بدا لم يكن الا مجاملة لبعضنا الاخر
فاليوم يتحدث الجميع ( وبالمفتشر ) باسوأ انواع الكلام ,كل طرف يدين الطرف الآخر ويتهمه بكل انواع الخيانات
اليوم يخرج الولد الذي نتج عم ام واب من طائفتين مختلفتين ويندد بطائفة دون الاخرى , وهو اكثر من يعلم ان ما يتحدث به اليوم لم يذكر طيلة ايام حياته في عائلة بنيت اصلا على الاختلاف
لكن اليوم كل شيئ مختلف ..
اليوم اصبحنا نحن وهم واولئك .. وااا اسفاه ..

عن ماذا وعن ماذا وعن ماذا ..
لم يعد اي من هذا الكلام يحمل اي معنى في وقت لم نعد نعرف فيه من اين نتلقى الاوجاع , من انسانيتنا.. ام من جروح وطننا

لم يعد في هذاالوقت ما يقال غير .. الله يحميك يا وطننا ..

ورد : منذ افترقنا وكل شي في عالمي خراب .. لم تفارقني المصائب .. عدت ذاك الفاشل الذي كنته قبلك ..

بيسان : لا تقل ذلك …

ألست مرتاحا بدوني ؟؟

ورد : لا ادري .. لا استطيع التفكير ..

انتِ ؟

بيسان : انا مثلك .. لا ادري ..

ورد : كيف كانت ردة فعل امك … اعرف انها لم تكن راضية عن علاقتنا منذ البداية

بيسان : قالت بأن هذا أفضل لي .. هي اكثر من كان يرى دموعي بسببك ..

ما رأي امك  انت ؟؟

ورد : امي عندما رأتني منهارا قالت لا تحزن : غدا ازوجك بأحسن البنات  .. وانا جننت اكثر ..

بيسان : ربما هن على صواب .. ربما هذا افضل لكلينا

ورد : لا ليسو على صواب .. هم لا يعلمون ما يحدث في اعماقنا ..

بيسان : ……

….

…..

…..

بيسان : الى اللقاء

ورد : موقتا ؟؟

بيسان : موقتا 🙂

ورد : حقا شر البلية ما يضحك …

بيسان : حقا ..

………………

انتهى حوارهم ..  الكثير من الكلام بقي  معلق في الهواء ..

كان يريد ان يقول لها كم هو بحاجتها .. كم عالمه فارغ دونها .. كم انه يمقت لحظة فراقهم وكم يندم عليها ..

كانت تريد ان تقول له كم تشتاقه .. كم تحتاجه لوجوده في عالمها .. كم أصبحت حياتها خالية من الألون من بعده .. وكم تندم على الفراق ..

لو أن احدهما تخلى عن كبريائه لحظة .. لتغير كل الحوار ..

ورد : بدي ياكي .. تعي نرجع وننسى كل شي .. ما قادر كفي لحالي

بيسان: اشتقتلك .. اشتقتلك كتير .. من يومها لهلأ وانا ضايعة ..

……………………………………………………………………………

بكل مواد المحاسبة التجارية , شركات الاموال او شركات الاشخاص باخر السنة بيصير جرد وحسابات ختامية عن السنة كلها

وباعتبار عم طبق هالشي كل يوم بدراستي بالاقتصاد فخطرلي جربا عن الحياة بشكل عام

بالعادة بتكون الترويسة : الميزانية العمومية عن الفترة المنتهية بتاريخ 31\12\2010

الطرف المدين (المصاريف )

ـــــــــــــــــــــــ

1- خسرت اشخاص كتير .. منهم خسارة فعلية .. ومنهم خسارة معنوية , بعدون موجودين بس في شي ما عاد موجود .. في شي خسرتو

2- خسرت انسانة مميزة.. بنفس المرض

3- حدا كتير قريب مني فشل بشي معين

4- يمكن زادت سلبياتي وحدة او اتنين

5- نقص وزني كتير .. زيادة عن اللزوم ( مع اني ما شايفتا خسارة .. بس هن هيك شايفينها )

6- كان في شوية ظروف صعبة بالاجمال

7- يمكن ما عاد عم اقدر خبي منيح ..

8- خسرت شي كتير مهم .. خلا شي جوا يتغير .. بوداع ما  كان ضمن حساباتي ..

الطرف الدائن (الايرادات )

ـــــــــــــــــــــــــــــــــــــ

1- اذا بدي ارجع لتاريخ 31-12-2009 فهو كان يوم كتير مميز رح يضل ذكرى كتير حلوة مستحيل انساها

2-  شاركت بورشة تصوير ضوئي كنت عم احلم فيا من زمان .. استفدت منها كتير .. وخلصت بمعرض جماعي كمان كان واحد من احلامي

3 – يمكن كون لقيت طرف الخيط لحلم الاخراج .. يمكن مو متأكدة .. بس بيضل امل انوجد

4- فجأة وعيت ع اشيا لازم تتغير فيي .. مع اني كنت شايفتا بس فجأة شفتا بطريقة تانية .. ويمكن اقدر غيرها

5-  28-4-2010 قبل عيد ميلادي بيوم .. مستحيل انساه ..

6- كسبت اشخاص جداد بحياتي بعتبرون ايراد

7- بالعموم كان في لحظات كتير كتير حلوة .. بحب اتذكرها

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

في شغلة  ما عرفت صنفها لاعرف اذا ربح ولا خسارة .. اني صرت اضعف .. بس اقسى ..

بعتقد انو لسه في اشيا بتستاهل تنذكر .. بس هاد الي خطر ع بالي مبدأيا ومني حابة اجل ..

قرار اخدتو عالسنة الجديدة .. اني كون شريرة .. ما بعرف هاد سلبي ولا ايجابي .. بس هاد الي طالع معي حاليا ..

النتيجة .. الخسارة > الربح ….

بس بما انو  بالحياة ما متل الحسابات التجارية….. لانو ما المهم . العدد واي طرف اكتر من التاني  .. المهم القيمة للاشياء

لهيك نتيجة الجرد الفعلية  كانت سلبية بالاجمال .. ما بدي كون متشائمة بس فعلا كانت سنة سيئة نسبيا.. (قمية ) الخسائر ما كانت عادية

على امل انو 2011 تكون سنة احلى بكل شي ..متفائلة فيها.. سهرة راس السنة كمان كانت مميزة مع انها خلصت بخبر ما عرفت اذا كان لازم ازعل ولا افرح مشانو .. بغض النظر ..

ان شا الله تكون سنة خير عالكل 🙂

السنة الماضية تقريبا بهاد الوقت

محمية الشوح – صلنفة – اللادقية

ضمن ورشة تصوير تجليات  .. 🙂

قالت : نكتب عن حياتنا حين نشفى منها .. حينها نستطيع ان نلمس جراحنا بقلم دون ان نتألم مرة اخرة

عذرا .. انا لا اتفق معك هذه المرة .. انا لم اشفى ولن اشفى منه.. انا فقط احاول البقاء حية على هذا الكوكب من بعده

قالوا : هي ليست نهاية العالم .. ستبقين  على قيد الحياة .. انت اكثر قوة من ان تضعفي  هكذا .. غدك سيكون اجمل ..لديك الكثير من الاحلام لتحققيها

كل ما ذكرتموه صحيحا .. شكرا( لدعمكم) ..

لكنكم نسيتم شيئا مهما اصدقائي ..

هي ليست نهاية العالم.. لكنها نهاية عالمي انا …

سأبقى على قيد الحياة.. لكني لن ابقى على قيد الحب ..

انا اكثر قوة واستطيع الصمود… لكني لا استطيع النسيان …

غدي ربما يكون اجمل… لكني لا اريده اجمل بدونه هو  ..

احلامي ماتزال احلامي .. لكن لم يعد لها أي معنى الآن وهو ليس معي ليشاركني فرحي ان تحققت  ..

لك: لم يمض كثير من الوقت على عداد الزمن .. …. على عدادي مضى قرنان ..

اتعلم … كل ما حولي يذكرني بك .. كل شيئ .. حتى الاشياء التي لا تربطك معها أي علاقة .. لا ادري من اين تتولد كل تلك الروابط بينك وبين الاشياء..

كل طريق .. كل مقعد .. كل حارة . وكل قهوة

حتى الأذان لا ادري لم يذكرني الأذان بك ..

وكأنني لم اكن في هذا الكوكب قبل وجودك .. كأن كل شيئ لا يحمل الا ذكراك انت وحدك ..

كــــنت أعــــرف مــنذ الـــبدايـــة .. أنــــنـي وجــــدتـــك لأضيـــــعــك..! وأحـــببتـك لأفـــقــدك ..! كــــنّا ســـهميــن مـــتعاكســـي الاتـــجاه…!! لـــذلــك كـــان لامــــفر مــــن اللـــقـاء ولا مـــفر مـــن الــــفـراق!!