Bonveno a Wikipedio, l'enciklopedio libera e gratuita, redaktata da la propra lektanti per Ido, Esperanto reformita e selektita kom l'internaciona helpanta linguo ye 1907. Vu povas obtenar l'informo quan vu serchas sequante la ligili od uzante la sercho-buxo ye la supra dextra parto dil fenestro.
Anke vu povas kunlaborar editante l'artikli qui ja publikigesis por plubonigor li o kreante nova artikli pri temi quin vu bone konocas. Memorez ke la reda ligili havas nula artiklo asociata e ke se vu volas skribor pri nova temo qua ne havas ula ligilo kreata, unesme vu mustas serchar existanta artiklo relatanta por krear ligilo a vua nova skribajo ibe. Vu povas krear necesa ligilo ank en Probeyo.
Ne timez pro ne skribor vua artikli per perfekta Ido. Plu experta idisti revizos e korektigos ol pose. Simple atachez la ligilo {{Revizo}} a vua artiklo ed olu aparos en la fako Pagini revizinda por ke altra idisti revizez ol.
en historio
dum marto: 50, 100 e 250 yari ante nun …
16 di marto1976. Le chefministro di la Unionita Rejio, Harold Wilson, ne-expektite anuncis sua demisiono, asertante ke il esas korpale e mentale fatigita. Il esabis chefministro de 1964 til 1970; komencante duesma periodo kom chefministro en 1974, il komentabis ke il perdis entuziasmo pri la ofico. La sequanta chefministro, elektita da membri di la Labour-partiso en la parlamento, esis James Callaghan. Wilson duris kom parlamentano til 1983; pose il esis nominata kom Barono Wilson di Rievaulx. Il ne esis multe aktiva en la Domo di Nobeli, ed en la lasta yari il sufris pro dementeso. Il mortis en 1995.
5 di marto1926. En Usa, la revuo Amazing Stories ("Astonanta Rakonti") unesmafoye aparis. Ol esis la unesma revuo kontenanta nur rakonti di ciencal fiktiveso. La editisto, Hugo Gernsback, naskinta en Luxemburgia en 1884, rezidis en Usa depos 1904; en 1908 il fondis revuo Modern Electrics, qua promocis ilua komerco pri heme-facata radio-aparati, ed inkluzis serialigita ciencala romani. Il remarkis ke la fiktiva pagini esis bone recevata, do ilua revuo The Electrical Experimenter, quan il fondis en 1913, reguloze inkluzis ciencala fiktiveso. Pro falio di sua komercala aferi, Gernsback ne editis Amazing Stories pos 1929; ol duris dum plura yardeki, kun diversa editeri.
9 di marto1776. La ekonomiala libro The Wealth of Nations ("La Richeso di la Nacioni"), da Adam Smith, unesmafoye aparis. Smith (1723–90), naskinta en Kirkcaldy en Skotia, esis profesoro di etikala filozofo ye Glasgow 1752–63. La unesma edituro di la libro esis par-vendita pos sis monati, e quar plusa edituri aparis dum la vivo di la autoro. Ol esis influiva por ekonomiisti en sequanta yari. Smith skribis pri ekonomiala libereso, divideso di laboro e libera komerco, ed opinionis ke guvernala interfero esas ne-necesa.
La rolo di Benjamin Franklin persuadis Britania pulsar Francia ek Kanada e kinadek yari pose persuadis Francia helpar pulsar Britania ek Usa esas extrema pruvo di paktal arto.
Franklin esis un ek la fondinti di Usa e kunkompilinti dil Usana konstituco de 1776.
Prato esas regiono di la Tero ube la dominacanta plantaro konsistas ek herbi, nam la pluvo ordinare ne esas suficanta por sustenar plu alta plant-formi.
Esas tri speci: savano, o tropikala herblando, havas grosa herbi, e trovesas en Afrika e Sud-Amerika.
