Tuisblad

Welkom by Wikipedia, die vrye ensiklopedie wat deur enigiemand verbeter en uitgebrei kan word.	Sondag, 29 Maart 2026 Hier is tans 128 511 artikels in Afrikaans.
Help ons om ’n wêreldklas-ensiklopedie in Afrikaans te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Speelkaarte is gewoonlik stukke dikkerige papier wat met dun plastiek oorgetrek is en kenmerkende motiewe het. Hulle word meestal gebruik vir kaartspeletjies, maar word ook soms gebruik in kaarttruuks, toekomsvoorspelling en die bou van kaarthuise. Kaarte word ook soms versamel. Speelkaarte is gewoonlik van palmgrootte vir maklike hantering en word meestal verkoop in 'n pak kaarte.

Die algemeenste soort kaarte in die Weste is dié met 'n Franse (of Engelse) patroon wat in standaardpakke van 52 verkoop word en jokers kan insluit, gevolg deur die Belgies-Genuese patroon. Baie lande gebruik egter ander, tradisionele soorte kaarte, insluitende dié met 'n Duitse, Italiaanse, Spaanse en Switserse patroon. Die agterkant van die kaarte het gewoonlik 'n ingewikkelde patroon wat dit moeilik maak om onderstebo kaarte uit te ken aan krap- of ander merke.

Speelkaarte is beskikbaar in 'n verskeidenheid style, want hulle kan vervaardig word vir kompetisies, casino's of kulkunstenaars, en as promosieartikels en soeweniers. Pakke kaarte of selfs enkele kaarte kan versamel word as 'n stokperdjie of vir hulle geldwaarde.

In die meeste kaartspeletjies word die kaarte deurmekaar gemaak deur 'n proses wat skommel genoem word. 'n Aantal kaarte word dan aan elke speler gedeel waarna elke speler na die gesig van sy kaarte sal kyk en die ander spelers slegs die agterkant van die ander spelers se kaarte kan sien. Die wyse hoe die kaarte in elke kaartspeletjie gebruik word, word bepaal deur die reëls van elke kaartspel.

...lees verder

In die nuus

Twee maande ná die Afrikanasiesbeker 2025-eindstryd, wat oorspronklik deur Senegal gewen is, het die CAF die titel aan Marokko toegeken.
Frankryk wen tydens die Sesnasies-toernooi in 2026 hul 28ste titel algeheel, terwyl Portugal tydens die Europese Rugbykampioenskap hul tweede titel inpalm.
António José Seguro is ingehuldig as nuwe president van Portugal en José Antonio Kast as nuwe president van Chili.
Mojtaba Chamenei volg sy pa Ali Chamenei as nuwe opperleier van die Islamitiese Republiek Iran op.
In die eindstryd van die T20I-wêreldbeker 2026 op die Narendra Modi-stadion in Ahmedabad verslaan die medegasheer en verdedigende wêreldkampioen Indië vir Nieu-Seeland met 96 lopies en palm sodoende sy derde T20I-wêreldbekertitel in. Engeland en Suid-Afrika was die ander twee semi-finaliste.

Het u geweet...

... dat die laaste moedertaalspreker van Kornies in 1780 gesterf het? Kornies is, soos Wallies en Bretons, 'n Keltiese taal van die Britonse groep. Dit is in Cornwall gepraat en pogings is in 1904 vir die eerste keer aangewend om die taal te laat herleef.

... dat Jane Elizabeth Waterston die eerste vrou in Suid-Afrika was wat 'n mediese praktyk geopen het?

... dat Arabies saam met Hebreeus 'n amptelike taal van Israel is? Daar is sowat een miljoen Arabiessprekende burgers in Israel. Arabies is die amptelike taal in 25 lande, die derde meeste naas Engels en Frans.

... dat die Skotse uitvinder John Logie Baird reeds in 1926 in Londen die eerste publieke demonstrasie van 'n televisie gegee het? 10 jaar later was daar slegs 100 televisiestelle in die wêreld; vandag is daar meer as 1,5 miljard.

... dat Nelson Mandela 18 jaar van sy totale 27 jaar tronkstraf op Robbeneiland deurgebring het?

Vandag in die geskiedenis

29 Maart: Marteldag in Madagaskar (1947); Boganda-dag in die Sentraal-Afrikaanse Republiek (1959).

1461 – In die Koninkryk van Engeland behaal troepe van die Huis van York 'n oorwinning oor die Huis van Lancaster in die Slag van Towton, die grootste veldslag in die Rose-oorloë tot in daardie stadium.
1638 – Sweedse setlaars stig Nieu-Swede naby Delawarebaai, die eerste Sweedse kolonie in die Amerikas.
1807 – Heinrich Wilhelm Olbers ontdek die asteroïed 4 Vesta naby Jupiter se wentelbaan.
2004 – Bulgarye, Estland, Letland, Litaue, Roemenië, Slowakye en Slowenië sluit by die Noord-Atlantiese Verdragsorganisasie (NAVO) aan.
2004 – Die Republiek Ierland word die eerste land wat rook in alle werksplekke verbied, insluitend kroeë en restaurante.