Ocho

Esti artículu ye pal númberu 8. Pal añu 8, ver 8.

Evolución de la grafía del númberu ocho nel sistema de numberación indoarábigu.

L'ocho (8) ye'l númberu natural que sigue al siete y preciede al nueve.

Propiedaes matemátiques

• Ocho ye'l cubu de dos.
• El polígonu de 8 llaos recibe'l nome d'octágonu.
• Ye'l sestu términu de la socesión de Fibonacci, dempués del 5 y enantes del 13.

Carauterístiques

• Ye'l númberu atómicu del osíxenu.
• Nel sistema anglosaxón de midíes, hai 8 onzes nuna taza, 8 pintes nun galón, 8 furlongs nuna milla y aproximao 8 plizques nuna cuyaradina.
• El 8 represéntase coles 2 culiebres enxareyaes del caducéu, símbolu del equilibriu ente fuercies antagóniques. Tamién representa l'eternu movimientu cósmicu base de rexeneración y d'infinitu. Ye verticalidá formal del infinitu.
• Na mística cosmogónica de la Edá Media'l 8 correspondía al cielu de les estrelles fixes (Firmamentu) y simbolizaba'l perfeccionamientu de los influxos planetarios.
• Na República Popular China, el 8 ye un númberu que simboliza la bona suerte.

Enllaces esternos

• Wikimedia Commons acueye conteníu multimedia sobre Ocho.

Predecesor: 7

Númberos 8

Socesor: 9

Predecesor: 22

Potencies de 2 2³

Socesor: 2⁴