Digitale operis indicatrum

Digitale operis indicatrum^[1] seu digitale rei indicatrum^[1] (Anglice Digital object identifier, DOI) est tessera univoca persistens^(en), edicto Instituti inter gentes pro uniformitate (ISO) instituta,^[2] quae ad opera digitalia singillatim dignoscenda adhibetur. DOI est una ex permultis adhibitionibus Systematis Manubriorum^(en) (Anglice Handle System), atque etiam, sicut Uniforme Rerum Locatrum, pars est systematis Uniformis Rerum Indicatrorum^(en) (URI).

Tali tesserā designatae, notitiae academicae, vel professionales, vel ad publicam administrationem^(en) pertinentes—velut periodicorum academicorum^(en) commentationes, relationes investigationis^(en), corpora indiciorum^(en), documenta officialia, et cetera—facile inveniri possunt.

Syntaxis tesserarum

Digitalia operis indicatra in binis litterarum seriebus^(en), virgulā obliquā separatis, consistunt. Binae partes appellari solent “praefixum” et “suffixum”.

praefixum/suffixum

Praefixum editorem indicat qui nomen suum in tabulas systematis DOI rettulit (Anglice registrant); suffixum a tali editore eligitur atque quoddam opus designat cui univoca tessera annectitur. In tessera licet plerisque characteribus^(en) Unicodicis ūtī, qui sine ullo discrimine maiuscularum et minuscularum leguntur. Praefixa solent formam 10.NNNN sumere, ubi NNNN numerum haud minorem quam mille indicat, et cuius superior limes tantummodo a numero editorum qui sua nomina rettulerunt pendet.^[3]^[4] Praefixum, per puncta, ulterius dividi potest, e.g. 10.NNNN.N.^[5]

In tessera DOI 10.1000/182, praefixum est 10.1000, suffixum est 182. Praefixi fragmentum 10 significat hoc “manubrium^(en)” ad nominum ambitum^(en) “DOI” pertinere. Numerus autem 1000 editorem referentem designat (hoc in casu Fundatio Inter Gentes DOI^(de)). Numerus 182 est suffixum sive tessera operis quā singularis res significatur (hoc in casu versio recentissima libri DOI Enchiridii).

Tesserae DOI opera ingenii^(en) (velut textūs, imagines, res sonoras vel visuales, programmata computatralia, et cetera), tam formā electronicā quam physicā, necnon actiones et res abstractas^[6] designare possunt.

Ipsis tesseris licet varios gradūs generalitatis significare: e.g. alia tessera ephemeridem, alia singulos fasciculos ephemeridis, alia singulas commentationes, alia etiam singulam tabulam intra commentationem indicat. Gradus generalitatis editori relinquitur eligendus; in systemate DOI talis gradus in notitiis adnexis^(en) semper declarandus est, ope dictionarii indiciorum^(en) rationi indecs^(en) congruentis.

Notae

1 2 Haec appellatio a Vicipaediano e lingua indigena in sermonem Latinum conversa est (Anglice: Digital Object Identificator). Extra Vicipaediam huius locutionis testificatio vix inveniri potest.
↑ ISO 26324:2012(en), Information and documentation – Digital object identifier system ⟨retrospectio diei 17 Iunii 2016⟩. ISO.
↑ Cf. doi info & guidelines ⟨retrospectio diei 21 Octobris 2002⟩. 2013. CrossRef.org: “All DOI prefixes begin with ‘10’ to distinguish the DOI from other implementations of the Handle System followed by a four-digit number or string (the prefix can be longer if necessary).”
↑ Cf. Factsheet—Key Facts on Digital Object Identifier System ⟨retrospectio diei 5 Iunii 2016⟩. die 6 Iunii 2016. International DOI Foundation: “Over 18,000 DOI name prefixes within the DOI System”
↑ Cf. DOI Handbook—2 Numbering ⟨retrospectio diei 30 Iunii 2014⟩. die 1 Februarii 2016. International DOI Foundation: “The registrant code may be further divided into sub-elements for administrative convenience if desired. Each sub-element of the registrant code shall be preceded by a full stop.”
↑ Frequently asked questions about the DOI system: 6. What can a DOI name be assigned to? ⟨retrospectio diei 16 Februarii 2023⟩. die 3 Iulii 2018. DOI Foundation.

Nexus interni

Nexus externi

Vicimedia Communia plura habent quae ad Digitale operis indicatrum spectant.

Situs interretialis

[appellatio-doi-1] 1 2 Haec appellatio a Vicipaediano e lingua indigena in sermonem Latinum conversa est (Anglice: Digital Object Identificator). Extra Vicipaediam huius locutionis testificatio vix inveniri potest.

[2] ISO 26324:2012(en), Information and documentation – Digital object identifier system ⟨retrospectio diei 17 Iunii 2016⟩. ISO.

[CrossRefDOI-3] Cf. doi info & guidelines ⟨retrospectio diei 21 Octobris 2002⟩. 2013. CrossRef.org: “All DOI prefixes begin with ‘10’ to distinguish the DOI from other implementations of the Handle System followed by a four-digit number or string (the prefix can be longer if necessary).”

[DOIKeyFacts-4] Cf. Factsheet—Key Facts on Digital Object Identifier System ⟨retrospectio diei 5 Iunii 2016⟩. die 6 Iunii 2016. International DOI Foundation: “Over 18,000 DOI name prefixes within the DOI System”

[2.2.2-5] Cf. DOI Handbook—2 Numbering ⟨retrospectio diei 30 Iunii 2014⟩. die 1 Februarii 2016. International DOI Foundation: “The registrant code may be further divided into sub-elements for administrative convenience if desired. Each sub-element of the registrant code shall be preceded by a full stop.”

[doifaq2-6] Frequently asked questions about the DOI system: 6. What can a DOI name be assigned to? ⟨retrospectio diei 16 Februarii 2023⟩. die 3 Iulii 2018. DOI Foundation.

[1]

[2]

[3]

[4]

[5]

[6]