kule

kule li pilin lukin tan suno. linja nena pi wawa suno li ante la ona li ante kule tawa lukin. loje en jelo en laso li kule suli.

nena linja pi suno laso li lili. nena linja pi suno loje li suli.

kule li ante tawa soweli ante. sama la jan li kulupu ante e kule lon toki ona.

wawa suno

jan sona li kulupu e wawa suno kepeken suli pi nena ona. ante pi suli nena li tan ante pi wawa ona. nena li suli mute anu lili mute la jan li ken ala lukin e ona. suno mute li pana e linja suno mute pi suli nena ante.

kule suno

suno la, kule ale li wan la, ona li walo.

suno walo li jo e kule ale. jan li wan e suno kule ale la suno walo li kama lon. sama la, mi kipisi e suno walo la, kule mute li kama lon.

mi ken wan e kule ni mute.

mi wan e loje e laso kasi la, jelo li kama.
mi wan e laso kasi e laso telo la, laso li kama.
mi wan e laso telo e loje la, laso loje li kama.
mi wan e loje e laso kasi e laso telo la, walo li kama.

kule ko

ko kule li ante. ko pimeja li jo e ko kule ale. jan li wan e ko kule ale la, ko pimeja li kama lon.

mi ken wan e kule ni mute.

mi wan e loje e jelo la, loje jelo li kama.
mi wan e jelo e laso telo la, laso kasi li kama.
mi wan e laso telo e loje la, laso mun li kama.
mi wan e loje e jelo e laso telo la, pimeja li kama.

kule ijo

sijelo ijo li ante la ijo li ante kule tawa lukin. kule ijo li tan kule suno lon selo ona. ijo li awen lili e suno li pana e suno ante pi kule ona. suno awen li kama seli.

sona kule

jan sona mute li sitelen e ijo kule. taso, tenpo nanpa wan la, jan Asa Nuton li kama sona e ni: kule li tan suno.

sike kule sewi

sike kule li ken kama lon sewi. ona li ijo sijelo ala. ona li ken kama tan ni: wan suno li wile tawa lukin sina la, ona li tawa lon telo lili lon tenpo open.

kule ona li mute mute. taso, jan Asa Nuton li kulupu e ni ale tawa kule luka tu:

loje

loje jelo

jelo

laso kasi

laso sewi

laso nasa

laso mun

nimi kule

kama sona pi tenpo sike 1969 "lon en nasin pi ma ale pi nimi kule pona” Basic Color Terms: Their Universality and Evolution" la, jan Pen Pelin en jan Palu Ke li toki e ni: lon nasin pi kule lawa seme la nimi kule li kama nimi lon tenpo seme.

toki ali li jo e nimi tawa walo, e nimi tawa pimeja.

tenpo kama la, toki li jo e nimi tawa loje. tenpo kama la, nimi li tawa jelo anu peta/laso kasi.

toki li jo e nimi 6 pi kule lawa la ni li nimi kule: pimeja, walo, laso, peta/laso kasi, laso telo, jelo.

toki li jo e nimi 12 pi kule lawa la ni li nimi kule: pimeja, pimeja walo, unu loje/loje walo, loje, loje jelo, jelo, peta/laso kasi, laso telo, unu/laso loje, kapesi ma/kule ma, laso sewi.

toki Inli la "laso telo" en "laso sewi" li kule sama, taso toki Italija en toki Lusi la kule ni li ante.