Wikipedia
Wikipedia ndi encyclopedia ya mahala, ya nyambo nnzhi, nahone yo dzudzanywaho nga tshumisano. I langiwa nga Mutheo wa Wikimedia, dzangano ḽi sa shumeli malamba ḽine ḽa badelwa nga miṋeelo. Thero dzayo dzi fhiraho milioni dza 63 nga nyambo dza 334 dzo ṅwalwa nga vhashumi vha u ḓifunela vha bvaho shangoni ḽoṱhe nahone dzo dzudzanywa lu fhiraho 3,5 bilioni. Muṅwe na muṅwe a nga shela mulenzhe kha u vusuludza zwi re ngomu, arali siaṱari ḽi songo tsireledzwa kha u shumiswa luvhi u itela u iledza thaidzo kana khanedzano.
Yo sikwa nga ḽa 15 Shundunthule, 2001, nga Jimmy Wales na Larry Sanger, nahone ndi ṱhalusamaipfi khulwanesa na i ḓivheaho vhukuma kha inthanethe. U bva tshe ya sikwa, Wikipedia yo no ḓivhea, yo vha vhukati ha webusaithi dza fumi dzine dza dalelwa vhukuma ḽifhasini. Projeke ya Wikipedia i ṱaluswa nga masia mararu a ndeme ane, oṱhe, a ṱalusa mushumo wayo kha web. Muhumbulo une wa ri "Encyclopedia ya mahala ine muthu munwe na munwe a nga i dzudzanya" u talutshedza milayo mivhili iyi:
Ndi encyclopedia, ine ya pfeseswa sa tshishumiswa tshine tsha tendela u kuvhanganya, u vhulunga, na u fhirisela mafhungo nga nḓila yo dzudzanyeaho.
Ndi wiki, ngauralo, vhukati ha zwiṅwe zwithu, muṅwe na muṅwe a nga i dzudzanya.
Kha nyambo dza 334 dze ya gandiswa ngadzo, tharu dzi na thero dzi fhiraho milioni: Luisimane, Lucebuano, Lusweden, Ludzheremane, Lufura, Ludatshi, Lurussia, Luitalia, Lupania, Lupolish, Lusamaria, Luvietnam, Ludzhapani, Luarabu, Luputugisi, na Luegipita.
