ⵜⴰⵙⵏⴰ ⵏ ⵓⵙⵏⵓⴱⴳ
ⴰⵏⵙⵓⴼ ⵉⵙⵙⵓⵏ ⴳ ⵡⵉⴽⵉⴱⵉⴷⵢⴰ
ⴰⵙⴰⵎⵓ ⵉⵍⴻⵍⵍⵉ ⵏⵏⴰ ⴳ ⵉⵣⵎⵔ ⴽⵓ ⵢⴰⵏ ⴰⴷ ⵉⵜⵜⴰⵔⴰ
|
ⴰⵎⴹⴰⵏ ⵏ ⵉⵏⵙⵎⵔⴰⵙⵏ: 84 |
|
ⴰⵏⵎⵓⴳⴳⴰⵔ ● ⵉⵎⵓⵙⵙⵓⵜⵏ ⴷ ⵉⵎⵣⵉⵣⵡⵔⵏ ● ⵙⵎⵎⵓⵙⵜ ⵜⵔⵙⴰⵍ ⵏ ⵡⵉⴽⵉⴱⵉⴷⵢⴰ ● ⵉⵙⵡⵉⵔⵏ ⵏ ⵉⵎⴰⴳⵔⴰⴷⵏ ● ⵥⵕ ⵓⴳⴳⴰⵔ ● Read in English | |
ⴰⵎⵏⵏⵉ ⵓⴼⵔⵉⵏ
ⴽⴰⵔⵍ ⵀⴰⵏⵔⵉⵛ ⵎⴰⵔⴽⵙ (ⵙ ⵜⵍⵉⵎⴰⵜ: Karl Marx), (1818-1883) ⵉⴳⴰ ⵢⴰⵏ ⵓⴼⵍⵙⴰⴼ, ⴷ ⵓⵎⵣⵖⴰⵏ ⵏ ⵜⴷⵎⵙⴰ ⵜⴰⵙⵔⵜⴰⵏⵜ, ⴷ ⵓⵎⵙⵙⵉⵥⵉⵕ ⴰⵖⵡⵡⴰⵖ ⴰⵍⵉⵎⴰⵏ. ⵉⴳⴰ ⵢⴰⵏ ⵙⴳ ⵡⵓⴷⵎⴰⵡⵏ ⴰⴽⴽⵯ ⵉⵍⴰⵏ ⵜⴰⵣⵔⵉⵔⵜ ⴳ ⵓⵎⵣⵔⵓⵢ ⵏ ⵓⵡⵏⴳⵎ ⴰⵏⴼⴳⴰⵏ. ⵉⴼⴽⴰ ⵜⵓⴷⵔⵜ ⵏⵏⵙ ⵉ ⵓⵚⵍⴰⴹ ⵏ ⵓⵏⴳⵔⴰⵡ ⴰⵎⴷⴳⴰⵔ ⴷ ⵓⵙⴱⵓⵖⵍⵓ ⵏ ⵢⴰⵜ ⵜⵥⵕⵉ ⵜⴰⵖⵣⵓⵔⴰⵏⵜ ⵉ ⵓⵔⵎⴰⵙ ⵏ ⵜⵏⴼⵍⵉⵜ ⵏ ⵡⴰⵎⵓⵏⵏ ⵉⵏⴼⴳⴰⵏⵏ. ⵙ ⵓⵎⵢⴰⵡⴰⵙ ⵉⴷⵓⵙⵏ ⴰⴽⴷ ⵓⵎⴷⴷⴰⴽⴽⵯⵍ ⵏⵏⵙ ⴷ ⵓⵎⴷⵔⴰⵡ ⵏⵏⵙ ⴰⵡⵏⴳⵉⵎ ⴼⵔⵉⴷⵔⵉⴽ ⵉⵏⴳⵍⵣ, ⵉⵙⵔⵙ ⵜⵉⵔⵙⴰⵍ ⵏ ⵜⵉⵏⵎⵍ ⵜⴰⵡⵏⴳⵉⵎⵜ ⵍⵍⵉ ⵉⵜⵜⵡⴰⵙⵙⵏⵏ ⴹⴰⵕⵜ ⵏ ⵓⵢⴰ ⵙ ⵜⵥⵕⵎⴰⵔⴽⵙⵜ. ⵜⴱⴷⴷ ⵜⵥⵕⵉ ⵏⵏⵙ ⵜⴰⴷⵙⵍⴰⵏⵜ ⵖⴼ ⵎⴰⵙ ⴷ ⴰⵎⵣⵔⵓⵢ ⴰⵏⴼⴳⴰⵏ ⵉⴳⴰ ⴰⵎⵣⵔⵓⵢ ⵏ ⵢⵉⵎⵏⵖⵉ ⴳⵔ ⵜⵙⵔⴽⵎⵉⵏ (ⵉⵙⵎⵉⵍⵏ) ⵜⵉⵏⴰⵎⵓⵏⵉⵏ, ⴷ ⵎⴰⵙ ⴷ ⵉⵎⵏⵖⵉ ⴰⴷ ⴳ ⵓⵣⵎⵣ ⴰⵜⵔⴰⵔ ⴷⴰ ⵉⵜⵜⵓⵙⵓⵎⵓⵏ ⴳ ⵓⵎⵢⴰⴱⴰ ⴳⵔ ⵜⵙⵔⴽⵎⵜ ⵜⴰⵏⵙⴱⵖⵓⵔⵜ/ⵜⴰⴱⵓⵔⵊⵡⴰⵣⵜ, ⵏⵏⵉ ⴷⴰⵔ ⵍⵍⴰⵏ ⵉⵎⴰⵙⵙⵏ ⵏ ⵓⴼⴰⵔⵙ, ⴷ ⵜⵙⵔⴽⵎⵜ ⵜⴰⵎⵙⵡⵓⵔⵉⵜ ⵏⵖ ⵜⴰⴱⵔⵓⵍⵉⵜⴰⵔⵜ (ⵜⴰⵎⵖⴷⴰ), ⵏⵏⴰ ⴷⴰⵔ ⵓⵔ ⵉⵍⵍⵉ ⴰⵎⵔ ⵖⴰⵙ ⴰⵢⵏⵏⴰ ⴷ ⵜⵓⵡⵉ ⴳ ⵡⴰⵙⵙ ⵏⵏⵙ ⴷ ⴰⵔ ⵜ ⵜⵣⵣⵏⵣⴰ ⴰⴼⴰⴷ ⴰⴷ ⵜⴷⴷⵔ ⵏⵖ ⴰⴷ ⵜⵖⴰⵎⴰ. ⵜⵉⵡⵓⵔⵉⵡⵉⵏ ⵏⵏⵙ ⴰⴽⴽⵯ ⵉⵜⵜⵡⴰⵙⵙⴰⵏⵏ ⴳⴰⵏⵜ "ⴰⵍⵖⵓ ⴰⵙⴷⵓⴽⵍⴰⵏ/ⵏ ⵜⵥⵕⵙⵓⵔⵜ", ⵍⵍⵉ ⵉⴳⴰⵏ ⴰⵎ ⵢⴰⵜ ⵜⵖⵓⵔⵉ ⵜⴰⵖⵡⵡⴰⵖⵜ ⵉ ⵉⵎⵙⵡⵓⵔⵉⵢⵏ ⴳ ⵓⵎⴰⴹⴰⵍ ⴰⴽⴽⵯ, ⴷ ⵓⴷⵍⵉⵙ ⵏⵏⵙ ⴰⵎⵇⵔⴰⵏ "ⴰⴷⴳⴰⵔ", ⵏⵏⵉ ⴳ ⵉⴼⴽⴰ ⵢⴰⵏ ⵓⵙⵎⵎⵉⵍⵉ ⴰⵏⴼⵔⴰⵏ ⴷ ⵉⵏⵖⵓⴱⴰⵏ ⵉ ⵉⵎⴰⵙⵙⵏ ⵏ ⵜⵡⵓⵔⵉ ⵏ ⵜⴷⵎⵙⴰ ⵜⴰⵎⴷⴳⴰⵔⵜ. ⵣⵔⵉⵔⵏⵜ ⵜⵡⵏⴳⵉⵎⵉⵏ ⵏⵏⵙ ⵙ ⵢⴰⵜ ⵜⵖⴰⵔⴰⵙⵜ ⵜⴰⵅⴰⵜⴰⵔⵜ ⴳ ⵉⵎⵓⵙⵙⵓⵜⵏ ⵉⵙⵔⵜⴰⵏⵏ, ⵉⵏⵎⴰⵍⵍⴰⵏⵏ, ⴷ ⵜⵥⵕⵉⵡⵉⵏ ⵜⵉⵏⴰⵎⵓⵏⵉⵏ ⴷ ⵜⵉⴷⵎⵙⴰⵏⵉⵏ ⴳ ⵓⵎⴰⴹⴰⵍ ⴰⴽⴽⵯ, ⴷ ⴰⵔ ⵓⴽⴰⵏ ⵙⵓⵍ ⵉⵜⵜⵉⴱⴷⴰⵔ ⴰⵎ ⵢⴰⵏ ⵙⴳ ⵉⵎⵙⵙⵔⵙⵍⵏ ⵉⵅⴰⵜⴰⵔⵏ ⵏ ⵜⵙⵏⴰⵎⵓⵏⵜ ⵜⴰⵜⵔⴰⵔⵜ.
ⴰⵎⵏⵏⵉ ⴰⵚⴱⵃⴰⵏ
ⵕⴰⵛⵉⴷ ⵍⵢⴰⵣⴰⵎⵉ ⵉⴳⴰ ⴰⵎⵜⵡⴰⵍ ⴷ ⵓⵎⴰⵙⵙⴰⵏ ⴰⵎⵖⵔⵉⴱⵉ, ⵉⵍⵓⵍ ⴳ ⵍⵎⵖⵔⵉⴱ ⴳ ⵜⵎⴷⵉⵏⵜ ⵏ ⴼⴰⵙ, ⵉⴳⴰ ⴰⵎⴰⵙⵙⴰⵏ ⴰⵎⵥⵍⴰⵢ ⴳ ⵢⵉⴳⵔ ⵏ ⵜⵙⵏⴰⵏⴳⴰ. ⵓⵊⵊⴰⵏ ⵜ ⵜⵡⵓⵔⵉⵡⵉⵏ ⵏⵏⵙ ⵍⵍⵉ ⵉⵣⴷⵉⵏ ⴷ ⵓⵙⴱⵓⵖⵍⵓ ⵏ ⵓⵎⵙⵙⴰⵡⵏ ⵏ ⵓⵏⵣⵣⵓⵖ/ ⵍⴳⵕⴰⴼⵉⵜ ⴰⴷ ⵙⴽⵔⵏⵜ ⴳ ⵜⴱⵍⴰⴹⵉⵏ ⵏ ⵡⴰⵢⵓⵏ-ⵍⵉⵜⵢⵓⵎ ⵜⴰⵣⵎⵔⴽⵜⵓⵔⵜ. ⴷ ⵢⵓⵡⵉ ⴳ ⵓⵙⴳⴳⵯⴰⵙ ⵏ 2014, ⵜⴰⵙⵎⵖⵓⵔⵜ ⵏ ⵜⵛⴰⵕⵍⵣ ⴷⵕⴰⴱⵔ ⵏⵏⴰ ⵜⴰⴽⴽⴰ ⵜⴽⴰⴷⵉⵎⵉⵜ ⵜⴰⵏⴰⵎⵓⵔⵜ ⵏ ⵜⵏⵣⴳⴳⵉⵜ ⴳ ⵡⴰⵛⵉⵏⵟⵓⵏ, ⵖⴼ ⵜⵡⵓⵔⵉⵡⵉⵏ ⵏⵏⵙ ⴳ ⵢⵉⴳⵔ ⵏ ⵓⵙⴱⵓⵖⵍⵓ ⵏ ⵜⴱⵍⴰⴹⵉⵏ, ⵏⵏⴰ ⵉⵙⴽⵔⵏ ⵢⴰⵜ ⵜⵏⴽⵔⴰ ⴳ ⵢⵉⴳⵔ ⵏ ⵜⵍⵉⴽⵟⵕⵓⵏⵉⵢⵉⵏ ⵉⵜⵜⵢⴰⵙⴰⵢⵏ. ⴷ ⵢⵓⵡⵉ ⴰⵡⴷ ⵜⴰⵎⴰⴷⴰⵢⵜ ⵏ ⵜⵎⵙⵎⵓⵏⵜ ⵏ ⵉⵎⵜⵡⴰⵍⵏ ⵏ ⵓⵥⴰⵕⵓⵕ ⴷ ⵜⵍⵉⴽⵟⵕⵓⵏⵉⵢⵉⵏ (IEEE) ⴳ ⵓⵙⴳⴳⵯⴰⵙ ⵏ 2012, ⵢⵓⵎⵥ ⴰⵡⴷ ⴰⴷⵍⴰⴳ ⵏ ⵜⵔⴰⴱⴱⵓⵜ ⵏ ⵡⴰⴷⴷⵓⵔ ⴳ ⴼⵕⴰⵏⵚⴰ, ⴷ ⵓⴱⵔⵇⵇⵙ ⴰⴳⵍⴷⴰⵏ ⵙⴳ ⴷⴰⵔ ⵓⴳⵍⵍⵉⴷ ⵏ ⵍⵎⵖⵔⵉⴱ ⴳ 2014, ⵉⵜⵜⵓⵙⵜⴰⵢ ⴰⵎ ⵓⴳⵎⴰⵎ ⴰⵎⵍⴰⵍⵍⵓ ⴳ ⵜⴽⴰⴷⵉⵎⵉⵜ ⵏ ⵓⴳⵍⵍⵉⴷ ⵍⵃⴰⵙⴰⵏ ⵡⵉⵙ ⵙⵉⵏ ⵉ ⵜⵎⴰⵙⵙⴰⵏⵉⵏ ⴷ ⵜⵜⵉⴽⵏⵓⵍⵓⵊⵉⵜ. ⴳ 2019, ⵜⴻⵜⵜⵓⴼⴽⴰ ⵜⵙⵎⵖⵓⵔⵜ ⵏ ⵏⵓⴱⵍ ⵉ ⴽⵕⴰⴹ ⵉⵎⵔⵣⵓⵜⵏ ⵏⵏⴰ ⵉⴷⵔⴰⵏ ⴷ ⵍⵢⴰⵣⴰⵎⵉ ⴳ ⵓⵙⴱⵓⵖⵍⵓ ⵏ ⵜⴱⵍⴰⴹⵉⵏ ⵏ ⵡⴰⵢⵓⵏ-ⵍⵉⵜⵢⵓⵎ, ⵎⴰⵛⴰ ⵙⵉⵜⵜⵉⵏ ⵏⵏ ⵍⵢⴰⵣⴰⵎⵉ ⴳ ⵡⴰⵎⵎⴰⵥ ⵏ ⵜⵙⵎⵖⵓⵔⵜ ⴰⵏⵏ ⵙ ⵓⵙⵔⴰⴳ ⵏ ⵉⵍⵓⴳⵏⵏ ⵏ ⵡⴰⵎⵎⴰⵥ ⵏ ⵜⵙⵎⵖⵓⵔⵜ ⵏⵏⴰ ⵓⵔ ⵉⵜⵜⴰⴷⵊⵉⵏ/ⵉⵜⵜⵙⵓⵔⴼⵏ ⴰⴷ ⵜⴻⵜⵜⵓⴼⴽⴰ ⵉ ⵓⴳⴳⴰⵔ ⵏ ⴽⵕⴰⴹ ⵏ ⵎⴷⴷⵏ.
ⴳ 21 ⴱⵕⴰⵢⵕ 2024, ⵜⵙⵙⵍⴽⵏ ⵍⵢⴰⴱⴰⵏ ⵖⴼ ⵜⵣⵣⵉⴷⴳⴰ ⵏ ⵓⵙⵏⵓⵍⴼⵓ ⵏ ⵓⵎⴰⵙⵙⴰⵏ ⴰⵎⵖⵔⵉⴱⵉ ⵕⴰⵛⵉⴷ ⵍⵢⴰⵣⴰⵎⵉ, ⵜⵥⵍⵉ ⵙ ⵓⴽⵜⵓⵔ ⴰⴷⵖⵢⴰⵏ ⵏ ⵜⴱⵍⴰⴹⵉⵏ ⵏ ⵡⴰⵍⵉⵜⵢⵓⵎ. ⴷ ⵉⴽⴽⴰ ⵜ ⵉⵏⵏ ⵢⴰⴷⵍⵍⵉ ⵉⵖⵔⴰ ⵍⵢⴰⵣⴰⵎⵉ ⴳ ⵜⵎⴰⵣⵉⵔⵜ ⵏ ⵜⴰⴼⵓⴽⵜ ⵜⴰⴱⵔⵣⵡⵡⵍⵜ, ⴷⴰⵜ ⴰⴷ ⵉⵖⵔ ⴳ ⵉⵡⴰⵏⴽⵏ ⵉⵎⵓⵏⵏ, ⵉⵍⵎⵎⴰ ⵉⵎⵎⵓⵜⵜⵉ ⵖⵔ ⵓⵔⵣⵣⵓ ⴷ ⵓⵙⵙⵍⵎⴷ ⴳ ⵙⴰⵏⴳⴰⴼⵓⵕⴰ. ⵖⵉⵏⵏ ⴰ ⴳ ⵉⵜⵜⵓⵥⵍⴰ ⴰⵎ ⵎⴽⵍⵍⵉ ⵙ ⵜⴻⵜⵜⵓⵥⵍⴰ ⴰⵙⵎⴰ ⴱⵓⵊⵉⴱⴰⵔ ⴳ ⵜⵙⵏⵓⵔⴰⵢⵜ ⵏ "ⵏⴰⵥⴰ" ⵜⴰⵎⵉⵔⵉⴽⴰⵏⵉⵜ ⴷ ⵡⵉⵢⵢⴰⴹ ⵢⴰⴹⵏ.
ⴰⵎⵏⵏⵉ ⵓⵙⵎⵉⴷ
ⵉⴳⴰ ⵓⴱⴰⵏⴽ ⵏ ⵍⵎⵖⵔⵉⴱ ⴰⴱⴰⵏⴽ ⴰⵏⴰⵎⵎⴰⵙ ⴰⵎⵖⵔⴰⴱⵉ, ⵉⴳⴰ ⵢⴰⵜ ⵜⵎⵔⵙⵍⵜ ⵜⴰⴳⴷⵓⴷⴰⵏⵜ ⵉⵍⴰⵏ ⵜⴰⵙⵉⵎⴰⵏⵜ ⵜⴰⵥⵕⴼⴰⵏⵜ, ⵉⵜⵜⵓⵚⴽⵓ ⴳ 30 ⵢⵓⵏⵢⵓ 1959 ⵙ ⵡⴰⵏⴰⴹ ⵏ ⵓⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵙⵎⵎⵓⵙ ⴰⵡⴷ ⵙ ⵜⵙⵓⵎⵔⵜ ⵏ ⵜⵏⴱⴰⴹⵜ ⵏ ⵄⴱⴱⵍⵍⴰ ⵉⴱⵕⴰⵀⵉⵎ ⵃⵎⴰ ⴰⴷ ⵢⴰⵎⵥ ⴰⴷⵖⴰⵔ ⵏ ⵓⴱⴰⵏⴽ ⴰⵎⵅⵣⵏⵉ ⴰⵎⵖⵔⴰⴱⵉ.
ⴳ ⵓⵙⴳⴳⵯⴰⵙ ⵏ 2020, ⵍⵍⵉⴳ ⵉⵍⵍⴰ ⵓⵔⵣⴰⵢ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ ⵉⵙⵙⵓⴼⵖ ⵍⴱⴰⵏⴽ ⵏ ⵍⵎⵖⵔⵉⴱ ⵜⴰⵖⵜⴰⵙⵜ ⵏ ⵓⵣⵉⵣⴷⵔ ⵏ ⵡⴰⵜⵉⴳ ⴰⴷⵙⵍⴰⵏ ⵏ ⵓⴱⵖⵓⵔ ⵙⴳ 3% ⴰⵔ 2.25% ⵖⴰⵙ ⵉ ⵉⴱⴰⵏⴽⵏ ⴱⵍⴰ ⴰⵜⵉⴳ ⵏ ⵓⴱⵖⵓⵔ ⵉⵜⵜⵓⵙⵎⵀⵍⵏ ⵅⴼ ⵉⵕⵟⵟⴰⵍⵏ ⵏ ⵉⵎⵍⵜⴰⵖⵏ. ⴳ ⵜⴳⵉⵔⴰ ⵏ ⵓⵙⴳⴳⵯⴰⵙ ⵏ 2023 ⵉⵙⵙⵓⴼⵖ ⴷ ⵓⴱⴰⵏⴽ ⵏ ⵍⵎⵖⵔⵉⴱ ⵢⴰⵜ ⵜⵎⴰⴷⴰⵢⵜ ⵏ ⵓⵙⴽⵜⵉ ⵙ ⵓⴽⵜⵜⴰⵢ ⵏ ⵓⵙⵏⵎⴰⵍⴰ ⵏ ⵜⵙⵎⵓⵏⴰⵢ ⵜⵉⵙⴳⵯⵙⴰⵏⵉⵏ ⵏ ⵍⴱⴰⵏⴽ ⴰⴳⵔⴰⵖⵍⴰⵏ ⴷ ⵓⴼⵏⵉⵇ ⴰⴳⵔⴰⵖⵍⴰⵏ ⵏ ⵓⵇⴰⵕⵉⴹ ⴳ ⵎⵕⵕⴰⴽⵛ. ⵉⴳⴰ ⵓⵙⵔⵓⵙ ⵏ ⴽⵔⴰ ⵏ ⵍⴱⴰⵏⴽ ⵏ ⵓⵡⴰⵏⴽ ⴳ ⵍⵎⵖⵔⵉⴱ ⵙⴳ ⵜⵎⵙⵍⴰⵢⵉⵏ ⵏⵏⴰ ⵜⵡⴰⵜⵜⵙ ⴼⵕⴰⵏⵚⴰ ⴰⴷ ⵖⵔⵙⵏⵜ ⵜⴰⵡⴹ, ⵃⵎⴰ ⴰⴷ ⵜⵙⵎⵖⵔ ⵜⵉⴹⴰⴼ ⵏⵏⵙ ⵜⵉⵥⵕⴼⴰⵏⵉⵏ ⴷ ⵓⵙⴽⴰⵔ ⵏ "ⵜⵓⵇⵇⵏⴰ ⵜⵓⴷⵔⵉⵎⵜ" ⵅⴼ ⵍⵎⵅⵣⵏ. ⵙ ⵡⴰⵎⵎⵏ ⵡⴰⵜⵜⵙⵏ ⵉⴷ ⵍⴱⴰⵏⴽ ⵏ ⵍⵎⵖⵔⵉⴱ ⴰⴷ ⵜ ⵙⴽⵔⵏ ⵙ ⵜⵎⵍⴷⴰ ⵏ ⵓⵕⵟⵟⴰⵍ ⵏ 1904, ⵎⴰⵛⴰ ⵢⵓⴳⵉ ⵓⵚⵍⵟⴰⵏ ⴰⴷ ⴰⵙ ⵙⵔⵙ ⵜⴻⵜⵜⵓⵙⵎⴰⴳⵍ ⴼⵕⴰⵏⵚⴰ, ⵍⵍⵉⴳ ⵜⴳⴰ ⵜⵎⵙⴰⵔⵜ ⵏ ⵍⴱⴰⵏⴽ ⵢⴰⵜ ⵜⵎⵙⴰⵔⵜ ⵜⴰⵙⵔⵜⴰⵏⵜ ⵓⵔ ⵖⵉⴼⵙ ⵉⵍⵍⵉ ⵓⵎⴹⴰⴽⴰⵕ ⵖⴰⵙ ⴰⴽⴷ ⵜⵏⴱⴰⴹⵜ ⵏ ⴼⵕⴰⵏⵚⴰ, ⴷⴰⵢ ⵉⵇⵇⵉⵎ ⴳ ⵡⴰⵡⴰⵍ ⵏⵏⵙ ⵎⵇⵇⴰⵔ ⵙⵙⵉⵡⵍⵏ ⵉⴷ ⵍⴱⴰⵏⴽ.
ⵜⴰⵍⴳⴰⵎⵜ ⵜⵓⴼⵔⵉⵏⵜ
ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⵜⴳⴰ ⵙⵙⵉⵏⵉⵎⴰ ⴷⴰ ⵉⵙⴰⵡⴰⵍⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ. ⵜⵓⴷⴷⵎⴰ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⵜⵍⵍⴰ ⴳ ⵓⵙⴳⴳⵯⴰⵙ ⵏ 1934 ⵙ ⵓⴼⵉⵍⵎ ⵏ ⵉⵟⵟⵓ, ⴰⴼⵉⵍⵎ ⴰⴷ, ⴰⴷ ⴰⴽⴽⵯ ⵉⵣⵡⴰⵔⵏ ⵉⵙ ⴷ ⵉⴼⴼⴰⵖ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴰⵔ ⵉⵙⴰⵡⴰⵍ ⵙ ⵜⴰⵏⵜⴰⵍⴰ ⵏ ⵜⴰⵛⵍⵃⵉⵜ, ⴰⵙⵓⵍⴼ ⵏ ⵓⴼⵉⵍⵎ ⴰⴷ ⵉⵍⵍⴰ ⴳ ⵉⴷⵔⴰⵔⵏ ⵏ ⵡⴰⵟⵍⴰⵚ ⵎⵇⵇⵓⵔⵏ, ⵉⵎⵙⵙⵓⴼⴰⵖ ⵏⵏⵙ ⴳⴰⵏ ⵜⵏ: ⵊⵓⵏ ⴱⵉⵏⵡⴰ ⵍⵉⴼⵉ, ⵎⴰⵕⵉ ⵉⴱⵛⵜⴰⵢⵏ ⴷ ⵄⴱⴷⵍⵍⴰⵀ ⴰⴳⵍⴰⵡⵡⵓ. ⴰⴼⵉⵍⵎ ⴰⴷ ⵉⴳⴰ ⵜⴰⵢⴰⴼⵓⵜ ⵏ ⵓⵎⵢⴰⵡⴰⵙ ⵉⵏⴳⵔ ⵉⴼⵕⴰⵏⵚⵉⵚⵏ ⴷ ⵉⵎⴰⵣⵉⵖⵏ ⵏ ⵍⵎⵖⵔⵉⴱ.
ⵜⵓⴷⴷⵎⴰ ⵏⵏⵖ ⴰⵙⵏⵜⵉ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⴳ ⵜⵎⴰⵣⵉⵔⵜ ⵏ ⵙⵓⵙ ⵜⵍⵍⴰ ⴳ ⵓⵙⴳⴳⵯⴰⵙ ⵏ 1934 ⵙ ⵓⴼⵉⵍⵎ ⵍⵍⵉ ⴰⴽⴽⵯ ⵉⵣⵡⴰⵔⵏ ⵙ ⵜⴰⵏⵜⴰⵍⴰ ⵜⴰⵛⵍⵃⵉⵜ; ⴰⴷ ⵜ ⵉⴳⴰⵏ ⴷ ⵍⴼⵉⵍⵎ ⵏ "ⵉⵟⵟⵓ", ⵉⴼⴼⴰⵖ ⴷ ⵓⴼⵉⵍⵎ ⴰⴷ ⵙ ⵓⵎⵢⴰⵡⴰⵙ ⵏ ⵉⵎⴰⵣⵉⵖⵏ ⴷ ⵉⵕⵓⵎⵉⵢⵏ, ⵎⴰⵔⵉ ⵉⴱⵛⵜⴰⵢⵏ ⴷ ⵊⵓⵏ ⴱⵉⵏⵡⴰ ⵍⵉⴼⵉ , ⵉⵜⵜⵓⵙⵙⵓⵍⴼ ⵓⴼⵉⵍⵎ ⴰⴷ ⴳ ⵜⵎⴷⵉⵏⵜ ⵏ ⵜⴰⵍⵉⵡⵉⵏ ⴷ ⵜⵙⴳⴳⵉⵡⵉⵏ ⵏⵏⵙ. ⵉⵍⵎⵎⴰ ⴳ ⵓⵙⴳⴳⵯⴰⵙ ⵏ 1989 ⵉⴼⴼⴰⵖ ⴷ ⵓⴼⵉⵍⵎ ⵏ " ⵜⴰⵎⵖⴰⵔⵜ ⵏ ⵡⵓⵔⵖ " ⵍⵍⵉ ⴷ ⵉⵙⵙⵓⴼⵖ ⵙⵙⵉ ⵃⴰⵙⴰⵏ ⴱⵉⵢⵣⴳⴰⵔⵏ (ⵉⴹⴼⴰⵕ ⵜ ⵓⴼⵉⵍⵎ ⵏ ⵜⴳⵉⴳⵉⵍⵜ ⴳ ⵓⵙⴳⴳⵯⴰⵙ ⵏ 1993), ⴰⵡⵙⵏ ⴳⵉⵙ ⴽⵉⴳⴰⵏ ⵏ ⵉⵏⵓⵥⴰⵕ ⵉⵎⴰⵣⵉⵖⵏ. ⵉⵙⴰⵡⵍ ⴷ ⵓⴼⵉⵍⵎ ⴰⴷ ⵅⴼ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ ⴳⵉⵙⵏ ⵜⴰⵎⴰⴳⵉⵜ ⴷ ⵡⴰⴽⴰⵍ ⴷ ⵡⴰⴷⴷⵓⵔ. ⵉⴹⴼⴰⵕ ⵜ ⵉⴷ ⵏⵉⵜ ⴳ ⵓⵙⴳⴳⵯⴰⵙ ⵏ 1993 ⴰⴼⵉⵍⵎ ⵍⵍⵉ ⴰⴽⴽⵯ ⵉⵜⵜⴰⵡⵙⵙⵏⵏ ⴳ ⵙⵙⵉⵏⵉⵎⴰ ⵜⴰⵛⵍⵃⵉⵜ ⴷ ⵜⵎⴰⵣⵉⵖⵜ, ⴰⴷ ⵜ ⵉⴳⴰⵏ ⴷ ⵓⴼⵉⵍⵎ ⵏ " ⴱⵓⵜⴼⵓⵏⴰⵙⵜ " ⵍⵍⵉ ⵉⵙⴽⵔⵏ ⵢⴰⵜ ⵜⴳⵔⴰⵡⵍⴰ ⵎⵇⵇⵓⵔⵏ ⴳ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⵙ ⵓⵎⵢⴰⵡⴰⵙ ⵏ ⵎⵓⵃⴰⵎⵎⴰⴷ ⴰⴱⴰⵄⵎⵕⴰⵏ ⴷ ⵍⵃⵓⵙⴰⵢⵏ ⵉⴱⵓⴽⴰ. ⵉⴹⴼⴰⵕ ⵜ ⵉⴷ ⵓⵍⴰ ⵏⵜⵜⴰ ⵓⴼⵉⵍⵎ ⵏ " ⴳⴰⵔ ⵜⵉⵎⵖⴰⵔⵉⵏ ", ⵄⴰⴷ ⴰⴷ ⴷ ⴰⵛⴽⵉⵏ ⴽⵉⴳⴰⵏ ⵏ ⵉⴼⵉⵍⵎⵏ ⵢⴰⴹⵏⵉ.
ⵎⴰ ⵜⴳⴰ ⵡⵉⴽⵉⴱⵉⴷⵢⴰ?
ⵡⵉⴽⵉⴱⵉⴷⵢⴰ ⵏⵖ ⵡⵉⴽⵉⵒⵉⴷⵢⴰ (Wikipedia ⵙ ⵜⵏⴳⵍⵉⵣⵜ) ⴷ ⵢⴰⵏ ⵓⵙⵏⴼⴰⵔ ⵏ ⵜⴳⵔⵓⵎⵙⵏⴰ ⵜⴰⵖⵣⵓⵔⴰⵏⵜ ⵜⴰⴳⵜⵓⵜⵍⴰⵢⵜ (291 ⵏ ⵜⵓⵜⵍⴰⵢⵉⵏ ⴳ ⵡⴰⵎⵎⴰⵙ ⵏ 2015). ⵡⵉⴽⵉⴱⵉⴷⵢⴰ ⵉⴳⴰ ⵢⴰⵏ ⵙⴳ ⵎⵔⴰⵡ ⵡⴰⵏⵙⵉⵡⵏ ⴰⴽⴽⵯ ⵉⵜⵜⵡⴰⵙⵙⵏⵏ ⴳ ⵡⴰⵏⵜⵉⵔⵏⵉⵜ. ⵉⵙⵏⴼⵍⵓⵍ ⵜⵜ ⵊⵉⵎⵉ ⵡⵉⵍⵣ ⴷ ⵍⴰⵔⵉ ⵙⴰⵏⴳⵔ ⴰⵙⵙ ⵏ 15 ⵉⵏⵏⴰⵢⵔ 2001. ⴷ ⵙⴰⵏⵊⵔ ⴰⴷ ⴰⵙ ⵉⴼⴽⴰⵏ ⵉⵙⵎ ⴰⴷ, ⵉⵙⵎ ⴰⴷ ⵏ ⵡⵉⴽⵉⴱⵉⴷⵢⴰ ⵉⴱⴹⴰ ⵖⴼ ⵙⵏⴰⵜ ⵜⴳⵓⵔⵉⵡⵉⵏ, "ⵡⵉⴽⵉ" ⵙ ⵓⵏⴰⵎⴽ ⵏ ⴱⵣⵔⴱⴰ ⵙ ⵓⵏⴰⵎⴽ ⵏ ⴷⴰ ⴷⵉⴳⵙ ⵜⴻⵜⵜⴰⴼⴰⴷ ⵓⵎⵍⴰⵏ ⴷⵖⵢⴰ, ⴷ "ⴱⵉⴷⵢⴰ" ⵍⵍⵉ ⴷ ⵉⴽⴽⴰⵏ ⵜⴳⵓⵔⵉ ⵏ "encyclopedia". ⵍⵍⵉⴳ ⵃⵔⴰ ⵜⵙⵙⵏⵜⵉ ⵜⴽⴽⴰ ⵜⵜ ⵉⵏⵏ ⵖⴰⵙ ⵙ ⵜⵓⵜⵍⴰⵢⵜ ⵜⴰⵏⴳⵍⵉⵣⵜ, ⵎⴰⵛⴰ ⴷⵖⵢⴰ ⵙ ⵍⵍⵉⴳ ⴷ ⴷⵉⴳⵙ ⵓⵎⴰⵏⵏⵜ ⵜⵓⵜⵍⴰⵢⵉⵏ ⵢⴰⴹⵏ. ⵖⵉⵍⴰⴷ ⵍⵍⴰⵏⵜ ⵓⴳⴳⴰⵔ ⵏ 300 (ⴽⵕⴰⴹⵜ ⵜⵎⴰⴹ) ⵏ ⵉⴷ ⵡⵉⴽⵉⴱⵉⴷⵢⴰ, ⵜⵉⵏ ⵜⵏⴳⵍⵉⵣⵜ ⴰⴷ ⴰⴽⴽⵯ ⴷⵉⴳⵙⵏⵜ ⵉⵎⵇⵇⵓⵔⵏ ⴷ ⵜⵟⵟⴰⴼ ⵓⴳⴳⴰⵔ ⵏ 7 ⵏ ⵉⴷ ⵎⵍⵢⵓⵏ ⵏ ⵉⵎⴰⴳⵔⴰⴷⵏ. ⴳ ⵉⴷ ⵡⵉⴽⵉⴱⵉⴷⵢⴰ ⴰⴽⴽⵯ, ⵍⵍⴰⵏ ⴽⵔⴰ ⵏ 40 (ⴽⵓⵎⵔⴰⵡ) ⵉⴷ ⵎⵍⵢⵓⵏ ⵏ ⵉⵎⴳⵔⴰⴷⵏ ⵙ 300 (ⴽⵕⴰⴹⵜ ⵜⵎⴰⴹ) ⵏ ⵜⵓⵜⵍⴰⵢⵉⵏ. ⴳ ⴱⵕⴰⵢⵕ 2014 (ⵙⵉⵏ ⵉⴼⴹⵏ ⴷ ⴽⴽⵓⵥ ⴷ ⵎⵔⴰⵡ) ⵜⴻⵜⵜⵓⵢⵥⵕⴰ ⵡⵉⴽⵉⴱⵉⴷⵢⴰ ⴽⵔⴰ ⵏ 18 ⵉⴷ ⵎⵍⵢⴰⵔ ⵏ ⵜⴽⴽⴰⵍ ⴷ ⴽⵔⴰ ⵏ 500 ⵉⴷ ⵎⵍⵢⵓⵏ ⵏ ⵉⵔⴳⴰⴱⵏ ⴽⵔⴰⵢⴳⴰⵜⵜ ⴰⵢⵢⵓⵔ.
ⵉⵏⵖⵎⵉⵙⵏ
- ⵢⵓⵡⵉ ⵓⵎⴰⵙⵙⴰⵏ ⴰⵎⵓⵙⵏⴰⴽⵜ ⴰⵍⵉⵎⴰⵏ ⴳⵉⵔⴷ ⴼⴰⵍⵜⵉⵏⴳⵣ (ⴷⴳ ⵜⵡⵍⴰⴼⵜ) ⵜⴰⵙⵎⵖⵓⵔⵜ ⵏ ⵡⴰⴱⵉⵍ ⵉ ⵓⵙⴳⴳⵯⴰⵙ ⵏ 2026.
Frameless - ⵜⵖⵜⵙ ⵜⵙⵇⵇⵉⵎⵜ ⵏ ⵡⴰⵍⴰⵙ "ⴼⵉⴼⴰ" ⵙ ⵜⵕⵥⵉ ⵏ ⵜⵔⴰⴱⴱⵓⵜ ⵏ ⵙⵉⵏⵉⴳⴰⵍ ⵙ 3 - 0 ⵎⵏⵉⴷ ⵏ ⵜⵔⴰⴱⴱⵓⵜ ⵏ ⵍⵎⵖⵔⵉⴱ ⴳ ⵜⵙⵎⵓⵔⴰⵏⵜ ⵏ "ⴽⴰⵏ 2025" ⵙ ⵓⵙⵔⴰⴳ ⵏ ⵓⵡⵅⵔ ⵏⵏⵙ.
- ⵜⴰⵎⵜⵜⴰⵏⵜ ⵏ ⵓⴳⴳⴰⵔ ⵏ ⵜⵎⵉⴹⵉ ⴷ ⴽⵓⵎⵔⴰⵡ ⵏ ⵡⵓⴳⴳⵉⴷ ⴳ ⵢⴰⵏ ⵓⵙⵓⴳⵉ ⴰⴳⵏⵏⴰⵡ ⵖⴼ ⵢⴰⵏ ⵓⵙⴳⵏⴰⴼ ⴳ ⴽⴰⴱⵓⵍ ⴳ ⵓⴼⵖⴰⵏⵉⵙⵜⴰⵏ.
- ⴰⴼⵉⵍⵎ ⵏ "ⵉⵎⵏⵖⵉ ⵜⴰⵎⴰ ⵏ ⵢⴰⵏ" ⵢⵓⵡⵉ ⵚⴹⵉⵚⵜ ⵜⵙⵎⵖⵓⵔⵉⵏ ⵏ ⵓⵙⴽⴰⵔ ⴳ ⵜⴼⵓⴳⵍⴰ ⵜⵉⵙ ⵜⵥⴰⵎⵔⴰⵡ ⴷ ⵜⴰⵎ, ⵢⵓⵎⴰⵏ ⵓⵢⴰ ⵜⴰⵙⵎⵖⵓⵔⵜ ⵏ ⵓⴼⵉⵍⵎ ⴰⵎⵓⴼⴰⵢ ⴷ ⵓⵎⵙⵙⵓⴼⵖ ⴰⵎⵓⴼⴰⵢ ⵉ ⴱⵓⵍ ⵜⵓⵎⴰⵙ ⴰⵏⴷⵔⵙⵓⵏ.
- ⵜⵎⴷ ⵜⴱⵔⵣⴰ ⵏ ⵓⴽⵍⴰⵙⵉⴽⵓ ⴰⵎⴰⴹⵍⴰⵏ ⵏ ⴱⵉⵢⵙⴱⵓⵍ ⵜⵉⵍⴰⵍⵉⵏ ⵏⵏⵙ ⵙ ⵜⵔⵏⴰⵡⵜ ⵏ ⴼⵉⵏⵣⵡⵉⵍⴰ ⵖⴼ ⵉⵡⴰⵏⴽⵏ ⵉⵎⵓⵏⵏ ⴳ ⵜⵎⵏⵢⵓⴳⴰⵔⵜ ⵜⴰⵎⴳⴳⴰⵔⵓⵜ (ⵎⴰⵢⴽⵍ ⴳⴰⵔⵙⵢⴰ ⵉⴳⴰ ⴰⵎⵓⵔⴰⵔ ⴰⴽⴽⵯ ⵉⵍⴰⵏ ⴰⵜⵉⴳ ⴳ ⵜⴱⵔⵣⴰ).
- ⵉⵏⴳⴰⵢⵏ ⴳ ⴽⵉⵏⵢⴰ ⵙⵔⴳⵏ ⴳ ⵜⵎⵜⵜⴰⵏⵜ ⵏ ⵎⴰⴷ ⵉⵜⵜⴳⴳⴰⵏ 43 ⵏ ⵓⵎⵜⵜⵉⵏ.
ⴰⵎ ⵡⴰⵙⵙ ⴰⴷ
- 1939 - ⵜⵉⵔⵉⵔⵉⵜ ⵏ ⵜⵎⴰⵥⵓⵏⵜ ⵜⴰⵚⴱⵍⵢⵓⵏⵜ ⵎⴰⴷⵔⵉⴷ ⵉ ⵓⵙⵔⴷⴰⵙ ⵏ ⵉⵖⵡⵡⴰⵖⵏ ⵙ ⵜⵏⵙⵙⵉⵅⴼⵜ ⵏ ⵊⵉⵏⵉⵔⴰⵍ ⴼⵔⴰⵏⵙⵉⵙⴽⵓ ⴼⵔⴰⵏⴽⵓ (ⴷⴳ ⵜⵡⵍⴰⴼⵜ), ⴹⴰⵕⵜ ⵏ ⵢⴰⵜ ⵜⴼⵔⴳⵉ ⵏⵏⴰ ⵉⴽⴽⴰⵏ ⵓⴳⴳⴰⵔ ⵏ ⵙⵉⵏ ⵉⵙⴳⴳⵯⴰⵙⵏ.
- 1962 - ⴰⴽⴽⵛⵜⵓ ⴰⵙⵔⴷⴰⵙ ⴳ ⵙⵓⵔⵢⴰ ⵙ ⵜⵏⵙⵙⵉⵅⴼⵜ ⵏ ⵄⴱⴷⵍⴽⵔⵉⵎ ⴰⵏⵏⵃⵍⴰⵡⵉ ⵎⴳⴰⵍ ⵜⴰⵏⴱⴰⴹⵜ ⵏ ⵎⵄⵔⵓⴼ ⴰⴷⴷⵡⴰⵍⵉⴱⵉ.
- 2007 - ⵉⵕⵉⵕⴹ ⵏ ⵓⵎⵜⵉⵡⴳ "4 ⵓⵔⵙⴰ ⵎⴰⵊⵓⵔⵉⵙ ⴱ" (4 Ursae Majoris b).
- 2009 - ⵜⵉⵏⵖⵉ ⵏ ⵓⵏⵙⵙⵉⵅⴼ ⴰⵛⵉⵛⴰⵏ ⵙⴰⵍⵉⵎ ⵢⴰⵎⴰⴷⴰⵢⵉⴼ ⴳ ⴷⵓⴱⴰⵢ.
ⵉⵙ ⵜⵙⵙⵏⴷ?
- ... ⵎⴰⵙ ⴷ ⴳ ⵓⵙⴳⴳⵯⴰⵙ 2017, ⵜⵜⵢⵓⴼⴰⵏ ⵉⵙⴰⴳⵓⵔⵏ ⵏ ⵓⴼⴳⴰⵏ ⴰⵎⵏⵏⴳⵔⵉ (Homo sapiens) ⴳ ⵓⴷⵖⴰⵔ ⵏ ⵓⴷⵔⴰⵔ ⵏ ⵢⵉⵖⵓⴷ (ⵏⵏⴰ ⵢⴰⵥⵏ ⵉ ⵢⵓⵙⵓⴼⵉⵢⵢⴰ ⴳ ⵍⵎⵖⵔⵉⴱ), ⵢⴰⵖⵓⵍ ⵓⵎⵣⵔⵓⵢ ⵏⵏⵙⵏ ⵖⵔ 300 ⵏ ⵢⵉⴼⴹ ⵏ ⵓⵙⴳⴳⵯⴰⵙ?
- ...ⵉⵙⵎ ⵏ ⴰⵍ ⴰⵏⴷⴰⵍⵓⵙ ⵉⴽⴽⴰ ⴷ ⵉⵙⵎ ⴰⵎⴰⵣⵉⵖ ⵉⵏⴷⵍⴰⵙ (ⵙ ⵜⴰⵄⵕⴰⴱⵜ الاندلس)?
- ...ⴰⴳⵍⵍⵉⴷ ⴰⵎⴳⴳⴰⵔⵓ ⵏ ⵉⵏⴷⵍⴰⵙ ⵉⴳⴰ ⴰⵎⴰⵣⵉⵖ ⵉⵙⵎ ⵏⵏⵙ ⵄⴱⴷⵍⵍⴰⵀ ⴱⵏ ⴱⵍⵇⵉⵏ ⴰⵥⵏⴰⴳ?
- ... ⵎⴰⵙ ⴷ ⵜⴰⵙⵓⴼⵢⴰⵜⵉⵜ ⴼⴰⵍⵏⵜⵉⵏⴰ ⵜⵔⵉⵛⴽⵓⴼⴰ ⵜⴳⴰ ⵜⴰⵎⵖⴰⵔⵜ ⵜⴰⵎⵣⵡⴰⵔⵓⵜ ⵏⵏⴰ ⴷ ⵉⴽⴽⴰⵏ ⴰⵙⴰⵢⵔⴰⵔ?
- ... ⵎⴰⵙ ⴷ ⵎⴰⵔⵉ ⴽⵓⵔⵉ ⵜⴳⴰ ⵜⴰⵎⵣⵡⴰⵔⵓⵜ ⵏⵏⴰ ⵢⵓⵡⵉⵏ ⵙⵏⴰⵜ ⵜⵙⵎⵖⵓⵔⵉⵏ ⵏ ⵏⵓⴱⵍ, ⵢⴰⵜ ⴳ ⵜⵙⵏⴳⴰⵎⴰ ⴳ ⵓⵙⴳⴳⵯⴰⵙ 1903 ⴷ ⵜⴰⵢⵢⴰⴹ ⴳ ⵜⴽⵔⵓⵔⴰ ⴳ ⵓⵙⴳⴳⵯⴰⵙ 1911?
- ... ⵎⴰⵙ ⴷ ⵉⴳⵯⴱⴱⴰⵢⵏ ⵉⴱⵔⴽⴰⵏⵏ ⵉⴱⵔⵙⴰⴽⴰⵢⵏ ⵍⵍⴰⵏ ⴳ ⵓⵎⴰⵜⴰ ⵏ ⵡⴰⵎⵎⴰⵙⵏ ⵏ ⵉⵎⴰⵣⵍⵍⴰⵡⵏ?
- ... ⵎⴰⵙ ⴷ ⵜⴰⵙⴷⴰⵡⵉⵜ ⵏ ⵍⵇⴰⵕⴰⵡⵉⵢⵢⵉⵏ ⵓⵔ ⵜⴳⵉ ⵖⴰⵙ ⵜⴰⵙⴷⴰⵡⵉⵜ ⵍⵍⵉ ⴰⴽⴽⵯ ⵉⵇⴱⵓⵔⵏ, ⵎⴰⵛⴰ ⵜⴳⴰ ⵜⴰⵎⵔⵙⵍⵜ ⵜⴰⵎⵣⵡⴰⵔⵓⵜ ⴳ ⵓⵎⵣⵔⵓⵢ ⵏⵏⴰ ⵉⵙⵏⵓⵍⴼⴰⵏ ⴰⵔⵎⵎⵓⵙ ⵏ "ⵜⵓⵔⴰⴳⵜ ⵜⵓⵙⵙⵏⴰⵏⵜ" (ⴰⵙⵍⴽⵉⵏ ⴰⵙⴷⴰⵡⴰⵏ) ⵏⵏⴰ ⵉⵜⵜⴰⴷⵊⴰⵏ ⴱⴰⴱ ⵏⵏⵙ ⴰⴷ ⵉⵙⵏⵙⵉ/ⵉⵎⵎⵙⴽⵔ ⵢⴰⵜ ⵜⴰⵣⵣⵓⵍⵜ ⵏⵖ ⴰⵙⵙⵍⵎⴷ, ⵉⴳ ⵢⴰⵏ ⵓⵏⴳⵔⴰⵡ ⵏⵏⴰ ⴳ ⵏⵏ ⵜⵓⴳⵎ ⵜⵓⵕⵓⴱⵜ ⴹⴰⵕⵜ ⵏ ⵓⵢⴰ?
- ... ⵎⴰⵙ ⴷ ⵜⵉⵖⵔⵎⵜ ⵏ ⵡⴰⵔⵣⴰⵣⴰⵜ ⵓⵔ ⴷⴰ ⵜⵙⵏⵓⴱⵓⴳ ⵖⴰⵙ ⵉⴼⵉⵍⵎⵏ, ⵎⴰⵛⴰ ⵜⴳⴰ ⴰⴷⵖⴰⵔ ⵍⵍⵉ ⴳ ⵜⴻⵜⵜⵓⵙⵓⵍⴼⵏⵜ ⵜⵓⴳⴷⵜ ⵏ ⵜⴹⵓⵍⴰⵚ ⵜⵉⵎⵣⵔⵓⵢⴰⵏⵉⵏ ⵜⵉⵎⴰⴹⵍⴰⵏⵉⵏ ⴰⴽⴽⵯ ⵉⵅⴰⵜⴰⵔⵏ ⵣⵓⵏ ⴷ Gladiator ⴷ Kingdom of Heaven, ⴰⵍⵍⵉⴳ ⴷⴰ ⵜⵜⴰⵏⵏⴰⵢⵏ ⵉⵎⵙⵙⵓⴼⵖⵏ ⵉⵎⴰⴹⵍⴰⵏⵏ ⵎⴰⵙ ⴷ ⵜⵉⴼⴰⵡⵜ ⵏ ⵜⴰⴼⵓⴽⵜ ⴷⵉⴳⵙ ⵜⴳⴰ "ⵜⴰⵎⵓⴼⴰⵢⵜ ⵙ ⵡⵓⴷⵎ ⴰⵙⵉⵏⵉⵎⴰⵢ" ⴳ ⵓⵎⴰⴹⴰⵍ?
ⵉⵎⵉⴷⵉ ⴳ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ
| ⴰⴷ ⵓⵔ ⵜⴰⵔⵉⴷ: ⵜⴰⴷⴷⴰⵔⵜ ⴰⵣⴳⴳⵯⴰⵖ. ⵎⴰⵛⴰ ⴰⵔⴰ: ⵜⴰⴷⴷⴰⵔⵜ ⵜⴰⵣⴳⴳⵯⴰⵖⵜ. ⴰⵛⴽⵓ: ⴰⴼⵔⵉⵙ ⴷⴰ ⵉⵜⵜⵎⵙⴰⵙⴰ ⴰⴽⴷ ⵢⵉⵙⵎ ⴳ ⵡⴰⵏⴰⵡ ⴷ ⵓⵎⴹⴰⵏ. |
ⴰⵎⵏⵏⵉ ⴰⵎⴰⵢⵏⵓ
ⵡⵉⴽⵉⴱⵉⴷⵢⴰ ⵜⴰⵎⴰⵣⵉⵖⵜ ⴷⵉⴳⵙ 12 199 ⵏ ⵓⵎⴰⴳⵔⴰⴷ, ⴰⵢⴰⵏⵏ ⴰ ⵖⴼ ⵉⵣⵎⵔ ⴰⴷ ⵢⵉⵍⵉ ⵓⵎⴰⴳⵔⴰⴷ ⵏⵏⴰ ⵜⵔⵉⴷ ⴰⴷ ⵜ ⵜⴰⵔⴰⴷ. ⵉⴳ ⵜⵔⵉⴷ ⴰⴷ ⵜⵉⵙⵙⴰⵏⴷ ⵉⵙ ⵉⵍⵍⴰ ⵓⵎⴰⴳⵔⴰⴷ ⵏⵏⴰ ⵜⵔⵉⴷ ⴰⴷ ⵜ ⵜⴰⵔⴰⴷ (ⵉⵖⵢ ⴰⴷ ⵢⵉⵍⵉ ⵙ ⵢⵉⵙⵎ ⵢⴰⴹⵏⵉⵏ) ⵏⵖ ⴷ ⵓⵀⵓ, ⵙⵙⵎⵔⵙ ⵜⴰⵙⵏⴰ ⵏ ⵓⵔⵣⵣⵓ. ⵉⴳ ⵓⵔ ⵉⵍⵍⵉ, ⴰⵔⴰ ⵉⵙⵎ ⵏ ⵓⵎⴰⴳⵔⴰⴷ ⴳ ⵜⴼⵏⵉⵇⵜ ⵏ ⵉⵣⴷⴷⴰⵔ, ⴰⴷ ⵉⵍⵎⵎⴰ ⵜⴹⴼⴰⵕⴷ ⵉⵙⵡⴰⵍⴰⵜⵏ ⵏⵏⴰ ⵉⵜⵜⵢⴰⵡⴼⴽⴰⵏ ⴳ ⵓⴼⵍⵍⴰ ⵏ ⵜⵙⵏⴰ ⵏ ⵜⵥⵕⵉⴳⵜ.
ⵉⵙⵏⵜⴰⵢⵏ ⴰⵢⵜⵎⴰⵜⵏ
ⵡⵉⴽⵉⵎⴰⵡⴰⵍ ⵏ ⵜⵎⴰⵣⵉⵖⵜ ⵜⴰⵏⴰⵡⴰⵢⵜ ⵎⵙⵎⵓⵏ ⴰⵡⴰⵍ ⵉⵍⴻⵍⵍⵉ
ⵡⵉⴽⵉⴱⵉⴷⵢⴰ ⵜⴰⵛⵍⵃⵉⵜ ⴰⵙⴰⵎⵓ ⵉⵍⴻⵍⵍⵉ ⵡⵉⴽⵉⴱⵉⴷⵢⴰ ⵜⴰⵇⴱⴰⵢⵍⵉⵜ ⵜⴰⵙⴰⵏⴰⵢⵜ ⵜⵉⵍⴻⵍⵍⵉⵜ ⵡⵉⴽⵉⵎⴰⵡⴰⵍ ⴰⵛⴰⵡⵉ ⵎⵙⵎⵓⵏ ⴰⵡⴰⵍ ⵉⵍⴻⵍⵍⵉ
ⴰⵍⴰⵏⴳⵡⴰ ⵍⵉⴱⵔⵉ ⴰⵙⵜⵓⴷⵢⵓ ⵏ ⵓⵙⵓⵙⵔ
ⵡⵉⴽⵉⵎⵉⴷⵢⴰ ⴽⴰⵎⵏⵣ ⴰⵏⴳⵔⴰⵡ ⵏ ⵉⵙⴼⴽⴰ ⵏ ⵜⴰⴳⵜⵎⵉⴷⵢⴰ
ⵎⵉⴷⵢⴰⵡⵉⴽⵉ ⴰⵙⵏⴼⴰⵔ ⵏ ⵉⵖⴰⵡⴰⵙⵏ ⵉⵡⵉⴽⵉⵜⵏ
ⵎⵉⵜⴰⵡⵉⴽⵉ ⴰⵎⵢⴰⵡⴰⵙ ⵅⴼ ⵉⵙⵏⴼⴰⵔⵏ ⵏ ⵡⵉⴽⵉⵎⵉⴷⵢⴰ
ⵡⵉⴽⵉⴷⵍⵉⵙⵏ ⴰⴳⵓⴷⵉ ⵏ ⵉⴷⵍⵉⵙⵏ ⴷ ⵉⴹⵕⵉⵚⵏ ⵉⴱⵉⴷⴰⴳⵓⵊⵉⵢⵏ
ⵡⵉⴽⵉⵙⴼⴽⴰ ⵜⴰⵙⵉⵍⴰ ⵏ ⵉⵙⴼⴽⴰ ⵉⵍⴻⵍⵍⵉⵢⵏ
ⵡⵉⴽⵉⵏⵖⵎⵉⵙⵏ ⴰⵙⵉⵜ ⵉⵍⴻⵍⵍⵉ ⵏ ⵉⵏⵖⵎⵉⵙⵏ
ⵡⵉⴽⵉⴱⴷⴰⵔ ⵜⴰⴷⵍⴰ ⵏ ⵉⴱⴷⴰⵔⵏ
ⵡⵉⴽⵉⵙⴰⴳⵎ ⵜⴰⵙⴷⵍⵉⵙⵜ ⵏ ⵜⵓⵎⴰⵢⵜ ⵜⵉⵍⴻⵍⵍⵉⵜ
ⵡⵉⴽⵉⵏⴰⵡⵏ ⵜⴰⴷⵍⴰ ⵏ ⵡⴰⵏⴰⵡⵏ
ⵡⵉⴽⵉⵜⴰⵙⴷⴰⵡⵉⵜ ⵉⵎⴰⵙⵙⵏ ⵏ ⵓⵙⵍⵎⴷ ⵉⵍⴻⵍⵍⵉⵢⵏ
ⵡⵉⴽⵉⵎⵓⴷⴷⵓ ⴰⵎⴰⵏⴰⵔ ⵏ ⵓⵎⵓⴷⴷⵓ ⵉⵍⴻⵍⵍⵉ
