მთავარი გვერდი

ეს არის თავისუფალი ენციკლოპედიის ქართულენოვანი პროექტი

ამჟამად ქართულ ენაზე
ხელმისაწვდომია 201 021 სტატია.

გეოგრაფია · ისტორია · მეცნიერება · რელიგია · საზოგადოება · სამართალი · სპორტი · ხელოვნება · საქართველო

მეგზური · ხშირი შეკითხვები · ფორუმი · მოთხოვნილი სტატიები

რჩეული სტატია

მუსტაფა ქემალ ათათურქი, თურქი ფელდმარშალი, რევოლუციონერი სახელმწიფო მოღვაწე, მწერალი და თურქეთის რესპუბლიკის დამფუძნებელი მამა. ათათურქი 1923 წლიდან, რესპუბლიკის დაფუძნებიდან, 1938 წელს საკუთარ სიკვდილამდე, იყო თურქეთის პრეზიდენტი. მან გაატარა ყოვლისმომცველი პროგრესული რეფორმები, რამაც თურქეთი გარდაქმნა სეკულარულ და ინდუსტრიალიზებულ სახელმწიფოდ. მისი სეკულარისტული და ნაციონალისტური პოლიტიკა და სოციალისტურ-პოლიტიკური თეორია ქემალიზმის სახელით გახდა ცნობილი. თავისი სამხედრო და პოლიტიკური მიღწევების გამო, ათათურქი XX საუკუნის ერთ-ერთ ყველაზე მნიშვნელოვან პოლიტიკურ ლიდერად ითვლება. ათათურქი ცნობილი გახდა პირველი მსოფლიო ომის დროს, გალიპოლის ბრძოლაში (1915) ოსმალეთის იმპერიის გამარჯვების უზრუნველყოფის შემდეგ. ოსმალეთის იმპერიის დამარცხებისა და დაშლის შემდეგ, ის სათავეში ჩაუდგა თურქულ ეროვნულ მოძრაობას. მოძრაობა წინააღმდეგობას უწევდა მოკავშირეების მიერ თურქეთის დაყოფას ომში გამარჯვებულ მხარეებს შორის. თურქეთის დღევანდელ დედაქალაქში, ანკარაში დროებითი მთავრობის შექმნის შემდეგ მან დაამარცხა მოკავშირეების მიერ გაგზავნილი ძალები და ომში გაიმარჯვა. მოგვიანებით ამ მოვლენებს „თურქეთის ომი დამოუკიდებლობისთვის“ უწოდეს. შემდგომში ათათურქმა გააუქმა უკვე დაშლილი ოსმალეთის იმპერია და მის ნაცვლად გამოაცხადა თურქეთის რესპუბლიკის დაარსების შესახებ. ახლად ჩამოყალიბებული თურქეთის რესპუბლიკის პრეზიდენტის ამპლუაში, ათათურქმა წამოიწყო პოლიტიკური, ეკონომიკური და კულტურული რეფორმების მკაცრი პროგრამა, რომლის საბოლოო მიზანი იყო თანამედროვე, პროგრესული და სეკულარული ეროვნული სახელმწიფოს აშენება. მან დაწყებითი განათლება უფასო და სავალდებულო გახადა და ათასობით ახალი სკოლა გახსნა ქვეყნის მასშტაბით. ასევე შემოიღო ლათინურ ენაზე დაფუძნებული თურქული ანბანი, რომელმაც ჩაანაცვლა ძველი ოსმალურის თურქული ანბანი. ათათურქის პრეზიდენტობის დროს თურქმა ქალებმა თანაბარი სამოქალაქო და პოლიტიკური უფლებები მიიღეს. კერძოდ, №1580 კანონის საფუძველზე 1930 წლის 3 აპრილს ქალებს მიენიჭათ ხმის მიცემის უფლება ადგილობრივ არჩევნებზე და რამდენიმე წლის შემდეგ, 1934 წელს, სრული საყოველთაო ხმის უფლება მიიღეს.

სრულად...

კანდიდატები

სხვა რჩეული სტატიები

დღის სტატია

ირან-კონტრას სკანდალი (მეორე გავრცელებული სახელწოდებაა ირანგეიტი) — იყო პოლიტიკური სკანდალი, რომელსაც ადგილი ჰქონდა აშშ-ის პრეზიდენტის რონალდ რეიგანის მმართველობის ჟამს. სკანდალი გახმაურდა 1986 წლის ოქტომბერ-ნოემბერში. რეიგანის მთავრობას ბრალი ედებოდათ ირანზე იარაღის საიდუმლოდ მიყიდვიდან აღებული ფულით მემარჯვენე-ექსტრემისტული „კონტრას“ დაფინანსებაში, რომელთაც უნდა დაემხოთ სანდინისტური მთავრობა ნიკარაგუაში. ერთი მხრივ ეს დაფინანსება ეწინააღმდეგებოდა ამერიკის შეერთებული შტატების კონგრესის დადგენილებას და მეორე მხრივ ფული უნდა გამოეყენებინათ ლიბანში ამერიკელი მძევლების განთავისუფლებისათვის.

სტატიები

დღის სურათი

ნარინჯისფერზოლიანი ბალისტაპუსი (ლათ. Balistapus undulatus). წითელი ზღვა, ეგვიპტე.

რჩეული სურათები

სიახლეები

ნობელის პრემიის ლაურეატი მშვიდობის განმტკიცებაში სამხრეთაფრიკელი ნავი პილეი (სურათზე) გახდა.
სერბეთის პრეზიდენტი ალექსანდარ ვუჩიჩი გადადგა და მის მოვალეობას ეროვნული ასამბლეის პრეზიდენტი ანა ბრნაბიჩი ასრულებს.
ნორვეგიის მეფე ჰარალდ V 89 წლის ასაკში გარდაიცვალა და ტახტზე ჰოკონ VIII ავიდა.
ენდი ბერნემი გაერთიანებული სამეფოს პრემიერ-მინისტრი გახდა.
უნგრეთის პრეზიდენტი ტამაშ შუიოკი გადადგა და ქვეყნის მეთაურის მოვალეობას ეროვნული ასამბლეის სპიკერი აგნეს ფორსტჰოფერი ასრულებს.
კეიკო ფუხიმორი პერუს პრეზიდენტად აირჩიეს.

მიმდინარე: საქართველოს საპროტესტო აქციები; რუსეთის შეჭრა უკრაინაში; ისრაელ-ჰამასის ომი; ირან-ისრაელის ომი.

3 ნოემბერი — ამ დღეს...

*1793 : ფრანგ დრამატურგს, ჟურნალისტსა და აქტიურ ფემინისტ ოლიმპია დე გუჟს რევოლუციური იდეებისთვის გილიოტინაზე თავი მოკვეთეს.

1911 : შევროლე ავტომანქანების წარმოებას იწყებს და ფორდის მთავარი კონკურენტი ხდება.
1918 : ავსტრია-უნგრეთი ანტანტის ქვეყნებთან ზავს დებს; ჰაბსბურგის იმპერია იშლება.
1928 : თურქეთი არაბულიდან ლათინურ დამწერლობაზე გადადის.
1973 : ნასა კოსმოსში უშვებს მარინერ 10-ს — პირველი ხელოვნური აპარატი, რომელმაც პლანეტა მერკურს მიაღწია.
1986 : ირან-კონტრას სკანდალი — ლიბანური ჟურნალი აქვეყნებს მასალას აშშ-ის მიერ ირანისთვის იარაღის საიდუმლოდ მიყიდვის შესახებ, ბეირუთში ამერიკელი მძევლების განთავისუფლების სანაცვლოდ.
2009 : ჩეხეთის პრეზიდენტმა ვაცლავ კლაუსმა ხელი მოაწერა ლისაბონის ტრაქტატს, მას შემდეგ რაც ის დაამტკიცა კონსტიტუციურმა სასამართლომ, რითაც შესრულდა რატიფიკაციის პროცესის ბოლო ნაბიჯი ევროპის კავშირის მასშტაბით.
სხვა მოვლენები

იცით თუ არა, რომ?

ვიკიპედიის ახალი მასალებიდან:

ნორმან ეინჯელი არის ერთადერთი ნობელის პრემიის ლაურეატი, რომელმაც ჯილდო წიგნის გამოცემისთვის მოიპოვა.
იოანე II პირველი პაპი იყო, რომელმაც სახელი შეიცვალა პაპად არჩევის შემდეგ.
უილიამ პიტი (სურათზე) დიდი ბრიტანეთის ყველაზე ახალგაზრდა პრემიერ-მინისტრია, 1783 წელს თანამდებობის დაკავების მომენტში იგი 24 წლის იყო.
მეტამორფოზის ბოლო სტადიაზე (იმაგო) ერთდღიურები არ იკვებებიან და ცოცხლობენ ცოტა ხანს — რამდენიმე საათიდან ერთ ან რამდენიმე დღემდე.
ჰაიტის პრეზიდენტი ჟან-კლოდ დიუვალიე მსოფლიოში ყველაზე ახალგაზრდა პრეზიდენტად ითვლება, მან თანამდებობა 19 წლის ასაკში დაიკავა.
ზღვის მამლებს მკერდის წინა 3 სხივი თითისებრ გამონაზარდებად აქვთ გარდაქმნილი, რომელთა დახმარებითაც ფსკერზე ცოცავენ და საკვებს ეძებენ.
არქივი
მოგვაწოდეთ ფაქტი