Portada

Dámosche a benvida á Galipedia A enciclopedia libre que calquera pode editar	luns, 13 de xullo de 2026 Versión para móbiles

Nesta versión en galego, que comezou o 8 de marzo de 2003, xa temos 232 417 artigos.

Benvida COMOs Preguntas frecuentes Comunidade Políticas Artigos de calidade Axuda

Artigo destacado

Hugin e Munin son, na mitoloxía nórdica, un par de corvos asociados co deus Odín. Hugin e Munin viaxaban ao redor do mundo coñecido como Midgard escolmando as novas e recompilando información para Odín. Os datos sobre Hugin en Munin encóntranse nas Eddas, compilacións de poemas do século XIII, principais fontes do actual coñecemento da mitoloxía nórdica; na Edda en prosa e no Heimskringla, escritos no século XIII por Snorri Sturluson; no Terceiro Tratado Gramatical, compilado no século XIII por Óláfr Þórðarson; e na poesía dos escaldos.

Ambas as aves eran enviadas á alba a recoller información e regresaban pola tarde. Pousábanse nos ombreiros do deus e rumoreaban todas as noticias. O nome Hugin provén do nórdico antigo Huginn e significa "pensamento", mentres que Munin significaría en nórdico antigo "memoria" ou "mente".

Outros artigos destacados • Artigos de calidade

Sobre Galicia

Filomena Dato Muruais, nada en Ourense o 26 de xullo de 1856 e finada en Moruxo, Bergondo, o 26 de febreiro de 1926, foi unha poetisa galega do Rexurdimento (na segunda metade do século XIX). Viviu en Galicia toda a súa vida, participando en numerosos movementos e iniciativas de reivindicación da cultura galega e de liberación da estigmatización da muller. Amais de numerosas composicións en prensa, publicou cinco libros: catro en castelán e un en galego. Precisamente Follatos (1891), xunto a Cantares gallegos (1863) e Follas novas (1880) de Rosalía de Castro, foron os únicos libros en galego publicados por mulleres no século XIX, os tres de poesía.

Outros artigos destacados sobre Galicia • O mes de xullo na cultura popular galega

Tal día coma hoxe no ano...

1896, morre Kekulé, descubridor da estrutura do benceno.
1908, por primeira vez as mulleres compiten nos Xogos Olímpicos da Era Moderna.
1944, nace en Budapest o escultor e profesor de arquitectura Ernő Rubik, creador do cubo de Rubik (na imaxe).
1945, a primeira arma nuclear da historia (nome de código Trinity) é montada no deserto de Alamogordo (Novo México), dentro do Proxecto Manhattan.
1954, morre Frida Kahlo, pintora mexicana (n. 1907).

Máis efemérides do día de hoxe • Outras Efemérides destacadas

Imaxe do día

Evolución crono-xeográfica do territorio que recibiu o nome de Galicia, nas súas diferentes formas lingüísticas, ao longo do tempo.

Vexa o artigo historia de Galicia

Outras imaxes destacadas • Imaxes destacadas en Commons

Presentación

A Wikipedia é unha enciclopedia universal en liña multilingüe, colaborativa e gratuíta. O propósito da Wikipedia é fornecer un contido libre, obxectivo e verificable que todas as persoas poidan editar e mellorar.

O proxecto está baseado en cinco principios básicos, todo o contido está dispoñible baixo a licenza Creative Commons BY-SA e pode ser copiado e reutilizado baixo esta mesma licenza.

Benvida • Índice da Axuda

Participación

Podes consultar a Axuda e a Guía para obter máis información de como participar, nas que atoparás información de como comezar a colaborar, editar artigos e usar imaxes libres. En caso de dúbidas síntete libre de preguntar.

COMOs • Preguntas máis frecuentes

Comunidade

De acordo coas nosas estatísticas, temos un total de 171 912 contas de usuario rexistradas na Galipedia, e entre elas 389 estiveron activas durante o último mes. Todas as persoas que editan a Galipedia son voluntarias, integrando unha comunidade colaborativa e coordinando os esforzos por medio de proxectos temáticos e diversos espazos de conversa.

Portal da comunidade • Políticas e normas